QazAqparat tilshisi sport taqyrybyndaǵy baıqaý jeńimpazy atandy

NUR-SULTAN. QazAqparat – Qazaqstan Tennıs federatsııasy uıymdastyrǵan baıqaýda QazAqparat tilshisi úzdik dep tanyldy. Baıqaý qorytyndysy atalǵan federatsııa saıtynda jarııalandy, dep habarlaıdy QazAqparat.

Aıta keterligi, Qazaqstan Tennıs federatsııasy 2020 jyldyń 31 jeltoqsany men 2021 jyldyń 17 qańtary aralyǵynda qazaqstandyq tennıs týraly ótken jyly jarııalanǵan eń qyzyqty materıaldar baıqaýyna ótinim qabyldaǵan bolatyn. Baıqaýǵa kásibı tilshiler men jas jýrnalıster, blogerler men tennıs jankúıerleri mátindik materıaldaryn, vıdeosıýdjetterin, fotoreportajdaryn jibergen.

Qorytyndysynda qazaq tilindegi úzdik materıal atalymynda QazAqparat tilshisi Ǵaısaǵalı Seıtaq jeńimpaz boldy. Al orys tilinde jaryq kórgen materıaldar atalymynda inbusiness.kz tilshisi Dmıtrıı Pokıdaev úzdik dep tanyldy.

Orys tilindegi úzdik vıdeo sıýjet syılyǵy «Habar 24» pen «Qazaq TV» tilshisi Marat Tuqatovqa buıyrdy.

Úzdik fotoreportaj syılyǵy Andreı Ýdartsevke tabystaldy.

Baıqaýdyń qalǵan qatysýshylaryna álemniń birinshi raketkasy Novak Djokovıchtiń ómirbaıandyq kitaby yntalandyrý syılyǵy retinde berildi.

Foto: facebook.com