«QazAqparat» fotolary áleýmettik jelilerde keńinen taralýda
ASTANA. QazAqparat - Búgingi tańda áleýmettik jeliniń shartaraptaǵy, qala berdi kúndelikti tirshiligimizdegi bolyp jatqan ýaqıǵalardy izin sýytpaı jurt talqysyna salatyn paıdalanýshylardyń pikirtalas alańyna aınalǵany shyndyq.
Ásirese, myna ómirdegi keleńsiz jaıttarǵa, teris qylyqtarǵa degen jurtshylyqtyń belsendiligi asa joǵary bolyp otyr. Al kóterilgen máselege baılanysty salynǵan fotolardyń pikirtalasty odan ári jandandyra túsetindigi de ras. Bul oraıda «QazAqparat» HAA fotograftary sýretteriniń olardyń arasynan jıi kezdese bastaǵandyǵy qýantady.
Áleýmettik jelide osyndaı qyzý pikirtalas týdyrǵan oqıǵanyń biri 25 sáýirde elordadaǵy «Qazaqstan» kontsert zalynda ótken Dımash Qudaıbergenniń kontserti boldy. Álem moıyndaǵyn jas talanttyń jarqyraǵan beınesi, onyń kontserti jaıly pikirler Jelini dúr silkindirdi desek artyqtyq etpes.
«Rahat aı osyndaı da foto kóretin kún bolady eken.
Buryn jastar sheteldikterdi kýmır qylatyn edi ǵoı. Ózimizdiń qazaqty mensinbeı. Sonda da talantyn moıyndatý úshin Dımashqa Qytaıǵa barý kerek boldy»,-dep jazdy Feısbýkte Ańsaǵan Mustafa.
Al Aınýr Omar ánshini kórýge kelgen jurtshylyqqa ersi qylyq kórsetken kúzetshilerge renishin bildirgenimen, kelesi bir fotodan kúzetshini ekinshi bir qyrynan tanyǵandaı.
«Myna sýret sondaı jyly eken. Kúzet qyzmetkeriniń túrin qarańyzshy, meıirim tógilip tur!!! Dımashty jaqynnan kórgenine ózi de qatty qýanyshty sııaqty. Sýretti "Qazınformnan" urlap aldym. fotograf myqty eken!»,-dep jazady ol. 
Foto: Mýhtar Holdorbekov
