«QazAqparat» HAA bas dırektory Azııa BAQ-tary lıderleriniń sammıtinde sóz sóıledi
«BAQ, atap aıtqanda, aqparat agenttikteri búginde jahandanǵan álem jaǵdaıynda aqparat kózi ǵana emes, qoǵamdyq dıplomatııa quraldaryna da aınalyp otyr. BAQ-tyń basty mindeti - fobııa týdyratyn senimdi aqparat tapshylyǵyn barynsha azaıtyp, túrli mádenıetterdiń, órkenıetterdiń jáne damý modelderiniń ózara dıalog ornatýyna kómektesý», - dedi ol «Azııanyń bolashaq birikken qoǵamdastyǵyn qurýdaǵy yntymaqtastyq pen BAQ-tar arasyndaǵy baılanys» atty paneldik sessııada.
A. Ýmarov Qazaqstannyń «Nurly jol» baǵdarlamasy men Qytaıdyń «Bir beldeý, bir jol» baǵdarlamasynyń sabaqtastyǵy, eki el buqaralyq aqparat quraldarynyń ózara yntymaqtastyǵy jáne «QazAqparat» HAA qyzmeti týraly aıtyp berdi.
Medıasammıt barysynda A. Ýmarov Iran aqparat agenttigi «IRNA», Qyrǵyzstannyń «Kabar» agenttigi basshylyǵymen, sondaı-aq Qytaıdaǵy jáne basqa elderdegi seriktestermen kezdesti.
Eske sala keteıik, medıasammıt «Azııadaǵy BAQ-tar yntymaqtastyǵynyń jańa dáýiri - sabaqtastyq pen ınnovatsııalyq damý» taqyrybyna arnaldy. Ony Boao Azııa forýmynyń hatshylyǵy, Qytaı teleradıo korporatsııasy, Qytaıdyń jarııaly dıplomatııalyq qaýymdastyǵy uıymdastyrdy.
Іs-sharaǵa Azııa qurlyǵyndaǵy 40-tan astam memlekettiń 140-tan kóp BAQ ókilderi qatysyp jatyr. Sammıt kezinde: «Azııanyń bolashaq birikken qoǵamdastyǵyn qurýdaǵy yntymaqtastyq pen BAQ-tar arasyndaǵy baılanys», «Bir beldeý, bir jol» qurylysy men halyqaralyq kommýnıkatsııalar úshin jańa múmkindikter», «Reformalar men ashyqtyq saıasatyna 40 jyl: Qytaıdyń damýy men jahandyq múmkindikteri», «Azııa mádenıetiniń qubylýy: almasýlar men ózara tanym» atty 4 paneldik sessııa ótedi.
Boao Azııa forýmy (BAF) 8-11 sáýir aralyǵynda QHR-dyń Haınan aralynda ótip jatyr. Oǵan álemniń barlyq elderinen kelgen saıası, isker jáne ǵylymı salanyń 2 myńnan astam ókilderi qatysýda.
10 sáýir kúni BAF-2018 resmı ashylýyna QHR tóraǵasy Sı Tszınpın qatyspaq. 