«QazAqparat» tilshisi «Qurmet» ordenimen marapattaldy

ASTANA. 18 jeltoqsan. QazAqparat - QR Táýelsizdiginiń 22 jyldyǵyna oraı Qazaqstan Respýblıkasynyń basqa da memlekettik nagradalarymen marapattalǵandar arasynda ózimizdiń áriptesimiz, «QazAqparat» aqparat agenttiginiń «Baıqońyr» ǵarysh kesheni boıynsha menshikti tilshisi Sara Nurǵalıeva bar.

Qazǵarysh baspasóz qyzmetinen habarlaǵandaı, ǵarysh aılaǵynda otyz jyldan astam ýaqyt boıy turatyn jáne jumys isteıtin jýrnalıstke joǵary marapatty QR Ulttyq ǵarysh agenttiginiń tóraǵasy Talǵat Musabaev tapsyrdy.

«Osy jyldar boıy S. Nurǵalıeva memlekettik qyzmetker jáne kásibı jýrnalıst retinde Qazaqstannyń ǵarysh qyzmetin nasıhattaý boıynsha belsendi jumys istep keledi. Qazǵarysh júıesinde jumysyn jalǵastyra kele, ol is júzinde Baıqońyr ǵarysh aılaǵynda otyz bes jyl ishinde úzdiksiz bolǵan oqıǵalar jylnamasyn júrgizip kele jatqan jalǵyz Qazaqstan jýrnalısi bolyp tabylady», - dep atap aıtty Qazǵarysh basshysy.

«QazAqparat» AA ujymy Sara Qabıqyzyn marapatymen quttyqtaıdy jáne shyǵarmashylyq tabystar tileıdi!