QazAqparat HAA «KEGOC» AQ shyǵarmashylyq konkýrsynyń jeńimpazy atandy
ASTANA. QazAqparat - «QazAqparat» halyqaralyq aqparattyq agenttigi «KEGOC» AQ ótkizgen shyǵarmashylyq konkýrsynyń «Júıelilik jáne naqtylyq» nomınatsııasy boıynsha jeńimpaz atandy.
«Qadirli dostar, sizder únemi bizben birge bolǵandyqtaryńyz úshin, kompanııanyń atqaryp jatqan jumysyn shynaıy ári naqty kórsete bilgendikterińiz úshin alǵys aıtqym keledi. Bizdiń kompanııa Qazaqstan ekonomıkasyn damytýda mańyzdy rol atqarady. Bizge tutynýshylarymyzdy elektr energııasymen qamtamasyz etýde úlken jaýapkershilik júktelgen. El ekonomıkasynyń ósip jatqan suranysyn qamtýda energetıkany damytý boıynsha mindettememiz bar»,-dep atap ótti jeńimpazdardy saltanatty marapattaý rásiminde aktsıonerlik qoǵamnyń Basqarma tóraǵasy Baqytjan Qajıev.
Ózge nomınatsııalardyń jeńimpazdary:
«Televızııalyq áriptes» - «24kz» telearnasynyń redaktsııasy.
«Qalt etpeıtin kózqaras» - LCAnalytic jýrnalynyń redaktsııasy.
«Ózektilik» - «Kapital.kz» jańlyqtar portalynyń redaktsııasy.
«Shynaıylyq» - «Aıqyn» respýblıkalyq gazetiniń redaktsııasy.
«Úzdik aqparattyq jarııalanym» - «Bnews» jańalyqtar portalynyń tilshisi Botagóz Omar. «Ózekti pýblıtsıstıka» - «Kýrsıv» isker aptalyǵynyń tilshisi Dınara Bekmaǵambetova. Jeńimpazdary gramotalar jáne baǵaly syılyqtar tapsyryldy. «KEGOC» energetıka salasyndaǵy ózekti máselelerdi kórsetýge baǵyttalǵan jýrnalıster arasyndaǵy shyǵarmashylyq konkýrsty 10 jyldan beri uıymdastyryp keledi.
