«QazAqparat» tilshisi TMD Parlamentaralyq assambleıasynyń marapatyna ıe boldy
ASTANA. QazAqparat - Qazaqstan Parlamenti Senatynyń tóraǵasy Qasym-Jomart Toqaev Baılanys jáne aqparat qyzmetkerleri kúni elimizdiń zań shyǵarý organdarynyń qyzmetin belsendi jarııalap júrgen jýrnalısterge alǵys hattar tabystady, dep habarlaıdy «QazAqparat» HAA tilshisi.
«Buqaralyq aqparat quraldary - qoǵamdaǵy birlik pen kelisimdi nyǵaıtatyn mańyzdy qural. Joǵary patrıottylyq, ádildik jáne tabandylyq syndy qasıetter árkez baspa jáne elektrondy BAQ-ty sıpattaıdy. Bizdiń elimizde jýrnalıstıka mańyzdy rólge ıe jáne solaı bola da beredi. BAQ mıllıondaǵan adamdar aldynda tanymaldylyqqa jáne senimdilikke ıe», - dedi Qasym-Jomart Toqaev.
Senat spıkeri qazaqstandyq mass-medıanyń aqparattardy jyldam taratatyndyǵy jáne bolyp jatqan sharalarǵa baılanysty tereń saraptama jasaıtyndyǵyna kóz jetkizgen.
«Men ózimniń jaratylysym jáne psıhologııammen jýrnalıstıkaǵa jaqynmyn. Bala kúnimde jýrnalıst bolýdy armandadym, alaıda ómir aǵysy basqasha boldy. Degenmen, ýaqyt ótken saıyn men maqalalar men kitaptar jazýmen aınalysamyn. Sol sebepti jýrnalıstıkany jaqsy túsinemin», - dedi Qasym-Jomart Toqaev.
QazAqparat tilshisi TMD Parlamentaralyq assambleıasynyń marapatyna ıe boldy.
Senat tóraǵasy birneshe jýrnalısterdiń atyn atady. Marapattalǵandar arasynda - «QazAqparat» HAA tilshisi Damır Baımanov pen Muratbek Maqulbekovter de bar. Muratbek Maqulbekovke Valentına Matvıenkonyń tóraǵalyǵyndaǵy TMD Parlamentaralyq assambleıasynyń «Baspa jáne aqparatty damytýǵa qosqan eńbegi úshin» tósbelgisi tabystaldy.
