QazAqparat saıtynan prezıdenttikke kandıdattarǵa ınternet-alań berý sharttary
«Qazaqstan Respýblıkasy Prezıdentiniń Teleradıokesheni» KEAQ – www.inform.kz saıty bar (budan ári - Saıt) «QazAqparat» Halyqaralyq aqparat agenttiginiń ıesi, 28.09.1995 jylǵy «Qazaqstan Respýblıkasyndaǵy saılaý týraly» Qazaqstan Respýblıkasynyń Konstıtýtsııalyq Zańyna sáıkes saılaý aldyndaǵy úgit materıaldaryn (budan ári-Úgit materıaldary) ornalastyrý úshin Saıtta ınternet-alańdardy usynýdyń tólem mólsheri, sharttary men tártibi týraly habarlaıdy.
Saılaý aldyndaǵy úgit Qazaqstan Respýblıkasynyń Prezıdenttigine kandıdattardy tirkeý merzimi aıaqtalǵan sátten bastalady jáne saılaý kúniniń aldyndaǵy kúnniń jergilikti ýaqyty boıynsha nól saǵatta aıaqtalady, osylaısha, úgit materıaldaryn Saıtqa ornalastyrý 2022 jylǵy 21 qazan saǵat 18.00-den 2022 jylǵy 19 qarasha saǵat 00.00-ge deıin júzege asyrylady.
Saıt ınternet-alańdy jazbasha ótinish pen Saıt ıesi men Kandıdat arasynda ne kandıdattyń ýákiletti ókilimen jasalatyn shart negizinde usynady. Úgit materıaldarynyń sany men ornalastyrý kezeńi Kandıdattyń ne onyń ýákiletti ókiliniń jazbasha ótinishinde kórsetiledi, sodan keıin olar sharttyń talaptarymen bekitiledi.
Ótinish Kandıdattardyń ótinishterin tirkeý jýrnalynda kezektilik tártibimen árbir jazbasha ótinishke rettik nómiri men kelip túsken kúnin berý arqyly tirkeledi.
Jazbasha ótinishke mynadaı qujattar qosa berilýge tıis:
1) Kandıdattyń tirkelgenin rastaıtyn qujattyń kóshirmesi;
2) Kandıdat ókiliniń ókilettigin rastaıtyn qujat kóshirmesi;
3) ótinish berýshi tulǵa, jeke kýáliginiń kóshirmesi;
4) shart jasasý úshin tulǵanyń ókilettigin rastaıtyn qujattar.
Kandıdattardyń úgit materıaldaryn Saıtta ornalastyrý kezektiligi jazbasha ótinishterdiń túsý tártibimen, ne eger ótinishter bir mezgilde kelip túsken jaǵdaıda jerebe boıynsha belgilenedi. Jerebe ótkizý tártibi men sharttaryn Saıt aıqyndaıdy.
Úgit materıaldaryna qoıylatyn talaptar tarıfterge qosymshada kórsetilgen. Úgit materıaldarynda olardyń tólengeni, qarjylandyrý kózderi týraly kórneki aqparat bolýǵa tıis.
Úgit materıaldaryn usynǵan kandıdattar olardyń mazmunynyń Qazaqstan Respýblıkasy zańnamasy talaptaryna, onyń ishinde avtorlyq jáne sabaqtas quqyqtar salasyndaǵy talaptarǵa sáıkestigi úshin derbes jaýapty bolady.
Saıttyń menshik ıesi úgit materıaldaryn, eger olarda respýblıkanyń konstıtýtsııalyq qurylysyn kúshtep ózgertý, tutastyǵyn buzý, memleket qaýipsizdigine nuqsan keltirý, áleýmettik, násildik, ulttyq, dinı, tektik-toptyq jáne rýlyq arazdyqty, qatygezdik pen zorlyq-zombylyqqa tabynýdy qozdyrý, zańnamada kózdelmegen áskerılendirilgen quralymdar qurý ıdeıalary bolsa, sondaı-aq Qazaqstan Respýblıkasynyń Prezıdenttigine kandıdattardyń ar-namysyna, qadir-qasıetine nemese iskerlik bedeline nuqsan keltiretin aqparat bolǵan jaǵdaıda ornalastyrýdan bas tartýǵa quqyly.
Osy aqparattyq habarlamada kórsetilgen ınternet-alańdardy berý sharttary men tártibi Qazaqstan Respýblıkasynyń ýákiletti organdarynyń talaptaryna sáıkes túzetilýi múmkin.
Kandıdattardyń ne olardyń ýákiletti ókilderiniń úgit materıaldaryn «QazAqaparat» halyqaralyq aqparat agenttiginiń saıtynda ornalastyrý
1. www.inform.kz saıtynda ornalastyrý
2. www.inform.kz saıtynda bannerlik jarnama
Jazbasha ótinishterdi Saıt ıesi 2022 jylǵy 18 qazannan bastap 2022 jylǵy 15 qarashany qosa alǵanda, demalys jáne mereke kúnderinen basqa, Astana qalasy, Aqmeshit kóshesi 3, PARKLINE BO, 2 qabat, 206 keńse mekenjaıy boıynsha saǵat 10:00 mınýttan saǵat 18:00 mınýtqa deıin qabyldaıdy, telefondary: 8 (7172) 95 40 59.
Faksımıldi jáne ınternet baılanysy arqyly jazbasha ótinishter qabyldanbaıdy.
