«QazAqparat» HAA brazılııalyq medıa-holdıngpen yntymaqtastyq týraly memorandýmǵa qol qoıdy

«Qol qoıý rásimi Brazılıa qalasyndaǵy EBC shtab-páterinde ótti. Qujatqa EBC dırektor-prezıdenti Laertı Rımolı, Jýrnalıstıka departamentiniń dırektory Loýrıval Masedo men Brazılııadaǵy Qazaqstan elshisi Qaırat Sarjanov qol qoıdy», - delingen Brazılııadaǵy Qazaqstan elshiliginiń habarlamasynda.

Memorandým Qazaqstan Respýblıkasy jáne Brazılııa Federatıvtik Respýblıkasy aýmaǵynda ótkiziletin memleketaralyq is-sharalarǵa, sondaı-aq memleket basshylarynyń, resmı delegatsııalardyń saparyna aqparattyq qoldaý kórsetý jáne aqparat almasý salasynda jetekshi brazılııalyq jáne qazaqstandyq eki BAQ-tyń arasyndaǵy ózara is-qımyldy nyǵaıtýǵa jáne keńeıtýge baǵyttalǵan.

Qol qoıý barysynda taraptar QazAqparat pen EBC arasyndaǵy yntymaqtastyqty odan ári damytýǵa nıet bildirdi.