QazAqparat tilshileri «Abaı kúnine» arnalǵan ádebı chellendjdi qoldady

ASTANA. QazAqparat – «QazAqparat» halyqaralyq aqparat agenttigi otandasymyz, ánshi Dımash Qudaıbergenniń Abaı kúnine oraı bastaǵan ádebı chellendjin qoldady, dep habarlaıdy QazAqparat tilshisi.

Uly qazaq oıshylynyń esimi búkil álemde qurmetke ıe. Bir kún buryn tanymal ánshi Dımash Qudaıbergen aqynnyń «Ǵylym tappaı maqtanba» óleńin oqyp, áleýmettik jelide chellendj bastaǵan edi.

Jerlesimiz qazaqstandyqtardy, oqyrmandaryn chellendjge qatysýǵa shaqyrdy. Ol úshin Abaı Qunanbaıulynyń kez kelgen shyǵarmasynan úzindi oqyp, ony vıdeoǵa túsirip, áleýmettik jelilerde #abaychallange heshtegimen bólisý qajet.

Ádebı estafetany Jibek Joly telearnasy alyp, odan ári QazAqparat tilshilerine joldady.

Chellendjge «QazAqparat» HAA qazaq, orys, ózbek jáne qytaı redaktsııalarynyń jýrnalısteri qatysyp, Abaı óleńderinen úzindiler oqydy.

Óz kezeginde QazAqparat estafetany Tengrinews.kz saıtyndaǵy áriptesterge jalǵastyrýdy amanat etedi.

Aıta ketsek, atalǵan ádebı chellendjdi Qazaqstannyń Ózbekstandaǵy elshiliginiń qyzmetkerleri de qoldap, uly aqyn jáne oıshyl Abaı Qunanbaevtyń eskertkishine gúl shoqtaryn qoıdy.

Aıta keteıik, búgin elimizde «Abaı kúni» atalyp ótilip jatyr. Bıyl aqynnyń týǵanyna 178 jyl toldy.

Búgin Memleket basshysy Abaı kúnine oraı Twitter paraqshasynda quttyqtaý jarııalady.