QazAqparatqa úlken tabystar tileımin - «Kyodo News» prezıdenti
«Hanymdar men myrzalar, Sálemetsizder me?! Men Kyodo News prezıdenti Torý Mızýtanımin.
Kıodo atynan Qazaqstan Respýblıkasynyń «QazAqparat» halyqaralyq aqparat agenttigin 13 tamyz kúni qurylǵanyna 100 jyl tolýymen shyn júrekten quttyqtaımyn. QazAqparatqa aldaǵy jyldary úlken tabystar tileımin.
2020 jyly álemdi dúr silkindirgen jaǵdaı – koronavırýs pandemııasy oryn aldy. Bir ǵasyrda bir ret qaıtalanatyn bul qubylys áli kúnge deıin álem jańalyqtarynyń bas taqyrybyna aınalyp otyr. Men osy jazda Tokıoda ótken Olımpıada jáne Paralımpıada oıyndarynda qazaqstandyqtardy kóremin dep úmittengenmin. Sebebi olar osymen bir jylǵa keshiktirilgen edi, alaıda álemde mynadaı oqıǵa oryn aldy. Endigi jerde halyqaralyq qaýymdastyq koronavırýstyq daǵdarysty eńseredi degen úmitpen kelesi jylǵy kezdesýdi asyǵa kútemin.
Tsıfrlandyrý jahandyq masshtabta tez taralatyndyqtan óz kezeginde smartfondar usynatyn jańa da yńǵaıly quraldar paıdalanýshylarǵa úlken aqparat almasýǵa múmkindik berdi. Alaıda paıdasymen qatar zııany da birge júretindikten, jalǵan jańalyqtar sııaqty problemalardyń búkil álemde paıda bola bastaǵany da belgili. Osy tańda koronavırýstyq daǵdarys aqparattyq agenttikterdiń shynaıy jáne naqty jańalyqtardy tez jetkizýdegi qyzmeti men róli burynǵydan da mańyzdy ekendigin dáleldeı tústi.
Álemdik medıa ındýstrııa men jýrnalıstıkanyń odan ári damýyn kóremin degen úmitpen QazAqparatty 100 jyldyq mereıtoıymen quttyqtaǵanyma shyn júrekten qýanyshtymyn.
Nazarlaryńyzǵa raqmet!», - dedi Torý Mızýtanımin vıdeoquttyqtaýda.
