QazAqparat tilshisi jýrnalıster arasyndaǵy konkýrsta jeńimpaz atandy
ASTANA. QazAqparat - Búgin "Báıterek" halyqaralyq medıa ortalyǵynda Astana taqyrybyn úzdik dáriptegen jýrnalıster arasyndaǵy baıqaý jeńimpazdaryn saltanatty marapattaý rásimi ótti. Qazaqstan jýrnalıster kúni qarsańyndaǵy Astana qalasy ákimdigi jarııalaǵan shyǵarmashylyq baıqaý Astana kúnine arnalǵan merekelik sharalarmen tuspa-tus keldi.
"Qurmetti jýrnalıster, sizderdiń arý Astanamyz týraly jazǵan árbir maqalalaryńyz, jasaǵan árbir sıýjetterińiz myńdaǵan adamdardyń elorda týraly túsinigin keńeıte túsetini sózsiz. Sondyqtan osynaý kásibı merekelerińizdiń qarsańynda ózderińizge degen ystyq yqylasymyzdy bildirýdi jón dep kórdik", - dedi Astana qalalyq Іshki saıasat basqarmasy basshysynyń orynbasary Aqmaral Sábıt.
Aıta keteıik, atalymdar boıynsha baıqaý jumystaryn baǵalaý jáne jeńimpazdardy marapattaý memlekettik jáne orys tilderinde ótti. Baıqaý kezinde televızııa, baspasóz jáne elektrondy BAQ salasyndaǵy úzdik shyǵarmashylyq jumystar anyqtaldy. Sonymen birge fototilshiler men taspagerler de nazardan tys qalmady. Baıqaý jeńimpazdaryna Astana qalasy ákimdiginiń dıplomy men baǵaly syılyqtar tabystaldy.
Bul konkýrstyń mańyzdylyǵynyń bir parasy - "QazAqparat" halyqaralyq aqparat agenttiginiń tilshisi Jasulan Joldybaev ta úzdikter qatarynan tabylyp, ákimdiktiń alǵysyna ıe boldy.
