QazAqparat pen China News Service ózara túsinistik memorandýmyna qol qoıdy

Memorandýmǵa «QazAqparat» HAA bas redaktory Bıbınor Tánelbaeva jáne China News Service bas redaktorynyń orynbasary Djan Lyı qol qoıdy. Osylaısha taraptar Qazaqstan men QHR arasyndaǵy yntymaqtastyqty nyǵaıtý maqsatynda aqparat almasý salasyndaǵy ekijaqty kásibı yqpaldastyqty nyǵaıtýǵa jáne damytýǵa óz múddeliligin bildirdi.

Aqparat agenttikteri aqparattyq keńistikti damytý maqsatynda, mádenı, ekonomıkalyq, sport jáne saıası máseleler jóninen buqaralyq aqparat quraldarynda obektıvti ári kásibı aqparat taratýǵa jaǵdaı jasap, birikken jobalardy júzege asyrýdy josparlap otyr.

Ózara túsiniktik týraly osy memorandým aıasynda «QazAqparat» HAA men China News Service ózara teńdik, qurmet jáne tıimdilik negizinde Aqparat almasý salasyndaǵy yntymaqtastyq týraly kelisim jasasýǵa nıetti.

The China News Service  - bul Qytaıdaǵy eń iri memlekettik aqparattyq agenttikterdiń biri.