QazAqparat eldiń oń bedelin belsendi qalyptastyratyn resmı aqparattyń alǵashqy derekkózi bolyp tabylady - ENRC Qazaqstan
ASTANA. 14 tamyz. QazAqparat - ENRC Qazaqstan korporatsııalyq kommýnıkatsııalar basqarmasy QazAqparatty alǵashqy qazaq jańalyqtar agenttiginiń qurylǵanyna 92 jyl tolýymen quttyqtady.
Sizderdiń nazarlaryńyzǵa quttyqtaýdyń mátinin usynamyz.
Qurmetti áriptester!
Sizderdi aıryqsha kún - alǵashqy qazaq jańalyqtar agenttiginiń qurylǵanyna 92 jyl tolýymen quttyqtaımyz - Sizder sol dástúrdi «Qazaq aqparat agenttigi» Ulttyq kompanııasy» AQ-da jalǵastyryp kelesizder.
Osy kezeńde QazAqparat birneshe ret ataýyn jáne menshik túrin aýystyrdy, biraq ta onyń qyzmetkerleriniń kásbı sheberligi ózgerissiz qaldy. Agenttiktiń ár jyldardaǵy basshylarynyń esimderi keńinen tanymal: olar - Qasym Sháripov, Kákimjan Qazybaev, Amangeldi Ahmetálimov, Murat Árenov... Redaktsııa shyǵarmashylyǵyna belgili sóz sheberleri J.Túmenbaev, A.Rotmıstrovsıkı, B.Amanǵalıev, N.Ydyrysov, fotoqyzmet sheberleri T.Chapala, V.Vınglovskıı, G.Koshkıntsev, R.Dúısenǵalıev, I.Býdnevıch eleýli úles qosty. Olardyń bári de otandyq jýrnalıstıkanyń maqtanyshyna aınaldy.
Búginde QazAqparat jańalyqtar veb-saıttarynyń arasynda kósh bastap keledi. Agenttiktiń jedel jańalyqtary qazaq, orys, aǵylshyn tilderinde, qazaqsha jańalyqtary sonymen qatar latyn jáne tóte jazý qarpimen taratylyp keledi. QazAqparat Qazaqstannyń, Ortalyq Azııanyń jáne álemdik qoǵamdastyqtyń áleýmettik-ekonomıkalyq jáne qoǵamdyq-saıası ómiriniń barlyq salasyndaǵy tolyqqandy jáne shynaıy aqparat berýimen erekshelenedi. Sondyqtan da Sizdiń kompanııa shyn máninde eldiń oń bedelin belsendi qalyptastyratyn resmı aqparattyń alǵashqy derekkózi bolyp tabylady.
Sizderge budan bylaı da shyǵarmashylyq tabystar, sátti jáne kóptegen jaqsy jańalyqtardyń jarshysy bolýlaryńyzǵa tilektespiz.
Іzgi nıetpen jáne odan ári tyǵyz yntymaqtastyqqa úmitpen, Qazaqstan ENRC korporporatsııalyq kommýnıkatsııalar basqarmasy
