QazAqparat-Anons: Maýsymnyń 28-i men shildeniń 4-i aralyǵyndaǵy oqıǵalardyń kúntizbesi
Elbasy
Maýsymnyń 28-i kúni QR Prezıdenti Nursultan Nazarbaevtyń qatysýymen jalpyulttyq telekópir ótedi.
Shildeniń 4-i kúni «Atameken» etno-memorıaldyq kesheninde el Prezıdenti Nursultan Nazarbaevtyń Memlekettik týdy kóterý rásimi, sondaı-aq kýrsanttarǵa ofıtserlik shen tabystaý rásimi bolady.
PARLAMENT
Maýsymnyń 28-i kúni QR parlament májilisiniń Úkimettik saǵaty ótedi.
Maýsymnyń 30-y kúni Astanada QR Parlamenti palatalarynyń birlesken otyrysy ótedi.
ÚKІMET
Maýsymnyń 28-i kúni saǵat 15.30-da QR Syrtqy ister mınıstrliginiń aptalyq brıfıngisi ótedi.
QOǴAM
Shildeniń 1-inen bastap Keden odaǵynyń biryńǵaı sertıfıkaty engiziledi.
SPORT
Shildeniń 1-i men 7-si aralyǵynda Astanada toǵyzqumalaq boıynsha álem chempıonaty ótedi.
Shildeniń 3-i men 6-sy aralyǵynda Oralda QR Prezıdentiniń kýbogy úshinIV halyqtyq sport oıyndary ótedi.
Maýsymnyń 11-i men shildeniń 11-i aralyǵynda Ońtústik Afrıka Respýblıkasynda fýtboldan Álem chempıonaty ótýde.
ASTANA
Shildeniń 1-2-si aralyǵynda Astanada ІІІ Astanalyq ekonomıkalyq forým ótedi.
ALMATY
Maýsymnyń 28-i kúni Almatydaǵy«PUBLICITY» baspasóz ortalyǵynda «Aqtóbe» fýtbol komandasynyń baspasóz máslıhaty ótedi.
Maýsymnyń 28-i kúni Almatyda «Biz soǵys batyrlaryn este saqtaımyz» atty halyqaralyq patrıottyq aktsııa ótedi.
MAÝSYMNYŃ 28-І, DÚISENBІ
Ýkraınada Konstıtýtsııa kúni. 1996 jylǵy maýsymnyń 28-de Ýkraınanyń Joǵarǵy Radasy Ýkraınanyń jańa Konstıtýtsııasyn qabyldady. Bul Táýelsiz Ýkraına Memleketiniń alǵashqy Konstıtýtsııasy bolyp tabylady.
OQIǴALAR
15 jyl buryn (1995) Almaty qalasyndaǵy Chapaev kóshesi Manas kóshesi bolyp ózgertildi.
5 jyl buryn (2005) «Habar» agenttigi, «Degdar» qaıyrymdylyq qory men Qazaqstan Respýblıkasy Prezıdenti janyndaǵy memlekettik basqarý joǵary mektebi túlekteriniń bastamashy toby qazaqstandyq joǵary oqý oryndaryndaǵy jýrnalıstıka fakýlteti stýdentteri arasynda «Habardyń» bas dırektory bolǵan, marqum Janar Ábdildınany eske alýǵa arnalǵan baıqaý jarııalaý týraly sheshim qabyldady.
Baıqaýdyń maqsaty bolashaq jas jýrnalısterge qoldaý kórsetý, olardyń belsendiligin arttyrý bolmaq.
Janar Ábdildına (1969-2005) Qazaq memlekettik sáýlet-qurylys ınstıtýtyn jáne memlekettik basqarý joǵary mektebin bitirgenine qaramastan 500-den astam adam qyzmet etetin, basym kópshiligin jýrnalıster quraıtyn shyǵarmashylyq ujymdy sheber basqardy jáne onyń qyzmetin jańa deńgeıge kóterdi.
5 jyl buryn (2005) Óskemende «AgromashHoldıng» AQ servıstik ortalyǵynyń tusaý keser rásimi ótti.
«AgromashHoldıng» AQ servıstik ortalyǵy kombaındardi, traktorlardy, jatkalardy, zapas bólshekterdi, pestıtsıdterdi tikeleı jáne lızıng arqyly satady, tehnıkany kepildikten keıin keshendi jáne kepildik qyzmet kórsetý, mehanızatorlardy oqytý jáne qaıta mamandandyrýdy iske asyrady. Servıs ortalyǵy qyzmetiniń basty ıdeıasy árqashan kez-kelgen tehnıkany shyǵarýshy-zaýyttyń baǵasymen alýǵa bolatyn «Agromarket» jelisin qurý.
«AgromashHoldıng» AQ-nyń 9 servıstik ortalyǵy Soltústik Qazaqstan, Qostanaı, Aqmola, Shyǵys Qazaqstan, Batys Qazaqstan, Almaty oblystarynda ornalasqan. Olardyń ornalasqan jeri Qazaqstannyń eń iri egindi alqaptary bolyp tabylady.
3 jyl buryn (2007) Almatyda qazaqstandyq «The Choice» seriktestigi Qazaqstan Respýblıkasynda iskerler ádebıetiniń birinshi baspahanasynyń ashylýyn jarııalady. Joba «Mann, Ivanov jáne Ferber» reseılik baspahanasymen birge jumys isteı bastady. Qazaqstandyq baspahana shyǵarǵan birinshi kitap taım-menedjment salasyndaǵy tanymal reseılik konsýltant Gleb Arhangelskııdiń «Taım-draıv: kak ýspet jıt ı rabotat» atty jumysy boldy.
ESІMDER
55 jyl buryn (1955) tehnıka ǵylymdarynyń kandıdaty, Shyǵys Qazaqstan memlekettik ýnıversıtetiniń qurmetti professory, Qazaqstan Respýblıkasy sportynyń qurmetti qaıratkeri NYǴMATÝLIN Arǵyn Zaırollauly dúnıege keldi.
Qaraǵandy qalasynda týǵan. Qaraǵandy polıtehnıkalyq ınstıtýtyn, E.A.Bóketov atyndaǵy Qaraǵandy memlekettik ýnıversıtetin bitirgen.
1977-1996 jyldary Qaraǵandy kómir basseıni shahtalarynda basshylyq qyzmetter atqarǵan. 1996-2007 jyldary - Qaraǵandy oblysy ákimi apparatynyń basshysy, Qazaqstan Respýblıkasy Ádilet mınıstrligi jyljymaıtyn múlik ortalyǵynyń dırektory. 2007 jyldan - «Saryarqa» hokkeı klýbynyń dırektory, Qazaqstan Respýblıkasy Hokkeı federatsııasynyń atqarýshy komıtetiniń múshesi.
«Qurmet» ordenimen, medaldermen, Qazaqstan Respýblıkasy Prezıdentiniń jáne Qaraǵandy oblysy ákiminiń Qurmet gramotalarymen marapattalǵan.
MAÝSYMNYŃ 29-Y, SEISENBІ
OQIǴALAR
12 jyl buryn (1998) Taraz memlekettik ýnıversıtetinde XVI ǵasyrda ómir súrgen belgili tarıhshy, ádebıetshi, fılosof, «Tarıhı Rashıdıdiń» avtory Muhammed Haıdar Dýlatıge músintas qoıyldy.
5 jyl buryn (2005) Memleket basshysy «Balaly otbasylarǵa beriletin memlekettik járdemaqylar týraly» Qazaqstan Respýblıkasynyń Zańyna qol qoıdy.
5 jyl buryn (2005) Oralda Qarashyǵanaq munaı-gaz kondensaty kenishindegi ekologııalyq jaǵdaıdy jaqsartýǵa baǵyttalǵan Qazaqstan Respýblıkasy Qorshaǵan ortany qorǵaý mınıstrligi, Batys Qazaqstan oblysy ákimshiligi jáne Qarashyǵanaq Petrolıým Opereıtıng B.V. kompanııasy arasynda ózara túsinistik jónindegi memorandýmǵa qol qoıyldy.
5 jyl buryn (2005) Semeıde qazaqstan ǵalymy, abaıtanýshy, professor, jazýshy, dramatýrg, Abaı atyndaǵy syılyqtyń laýreaty Qaıym Muhamedhanovtyń (1916-2004) shyǵarmalar jınaǵynyń birinshi tomy jaryq kórdi.
Shyǵarmalardyń birinshi tomyna «Abaıdyń ádebıet mektebi», «Abaı shyǵarmalarynyń tekstologııasy» eńbekteri jáne tanymal adamdar týraly maqalalary endi. Saıası qýǵyn-súrgin jyldary bul zertteýlerge tyıym salynǵan, al avtordy «halyq jaýy» dep aıyptap 25 jylǵa túrmege qamaǵan.
Jınaqqa kirgen Qaıym Muhamedhanovtyń hattary men sýretteri ǵalymnyń otbasylyq muraǵatynan alynǵan.
1 jyl buryn (2009) Astanada ótken Qala qurylysyn salýshylardyń «Qazaqstan-2009» VIII forýmynda Elbasy Nursultan Nazarbaev Qazaqstan Qala qurylysyn salýshylar odaǵynyń Altyn medalimen marapattaldy.
1 jyl buryn (2009) Qazaqstan Respýblıkasynyń Prezıdenti Nursultan Nazarbaev Astananyń bolashaq sobor meshiti qurylysynyń ornyna eskertkish kapsýlasyn ornalastyrdy jáne ony «Hazret Sultan» dep atady.
Meshittiń sáýlet jobasynyń báıgesine 26 jumys túsken. Sonyń eń úzdigi bolyp «KAZGOR» jobalaý akademııasy tańdalǵan.
Ortalyq bas meshittiń namaz oqıtyn zaly 12 buryshtan turady. 12 burysh negiziniń tóbesi 40 metrlik kúmbezben ornalasady. Meshitte bir mezgilde 5000 adam minajat ete alady.
ESІMDER
55 jyl buryn (1955) kompozıtor, Qazaqstan Kompozıtorlar odaǵynyń múshesi, Qurmanǵazy atyndaǵy Qazaq ulttyq konservatorııasy mýzykataný jáne menedjment fakýltetiniń oqytýshysy DÁLDENBAEV Beıbit Ábiluly dúnıege keldi.
Almaty oblysynda týǵan. Almaty konservatorııasyn (Qurmanǵazy atyndaǵy Qazaq ulttyq konservatorııasy) professor A.Jubanov klasy boıynsha bitirgen.
Qurmanǵazy atyndaǵy Qazaq ulttyq konservatorııasyndaǵy folklorlyq zerthananyń meńgerýshisi qyzmetin atqarǵan.
«Amangeldi sarbazdary», «Qaharmandyq freska» atty sımfonııalyq poemalardyń, «Otty jer» sımfonııasynyń, solo, hor men orkestrge arnalǵan «Dostyq urany» saltanatty odasynyń, aspaptyq pesalardyń, romanstardyń, balladalardyń, balalar horynyń, kóptegen ánderdiń, taǵy basqa mýzykalyq shyǵarmalardyń avtory.
50 jyl buryn (1960) Qazaqstan Respýblıkasy Ádilet mınıstrligi Zııatkerlik menshik quqyǵy komıteti «Ulttyq zııatkerlik menshik ınstıtýty» respýblıkalyq memlekettik qazynalyq kásipornynyń dırektory BEKENOV Syrym Erkinuly dúnıege keldi.
Aqmola oblysynda týǵan. Kókshetaý avtomehanıkalyq tehnıkýmyn, Lenındik komsomol atyndaǵy Túmen ındýstrıaldyq ınstıtýtyn, Qoja Ahmet ıAsaýı atyndaǵy Halyqaralyq qazaq-túrik ýnıversıtetin bitirgen.
«Ular» jaýapkershiligi shekteýli seriktestiginiń dırektory, «Almaty qalasy boıynsha jyljymaıtyn múlik ortalyǵy» respýblıkalyq memlekettik kásiporny tirkeý bóliminiń regıstratory, qujattardy qabyldaý bólimi meńgerýshisiniń orynbasary, baqylaý jáne marketıng ákimshiligi bóliminiń bastyǵy, «Astana qalasy boıynsha jyljymaıtyn múlik ortalyǵy» respýblıkalyq memlekettik kásipornynyń birinshi orynbasary, dırektory, «Aqparattyq-prezentatsııalyq ortalyq» respýblıkalyq memlekettik qazynalyq kásiporny bas dırektorynyń orynbasary, Astana qalasy Ádilet departamenti bastyǵynyń orynbasary, Qazaqstan Respýblıkasy Ádilet mınıstrligi zańǵa sáıkes aktiler departamentiniń dırektory, Qazaqstan Respýblıkasy Ádilet mınıstrligi Zııatkerlik menshik quqyǵy komıteti tóraǵasynyń orynbasary, Qazaqstan Respýblıkasy Ádilet mınıstrligi Zııatkerlik menshik quqyǵy komıteti «Ulttyq zııatkerlik menshik ınstıtýty» respýblıkalyq memlekettik qazynalyq kásiporny dırektorynyń orynbasary qyzmetterin atqarǵan. Qazirgi qyzmetinde - 2008 jyldyń jeltoqsan aıynan.
MAÝSYMNYŃ 30-Y, SÁRSENBІ
Belarýs ekonomısi kúni. 2000 jylǵy aqpannyń 2-de Belarýs Respýblıkasy Prezıdentiniń Jarlyǵymen bekitilgen. Jyl saıyn atap ótiledi.
OQIǴALAR
5 jyl buryn (2005) S.Toraıǵyrov atyndaǵy Pavlodar memlekettik ýnıversıtetinde Sotsıologııalyq zertteý ortalyǵy quryldy.
Ortalyq halyqty áleýmettik qorǵaýdyń jańa tehnologııalaryn jáne ataýly áleýmettik kómek júıesin jaqsartý usynystaryn qurastyrady.
3 jyl buryn (2007) Astanada Beıbitshilik jáne kelisim saraıynyń aldynda Halyqtar dostyǵy monýmenti ashyldy. Monýmenttiń saltanatty ashylý rásimine Elbasy Nursultan Nazarbaev pen elimizge qysqa merzimdi jumys saparymen kelgen Ispanııa Koroli Hýan Karlos І jáne hansha Sofııa qatysty.
Atalǵan eskertkishtiń avtorlary - sýretshi Tóleýǵazy Baıǵalıev, sáýletshi Samatbek Tájenuly, músinshi Asqar Nartov.
Eskertkishtiń bıiktigi 21 metr. Onyń joǵarǵy jaǵynda elimizdegi sany 100 myńnan asatyn qazaq, orys, nemis jáne káris ulty qyzdarynyń shańyraqty kóterip turǵan músini beınelengen. Eskertkishtiń ortasynda Qazaqstandaǵy ulttar men ulystardyń sanyna sáıkes keregeler men masaq ornalasqan.
1 jyl buryn (2009) Astanadaǵy Táýelsiz saraıy jáne «Qazaq eli» monýmenti ornalasqan Manas kóshesiniń aty Táýelsizdik dańǵyly dep ózgertildi.
1 jyl buryn (2009) Aqmola oblysy Tselınograd aýdany Aqmola aýylyndaǵy «Aqmola-Fenıks» AQ keńsesinde Sotsıalıstik Eńbek Eri Ivan Sharfty máńgi este saqtaý maqsatymen memorıaldy taqta ashyldy.
Ivan Ivanovıch Sharf (1930-2008) Qaraǵandy pedagogıkalyq ınstıtýtynan keıin ustazdyq etip, sońynan Tselınograd zooveterınarlyq tehnıkýmynda, Tselınograd aýyl sharýashylyǵy ınstıtýtynda bilimin jalǵastyrǵan. Eńbek jolyn mektepte muǵalimdikten bastap, talaı jyldar qoǵamdyq, partııa uıymynda, sharýashylyq basshysy qyzmetterinde joǵary baǵaǵa ıe bolǵan. 1975 jyly Tselınograd qus ósirý jónindegi óndiristik birlestiktiń bas dırektory qyzmetine taǵaıyndalǵan. Ol 1993 jyly «Aqmola-Fenıks» aktsıonerlik qoǵamy bolyp qaıta qurylǵan bolatyn. 1986 jyly Sotsıalıstik Eńbek Eri atandy, keıinnen «Qurmet belgisi», «Oktıabr revolıýtsııasy» ordenderine ıe boldy.
«Aqmola-Fenıks» - elordany qus etimen, jumyrtqamen, un jáne nan ónimderimen turaqty qamtamasyz etip kele jatqan óndiris ortalyǵy.
ESІMDER
80 jyl buryn (1930-1995) rejısser, stsenarıst, Reseı Federatsııasynyń eńbek sińirgen óner qaıratkeri RYTsAREV Borıs Vladımırovıch dúnıege keldi.
Máskeý qalasynda týǵan. M.Şepkın atyndaǵy teatr ýchılışesin, S.A.Gerasımov atyndaǵy Búkilreseılik memlekettik kınomatografııa ınstıtýtyn bitirgen.
M.Gorkıı atyndaǵy kınostýdııada, «Moldovafılmde» jáne «Belarýsfılmde» rejısser qyzmetterin atqarǵan.
Birinshi fılmi - A.Fadeevtiń romany boıynsha jazylǵan «ıÝnost nashıh ottsov».
Rejısser retinde oǵan «Alladınniń sıqyr shamy» fılmi ataq alyp keldi, sodan keıin ol qalǵan jumystarynyń kópshiligin osy janrǵa arnady.
«Ne plach, Alenka», «ıÝnost nashıh ottsov», «Vozmı menıa s soboı», «Ledıanaıa vnýchka», «Na zlatom kryltse sıdelı» fılmderi stsenarıılarynyń avtory.
ShІLDENІŃ 1-І, BEISENBІ
Kanada Respýblıkasynyń Ulttyq meıramy - Kanada kúni (1867). 1867 jyldyń naýryzynda aǵylshyn parlamenti qabyldaǵan akt, sol jyly shildeniń 1-inde óz kúshine endi. Bul akt boıynsha Kanada Ulybrıtanııanyń ózin-ózi basqaratyn domınıonyna aınaldy.
Qazaqstan Respýblıkasy men Kanada Respýblıkasy arasyndaǵy dıplomatııalyq qarym-qatynas 1992 jylǵy sáýirdiń 10-da ornatyldy.
OQIǴALAR
75 jyl buryn (1935) Qazaq KSR úkimeti «Kolhoz-sovhoz teatrlaryn uıymdastyrý týraly» qaýly qabyldady.
17 jyl buryn (1993) ǵaryshker Talǵat Musabaev bortınjener retinde «Mır» ǵarysh stantsııasyna 176 kúndik saparǵa attandy.
14 jyl buryn(1996) Şýche qalasynda Qazaqstan Respýblıkasy Qarýly Kúshteri quramyna kishi komandırler kadryn daıyndaý maqsatynda Kadet korpýsy ashyldy. 2000 jyly osy oqý ornyna qazaqtyń uly ǵalymy, orıentalıst, tarıhshy, etnograf, geograf, folklorshy, aǵartýshy-demokrat Shoqan Ýálıhanov esimi berildi.
13 jyl buryn (1997) táýelsiz Qazaqstan tarıhynda alǵash ret Almatydaǵy Respýblıka alańynda mektep bitirýshilerdiń túlekterdiń saltanatty keshi bolyp ótti. Almatynyń alty aýdanynan jınalǵan oqýshylar táýelsizdik monýmenti aldynda gúl shoqtaryn qoıyp, aspanǵa aq kógershinder ushyrdy. Osydan keıin bul shara jyl saıyn ótetin boldy.
5 jyl buryn (2005) Qaraǵandyda, «Shalqyma» kontsert zalynda Qazaqstan Respýblıkasyndaǵy Polsha Respýblıkasynyń Elshiligi Jeńistiń 60-jyldyq mereıtoıyna arnap uıymdastyrǵan «Ortaq qundylyqtardy qorǵaý» kórmesi ótti. Saltanatty sharaǵa Qazaqstan Respýblıkasyndaǵy Polsha Respýblıkasy elshisiniń orynbasary, elshi-keńesshisi Petr Ivashkevıch qatysty.
Kórmede Polshanyń 80 jyldan astam ýaqyt boıy táýelsizdik alýǵa kúresken eleýli oqıǵalary kórsetilgen. Jádigerlerdiń arasynda - agentterdiń jedel hattary, úkimettiń deklaratsııalary, saıasatkerlerdiń málimdemesi, fotosýretter, sýretter, poshtalyq ashyq hattar usynylǵan. Jeke bir bólimi KSRO-daǵy Polsha Áskeri tarıhynyń fotoqujattarynan turady.
1 jyl buryn (2009) Qazaqstanda Halyqaralyq daǵdarysqa qarsy baǵyttalǵan esep-taýarlyq ortalyǵy ashyldy.
Bul taýarlardyń tizbegin almastyrý sharty boıynsha tańdaý jáne ańyqtaý boıynsha kompıýterlik júıe. Rezervtegi esepteý júıesi otandyq ónerkásipterdiń ónimderin ótkizýge keńeıtilgen múmkindik beredi. Avtomattandyrylǵan kompıýterlik júıeniń aqparatandyrylǵan órisi kásipkerlerge shıkizatty qaıdan satyp alatynyn jáne daıyn ónimdi qaıda satatynyna kómek kórsetedi.
Osyndaı ortalyq júıesi Ýkraına men Reseıde oıdaǵydaı jumys isteıdi. Qyzmettiń tólemi mámile iske asqannan keıin baryp tólenedi.
1 jyl buryn (2009) Qazaqstan Respýblıkasy Ulttyq Qaýipsizdik Komıteti Shekaralyq qyzmetiniń Buryndaıdaǵy ushý bazasy aýmaǵynda MTV «Mı-8» tik ushaǵynyń keshendi jattyǵý qurylǵysynyń tanystyrylymy ótti.
Qazaqstan Respýblıkasy Prezıdentiniń 2006 jylǵy naýryzdyń 28-degi «2006-2010 jyldardaǵy Qarýly kúshterdiń jáne basqa da áskerler men áskerı quramalardyń memlekettik damý baǵdarlamasyn bekitý týraly» Jarlyǵyna sáıkes Shekara qyzmeti «AVIA» Memlekettik emes birlestiginen (Ýkraına) jetkizilgen MTV «Mı-8» tik ushaǵynyń keshendi jattyǵý qurylǵysymen áskerdi qarýlandyrdy.
Tik ushaqtyń jattyǵý qurylǵysy jazǵy ýaqytta áskerı quramnyń tehnıkalyq ushýǵa laıyq kishigirim oqý orny bolyp sanalady. Ol avıatehnıka qoryn jáne otyndy únemdep ustaýǵa, quramnyń bekitilgen baǵdarlamasyna sáıkes jazdyq jáne ınjenerlik-tehnıkalyq jattyǵýyn ótkizýge, basqa áýe kemeleriniń ushqyshtaryn kabınanyń naqty ıntererinde, aspaptardyń naqty ortasynda, shtattyq panelder jáne basqarý qurylǵylaryn qoldanýǵa múmkindik beredi.
ESІMDER
105 jyl buryn (1905-1967) jazýshy, pedagog, Qazaqstannyń eńbek sińirgen muǵalimi TURSYNBAEV Bádel dúnıege keldi.
Shyǵys Qazaqstan oblysynda týǵan. Semeı aýyl sharýashylyq tehnıkýmyn, Abaı atyndaǵy Qazaq ulttyq pedagogıkalyq ýnıversıtetin bitirgen.
1926-1967 jyldary aralyǵynda aýyldyq keńes hatshysy, muǵalim, Semeı oblystyq (Shyǵys Qazaqstan oblysy) «Ekpindi» gazetiniń qyzmetkeri, mektep dırektory qyzmetterin atqarǵan.
1942 jyly tuńǵysh kitaby - «Bazar batyr» poemasy jaryq kórdi. «Baqytty balalyq shaq», «Túlki men baqtashy», «Qýyrshaqtar», «Ne qymbat?», «Bizdiń aýyldyń jigiti», «Maqtanshaq qyzylsha jaıly hıkaıa», «Aýyl muǵalimi», «Aınymas dostar» óleńder men áńgimeler jınaqtarynyń avtory. Shyǵarmalary, kóbinese, balalarǵa arnalǵan. Onyń kóptegen áńgimeleri mektep oqýlyqtaryna engizilgen.
65 jyl buryn (1945) «Nur Otan» HDP Astana qalalyq fılıaly tóraǵasynyń orynbasary ERKETAEV Muhtar Dúısenuly dúnıege keldi.
Soltústik Qazaqstan oblysy Ýálıhanov aýdanynda týǵan. Almaty joǵary partııa mektebin bitirgen.
Qazaqstan LKJO Alekseev aýdandyq komsomol komıteti uıymdastyrý bóliminiń meńgerýshisi, «Novorybınskıı» keńshary partııa komıtetiniń hatshysy, Qazaqstan KP Alekseev aýdandyq partııa komıtetiniń úgit-nasıhat bóliminiń meńgerýshisi qyzmetterin atqarǵan. 1988-1998 jyldary - Qazaqstan KP Vıshnevskıı aýdandyq partııa komıtetiniń ekinshi hatshysy, Vıshnevskıı aýdandyq sharýalar odaǵy tóraǵasynyń orynbasary, Vıshnevskıı aýdandyq halyq depýtattary keńesiniń tóraǵasy, Vıshnevskıı aýdany sharýa qojalyǵynyń basshysy. 1998-2002 jyldary - Astana qalasy Almaty aýdany ákimi apparatynyń jetekshisi, Astana qalasy ákimi apparaty jetekshisiniń orynbasary. 2002-2008 jyldary - Astana qalasynyń ishki saıasat departamentiniń dırektory, Astana qalasy Almaty aýdanynyń ákimi, Astana qalasy ákimi apparaty uıymdastyrý-ınspektorlyq bóliminiń meńgerýshisi qyzmetterin atqarǵan. Qazirgi qyzmetinde - 2008 jyldan.
55 jyl buryn (1955) Qaraǵandy oblysy Jezqazǵan qalasynyń bilim, dene shynyqtyrý jáne sport bóliminiń bastyǵy DÁRІBAEV Jańbyrbaı Ábjámetuly dúnıege keldi.
Qaraǵandy oblysy Ulytaý aýdanynda týǵan. E.Bóketov atyndaǵy Qaraǵandy memlekettik ýnıversıtetin, Almaty ekonomıka jáne statıstıka akademııasyn bitirgen.
Ulytaý aýdandyq bilim berý bóliminiń bastyǵy, Qaraǵandy oblystyq aýmaqtyq qorshaǵan ortany qorǵaý basqarmasynyń Ulytaý aýdany boıynsha ókili, Ulytaý aýdandyq statıstıka bóliminiń bastyǵy, statıstıka basqarmasynyń bastyǵy, Ulytaý aýdany ákiminiń orynbasary, Ulytaý aýdanynyń ákimi qyzmetterin atqarǵan. Qazirgi qyzmetinde - 2010 jyldyń naýryzynan.
35 jyl buryn (1975) Qazaqstan Respýblıkasynyń Qorshaǵan ortany qorǵaý mınıstrligi ekologııalyq retteý jáne baqylaý komıteti tóraǵasynyń orynbasary, ekonomıka ǵylymdarynyń kandıdaty TÚREKELDIEV Súıindik Myrzakeldiuly dúnıege keldi.
Máskeý qalasynda týǵan. Qazaq memlekettik basqarý akademııasyn bitirgen.
Qazaqstan Respýblıkasy Qarjy mınıstrliginiń Memlekettik satyp alýlar agenttiginiń bas mamany, Qazaqstan Respýblıkasy Alkogoldik ónimderdi óndirý men aınalymy memlekettik baqylaý komıtetiniń bas mamany, Qazaqstan Respýblıkasy Tabıǵı resýrstary men qorshaǵan ortany qorǵaý mınıstrligi Aqparattyq-taldaý ortalyǵynyń bas dırektory, «QazTransGaz» JAQ-nyń «Gazınservıs» JShS bas dırektorynyń orynbasary, «AstanaEnergoServıs» AQ departamentiniń dırektory, Ońtústik-Qazaqstan oblysy kásipkerlik jáne ónerkásip basqarmasynyń bastyǵy qyzmetterin atqarǵan. Qazirgi qyzmetinde - 2009 jyldyń sáýirinen.
ShІLDENІŃ 2-І, JUMA
Dıplomatııalyq qyzmet kúni. Elbasy N.Á.Nazarbaevtyń 2009 jylǵy shildeniń 1-degi «1998 jylǵy qańtardyń 20-daǵy Qazaqstan Respýblıkasy Prezıdenti Jarlyǵyna tolyqtyrýlar engizý týraly» Jarlyǵyna sáıkes atap ótiledi.
Sport jýrnalısteriniń halyqaralyq kúni. Sport jýrnalısteriniń halyqaralyq kúni 1995 jyldan bastap Halyqaralyq sport baspasóz qaýymdastyǵynyń bastamasymen toılanady. 1924 jyly Parıjde Halyqaralyq sport baspasóz qaýymdastyǵynyń qurylýyna oraı atalyp ótedi.
OQIǴALAR
20 jyl buryn (1990) Óskemen qalasynda Salyq komıteti quryldy.
11 jyl buryn (1999) Astrahan qalasynan burǵylaý barjasy sýǵa túsirildi. Bul sharaǵa Qazaqstan Respýblıkasy Parlamenti Májilisiniń depýtaty, aqyn Farıza Ońǵarsynova qatysyp, dástúrli aqqaınar bótelkesin syndyrdy jáne burǵylaý barjasyna «Suńqar» esimin berdi. Barja uzyndyǵy - 85 metr, eni - 53, burǵylaý munarasyn qosa eseptegendegi bıiktigi 50, salmaǵy 10000 tonna. Suńqardyń birinshi burǵylaý jumystary Shyǵys Qashaǵannan bastaý aldy.
3 jyl buryn (2007) Astanada Esil ózeni arqyly ótetin M-2 avtokólik kópiri ashyldy. Kópirdiń saltanatty ashylý rásimine Elbasy Nursultan Nazarbaev qatysty. Kópirdiń uzyndyǵy 362 metr, eni 38,7 metr.
3 jyl buryn (2007) Shyǵys Qazaqstan oblysy Aıagóz qalasynyń polıtseıleri ózderiniń murajaıyn ashty.
Onda tarıhı materıaldar qoıylǵan: aýdan polıtsııasynyń burynǵy qyzmetkerlerdiń saqtap qoıýǵa tapsyrǵan qujattary, fotosýretteri jáne albomdary.
1 jyl buryn (2009) Astanada ótken Ekonomıka jáne ónerkásip salalaryndaǵy yqpaldastyq boıynsha qazaqstandyq-ıspandyq úkimetaralyq aralas komıssııasynyń kezekti IV otyrysynda Qazaqstan Respýblıkasy men Ispanııa Koroldigi arasyndaǵy birqatar eki jaqty qujattarǵa qol qoıyldy.
Qol qoıylǵan qujattar:
- Qazaqstan Respýblıkasy men Ispanııa Koroldigi arasynda Strategııalyq áriptestik týraly kelisim shart;
- Qazaqstan Respýblıkasy men Ispanııa Koroldigi Úkimetteri arasynda Tabys pen kapıtalǵa salynatyn salyqtarǵa qatysty qosarlanǵan salyq salýdy boldyrmaý jáne salyq salýdan jaltarýǵa jol bermeý týraly konventsııa;
- Ispanııa men Qazaqstan arasynda 2009-2011 jyldar kezeńine arnalǵan Bilim, ǵylym, mádenıet, jastar jáne sport salasyndaǵy yntymaqtastyq baǵdarlamasy;
- Qazaqstan Respýblıkasy Týrızm jáne sport mınıstrligi men Ispanııa Koroldiginiń Ónerkásip, týrızm jáne saýda mınıstrligi arasynda týrızm salasyndaǵy ózara túsinistik týraly memorandým.
1 jyl buryn (2009) Oral qalasyndaǵy Dostyq dańǵyly men Saraıshyq kóshesiniń qıylysynda Jýrnalıster alleıasy ashyldy.
ESІMDER
105 jyl buryn (1905-1988) epızootolog, maldárigerlik ǵylymdarynyń doktory, professor GRıAZIN Vladımır Ivanovıch dúnıege keldi.
Petropavl qalasynda týǵan. Sibir (qazirgi Omby) maldárigerlik ınstıtýtyn bitirgen. Uly Otan soǵysyna qatysqan.
Qazaq maldárigerlik ǵylymı-zertteý ınstıtýtynyń zerthana meńgerýshisi bolǵan.
Negizgi ǵylymı eńbekteri epızootologııa máselelerine arnalǵan. Ol iri qaranyń alaókpe, týberkýlez, paratýberkýlez aýrýlaryn anyqtaý, olardan saqtandyrý máselelerin zerttegen.
100-den astam ǵylymı maqalanyń jáne 8 monografııanyń avtory. Sonymen qatar 26 ǵylym kandıdatyn daıarlaǵan.
2 dárejeli Otan soǵysy, Qyzyl Juldyz, «Qurmet belgisi» ordenderimen jáne medaldarmen marapattalǵan.
70 jyl buryn (1940) ǵalym, farmatsevtıka ǵylymdarynyń doktory, professor, Densaýlyq saqtaý isiniń úzdigi, Qazaqstan Respýblıkasy Densaýlyq saqtaý mınıstrligi janyndaǵy konsýltatıvtik keńestiń múshesi ÚShBAEV Keńesbaı Úshbaıuly dúnıege keldi.
Almaty oblysy Eńbekshiqazaq aýdanynda týǵan. Almaty memlekettik medıtsına ınstıtýtyn (S.D.Asfendııarov atyndaǵy Qazaq ulttyq medıtsınalyq ýnıversıteti), Lvov memlekettik medıtsına ınstıtýtynyń aspırantýrasyn bitirgen.
Qazaqtyń bas dárihana basqarma bastyǵynyń orynbasary, bastyǵy, Almaty memlekettik medıtsına ınstıtýtynyń oqý isi jónindegi prorektory, kafedra meńgerýshisi, Shymkent bólimshesiniń rektory, Shymkent farmatsevtıkalyq ınstıtýtynyń rektory, «Farmatsııa» memlekettik holdıngtik birlestiginiń bas dırektory, prezıdenti qyzmetterin atqarǵan. Qazirgi ýaqytta «Kompanııa farmatsııa» JShS-nyń dırektory, memlekettik ǵylymı-aqparattyq «Farmatsevtıcheskıı bıýlleten» atty jýrnalynyń bas redaktory.
Negizgi ǵylymı-tájirıbelik eńbekteri spazmolıtıkalyq áseri bar dári-dármekterdi farmatsııalyq, hımııalyq jáne toksıkologııalyq turǵydan zertteýdi uıymdastyrý máselelerine arnalǵan. Onyń basshylyǵymen 28 kandıdattyq jáne 3 doktorlyq dıssertatsııa qorǵalǵan. 150-den astam ǵylymı eńbektiń jáne 7 monografııa men anyqtamalyqtyń avtory.
50 jyl buryn (1960) Qazaqstan Respýblıkasy Qaýipsizdik Keńesi Hatshysynyń orynbasary - Hatshylyq meńgerýshisi, ekonomıka ǵylymdarynyń doktory JAŃBYRShIN Qozy-Kórpesh Esimuly dúnıege keldi.
Aqtóbe oblysynda týǵan. Máskeý ekonomıkalyq-statıstıkalyq ınstıtýtyn jáne onyń aspırantýrasyn bitirgen.
Qazaq KSR Memlekettik josparlaý komıteti janyndaǵy Basqarý protsesiniń avtomattandyrylǵan júıesi ǵylymı-zertteý ınstıtýtynyń ınjeneri, Qazaq KSR Memlekettik josparlaý komıteti Ǵylym men tehnıka bóliminiń ınjeneri, Qazaq KSR Memlekettik josparlaý komıteti Basqarý jáne basshylyqtyń ekonomıkalyq ádistemelerin jetildirý bóliminiń aǵa ǵylymı qyzmetkeri, Qazaq KSR Memlekettik josparlaý komıteti janyndaǵy Ekonomıkalyq ǵylymı-zertteýler ınsıtýtynyń aǵa ǵylymı qyzmetkeri, Qazaqstan Respýblıkasy Ekonomıka jónindegi memlekettik komıteti ekonomıkalyq reformalar, naryqtyq qatynastar men kásipkerlikti damytýdy ádistemelik qamtamasyz etý bóliminiń bas mamany, Qazaqstan Respýblıkasy Prezıdenti janyndaǵy Joǵary ekonomıkalyq keńestiń ekonomıkalyq konsýltanttar keńesiniń keńesshisi, Qazaqstan Respýblıkasy Prezıdentiniń ekonomıkalyq keńesshisi, Eýropalyq qoǵamdastyq komıssııasynyń Qazaqstandaǵy Úılestirý bıýrosynyń ulttyq dırektory, Qazaqstan Respýblıkasy Prezıdenti janyndaǵy ekonomıkalyq konsýltanttar keńesi jetekshisiniń orynbasary, «TASIS» baǵdarlamasynyń Qazaqstandaǵy Úılestirý bıýrosynyń dırektory, Almaty qalasy ekonomıka jónindegi komıtetiniń tóraǵasy, Almaty qalasy ákiminiń orynbasary, Qazaqstan Respýblıkasy Qorǵanys mınıstriniń ekonomıka jáne qarjy jónindegi orynbasary, Qazaqstan Respýblıkasy Qaýipsizdik Keńesi Hatshysynyń orynbasary qyzmetterin atqarǵan. Qazirgi qyzmetinde - 2009 jyldyń qyrkúıeginen.
«Qurmet» ordenimen, medaldarmen marapattalǵan.
ShІLDENІŃ 3-І, SENBІ
Belarýs Respýblıkasynyń Memlekettik meıramy - Táýelsizdik kúni (1990). 1996 jyldan bastap, Belarýs Prezıdenti Aleksandr Lýkashenko Táýelsizdik kúnin eldi fashıstik Germanııadan azat etkenderdiń qurmetine oraı shildeniń 3-de atap ótýge Jarlyq shyǵardy.
Qazaqstan Respýblıkasy men Belarýs Respýblıkasy arasyndaǵy dıplomatııalyq qarym-qatynas 1992 jylǵy qyrkúıektiń 16-da ornatyldy.
OQIǴALAR
100 jyl buryn (1910) memleket qaıratkeri Álibı Jangeldın Máskeý qalasynan dúnıejúzin jaıaý aralaý saparyna attandy. Ol 1913 jyldyń qantaryna deıin Polsha, Avstro-Vengrııa, ıÝgoslavııa, Bolgarııa, Túrkııa, Sırııa, Palestına, Mysyr, Mesopotamııa, Persııa, Úndi, Sıam, Qytaı jáne Japonııa elderinde boldy.
Jankeldın Álibı Toqjanuly (1884-1953) - memleket jáne partııa qaıratkeri, Qazaqstanda Keńes ókimetin ornatý jáne nyǵaıtý jolyndaǵy kúresti uıymdastyrýdaǵy kórnekti basshylardyń biri. Qazirgi Qostanaı oblysy Jankeldın aýdanynda dúnıege kelgen. Torǵaıdaǵy kásiptik ýchılışesin, Qostanaı orys-qazaq jáne Orynbor dinı ýchılışesin bitirgen. Qazandaǵy muǵalimder semınarııasynda oqyǵan. Ol týraly kóptegen kórkem shyǵarmalar jazylyp, kınofılm túsirilgen. Qostanaı oblysynyń bir aýdanyna, kóptegen eldi-mekender men kóshelerge, mektepterge Álibı Jankeldınniń esimi berilip, Aqtóbe, Almaty, Torǵaı qalalarynda eskertkish ornatylǵan.
50 jyl buryn (1960) Qaraǵandydaǵy metallýrgııa kombınatynda tuńǵysh domna peshi iske qosyldy, jáne sol kúni qazaqstannyń tuńǵysh shoıyny alyndy. Bul kún Qazaqstan Magnıtkasynyń dúnıege kelgen kúni bolyp sanalady.
15 jyl buryn (1995) Qazaqstan Respýblıkasynyń memlekettik táýelsizdiginiń jarııalanýyn máńgi este qaldyrý, qoǵamdy toptastyrý, gýmanızm, ultaralyq tatýlyq, qazaqstandyq patrıotızm tárbıeleý ıdeıalaryn kórkem beıneleý maqsatynda Elbasy N.Nazarbaevtyń «Almaty qalasynda Táýelsizdik eskertkishin ornatý týraly» qaýlysy shyqty.
14 jyl buryn (1996) Vengrııa Parlamentinde tuńǵysh ret Qazaqstan men Vengrııa arasyndaǵy yntymaqtastyqqa arnalǵan «dóńgelek ústel» bolyp ótti.
3 jyl buryn (2007) Astanada Qazaqstan Respýblıkasynyń Prezıdenti Nursultan Nazarbaevtyń jáne Úkimet músheleriniń qatysýymen «Qazaqstannyń 30 korporatıvti kóshbasshysy» Memlekettik baǵdarlamasyna kirgen jobalardyń jalpyulttyq tusaýkeseri ótti. Tusaýkeserge 9 óńir qatysty. Negizgi 7 baǵyt boıynsha 900 mıllıardqa jýyq teńgeni quraıtyn barlyǵy 20 serpindi jobalar tanystyryldy. Atalmysh tusaýkeser Memlekettik baǵdarlamanyń júzege asýynyń shyn mánindegi bastamasy bolyp, álemdegi básekege qabiletti 50 eldiń qataryna kirýge negiz bolmaq.
3 jyl buryn (2007) Mańǵystaý aýdanyndaǵy Shetpe aýylynda salynatyn tsement zaýyty qurylysynyń irgetasyna Elbasynyń bolashaq urpaqqa joldaýy mátini bar kapsýlasy salyndy. Saltanatty sharaǵa Mańǵystaý oblysynyń ákimi Qyrymbek Kósherbaev pen Kólik jáne kommýnıkatsııa mınıstri Serik Ahmetov qatysty. Zaýyt jylyna 1,8 mıllıon tonna tsement óndiredi. Bul zaýyt búkil batys oblystardyń suranystaryn qamtamasyz etedi.
1 jyl buryn (2009) Elbasy Nursultan Nazarbaev Astana qalasyndaǵy tóbesi jabyq 30 myń oryndyq jańa stadıonnyń ashylý saltanatyna qatysty.
Jabyq stadıon sporshylarǵa qysy-jazy jattyǵýlaryna múmkindik beredi, ol ÝEFA-nyń barlyq standarttaryna saı salynǵan.
Jasandy gazon jamylǵysy tóselgen fýtbol alańy FIFA men ÝEFA-nyń standarttaryna tolyq sáıkes jasalǵan. Bul stadıonda fýtbol oıynynan bólek sporttyń kúres, boks, sporttyq gımnastıka, dzıýdo, karate syndy túrlerinen jarystar ótkizýge bolady. Jańa fýtbol stadıonynyń ereksheligi - 20 mınýttyń ishinde ashylyp-jabylatyn shatyry bar. Spýtnıktiń jáne efırlyq antennalary bar teledıdar jelisimen, radıohabar efırimen, otyrys zaldary, baspasóz konferentsııa zaldary dybys kúsheıtkish jáne sınhrondy aýdarmasymen, tablosymen, teleradıokommentatorymen jabdyqtalǵan.
Kórermenderdiń yńǵaıy jáne syıymdylyǵy úshin, minbe eki deńgeıde ornalasqan: 16 myń kórermen - astyńǵysynda, 14 myń - ústińgisinde, stadıonnyń batysynda VIP-oryndar ornalasqan.
1 jyl buryn (2009) Elbasy Nursultan Nazarbaev Astana qalasyndaǵy ındýstrııaldyq parktiń aýmaǵynda lokomotıv qurastyratyn jańa zaýytty ashty.
Atalmysh lokomotıvtiń tehnıkalyq sıpaty qazirgi qoldanylyp júrgen mashınalardan birneshe ese joǵary. Zaýyttyń ónimi Qazaqstannyń teplovozǵa degen suranysyn qanaǵattandyryp qana qoımaı, bolashaqta taıaý jáne alys shetelderge shyǵarylatyn bolady.
1 jyl buryn (2009) Jambyl oblystyq soty óziniń Internettegi veb-saıtyn - www.oblsot.zhambyl.kz ashty.
Saıtta ádettegideı «Keri baılanys» jáne «Suraq-jaýap» siltemelerinen basqa sot sheshimderiniń banki, azamattardy qabyldaýdyń kestesi men ýaqyty jáne qaralatyn ister ornalastyrǵan.
ESІMDER
90 jyl buryn (1920-1999) Qazaqstannyń eńbek sińirgen shahteri KAChÝRA Ivan Vasılevıch dúnıege keldi. Uly Otan soǵysyna qatysqan.
Ekskavator júrgizýshisi kýrsyn bitirgen.
«Qaraǵandykómir razreziniń» №4 kómir tiliginde tehnıkalyq baqylaý bóliminiń aqaýshysy, Qaraǵandynyń №4 kómir tiliginde, «Ekibastuzkómir» kombınatynyń «Ortalyq» tiliginde ekskavator júrgizýshisi bolǵan.
Eńbek Qyzyl Tý ordenimen, medaldarmen jáne І, ІІ, ІІІ dárejeli «Shahter Dańqy» belgisimen marapattalǵan.
70 jyl buryn (1940-2000) Qazaqstan Respýblıkasynyń eńbek sińirgen zańgeri KIM ıÝrıı Alekseevıch dúnıege keldi.
Almaty oblysynda týǵan. S.M.Kırov atyndaǵy Qazaq memlekettik ýnıversıtetin (Ál-Farabı atyndaǵy Qazaq ulttyq ýnıversıteti).
Almaty-1 stansasynyń jelili mılıtsııa bólimshesinde tergeýshi, Almaty qalasy Túrkisib aýdanynyń halyq sýdıasy, Almaty qalalyq atqarý komıteti ádilet bólimshesi bastyǵynyń orynbasary, sot organdary basqarmasynyń bastyǵy, Qazaqstan Respýblıkasy ádilet mınıstrliginiń birinshi orynbasary, Qazaqstan Respýblıkasy Joǵarǵy Keńesiniń aımaqtyq saıasat jáne memlekettik qurylys suraqtary jónindegi komıtetiniń tóraǵasy, Qazaqstan Respýblıkasy Prezıdenti Apparatynyń azamattyq bóliminiń meńgerýshisi, Qazaqstan Respýblıkasy Ortalyq saılaý komıssııasynyń tóraǵasy, Qazaqstan Respýblıkasy Konstıtýtsııalyq keńesiniń tóraǵasy qyzmetterin atqarǵan.
Qazaqstan Respýblıkasy Joǵarǵy Keńesiniń 13-saılaýdaǵy depýtaty.
Medaldarmen marapattalǵan.
35 jyl buryn (1975) Qazaqstan Respýblıkasy Ádilet mınıstrligi zańǵa táýeldi aktiler departamentiniń dırektory JUMAǴULOV Erlan Áskeruly dúnıege keldi.
Kókshetaý qalasynda týǵan. E.Bóketov atyndaǵy Qaraǵandy memlekettik ýnıversıtetin bitirgen.
Qaraǵandy oblysy ádilet basqarmasynyń jetekshi keńesshi, Qaraǵandy qalasyndaǵy «Gıreı» JShS-niń zańgeri, Qazaqstan Respýblıkasy Ádilet mınıstrliginiń zańnama departamenti zań jobasy jumystary basqarmasy zań jobalaryn saraptaıtyn bólimi bas mamanynyń mindetin atqarýshy, zańnama departamenti dırektorynyń orynbasary, dırektory, zań júıelilik zań jobasy qyzmetin úılestirý departamentiniń dırektory, zańnama departamentiniń dırektory qyzmetterin atqarǵan. Qazirgi qyzmetinde - 2009 jyldyń maýsym aıynan.
ShІLDENІŃ 4-І, JEKSENBІ
Amerıka Qurama Shtattarynyń Memlekettik meıramy - Táýelsizdik kúni. 1776 jyly Tomas Djefferson «AQSh Táýelsizdigi deklaratsııasyna» qol qoıdy.
Qazaqstan Respýblıkasy men AQSh arasyndaǵy dıplomatııalyq qarym-qatynas 1991 jylǵy jeltoqsannyń 26-da ornatyldy.
OQIǴALAR
10 jyl buryn (2000) Atyraý qalasynda qazaq halqynyń uly kúıshisi, kompozıtor, dúldil dombyrashy, qazaqtyń aspaptyq mýzykasynyń klassıgi Qurmanǵazy Saǵyrbaıulynyń (1823-1896) eskertkishi ashyldy.
10 jyl buryn (2000) Elbasy N.Nazarbaevtyń qatysýymen Kaspıı shelfi Shyǵys Qashaǵanda munaı qorynyń ashylý saltanaty bolyp ótti.
Onda álemdegi eń úlken barja qurastyrylyp, jeti memleketten mamandar tartylǵan. Shyǵys Qashaǵandaǵy «qara altyn» qory 7 mıllıard tonnany quraıdy. Osy Kaspıı tabanyndaǵy «qara altyn» elimizge 1 trıllıon dollardan astam tabys ákeledi.
5 jyl buryn (2005) Aqtóbede kásipkerlik jáne ishki saıasat departamenti uıymdastyrýymen oblystyq áıelderdiń oılary men taýarlarynan quralǵan «Qanatty áıel-2» jármeńkesi bolyp ótti.
Sharaǵa oblystyń 80-nen astam qolónershi, tabysqa jetken kásipkerler, modeler men sýretshi, mádenıet pen óner salasynyń qyzmetkerleri, uıymdar men kásiporynnyń basshy áıelderi qatysty. Jármeńkege óndiris, densaýlyq saqtaý, bilim, qoǵamdyq jáne ǵylymı-óndiristik birlestik salasynyń ıdeıalary men ónimderi kórsetilgen 60 jádiger qoıylǵan.
Jármeńkeniń basty maqsaty - áıel mártebesin joǵarlatý, áıel kásipkerligin kórsetý jáne nasıhattaý.
1 jyl buryn (2009) Qazaqstan Respýblıkasynyń Prezıdenti Astanada jetim balalarǵa arnalǵan 300 oryndy mamandandyrylǵan kásibı-tehnıkalyq lıtseıdi ashty.
Qurylysty «Qazaqmys» korporatsııasy júrgizgen.
Bul oqý ornynda tokar, gazben jáne elektrmen dánekerleýshi, ekskavator jáne býldozer júrgizýshisi, kranda jumys isteýshi, elektr monteri, aspaz, barmen, túrli sanattaǵy júrgizýshi sııaqty mamandardy daıarlaıdy. Lıtseıde alańy 360 sharshy metrlik oqý-jattyǵý basseıni, alańy 180 sharshy metrlik zal jáne qala mektepteriniń ishindegi eń úlken - uzyndyǵy 42 metrlik sportzal jáne 204 oryndyq trıbýna bar.
1 jyl buryn (2009) Aqmola oblysynda «Semizbaı-U» jaýapkershiligi shekteýli seriktestigi jyldyq qýaty 500 tonna ýran óndiretin jańa kásiporyndy iske qosty.
Barlaý jáne qazba jumystarynda saladaǵy ozyq tehnologııalyq jetistik keńinen qoldanylyp, qorshaǵan ortaǵa esh zııan keltirmeý qamtamasyz etilgen. Shıkizatty óńdeýde «Stepnogor taý-hımııa kombınaty» jaýapkershiligi shekteýli seriktestiktiń óndiristik qýaty paıdalanylady.
1 jyl buryn (2009) Almatyda «Shańyraq-1» yqshamaýdanynda Alataý aýdanynyń tusaý keser rásimi bolyp ótti.
2008 jyly Almaty qalasynyń ákimshiligi men máslıhatynyń birlesken sheshimi boıynsha Áýezov, Jetisý jáne Almaly aýdandarynyń aýmaǵynan uıymdastyrylǵan Alataý aýdany quryldy. Jańa aýdanyń aýmaǵy 7190 gektar jerdi alyp jatyr. Onyń quramyna «Ójet», «Krasnyı trýdovık», «Zarıa Vostoka», «Uljan» - 1,2, «Darhan», «Baıbesik», 6-gradkompleks, «Shańyraq» - 1, 2, 3, 4, 5, 6, «Kókqaınar», «Áıgerim» - 1, 2, «Qurylysshy», «Túrkistan», «ADK», «Aqbulaq», «Alǵabas» atty qosylǵan aýyldar kiredi.
Jańa ákimshilik aýdandy qurýdyń basty maqsaty qosylǵan aýyl turǵyndarynyń hal-jaǵdaılaryn jaqsartý, sonymen birge Almaty qalasyn soltústik jáne soltústik-batys baǵyttarynda ári qaraı damytý bolyp tabylady.
ESІMDER
65 jyl buryn (1945) fızıka-matematıka ǵylymdarynyń doktory, professor, Qazaqstan Respýblıkasynyń Jaratylystaný Ǵylymdary Akademııasynyń akademıgi ShERЬıAZDANOV Ǵalym Bekenuly dúnıege keldi.
Almaty oblysy Kóksý aýdanynda týǵan. T.Shevchenko atyndaǵy Kıev memlekettik ýnıversıtetin jáne onyń aspırantýrasyn bitirgen.
Ál-Farabı atyndaǵy Qazaq ulttyq ýnıversıteti teorııalyq mehanıka kafedrasynyń aǵa oqytýshysy, dotsenti, tutas orta mehanıkasy kafedrasynyń dotsenti, professory qyzmetterin atqarǵan. 2000 jyldan - ál-Farabı atyndaǵy Qazaq ulttyq ýnıversıteti mehanıka kafedrasynyń professory.
Fızıka-matematıka ǵylymdarynyń 6 kandıdatyn daıyndady. 110 ǵylymı jumystardyń, 1 oqýlyq jáne 5 oqý quraldarynyń avtory.
Medaldarmen, KSRO Joǵarǵy oqý oryndary mınıstrliginiń «Za otlıchnye ýspehı v rabote» jáne Qazaqstan Respýblıkasynyń Bilim jáne ǵylym mınıstrliginiń «Za zaslýgı v razvıtıı naýkı Respýblıkı Kazahstan» tós belgilerimen marapattalǵan. 2007 jylǵy «Joǵarǵy oqý oryndarynyń úzdik oqytýshysy» atty memlekettik granttyń ıegeri.
35 jyl buryn (1975) D.Qonaev atyndaǵy Gımnazııa jáne kolledj dırektorynyń orynbasary DıÝSENOV Asqar Keńesuly dúnıege keldi.
Astana qalasynda týǵan. Qyzylorda medıtsınalyq ýchılışesin, Qorqyt Ata atyndaǵy Qyzylorda memlekettik ýnıversıtetin bitirgen.
«Za býdýşee Kazahstana» Respýblıkalyq jastar qozǵalysynyń oblystyq keńesi bólimshesiniń tóraǵasy, Respýblıkalyq stýdenttik qurylys otrıady shtabynyń tóraǵasy, Qoǵamdyq uıymdarda kadrlyq-uıymdastyrý máseleleri jónindegi keńesshi, «Rodıtelı - radı deteı» Qoǵamdyq uıymy keńesiniń tóraǵasy «Dáneker» Halyqaralyq quqyq jáne halyqaralyq bıznes ınstıtýtynyń (D.Qonaev atyndaǵy ýnıversıtetiniń bólimshesi) tárbıe jumystary jónindegi prorektory, D.Qonaev atyndaǵy gımnazııanyń dırektory qyzmetterin atqarǵan. Qazirgi qyzmetinde - 2007 jyldyń qazan aıynan.
Qazaqstan Respýblıkasy Táýelsizdiginiń 10-jyldyǵyna oraı Qazaqstan Respýblıkasy Prezıdentiniń Alǵys hatymen marapattalǵan.
