QazAqparat nemis aqparat agenttigimen yntymaqtastyq ornatty
ASTANA. QazAqparat - Elordada ótken Qazaqstan-Germanııa iskerlik keńesinde qazaqstandyq jáne germanııalyq uıymdar birqatar kelisimder men memorandýmdarǵa qol qoıdy, dep habarlaıdy «QazAqparat» HAA tilshisi.
Shara aıasynda «QazAqparat» Halyqaralyq aqparat agenttiginiń basshysy Asqar Ýmarov Germanııanyń DPA aqparat agenttigimen yntymaqtastyq týraly memorandýmǵa qol qoıdy.
«Bul memorandým aqparat almasý, birlesken aqparattyq jobalardy qurý múmkindigi jóninde yntymaqtastyqtyń bastalýyn bildiredi. Jyl sońyna deıin keńeıtilgen quramda kezdesip, birlesken jobalardy, sonymen birge aqparat almasýdyń kommertsııalyq jáne kommertsııalyq emes ádisterin talqylaýdy josparlap otyrmyz», - dedi A.Ýmarov.
Atalǵan memorandýmnan bólek, túrli saladaǵy qazaqstandyq-germanııalyq kásiporyndar arasynda yntymaqtastyq týraly quny 973 mıllıon eýro bolatyn taǵy 20 qujatqa qol qoıyldy.
Atap aıtqanda, QR Investıtsııalar jáne damý mınıstrligi men germanııalyq DENA energetıkalyq agenttigimen energııa únemdilik salasynda ózara yntymaqtastyq ornatý, Qazaqstan men Germanııanyń mashına jasaý odaǵymen mashına jasaý salasynda ózara árekettestik jáne yntymaqtastyq ornatý, QR IDM Investıtsııa komıtetimen «Asadel International B.V» kompanııasymen ózara yntymaqtastyq ornatý, QRIDM Investıtsııa komıteti men «Heildelbergcement» kompanııasy arasynda ózara yntymaqtastyq ornatý memorandýmdaryna, Qazaqstandaǵy «LindeGroup» kompanııasynyń qyzmetine qoldaý kórsetý maqsatynda «KazakhInvest» AQ men LindeGroup arasyndaǵy ózara yntymaqtastyq týraly shektelmeli kelisimge, «ArcelorMittalTemirtau»AQ jáne «LindeGroup» kompanııasy arasynda óndiristik gazben jabdyqtaý týraly kelisimge jáne «HILL» JShS (OQO) men LindeGroup kompanııasy arasynda sýtekpen jabdyqtaý týraly aldyn ala kelisimge, «Samuryq-Energo» AQ jáne WindPower GmbH kompanııasy arasyndaǵy Almaty oblysynda kún energostantsııasynyń qurylysy týraly, «Kazvodhoz» RMK men Wind Power GmbH kompanııasynyń Ońtústik Qazaqstan oblysy Ógem ózenine sý elektr stantsııasyn turǵyzý týraly memorandýmdarǵa, «Qazgeologııa» AQ jáne «ULMUS Kazakhstan» JShS arasynda geologııalyq barlaý salasyndaǵy salasyndaǵy yntymaqtastyqty keńeıtý týraly kelisimge, «Tehnologııalyq damý jónindegi ulttyq agenttik» AQ jáne Mıýnhen tehnologııalyq ýnıversıtetiniń enshiles uıymy «TUM International» arasynda «MTÝóndiristik-bilim berý jáne ınnovatsııalyq ortalyǵyn» jáne «Keshendi oqytý ortalyǵyn» qurý boıynsha yntymaqtastyq týraly memorandýmǵa, «Agrotehnologııalardy transfertteý men kommertsııalandyrý ortalyǵy» JShS jáne Bosch&Schorle GmbH kompanııasy arasyndaǵy yntymaqtastyq týraly shekti kelisimge, «Promondıs Qazaqstan» JShS jáne NwComp Solar GmbH kompanııasy arasynda Ońtústik Qazaqstan oblysynyń Otyrar aýdanynda qýattylyǵy 25 MVt bolatyn kún elektr stantsııasynyń qurylysy týraly kelisimge, «Promondıs Qazaqstan» JShS jáne NwComp Solar GmbHkompanııasy arasynda Almaty oblysynyń Jambyl aýdanynda qýattylyǵy 25 MVt bolatyn kún elektr stantsııasynyń qurylysy týraly kelisimge, «KaDi» kompanııasy» JShS jáne NwComp Solar GmbH kompanııasy arasynda Ońtústik Qazaqstan oblysynyń Jetisaı aýdanynda qýattylyǵy 5 MVt kún energııasy parkin salý týraly kelisimge, «Qazaqstannyń ındýstrııany damytý ınstıtýty» AQ men Avtomatızatsııalaý jáne óndiristi jedel basqarý jónindegi Fraýngofer ınstıtýty Industry 4.0 salasynda ózara yntymaqtastyq ornatý, Oq-dárilerdi kádege jaratý suraqtary boıynsha ári Qazaqstanda oq-dárilerdi kádege jaratatyn ortalyq qurý jóninde nıet týraly shartyna, Jambyloblysynda «Kúıdirgish soda men hlor daıyndaý» jobasyn júzege asyrý týraly kelisimge, Qazaqstannyń balamaly energetıka qaýymdastyǵy men Germanııanyń kún energııasy qaýymdastyǵy (BSW-Solar) arasynda ózara yntymaqtastyq ornatý týraly memorandýmǵa qol qoıyldy.
QR Investıtsııalar jánedamý mınıstri Jeńis Qasymbek Qazaqstan ekonomıkasy úshin iri nemis kompanııalarynyń mańyzdy ınvestorlar ekenin atap ótti.
«Búginde QR Úkimeti eldegi ınvestıtsııalyq ahýaldy jaqsartý boıynsha belsendi jumys istep jatyr. Bıyl biz Ekonomıkalyq yntymaqtastyq jáne damý uıymy ınvestıtsııalar komıtetiniń qaýymdastyrylǵan múshesi boldyq. 2005 jyldan beri Qazaqstanǵa tartylǵan tikeleı sheteldik ınvestıtsııalardyń jalpy kólemi shamamen 250 mlrd AQSh dollaryn qurady. Bul Ortalyq Azııa aımaǵyndaǵy úzdik kórsetkish», - dedi mınıstr.
