QazAqparat tilshisi jemqorlyqpen kúres týraly baıqaýda úzdik atandy

KÓKShETAÝ. QazAqparat - QazAqparat tilshisi Aqmola oblysynda jemqorlyqqa qarsy kúres baǵytynda jarııalanǵan baıqaýda úzdik atandy, dep habarlaıdy QazAqparat.

Baıqaýdy oblystyq ishki saıasat basqarmasy jáne Sybaılas jemqorlyqqa qarsy is-qımyl aýmaqtyq departamenti birlesip uıymdastyrdy.

Baıqaý qorytyndysy boıynsha «Úzdik televızııalyq jumys» atalymynda «Qazaqstan» RTRK AQ oblystyq fılıalynyń orys redaktsııasynyń shef-redaktory Sánııa Kópjasarova úzdik atandy. «Úzdik baspa basylymy» atalymynda birinshi oryndy «Býrabaı» gazetiniń redaktory Jeńis Ospanov, al «Úzdik ınternet-jarııalanym» atalymynda «QazAqparat» HAA-nyń aımaqtaǵy menshikti tilshisi Aslan Ospanov laıyq dep tanyldy.

«Buqaralyq aqparat quraldary bılik pen qoǵam arasyndaǵy belsendi dıalog alańy qyzmetin atqara otyryp, halyqty sybaılas jemqorlyqqa qarsy iske asyrylyp jatqan barlyq bastamalar men is-sharalar týraly habardar etýge kómektesedi. Tsıfrlandyrý dáýirinde BAQ-pen senimdi seriktester retinde tyǵyz jáne berik qarym-qatynas azamattardyń sybaılas jemqorlyqqa qarsy mádenıetin qalyptastyrýdaǵy mańyzdy basymdyqtardyń biri bolyp tabylady», - dep atap ótti uıymdastyrýshylar.