«QazAqparat» HAA jemqorlyqqa qarsy kúres konkýrsynda jeńimpaz atandy
TARAZ. QazAqparat - Tarazda sybaılas jemqorlyqqa qarsy kúreske arnalǵan oblystyq forým ótti, dep habarlaıdy QazAqparat tilshisi.
Qalalyq Mádenıet úıine túrli vedomstvolardyń basshylary, ardagerler, jastar, BAQ ókilderi jınaldy. Sharada jınalǵandarǵa adaldyq ustanymdary, sybaılas jemqorlyqqa qarsy kúres mádenıetin qalyptastyrý týraly qoıylym kórsetildi.
«Jambyl oblysynda 2018-2020 jyldarǵa arnalǵan sybaılas jemqorlyqqa qarsy is-qımyldar strategııasyn iske asyrý boıynsha sharalar jospary bekitildi. Basty maqsat - sybaılas jemqorlyq týraly eskertý jáne onyń saldaryn joıý», - deıdi Jambyl oblysy ákimi apparatynyń basshysy Nurjan Qalenderov.
Forým aıaǵynda sybaılas jemqorlyqqa qarsy kúres taqyrybyna arnalǵan úzdik jarııalanym konkýrsynyń jeńimpazdary anyqtaldy. Internet-BAQ arasynda jeńimpazdar qatarynda «QazAqparat» HAA-nyń Jambyl oblysyndaǵy óńirlik tilshisi bar.
