QAZAQPARAT KÚNTІZBESІ: ATAÝLY KÚNDER, OQIǴALAR, ESІMDER
26 jeltoqsan. SENBІ
Slovenııanyń táýelsizdigi men yntymaqtastyǵy kúni. 1990 jylǵy 26 jeltoqsandaǵy referendýmnyń qorytyndylaryn jarııalaıdy. Referendým 1990 jylǵy jeltoqsannyń 23-de ótkizilgen bolatyn.
Brıtanııada syılyqtar kúni
Ulybrıtanııa jáne Brıtan ulttar dostastyǵynyń birqatar elderi: Avstralııa, Jańa Zelandııa, Kanadada Rojdestvodan keıin kelesi kúni atap ótiletin mereke.
ESTE QALAR OQIǴALAR
5 5 jyl buryn (1960) Tyń ólkesi quryldy. Onyń quramyna Aqmola, Kókshetaý, Qostanaı, Pavlodar jáne Soltústik Qazaqstan oblystary kirdi. Tyń ólkesi 1965 jylǵy qazannyń 19-da taratyldy. Ákimshilik ortalyǵy - Tselınograd (búgingi Astana) qalasy boldy.
35 let nazad (1980) spektaklem «Pervye» po pese rossııskogo nemetskogo pısatelıa Aleksandra Raımgena o vzaımootnoshenıı kazahov s nemtsamı sostoıalos otkrytıe Respýblıkanskogo nemetskogo dramatıcheskogo teatra.
35 jyl buryn (1980) Reseılik nemis jazýshysy Aleksandr Raımgenniń qazaqtardyń nemistermen ózara qarym qatynasy týraly pesasyna jazylǵan Respýblıkalyq nemis drama teatry ashyldy.
24 jyl buryn (1991) Qazaqstan Respýblıkasy men AQSh arasynda dıplomatııalyq qarym-qatynas ornady.
20 jyl buryn (1995) «Qazaqstan Respýblıkasynyń Prezıdenti týraly» Qazaqstan Respýblıkasynyń Konstıtýtsııalyq Zańy qabyldandy.
20 jyl buryn (1995) Qazaqstan Respýblıkasynyń «Býhgalterlik esep jáne qarjylyq eseptilik» Zańy qabyldandy.
10 jyl buryn (2005) jazýshy Dúkenbaı Dosjannyń basty keıipkeri Elbasy Nursultan Nazarbaev bolyp tabylatyn «Aq Orda» atty jańa kitaby tanystyryldy. Bul Qazaqstandaǵy asa mańyzdy tarıhı oqıǵalardy, onyń ishinde Astananyń kóshýin arqaý etken roman. Shyǵarmada Prezıdenttiń el ómirindegi alatyn orny oı eleginen ótkizilgen. Kitaptyń taralymy - 2 myń dana.
10 jyl buryn (2005) Aqtóbe oblysynyń Alǵa aýdanynda Muhambetqazy haziret Meńdiǵulov atyndaǵy meshit ashyldy. Osydan eki ǵasyr buryn Alǵanyń mańyndaǵy Aqkemer kentinde ǵumyr keshken haziret Mekkege birneshe ret baryp qaıtqan ıslamnyń adal da bedeldi qyzmetshisi bolýymen birge, ólke tarıhynda aǵartýshylyq eńbegimen aty qalǵan óz zamanynyń saýatty azamaty. Ol Reseı patshasynyń qabyldaýynda bolyp, Aqkemerde mektep ashýǵa ruqsat alǵan bolatyn.
10 jyl buryn (2005) Semeıde jańa medrese ashyldy.
Dinı oqý mekemesi Ánet baba atyndaǵy Ortalyq meshittiń janynda ornalasqan. Keńes dáýirinde Semeı óńirinde 14 meshit bolǵan eken. Abaı shyǵarmalarynda da HІH ǵasyrdyń sońynda óńirde 8 meshit, 8 medrese bolǵandyǵy aıtylady.
9 jyl buryn (2006) Ál-Farabı atyndaǵy Qazaq ulttyq ýnıversıtetinde Qazaqstan Respýblıkasynyń Prezıdenti Nursultan Nazarbaevtiń «Qazaqstan joly» atty kitabynyń tusaý keser rásimi ótti.
9 jyl buryn (2006) Pavlodarda Chernobyl atom elektr stansasy apatynda qutqarýǵa qatysqan Pavlodarlyqtarǵa arnalǵan eskertkishtiń ashylý rásimi ótti. Eskertkishtiń ortasynda - adam denesiniń nusqalary, «atom ıadrosyn» ustaýǵa talpynǵan qoldar. Pavlodarlyqtar men chernobyldyqtardyń shyǵarmashylyq qoǵam ujymynyń jobasy qala ákimshiliginiń qoldaýymen iske asyrylǵan.
7 jyl buryn (2008) Batys Qazaqstan oblysy Qaztalov aýdany Qarakól aýylynda Qazaqstan Respýblıkasynyń kompozıtory, eńbek sińirgen ustazy Náseken Súleımenovtiń murajaıy ashyldy.
6 jyl buryn (2009) Pavlodar oblysy Ekibastuz qalasynda jyldyq qýaty 50 mıllıon kirpishti quraıtyn jańa zaýyt iske qosyldy.
Keramıkalyq kirpish shyǵaratyn kásiporyndy «Vershına» JShS salyp shyqty.
6 jyl buryn (2009) Astanadaǵy Beıbitshilik jáne kelisim saraıynda jańa redaktsııadaǵy «Korsar» baletiniń premerasy boldy, ony Elbasy Nursultan Nazarbaev tamashalady.
«Korsar» baletinde K.Baıseıitova atyndaǵy Ulttyq opera jáne balet teatrynyń ártisteri QR eńbek sińirgen qaıratkeri Gúlfaırýs Qurmanǵojaeva, halyqaralyq konkýrstardyń laýreattary men dıplomanttary Jandos Áýbákirov, Rústem Seıitbekov, Taıyr Ǵataýov, Ǵalııa Majaǵulova, Elena Semenova, ártister Janádil Beısembıev pen Janat Sársembaev oınady.
4 jyl buryn (2011) Memleket basshysy Qazaqstan Respýblıkasynyń «Neke (erli-zaıyptylyq) jáne otbasy týraly» zańyna qol qoıdy.
4 jyl buryn (2011) Ekibastuzdyń mıneraldyq buıymdar zaýytynda respýblıkada tuńǵysh ret bazaltty jylý ótkizbeıtin materıaldar shyǵarý ıgerildi.
3 jyl buryn (2012) Beıjińde Shanhaı yntymaqtastyq uıymyna múshe memleketterdiń Ulttyq úılestirýshi keńesiniń otyrysy ótti.
Qazaqstandyq delegatsııany ShYU qyzmetiniń máseleleri jónindegi ulttyq úılestirýshisi, SІM erekshe tapsyrma boıynsha elshisi Shahrat Nuryshev basqardy.
Jıyn barysynda ShYU-ǵa múshe memleketter basshylarynyń keńesin 2013 jyly ShYU Hatshylyǵy qyzmetkerlerin rotatsııalaı otyryp jáne Uıymnyń qarjy-sharýashylyq qyzmetiniń syrtqy aýdıtimen, sondaı-aq Túrik Respýblıkasyna ShYU dıalogy boıynsha áriptes mártebesin berý týraly memorandýmǵa qol qoıýmen Qyrǵyz Respýblıkasynda ótkizýge baılanysty máseleler talqylandy.
3 jyl buryn (2012) Almatyda «Qazaqstan-2050 strategııasy» qalyptasqan memlekettiń jańa saıası baǵamy» atty Prezıdenttiń Joldaýyn talqylaýǵa qatysty Qazaqstan halyqtary Assambleıasynyń respýblıkalyq jıyny ótti.
Májilis barysynda «Qazaqstan-2050» strategııasynyń negizgi erejeleri talqylandy, Memleket basshysynyń Joldaýyn aqparattyq-nasıhattaý jáne ǵylymı-talmadamalyq súımeldeý boıynsha Assambleıanyń jumys baǵyttary qaraldy.
3 jyl buryn (2012) Úkimet Úıinde «EKSPO-2017» kórmesin ótkizýge daıyndyq máselelerine qatysty jıyn ótti.
Májilis qatysýshylary 2013-2018 jyldarǵa arnalǵan «EKSPO-2017» kórmesin uıymdastyrý jáne ótkizý jónindegi ulttyq jospardyń negizgi baǵyttaryn talqylady. Atap aıtqanda, kórmeniń tirkeý qujattamasynyń jobasyn ázirleý, Halyqaralyq kórme bıýrosynyń keńsesimen ózara is-qımyl, sondaı-aq memlekettik korporatsııa qurý men onyń qyzmetiniń máseleleri qaraldy.
3 jyl buryn (2012) Qazaqstan Respýblıkasynyń Joǵarǵy soty «Shyn júrekten» qaıyrymdylyq aktsııasyn ótkizdi.
Aktsııanyń maqsaty - kóp balaly otbasylarǵa járdemdesý. Aktsııaǵa bastamashylyq etken - Joǵarǵy sot tóraǵasy Bektas Beknazarov. Jeltoqsannyń basynda ol Joǵarǵy sot sýdıalary men apparat qyzmetkerlerine Astana aýmaǵynda turyp jatqan az qamtylǵan otbasylarǵa kómek kórsetýdi usyndy.
3 jyl buryn (2012) Taldyqorǵanda jańa sút zaýyty ashyldy.
3 jyl buryn (2012) Astanada «Egemen Qazaqstan» respýblıkalyq gazetiniń redaktsııasynda «Oljaly otyzynshy Olımpıdada» kitabynyń tanystyrylymy boldy, onda Qazaqstan ulttyq olımpıadalyq quramasynyń Londondaǵy HHH jazǵy Olımpıadalyq oıyndardaǵy jarqyn jeńisteri baıandalǵan.
2 jyl buryn (2013) Sh.Ýálıhanov atyndaǵy Kókshetaý memlekettik ýnıversıtetinde Qazaqstandaǵy Halyqaralyq «EXPO-2017» kórmesine arnalǵan «dóńgelek ústel» ótti.
Qazaqstanda «EXPO-2017» ótkizýdiń mańyzdylyǵy, el ekonomıkasyna «jasyl ekonomıkany» engizý máseleleri jáne t.b. talqylandy.
2 jyl buryn (2013) Almatyda Uly Shyńǵyshan Kúnine arnalǵan ekinshi Jalpytúriktik quryltaı-konferentsııasy ótti.
Іri ǵalymdar men Shyńǵyshannyń ómirin zertteýshiler ashqan jańalyqtarymen, belgisiz bolyp kelgen qyzyqty tarıhı faktilermen bólisti. Osy konferentsııa aıasynda Qazaqstannyń jas urpaǵy óz otany men uly babalary jaıly kóptegen maǵlumattar aldy.
Bir jyl buryn (2014) Aqmola oblysynyń Tselınograd aýdanynda memlekettik tildi oqytý boıynsha ortalyq ashyldy.
Bir jyl buryn (2014) Tashkent qalasynda Qazaqstan Respýblıkasy men Ózbekstan Respýblıkasynyń arasynda ekijaqty yntymaqtastyq boıynsha Birlesken úkimetaralyq komıssııanyń 14-shi otyrysy bolyp ótti. Onyń qorytyndylary boıynsha birlesken Hattamaǵa qol qoıý rásimi ótti.
40 jyl buryn (1975) Máskeý-Almaty tas joly boıynsha álemde alǵash ret «TÝ-144» dybystan ushqyr ushaǵy kommertsııalyq júkpen usha bastady.
ESІMDER
121 jyl buryn (1894-1938) memleket jáne qoǵam qaıratkeri, Túrkistan Respýblıkasy Halyq komıssarlary Keńesiniń tóraǵasy, Túrksib qurylysynyń negizin salýshylardyń biri RYSQULOV Turar dúnıege keldi.
1907-1910 jyldary Turar Merkedegi orys-qazaq bastaýysh mektebinde, 1910-1914 jyldary Bishkektegi aýyl sharýashylyq ýchılışesinde oqyp, baý-baqsha mamandyǵyn alady. 1914-1916 jyldary Merkede jáne Tashkent túbindegi baý-baqsha isimen aınalysady. 1916 jyldyń jazynda Áýlıeata oıazynda otarshyldyqqa qarsy qarýly kóterilisti uıymdastyrǵany úshin qamaýǵa alynady. Qazaq halqynyń 1916 jylǵy ult-azattyq qozǵalysy jas ıntellıgentterdiń saıası saýattaný mektebi boldy jáne olardyń taǵdyryn aıqyndap bergen uly qozǵalys edi. 1917 jylǵy revolıýtsııa kezinde patshanyń taqtan qulaǵanyn estigen T.Rysqulov Tashkenttegi oqýyn tastap, Áýlıeata oıazyndaǵy Merke aýdanyna keledi. Onda erkindik pen táýelsizdik úshin kúresý maqsatynda 1917 jyldyń basynda «Qazaq jastarynyń revolıýtsııalyq odaǵyn» qurady. 1918 jyly Áýlıeata oıazy Sovdepi tóraǵasynyń orynbasary qyzmetin atqarady. Qazan aıynda Keńesterdiń VІ sezinde TúrkOAK quramyna kiredi. Odan keıin Túrkistan Respýblıkasynyń densaýlyq saqtaý halkomy bolyp taǵaıyndalady. Túrli qyzmet atqaryp, 1920 jyly Túrkistan Kompartııasy OK-niń múshesi, Túrkistan AKSR OAK tóraǵasy bolyp saılandy.
Rysqulovtyń saıası, memlekettik qyzmetker retindegi esimi Musylman bıýrosyndaǵy qyzmetimen baılanysty keńinen belgili boldy. Onyń basshylyǵymen Musbıýro Ortalyqtyń qysymy men dıktatyna qarsy únemi kúres júrgizdi. Túrki Respýblıkasy men Túrki kompartııasyn qurý jónindegi Rysqulov kózqarastary Musbıýronyń ІІ konferentsııasynda qoldaý tapty. Biraq ortalyq aralasyp, túrkistandyqtardyń ulttyq baǵdarlanýǵa degen erkindigin basyp tastady. Turarǵa pantıýrkızm men ulttyq aýytqý jóninde aıyp taǵylyp, ómiriniń sońyna deıin qalmady. T.Rysqulov 1920 jyly Bakýdegi Shyǵys halyqtarynyń І seziniń jumysyna qatysty. 1920 jyly jeltoqsanda RSFSR Ulttar isi jónindegi halkomynyń orynbasary, 1922 jyly Túrkistan Respýblıkasy Halyq komıssarlary Keńesiniń Tóraǵasy qyzmetine taǵaıyndaldy. 1924 jyly Monǵolııaǵa Komınternniń ókili retinde jiberildi. 1925 jyly Qazraıkom BKP (b) baspasóz bóliminiń meńgerýshisi jáne «Eńbekshi qazaq» gazetiniń jaýapty redaktory, 1926-1937 jyldary maqta jónindegi turaqty májilis tóraǵasynyń orynbasary. Onyń qalamynan ondaǵan kitap, kitapsha, 100-den asa maqalalar shyqty. 1937 jyldyń mamyr aıynda Máskeýde qamaýǵa alynǵan. 1934 jyly qurylǵan «Búkilodaqtyq birikken ortalyqty» uıymdastyrýshy degen aıyp taǵylǵan. 1938 jyldyń 10 aqpanynda atý jazasyna ushyraǵan. Almatyda iri dańǵyldardyń biri Rysqulov esimimen atalady.
115 jyl buryn (1900-1978) tarıh ǵylymynyń doktory, professor, Qazaq KSR Ǵylym Akademııasynyń akademıgi, Qazaq KSR-niń eńbek sińirgen ǵylym qaıratkeri, Qazaq KSR Ǵylym Akademııasynyń Shoqan Ýálıhanov atyndaǵy syılyǵynyń laýreaty POKROVSKII Sergeı Nıkolaevıch dúnıege keldi.
Ýkraınada týǵan. Qyzyl Professýra ınstıtýtyn bitirgen.
Qazaq KSR prokýrorynyń orynbasary, Qazaq memlekettik ýnıversıteti kafedrasynyń meńgerýshisi, prorektory, Qazaq KSR Ǵylym akademııasy Tarıh, arheologııa jáne etnografııa ınstıtýty bóliminiń meńgerýshisi, dırektory, Qazaq KSR Ǵylym Akademııasynyń Qoǵamdyq ǵylym bólimshesiniń akademık-hatshysy qyzmetterin atqarǵan.
Onyń negizgi eńbekteri Qazaqstandaǵy Qazan revolıýtsııasy men Azamat soǵysyna arnalǵan. «Pobeda Sovetskoı vlastı v Semıreche», «Razgrom ınostrannyh voennyh ınterventov ı vnýtrenneı kontrrevolıýtsıı v Kazahstane (1918-1920)», «Lenın ı pobeda Sovetskoı vlastı v Kazahstane» atty ǵylymı eńbekteri jaryq kórgen.
Eńbek Qyzyl Tý, 2 ret «Qurmet belgisi», Halyqtar dostyǵy ordenderimen jáne medaldarmen marapattalǵan.
10 7 jyl buryn (1908-1992) ánshi, Qazaqstannyń eńbek sińirgen óner qaıratkeri IBRAGIMOVA Támti Záripqyzy dúnıege keldi.
Batys Qazaqstan oblysynyń Qaratóbe aýdanynda týǵan. Ol 1931 jyly Qazaq radıosy komıtetiniń respýblıkadaǵy tuńǵysh dıktory bolǵan. Muhıt ánderin alǵashqy oryndaýshylardyń biri. Ibragımova oryndaǵan ánderdi óner mamany B.Erzakovıch notaǵa túsirgen. 1932-1935 jyldary Qazaq drama teatrynda óner kórsetken. «Maıdanger kompozıtorlar ánderi», «Jas qazaq», «Máńgilik alaý», «Pesnıa, rojdennaıa v bıtvah» atty kitaptardyń avtory.
77 jyl buryn (1938) tehnıka ǵylymynyń kandıdaty, professor, Halyqaralyq kólik akademııasynyń akademıgi, Máskeý tehnıkalyq ýnıversıtetiniń jáne Sibir avtomobıl joldary akademııasynyń qurmetti professory MURTAZIN Baqytjan Sátmaǵanbetuly dúnıege keldi.
Reseıdiń Omby oblysynda týǵan. Sibir avtomobıl joldary ınstıtýtyn, Máskeý avtomobıl joldary ınstıtýtynyń aspırantýrasyn bitirgen. Óskemen avtomobıl joldary ınstıtýtynyń aǵa oqytýshysy, dotsenti, dekany, kafedra meńgerýshisi, Qazaq KSR Joǵary jáne arnaıy orta bilim mınıstrligi bas basqarmasynyń bastyǵy, Qazaq KSR Mınıstrler Keńesi Іs basqarmasynyń bólim meńgerýshisi qyzmetterin atqarǵan. 1990-1996 jyldary - Almaty avtomobıl joldary ınstıtýynyń rektory qyzmetin atqarǵan. 1996 jyldan beri Qazaq kólik jáne kommýnıkatsııa akademııasynyń kafedra meńgerýshisi, professory bolǵan. Ǵalym jol sharýashylyǵyna qatysty birqatar termınologııalyq sózdikterdiń avtory.
56 jyl buryn (1959) «QazMunaıTeńiz» AQ bas dırektory MARABAEV Ermek Násipqalıuly dúnıege keldi.
Máskeý qalasynda týǵan. I.M. Gýbkın atyndaǵy Máskeý munaı jáne gaz ınstıtýtyn (1982) ken ınjeneri mamandyǵy boıynsha; Kıngston ýnıversıteti magıstratýrasyn (London q., 2004); «General management» HShA Máskeý áleýmettik jáne ekonomıkalyq ǵylymdar mektebin bitirgen (2004). «Úńǵymanyń vertıkaldy dińgegindegi qaıtarýshy» avtorlyq kýáligine ıe (1986). Qazaq, orys jáne aǵylshyn tilderin biledi. 1982 jyldan - Ózen burǵylaý jumystary basqarmasynda burǵyshynyń kómekshisi, burǵyshy, burǵylaý sheberiniń kómekshisi, burǵylaý sheberi. 1984 jyldan Jetibaı burǵylaý jumystary basqarmasynyń burǵylaý sheberi, aýysym bastyǵy. 1987 jyldan - Qumkól tereńnen burǵylal paıdalaný ekspedıtsııasy bastyǵynyń orynbasary, bas ınjeneri, bastyǵy. 1989 jyldan - Jetibaı burǵylaý jumystary basqarmasynyń kásipodaq komıtetiniń tóraǵasy.
1991 jyldan - Mańǵystaý oblystyq tabıǵat qorǵaý komıtetiniń bólim bastyǵy, Mańǵystaý oblystyq ekologııalyq jáne tabıǵat paıdalaný komıteti tóraǵasynyń orynbasary. 1993 jyldan «Qazaqstanmýnaıgaz»kompanııasynyń syrtqy ekonomıkalyq baılanystar departamentiniń bas mamany, munaı, marketıng jáne kommertsııalyq operatsııalar jónindegi departamentiniń bastyǵy.1995 jyldan - Londondaǵy QR saýda úıiniń munaı departamentiniń bastyǵy, «Drılkon Ink.» fırmasynyń Qazaqstan Respýblıkasyndaǵy keńesshisi, Qazaqstandaǵy amerıkandyq kompanııa fılıalynyń basqarýshy dırektory. 1997 jyldan «QýatAmlonMunaı » BK bas dırektorynyń orynbasary. 1999 jyldan - «Harrıkeın Qumkól Munaı» AAQ vıtse-prezıdenti. 2001 jyldan - «Shevronmunaıgaz» kompanııasynyń kommertsııalyq menedjeri. 2005 jyldan - «Kurmanǵazy Petroleým» JShS bas dırektory. 2007 jyldyń sáýir aıynan - AQ «QazMunaıTeńiz» TMK» AQ bas dırektorynyń birinshi orynbasary, 2007 jyldyń qyrkúıek aıynan beri - bas dırektory.
«Qazaqstan munaıyna 100 jyl» belgisimen, «Samuryk-Qazyna» UÁQ» AQ (2009) Qurmet gramotasymen marapattalǵan.
44 jyl buryn (1971) Jambyl oblysy Sary sý aýdanynyń ákimi JAILYBAEV Beıbitbek Shyńdalyuly dúnıege keldi.
Bilimi joǵary, 1994 jyly Almaty zootehnıkalyq mal dárigerlik ınstıtýtyn zooınjener jáne 2009 jyly Jambyl gýmanıtarlyq tehnıkalyq ýnıversıtetin ekonomıst mamandyqtary boıynsha bitirgen, aýyl sharýashylyq ǵylymdarynyń kandıdaty.
Eńbek jolyn 1997 jyly T.Rysqulov aýdanynda «Aqbulaq» AQ-da zootehnık-selektsıoner bolypbastaǵan.
1999-2004 jyldary T.Rysqulov aýdandyq aýyl sharýashylyǵy basqarmasy bastyǵynyń orynbasary, 2004-2005 jyldary T.Rysqulov aýdandyq shaǵyn jáne orta kásipkerlikti qoldaý komıtetiniń tóraǵasy, 01.-10.2005 jyldary T.Rysqulov aýdany ákiminiń bas ınspektory, 2005-2006 jyldary T.Rysqulov aýdany ákimi apparatynyń jetekshisi, 2006-2011 jyldary T.Rysqulov aýdandyq aýyl sharýashylyǵy bóliminiń bastyǵy, 2011-2012 jyldary T.Rysqulov aýdany ákimdiginiń kásipkerlik jáne aýyl sharýashylyǵy bóliminiń bastyǵy, 2012-2015 jyldary T.Rysqulov aýdany ákiminiń orynbasary.
2015 jyldyń mamyry men shildesi aralyǵynda Jambyl oblysy ákimdiginiń aýyl sharýashylyq basqarmasy basshysynyń orynbasary qyzmetin atqarǵan. Jambyl oblysy ákiminiń 2015 jylǵy «16» shildedegi №327-ó ókimimen Beıbitbek Shyndalyuly Jaılybaev Sarysý aýdanynyń ákimi bolyp taǵaıyndaldy.
39 jyl buryn (1976) «Qazaqstan turǵynúıqurylysjınaqbanki» AQ basqarmasynyń tóraǵasy JUMAǴULOV Aıbatyr Nyshanbaıuly dúnıege keldi.
33 jyl buryn (1982) Soltústik Qazaqstan oblysyndaǵy Ǵabıt Músirepov atyndaǵy aýdan ákimi DÝDOV Vladımır Sergeevıch dúnıege keldi.
Kókshetaý oblysy (qazirgi Aqmola) Chıstopol aýdanynyń Tahtabrod aýylynda týǵan. A. Myrzahmetov atyndaǵy Kókshetaý ýnıversıtetin aıaqtaǵan (zańger). Eńbek jolyn kommertsııalyq salada bastap, ár-túrli qyzmetterde istegen. 2005-2009 jyldar aralyǵynda Soltústik Qazaqstan oblysy Ǵabıt Músirepov atyndaǵy aýda ákimi apparatynyń bas mamany, uıymdastyrý-baqylaý jáne kadrlar jumysy jónindegi bóliminiń bastyǵy bolyp jumys istedi. 2009 jyldan Soltústik Qazaqstan oblysy, ákimi apparatynyń bas ınspektory, basshynyń orynbasary - uıymdastyrý-ınspektorlyq bólimniń meńgerýshisi, apparat basshysy qyzmetin atqardy. 2011-2013 jyldary Qazaqstan Respýblıkasy Prezıdenti Ákimshiliginiń Memlekettik baqylaý jáne uıymdastyrý-aýmaqtyq jumys bóliminiń ınspektory, memlekettik ınspektory boldy. 2014 jylǵy qazannan bastap Soltústik Qazaqstan oblysy ákiminiń ókimimen Ǵabıt Músirepov atyndaǵy aýdannyń ákimi bolyp taǵaıyndaldy.
66 jyl buryn (1949) keńestik jáne reseılik teatr jáne kıno akteri, ánshi, telejúrgizýshi, Reseı halyq ártisi BOıARSKII Mıhaıl Sergeevıch dúnıege keldi.
122 jyl buryn (1893-1976) HH ǵasyrdaǵy qytaı memlekettik jáne saıası qaıratkeri Mao TsZEDÝN dúnıege keldi.
87 jyl buryn (1928) amerıkalyq ınjener jáne fızık, uıaly telefonmen alǵashqy qońyraý shalǵan adam retinde belgili Martın KÝPER dúnıege keldi.
66 jyl buryn (1949) Shyǵys Tımoranyń 2007-2012 jyldardaǵy prezıdenti Joze Manýel RAMÝSh-ORTA dúnıege keldi.
62 jyl buryn (1953) KSRO-nyń quramynan shyqqannan keıingi Estonııanyń úshinshi memleket basshysy jáne eston memlekettiginiń búkil tarıhyndaǵy tórtinshi memleket basshysy, dıplomat, jýrnalıst Toomas Hendrık ILЬVES dúnıege keldi.
62 jyl buryn (1953) domınıkan saıasatkeri, 1996-2000 jáne 2000-2012 jylǵy 16 tamyz aralyǵyndaǵy Domınıkan Respýblıkasynyń prezıdenti Leonel FERNANDES (tolyq aty-jóni - Leonel Antonıo Fernandes Reına) dúnıege keldi.