«QazAqparat» HAA qyzmetkeri Elena Shatohına ómirden ótti
ASTANA. QazAqparat – 2023 jylǵy 7 shildede QR Prezıdenti Teleradıokesheni «QazAqparat» agenttiginiń qyzmetkeri Shatohına Elena Arkadevna tosynnan qaıtys boldy.
Elena Arkadevna Tselınograd oblysynda týǵan. Eńbek jolyn 1981 jyly Qazaqstan KP Tselınograd oblystyq komıtetiniń baspager-baıqaýshysy bolyp bastaǵan. «Stolıchnyı prospekt» gazetinde operator-terýshi bolyp jumys istedi. Eńbek jolyn 2003 jyly «Kazahstanskaıa pravda» gazetinde jalǵastyrdy. 2008 jyldan «QazAqparat» agenttiginde aqparat shyǵarý bóliminiń operator-redaktory boldy. 2014 jyldan kúndelikti shyǵatyn «QazAqparat kúntizbesi» men «Tulǵalar týǵan kún» kúntizbesin jasaıtyn.
