«QazAqparat» tilshisi sybaılas jemqorlyqqa qarsy úzdik jýrnalıstik maqalalarǵa jarııalanǵan baıqaýda jeńimpaz atandy
ASTANA. QazAqparat - 23 maýsym kúni QR Memlekettik qyzmet ister mınıstrliginde Memlekettik qyzmetshiler kúnin merekeleý qurmetine baılanysty saltanatty jıyn ótti.
Memlekettik qyzmet ister mınıstri T.Donaqov barlyq memlekettik qyzmetshilerdi kásibı merekemen quttyqtap, Ult Josparynyń birinshi ınstıtýttsıonaldy reformasyn júzege asyrý boıynsha Mınıstrliktiń aldynda aýqymdy mińdetter turǵanyn aıryqsha atap ótti.
Saltanatty jıyn barysynda Mınıstr ózi basqaryp otyrǵan mekemeniń birqatar qyzmetshilerin qurmet gramotalarymen marapattap, alǵys hat tabys etti.
Sonymen qatar, Memlekettik qyzmetshi kúnin merekeleý men Baılanys jáne aqparat qyzmetkerleriniń kúni qarsańynda sybaılas jemqorlyqqa qarsy taqyryptaǵy úzdik jýrnalıstik jumystarǵa jarııalanǵan baıqaýdy qorytyndylady.
Baıqaý ústimizdegi jyldyń basynda BAQ-ta qoǵamda sybaılas jemqorlyqqa qarsy mádenıetti qalyptastyrý, sybaılas jemqorlyqqa tózbeýshilikti kórsetetin qundylyqtar júıesin saqtaý jáne nyǵaıtýǵa baǵyttalǵan taqyryptardy jan-jaqty aqparattyq súıemeldeý maqsatynda jarııalanǵan.
Konkýrsqa Qazaqstannyń ártúrli aımaqtarynan 62 jýrnalısttiń 157 jumysy qabyldandy.
Osylaısha, «Úzdik televızııalyq jumys» nomınatsııasy boıynsha:
1-shi oryn «Qazaqstan-Pavlodar» telearnasynyń jýrnalısti Qurymbaeva Móldir Erlanqyzyna berildi;
2-shi oryn «TVK» telearnasynyń jýrnalısti Jolymbetova Nurgúl Erǵalıqyzyna berildi;
3-shi oryn «TDK 42» telearnasynyń jýrnalısti Kıreeva Aısha Nýrısafevnaǵa berildi.
«Úzdik baspa jarııalanymy» nomınatsııasy boıynsha:
1-shi oryn «Kazahstanskaıa pravda» respýblıkalyq gazetiniń tilshisi Semenova Olga Lvovnaǵa berildi;
2 -shi oryn «Týǵan ólke» gazetiniń Ahmetov Erlan Ahmetsalimulyna berildi;
3 -shi oryn «Halyq» gazetiniń tilshisi Esimova Gaýharaı Amanǵalıqyzyna berildi.
«Úzdik ınternet jarııalanymy» nomınatsııasy boıynsha:
1-shi oryn «Saq kz» ınternet gazetiniń tilshisi Kósherova Gúljan Jumashqyzyna berildi;
2-shi oryn «Kazinform» aqparattyq agenttiginiń tilshisi Sabekov Serik Ermahanulyna berildi;
3 -shi oryn «Tengrinews.kz» aqparattyq agenttiginiń tilshisi Amrına Aıym Orazalyqyzy berildi.
Konkýrstyń barlyq jeńimpazdary baǵaly syılyqtar jáne dıplomdarmen marapattaldy.
