QazAqparat Qazaqstandaǵy eń bedeldi medıaholdıngke aınaldy - «Ionhap» agenttiginiń prezıdenti
«Armysyzdar! Men Ońtústik Koreıadaǵy basty aqparat agenttiginiń prezıdenti ári bas dırektory Sýng Bý Chomyn. Osynaý júz jyldyq aıtýly mereıtoımen «QazAqparat» aqparattyq agenttigin shyn júrekten quttyqtaımyn.
«QazAqparat» aqparattyq agenttigi qurylǵan 1920 jyldan beri Qazaqstandaǵy eń senimdi ári eń bedeldi medıaholdıngke aınaldy. Agenttikterińiz eldegi jáne shet eldegi oqyrmandary úshin aqparat taratýda mańyzdy ról atqarady.
Sonymen qatar «QazAqparat» búgingi tańda men basqaryp otyrǵan Azııa jáne Tynyq muhıt aımaǵy aqparat agenttigi uıymdastyrǵan túrli is-sharalarǵa belsene at salysyp keledi», - dep jazdy Sýng Bý Chomyn myrza quttyqtaý hatynda.
Onyń aıtýynsha, ótken jyly qarasha aıynda OANA assambleıasy aıasynda «QazAqparat» agenttiginiń basqarma tóraǵasy Asqar Omarov myrzamen eki jaqty kezdesý ótken.
«Kezdesý barysynda Asqar myrzamen agenttikter arasyndaǵy yntymaqtastyqty nyǵaıtý boıynsha pikir almastyq. Budan keıinde «QazAqparattyń» OANA aıasyndaǵy áriptestik baılanysymyz arta túserine senemin. Eki eldiń basty aqparat agenttikteri retinde bizderdiń uzaq jyldarǵa sozylǵan tyǵyz iskerlik baılanysymyz jalǵasyn tabýda. Sózimizdiń dáleli retinde «Ionhap» Almatyǵa menshikti tilshisin jiberdi jáne estýimshe «QazAqparat» óz tarapynda menshikti tilshisin Seýlge jiberýdi josparlap otyrǵan kórinedi. Men eki agenttikke de iskerlik baılanystarymyzdyń artýyn jáne ózara dostyǵymyzdyń nyǵaıa túsýin tileımin.
«QazAqparatty» júz jyldyq mereı toıymen quttyqtaı otyryp, agenttikke iskerlik tabystar tileımin. Alǵys bildiremin!», - dedi «Ionhap» aqparattyq agenttiginiń prezıdenti.
