«QazAqparat» qyzmetkeri «Kazsport» telearnasynyń eki jyldyǵyna oraı ótken týrnırde jeńimpaz atandy
ASTANA. QazAqparat - «Qazmedıa ortalyǵy» ǵımaratynda «Kazsport» telearnasynyń 2 jyldyǵyna oraı BAQ qyzmetkerleri arasynda ústel tennısinen týrnır ótkizildi.
Sport dodasynda baq synaǵan QazAqparat halyqaralyq aqparat agenttigi qyzmetkeri Dáýren Muhamedjanov birinshi oryndy jeńip aldy. Taǵy bir áriptesimiz Qanat Maqan úshinshi oryndy enshiledi. Jeńimpazdarǵa madaqtama jáne kýbok tabystaldy. Aıta keteıik, osydan 2 jyl buryn, ıaǵnı 2013 jyldyń 1 shildesinde «Qazaqstan» respýblıkalyq teleradıokorporatsııasynyń bazasynda táýligine 21 saǵat habar taratatyn memlekettik «Kazsport» sporttyq telearnasy iske qosylǵan edi. Mamandandyrylǵan arna Elbasy Nursultan Nazarbaevtyń tapsyrmasy boıynsha ashylǵan bolatyn.
«Kazsport» bul - «Eurosport», «Sport 1», «Sport+» jáne basqa da eýropalyq jáne álemdik sporttyq telearnalardyń deńgeıinde habar taratatyn Ortalyq Azııa aýmaǵyndaǵy jalǵyz sporttyq telearna.
