«QazAqparat» HAA tilshisi «Damý» kásipkerlikti qoldaý qorynyń baıqaýynda jeńimpaz atandy
ALMATY. QazAqparat - Búgin Almatyda «Damý» kásipkerlikti qoldaý qory jýrnalıster arasynda uıymdastyrylǵan «Bıznestiń jol kartasy-2020» baǵdarlamasy jáne «Qazaqstandaǵy kásipkerlik BAQ nazarynda» atty baıqaýdyń jeńimpazdaryn marapattady.
Jeńimpazdardyń ishinde «QazAqparat» HAA Almatydaǵy tilshisi Japparbergen Aıbota da bar. Onyń maqalalary «Ǵalamtordaǵy úzdik maqala» atalymy boıynsha qazaq tilindegi basylymdardyń arasynda birinshi orynǵa laıyq dep tanyldy.
Baıqaýǵa elimizdiń 24 qalasynan 109 tilshi qatysqan. Qazylar alqasy barlyǵy 432 jumys ishinen úzdikterin anyqtady. Telearnalar arasynda qazaq tilinde jarııalanǵan úzdik sıýjet retinde «Almaty» telearnasynyń tilshisi Úmbetáli Meımeshtiń jumysy tanylsa, orys tilindegi telearnalar ishinde «Jastar Korporatsııasy» atty tele jobasymen «Rıka-TV» arnasynyń tilshisi Marına Vasıleva júldeli oryndy ıelendi.
«Qazaq tilindegi úzdik radıosıýjet» atalymy boıynsha «Qazaqstan-Taraz» radıosynyń tilshisi Maqulbek Maldarbekovtiń jumysy úzdik dep tanylsa, orys tilindegi radıojýrnalıster arasynda birinshi oryn qostanaılyq «Karavan novosteı» radıosynyń tilshisi Konstantın Doljanskııge buıyrdy.
Daýys berý nátıjesinde qazyl alqasynyń sheshimimen «Merzimdi baspasózdegi» úzdik jarııalanym» atalymy boıynsha «Aqtóbe» gazetiniń tilshisi Meıramgúl Sataeva men «Sapa Taldyqorǵan» gazetiniń tilshisi Ksenııa Kleeva jeńimpaz atandy.
Al, «Damý» qory taǵaıyndaǵan «Kásipkerlikti qoldaýdy belsendi nasıhattaǵany úshin» arnaıy syılyǵy «Zakon.kz» tilshisi Torǵyn Nurseıitova men «Panorama» basylymynyń jýrnalısi Nıkolaı Drozd, «Qazaq radıosynyń» redaktory Rıta Sársenge buıyrdy.
Áriptesterimizdi jeńisimen quttyqtaımyz!
