«QazAqparat» pen IDN-InDeptNews agenttigi yntymaqtasatyn boldy
ASTANA. QazAqparat - «QazAqparat» HAA men Halyqaralyq baspasóz sındıkatynyń jetekshi agenttigi «IDN-InDeptNews» (IDN) arasynda yntymaqtastyq týraly memorandýmǵa qol qoıyldy.
Halyqaralyq baspasóz sındıkaty men onyń seriktesi Búkilálemdik Yntymaqtastyq keńesiniń jetekshi agenttigi bolyp tabylatyn «IDN-InDepthNews»-tiń negizi 1983 jyly qalanǵan. InDeptNews agenttigi negizinen BUU qyzmetine qatysty jańalyqtar men taldaý materıaldaryn jarııalaıdy. Sonyń ishinde álemniń ár túkpirindegi jańalyqtar boıynsha aqparattyq analıtıkalardy, álemge jáne adamzatqa áserin tıgizetin reportajdar men materıaldarǵa qatysty óz ustanymdaryn, kózqarastaryn jaryqqa shyǵaryp otyrady. 2009 jyldan bastap onlaın qyzmetin iske qosqan agenttiktiń jelisi álemniń barlyq derlik óńirlerin qamtyp otyr. Sonyń ishinde Ortalyq Azııa óńirine arnalǵan arnaıy aıdary da bar.
Aıta keterligi, Halyqaralyq baspasóz sındıkaty uıymynyń (International Press Syndicate - buǵan deıin Globalom Media Information, Communication, Publishing Agency (Jahandyq agenttik) atalyp kelgen) negizi 2009 jyly qalanǵan. Uıym áleýmettik jáne etnıkalyq jaýapkershilikterdi ustanady. Halyqaralyq uıym resmı túrde Berlınde, Sıngapýrda jáne Tokıoda tirkelgen, Kanadada bólimshesi bar.
«QazAqparat» HAA men InDeptNews yntymaqtastyq aıasynda ishki jáne halyqaralyq jańalyqtar týraly aǵylshyn jáne qytaı tilderinde turaqty túrde aqparat almasýdy kózdeıdi. Sonymen qatar, taraptar memorandým aıasynda ózara tájirıbe almasyp, jýrnalısterdiń biliktiligin arttyrý baǵytynda birlesken sharalarǵa da ýaǵdalasyp otyr.
