«QazAqparat» bas dırektorynyń orynbasary Qalamqas Áskerqyzy QHA-nyń qoǵamdyq «Birlik» altyn medalimen marapattaldy
ASTANA. QazAqparat - Búgin QHA Jýrnalıster klýbynyń keńeıtilgen otyrysynda BAQ ókilderi marapattaldy.
Atap aıtqanda, Qazaqstan Respýblıkasynda el birligin nyǵaıtý, beıbitshilik pen kelisimdi saqtaý jáne rýhanı mádenıetti damytýǵa qosqan úlesi úshin «Qazaqstan» RTRK» AQ basqarma tóraıymy Muhamedjanova Nurjan Jalaýqyzy, sondaı-aq «QazAqparat» HAA» JShS bas dırektorynyń orynbasary Ábýova Qalamqas Áskerqyzy Qazaqstan halqy Assambleıasynyń qoǵamdyq «Birlik» altyn medalimen marapattaldy.
Munymen qosa, saltanatty shara barysynda birqatar jýrnalıster men shyǵarmashylyq ujymdarǵa Qazaqstan halqy Assambleıasynyń baǵaly syılyqtary men alǵys hattary tabystaldy.
