«QazAqparat» HAA tilshisi «Shańyraq» baıqaýynda І oryn aldy

NUR-SULTAN. QazAqparat – «QazAqparat» halyqaralyq aqparat agenttiginiń tilshisi Rýslan Ǵabbasov Qazaqstan halqy Assambleıasy uıymdastyrǵan «Shańyraq» baıqaýynda І oryn ıelendi, dep habarlaıdy QazAqparat tilshisi.

«Shańyraq» baıqaýyna búkil óńirden jýrnalıster qatysqan. Aqtyq márede tanymal BAQ quraldarynyń tilshileri úzdik atandy.

Qazaqstandyq kelisim men jalpyhalyqtyq birliktiń qazaqstandyq modeliniń mánin ashýǵa arnalǵan jáne «Jastar jyly – dańǵyl jol» taqyrybynda jáne áleýmettik jelilerde jarııalanǵan úzdik taldamalyq materıal avtorlaryna úshinshi orynnan úsheý berildi. Osylaısha, ol oryndarǵa «Qazaq radıolary» jaýapkershiligi shekteýli seriktestiginiń redaktor-júrgizýshisi Álmıra Elimsary, «Qazkontent» aktsıonerlik qoǵamy assembly.kz portalynyń bas redaktory Rýslan Begen, tazael.kz saıtynyń menshikti tilshisi Beıbit Ospan laıyqty dep tanyldy.

Sondaı-aq, Qazaqstan halqy Assambleıasy qazaqstandyq etnostardyń mádenıeti men salt-dástúrlerin damytýǵa jáne «Qazaqtaný» jobasyn nasıhattaýǵa, Assambleıanyń qurylymdarynyń qyzmetin ashyp kórsetken maqala avtorlaryna ІІ orynnan úsheý tapsyryldy. Ol oryndarǵa Halyqaralyq «Túrkistan» gazetiniń tilshisi Eldos Toqtarbaı, «Qazaqstan» ulttyq arnasy aqparat bóliminiń arnaıy tilshisi Asıma Buqarbaeva, «Kazakh TV» telearnasynyń tilshisi Zarına Asanova Zarına ıe boldy.

Memlekettik tildi nasıhattaý jáne onyń qoldaný aıasyn keńeıtý máseleleri men Assambleıa men onyń qurylymdarynyń qyzmetin ashyp kórsetýge tyrysqan úsh jýrnalıst І orynnan kórindi. Júldeli birinshi oryndy Qazaqparat» halyqaralyq aqparat agenttigi qazaq redaktsııasynyń sarapshysy Rýslan Ǵabbasov, «Habar-24» telearnasy jańalyqtar bóliminiń tilshisi Aqsáýle Baımenshına, «Kazahstanskaıa pravda» gazetiniń redaktory ıÝlııa Mager ıelendi.

Sonymen birge, «Egemen Qazaqstan» gazetiniń– 100 jyl tolýyna oraı Qazaqstan halqy Assambleıasy atalǵan basylymǵa arnaıy júldeni tapsyrdy.