QazAqparat tilshisi Phenchhanda YONHAP NEWS agenttiginde boldy
PHENChHAN. QazAqparat - HHIII qysqy Olımpıada oıyndarynan habar taratyp júrgen QazAqparat tilshisi Kúnsultan Otarbaı Ońtústik Koreıanyń YONHAP NEWS halyqaralyq agenttiginiń bas redaktory Sunghan Lee-men kezdesti, dep habarlaıdy QazAqparat tilshisi.
Kezdesý barysynda áriptester eki eldiń aqparat agenttikteri arasyndaǵy baılanystary týraly pikir almasty.
YONHAP NEWS agenttiginiń halyqaralyq baılanystar bóliminiń qyzmetkeri ıÝ Mın Son Olımpıada oıyndarynda Qazaqstan sportshylaryna zor tabys tileıtinin jetkizdi.
«QazAqparat» halyqaralyq agenttigimen jaqsy áriptester retinde jumys istep jatyrmyz. Aldaǵy ýaqytta da osy dárejede qala beremiz degen senimdemin. Biz QazAqparat halyqaralyq agenttigin burynnan jaqsy bilemiz jáne seriktes bolǵanymyz úshin óte qýanyshtymyz», - dep atap ótti ıÝ Mın Son.
Sondaı-aq, taraptar Koreıa elinde ótip jatqan Olımpıada oıyndarynyń joǵary deńgeıde uıymdastyrylyp otyrǵany jóninde áńgimelesti.
Aıta keteıik, «QazAqparat» HAA 2017 jyly Koreıa Respýblıkasynyń «Yonhap» iri aqparat agenttigimen kelisim jasady. Kelisimge sáıkes, «QazAqparat» Yonhap agenttiginiń PyeongChang News Service Network (PNN - «Phenchhan aqparattar jelisi») júıesine qosyldy.
Yonhap agenttigi Koreıanyń Phenchhan qalasynda PNN júıesi arqyly álemniń aqparat agenttikterine qysqy Olımpıada oıyndarynan jańalyqtar, sýretter beınerolıkter men aqparattar taratýda. «QazAqparat» HAA koreıalyq agenttikpen kelisim aıasynda Olımpıada oıyndarynan qajetti aqparat ónimderin der kezinde alý múmkindigine ıe bolyp otyr.
«QazAqparat» pen Yonhap agenttikteri kelisim jasaı otyryp, PNN jelisiniń qysqy Olımpıada oıyndarynan habar taratýǵa ǵana emes, memleketterdiń ekijaqty qarym-qatynastaryn nyǵaıtýǵa da septigin tıgizýde deýge bolady. Sebebi PNN jelisi Olımpıada men Paralımpıada oıyndary aıaqtalǵannan keıin de aqparat almasýdyń platformasy retinde paıdalanylmaq.
Aıta keteıik, Koreıanyń jetekshi aqparat agenttigi Yonhap-tyń negizi 1980 jyly 19 jeltoqsanda «Hapton» jáne «Tonıan» agenttikterin biriktirý nátıjesinde qalanǵan bolatyn.
