«QazAqparat» HAA bas dırektory «Egemen akademııasynda» dáris oqydy
ASTANA. QazAqparat - «QazAqparat» HAA bas dırektory Asqar Ýmarov «Egemen akademııasynda» dáris oqydy. «Sapaly aqparat óndirisi. Trendter men mindetter» taqyrybynda ótken dáriske L.N.Gýmılev atyndaǵy Eýrazııa ulttyq ýnıversıteti Jýrnalıstıka jáne saıasattaný fakýltetiniń 40-qa jýyq stýdenti qatysty. Áleýmettik jeli qoldanýshylary da sabaqty onlaın qaraýǵa múmkindik aldy, dep habarlaıdy QazAqparat.
Dáris barysynda agenttik basshysy, qazirgi jýrnalıstıkanyń ózgeristerine, aqparatty usyný erekshelikterine toqtalyp, qoǵamdaǵy taza jýrnalıstıkanyń mańyzdylyǵyn atap ótti. Budan bólek, aqparattyq trendter, zamanaýı tehnologııalardy paıdalaný, sonymen qatar aqparat ǵasyryndaǵy áleýmettik jelimen básekege túsip jatqan jýrnalıstıkanyń mindetteri týraly keleli áńgime órbidi. Senimdi aqparatqa suranys, aqparatqa tapshylyqty boldyrmaý sekildi máselelerge taldaý jasaldy. Jýrnalıstik etıka týraly da áńgime aıtyldy.
«Utymdy jańalyq jarııalaýda eń aldymen «Zııan tıgizbe!» prıntsıpi basshylyqqa alynýy tıis. ıAǵnı, qaı zamanda bolmasyn jýrnalıstiń negizgi ustanymy - qoǵamǵa zııan keltirmeý bolýy shart. Osyny esten shyǵarmaıyq», - dedi Asqar Ýmarov.
Dáris suraq-jaýap formatynda órbidi, stýdentter birqatar saýal qoıyp, belsendilik tanytty.
Eske sala keteıik, «Egemen akademııasy» - medıa qyzmetkerlerine jáne stýdentterge óz bilimin shyńdaýǵa, biliktiligin arttyrýǵa jáne zamanaýı trendtermen tanysýǵa múmkindik beretin oqý alańy. Jobanyń maqsaty - qazaqtildi basylym mamandarynyń bilimin arttyryp, salalyq jýrnalıstıkaǵa beıimdeý, sondaı-aq ózekti taqyryptar tóńireginde talqylaý alańyn keńeıtý.
