QazAqparat TMD-daǵy bedeldi aqparat kóziniń birine aınaldy – CІM

NUR-SULTAN. QazAqparat - Qazaqstan Respýblıkasynyń Syrtqy ister Mınıstri Muhtar Tileýberdi «QazAqparat» Halyqaralyq aqparattyq agenttigin 100 jyldyq mereıtoıymen quttyqtady.

Mınıstr «QazAqparat» halyqaralyq aqparat agenttiginiń ujymyn 100 jyldyq mereıtoıymen quttyqtaı kele, «agenttik sonaý «QazTAG»-tan bastaý alyp, ózindik tarıhı jolyn keship, qazirgi tańda tek Qazaqstan aýmaǵynda emes, búkil TMD aýmaǵyndaǵy bedeldi aqparat kóziniń birine aınaldy», - dep atap ótti.

Onyń aıtýynsha, «QazAqparat» búginde oqyrmandar úshin elimizdiń barlyq syrtqy saıası bastamalarynyń, áleýmettik-ekonomıkalyq, mádenı-rýhanı damýynyń, sondaı-aq búkil álem jańalyqtarynyń shynaıy aınasy bolyp tabylady.
M.Tileýberdi Qazaqstannyń basty aqparat agenttiginde qyzmet etip júrgen ushqyr oı jáne júırik qalam ıelerine úlken yqylasy men qurmetin jetkize otyryp, ujymǵa shyǵarmashylyq tabys, qajymas qaırat, zor densaýlyq pen asqaq abyroı tiledi.