«QazAqparat» HAA Halyqtyq baqylaý bastamasyna aqparattyq qoldaý kórsetedi

NUR-SULTAN. QazAqparat – «QazAqparat» Halyqaralyq aqparat agenttigi pandemııa kezinde medıtsınalyq uıymdarǵa monıtorıng júrgizý úshin qurylǵan Halyqtyq baqylaý bastamasyna aqparattyq qoldaý kórsetetin bolady, dep habarlaıdy QazAqparat tilshisi.

Eske sala ketsek, búgin Aqparat jáne qoǵamdyq damý mınıstri Aıda Balaevanyń keńesshisi Lıma Dıas qazaqstandyqtardy Halyqtyq baqylaý tobyna qosylyp, medıtsınalyq uıymdarǵa monıtorıng júrgizýge shaqyrdy. Onyń aıtýynsha, qazirgi tańda osynaý úreıli aýrý órship turǵan ýaqytta halyqtyń kúshi oıanyp kele jatyr. Eldegi ahýalǵa qoǵamdyq baqylaýdyń mańyzy zor.

«Sol sebepti dárigerlerge eń birinshi kezekte kómektesý úshin qoǵamdyq baqylaý kerek. Qazirgi ýaqytta mańyzdysy: monıtorıng pen baqylaýdyń tıimdi mehanızmderin daıarlap, qysqa ýaqytta belsendilerdi úılestirý kerek, BAQ pen memlekettik organ bolyp, bir-birimizben yqpaldasa jumys júrgizgenimiz durys. Ideıalaryńyz nemese usynystaryńyz bolsa, qoǵamdyq baqylaý tobyna qosylǵyńyz kelse pikirge usynysyńyzdy qaldyryńyz. Bolmasa [e-mail] poshtasyna hat joldaýǵa bolady. Baılanystamyn», - deıdi ol.

«QazAqparat» HAA óz tarapynan QR Aqparat jáne qoǵamdyq damý mınıstri Aıda Balaevanyń tapsyrmasymen, volonter Aıda Boqaeva men Densaýlyq saqtaý mınıstri Alekseı Tsoıdyń bastamasymen qolǵa alynǵan Halyqtyq baqylaý tobyna aqparattyq qoldaý kórsetýge daıyn ekenin habarlaıdy.

Aıta keterligi, buǵan deıin QR Densaýlyq saqtaý mınıstri aýrýhanada emdelip jatqan naýqastarǵa dári-dármek jetpeı jatqany týraly áleýmettik jelide taraǵan vıdeoǵa qatysty jaýap bergen edi. Mınıstr medıtsınalyq uıymdardyń jumysyn qadaǵalaıtyn Halyqtyq baqylaý quratynyn aıtqan.