«QazAqparat» UK» AQ-da basqarma tóraǵasynyń jańa orynbasarlary taǵaıyndaldy
ASTANA. Jeltoqsannyń 1-i. QazAqparat - «QazAqparat» UK» AQ-da basqarma tóraǵasynyń jańa orynbasarlary taǵaıyndaldy. Olardy ujymǵa seısenbi kúni ótken jınalys barysynda «Arna-Medıa» Ulttyq aqparattyq holdıngi» AQ basqarma tóraǵasynyń orynbasary Qaısar Janahanov tanystyrdy.
Sonymen, basqarma tóraǵasynyń aqparat jáne shyǵarmashylyq jónindegi orynbasary qyzmetine Qalamqas Ábýova, al basqarma tóraǵasynyń ekonomıka jáne damý jónindegi orynbasary bolyp Batyrbek Baıys taǵaıyndaldy.
Buryn basqarma tóraǵasynyń ekonomıka jáne damý jónindegi orynbasary bolǵan Baǵdat Telebaı «Arna-Medıa» UAH» AQ-yna basqa jumysqa aýysýyna baılanysty qyzmetinen bosatyldy, al basqarma tóraǵasynyń aqparat jáne shyǵarmashylyq jónindegi orynbasary qyzmetin atqarǵan Kenjebolat Joldybaı «QazAqparat» UK» AQ basqarma tóraǵasynyń keńesshisi bolyp taǵaıyndaldy.
Budan basqa jınalys barysynda «QazAqparat» UK» AQ basqarma tóraǵasy Dáýren Dııarov ujymnyń jumysyn odan ári úılestirý jáne agenttiktiń bolashaqtaǵy josparlary týraly aıtyp ótti.
«Arna Medıa» Ulttyq aqparattyq holdıngi» aktsıonerlik qoǵamy 2008 jylǵy shildeniń 3-inde Qazaqstannyń memlekettik medıa-resýrstarynyń jumysyn ońtaılandyrý jáne respýblıkanyń aqparattyq keńistiginiń básekege qabilettiligin arttyrý úshin qurylǵan. Onyń quramyna jetekshi memlekettik tele- jáne radıokompanııalar, baspa jáne elektrondyq BAQ kiredi, olardyń arasynda «QazAqparat» UK» AQ da bar.
