«QazAqparat» tilshisi QR Qorǵanys mınıstrliginiń «Úzdik jýrnalıst» marapatyna ıe boldy (FOTO)

ASTANA. QazAqparat - Búgin Astana mańyndaǵy 68665 áskerı bóliminde Jýrnalıstıka kúnine arnalǵan saltanatty is-shara jáne «Máńgi esimizde» respýblıkalyq shyǵarmashylyq baıqaýynyń jeńimpazdaryn marapattaý rásimi ótkizildi, dep habarlady QR Qorǵanys mınıstrliginiń baspasóz qyzmetinen.

Jeńimpazdar memlekettik jáne orys tilderinde bes nomınatsııa boıynsha anyqtaldy. Sonymen, «Baspasóz basylymdardaǵy úzdik jarııalanym» nomınatsııasynda «Egemen Qazaqstan» gazetiniń jýrnalısi Jaǵypar Jylqybaı jáne «Ekibastuz jarshysy» gazetiniń jýrnalısi Qanat Aldabaev jeńimpaz atandy.

«Úzdik telesıýjet/telebaǵdarlama» nomınatsııasynda «24.kz» telearnasynyń jýrnalısi Jasyn Birkenov pen «MIR» telearnasynyń jýrnalısi Tatıana Jıgýnova marapattaldy. «Úzdik radıosıýjet/radıobaǵdarlama» nomınatsııasynda «Qazaq radıosy» jýrnalısi Mádına Ishanova men «Tengrı FM» radıosynyń jýrnalısi Irına Lelıavskaıa jeńip shyqty. «Internet-basylymdardaǵy úzdik jarııalanym» nomınatsııasynda «QazAqparat» halyqaralyq aqparattyq agenttiginiń jýrnalısi Murat Jakeev pen «Tengrinews.kz» ınternet-portalynyń jýrnalısi Batyr Qazybaev atandy. «Úzdik fotoocherk/fotoreportaj» nomınatsııasynda «Kazahstanskaıa pravda» gazetiniń fototilshisi ıÝrıı Bekker. Odan basqa, usynylǵan materıaldardy qaraý nátıjeleri boıynsha komıssııa belsendi azamattyq qaǵıdat úshin jeke atalymdardy qosymsha berýge sheshim qabyldady. QR Qorǵanys mınıstriniń arnaıy dıplomdarymen «Egemen Qazaqstan» gazetiniń jýrnalısi Erjuman Symaıyl, Aqtóbe oblystyq áleýmettik-saıası gazetiniń jýrnalısi Ótemis Ákimov, «24.kz» telearnasynyń «Ásker.kz» baǵdarlamasynyń jýrnalısi Dmıtrıı Oleınıkov pen «Qazaqstan» telearnasynyń «Aqsaýyt» baǵdarlamasynyń jýrnalısi Ernur Nurǵalıev tabys etildi. Uıymdastyrý komıtetine Qazaqstannyń túkpir-túkpirinen shamamen 70 ótinim kelip tústi. Baıqaýǵa gazet, radıo jáne televıdenıe, aqparattyq agenttikterdiń jýrnalısteri, sondaı-aq Ekinshi dúnıejúzilik soǵystyń tarıhy, maıdangerlerdiń, tyl eńbekshileriniń soǵystan keıingi taǵdyrlary, UOS ardagerleriniń qoǵamdyq uıymdary, urys alańynda qaza bolǵandardy izdeý týraly materıaldardy jarııalap, basyp shyǵaratyn shtattan tys avtorlar qatysty. 68665 áskerı bólimindegi resmı marapattaý rásiminen keıin jýrnalıster soǵystan keıingi jyldardyń naqyshyna keltirilgen dáýirge endi. Tilshilerge sarbaz ashanasynda dastarhan jaıylyp, QR QM Ortalyq ansambli ártisteriniń óneri pash etildi.