«QazAqparat» búkil álemdegi qandastarymyzdyń jańalyqtardy oqyp-bilýine jol ashty - «Prezıdent jáne Halyq» gazetiniń bas redaktory
ASTANA. QazAqparat - Respýblıkalyq qoǵamdyq-saıası «Prezıdent jáne Halyq» gazetiniń bas redaktory Marat Toqashbaev basylym redaktsııasy atynan «QazAqparat» agenttiginiń ujymyn 95 jyldyq mereıtoıymen quttyqtady.
Qurmetti áriptester! Respýblıkalyq qoǵamdyq-saıası «Prezıdent jáne Halyq» gazetiniń redaktsııasy Sizderdi, «QazAqparat» agenttiginiń ujymyn súıikti Qazaqstanymyzdyń basty aqparat taratýshysy retindegi qyzmetiniń 95 jyldyq mereıtoıymen shyn júrekten quttyqtaıdy! Agenttiktiń kúnbe-kúngi jumysy kóz aldymyzda. Ómirdiń san salasynan jedel de aqıqat taratý asa kúrdeli de qurmetti qyzmet. Alaıda onyń jumysynan tıtteı de kinarat taba almaısyń. 1990 jyldarǵa deıin elimizdegi aqparat salasy negizinen orys tilinen aýdarma deńgeıinde órbise, Qazaqstan táýelsizdikke qol jetkizgennen keıin aqparat salasy túpnusqalyq qazaq tilinde qanat jaıdy. «QazAqparattyń» jańalyqtar legin búginde qazaq-kiril, qazaq-tóte, qazaq-latyn áripterimen berýi de búkil álemdegi qandastarymyzdyń jańalyqtardy bóten bireýdiń kómegine júginbeı-aq óz múmkindiginshe oqyp bilýine jol ashty. «QazAqparattyń» jańalyqtardy kreatıvti berý tásili, jan-jaqty qamtýy, eń bastysy jedeldigi oqyrmandaryn tánti etedi. Ujymdy tól merekesimen taǵy da quttyqtaı otyryp, alda kele jatqan 100 jyldyq mereıtoıyn múlde sony sapamen, jańa bıiktermen qarsy alýyna tilektestik bildiremiz! Ár qyzmetkerdiń otbasyna amandyq, ózderine saýlyq pen shyǵarmashylyq sáttilikter tileımiz! - delingen quttyqtaýda.
