«QazAqparat» HAA ujymyn agenttik ardagerleri quttyqtady
ALMATY. QazAqparat - «QazAqparat» halyqaralyq aqparat agenttigin 95 jyldyq mereıtoıymen ardagerler Tamara Tolıkına men Valentına Esimbekova quttyqtady. Olardyń biri aqparat agenttiginde 33 jyl jumys jasasa, ekinshisi ǵumyrynyń 25 jylyn arnaǵan.
«Bizdiń QazAqparat - kópjyldyq tarıhy tereń, ózindik dástúrleri qalyptasqan aqparat kózi. Bul - Qazaqstannyń ótkeni men búgin jalǵastyryp turǵan jańalyqtar jarshysy. Agenttik jýrnalısteri - óz isiniń mamandary. Olar elde bolsa da, syrtta bolsa da elde bolyp jatqan mańyzdy tarıhı saıası qubylystardy jedel ári obektıvti jetkizip otyrady. El basynan ujymdastyrý, ındýstrııalandyrý, UOS, tyń ıgerý, ǵaryshty baǵyndyrý, ıadrolyq polgonnyń jabylýy, táýelsizdik alý, egemendi Qazaqstannyń qalyptasýy, Memleket basshysynyń beıbit bastamalary sııaqty mańyzdy oqıǵalar ótti. Osynyń barlyǵy QazAqparatta jaryq kórip keledi», - dedi T.Tolıkına.
QazTAG - QazAqparat tek kásibı turǵydan ǵana emes, ómirlik turǵydan da jýrnalısterge úlken mektep boldy.
Tamara Tolıkına orys redaktsııasynyń bas shyǵarýshy redaktory qyzmetin atqarǵan. Myńdaǵan oqyrmanǵa jetetin habarlamalar sol kisiniń qyraǵy kózinen ótetin.
V.Esımbekova korjeliniń meńgerýshisi qyzmetin atqarǵan. Jalpy redaktsııanyń jumysyn uıymdastyrý sol kisiniń mindeti bolatyn.
«QazAqparatty» kún qurǵatpaı oqyp turatyn qos ardager izin basqan jýrnalısterge tek shyǵarmashylyq tabys, qajyrly eńbek tiledi.
