QazAqparat-Anons: Mamyrdyń 27-si men 30-y aralyǵyndaǵy oqıǵalardyń kúntizbesi

ÚKІMET

Mamyrdyń 27-sinde Aqordada Memlekettik hatshy-Syrtqy ister mınıstri Qanat Saýdabaevtyń qatysýymen Memlekettik rámizder jónindegi komıssııanyń májilisi ótedi.

Mamyrdyń 27-sinde Aqordada Memlekettik hatshy -Syrtqy ister mınıstri Qanat Saýdabaevtyń qatysýymen Sybaılas jemqorlyqpen kúres jónindegi komıssııanyń májilisi ótedi.

Mamyrdyń 27-sinde Bas prokýratýrada aptalyq brıfıng ótedi.

PARLAMENT

Mamyrdyń 27-sinde Parlament Májilisiniń jalpy otyrysy bolady.

Mamyrdyń 27-sinde Parlament Senatynda depýtattar Ekonomıkalyq damý jáne saýda mınıstri J.Aıtjanovamen kezdesedi.

Mamyrdyń 27-sinde Senatta «Turǵyn úı qurylys banki» júıesi arqyly Qazaqstanda turǵyn úı qurylysynyń memlekettik saıasatyn jetildirý» degen taqyrypta «dóńgelek ústel» otyrysy bolady.

QAZAQSTAN JÁNE ÁLEM

Mamyrdyń 26-sy men 28-i aralyǵynda Astana qalasynda «Ramada Plaza» («Interkontınental») qonaqúıinde 13 Halyqaralyq mıkroqarjy konferentsııasy ótip jatyr. Oǵan álemniń 50 elinen 400-den asa ókil qatysýda. Qatysýshylardyń qatarynda bedeldi halyqaralyq mıkroqarjy ınstıtýttarynyń ókilderi jáne mıkroqarjylandyrý salasynyń sarapshylar bar.

Mamyrdyń 26-29-y aralyǵynda Astanada «KADEX-2010» («Kazakhstan Defense Exposition») Qarý-jaraq, áskerı tehnıka men áskerı-tehnıkalyq múlik halyqaralyq kórmesi ótýde.

Mamyrdyń 25-i men 28-i aralyǵynda Frantsııa prezıdentiniń arnaıy ókili, senator Emerı de Monteskıý bastaǵan iskerlik delegatsııanyń Qazaqstanǵa sapary ótýde.

Mamyrdyń 25-i men 28-i aralyǵynda Eýropalyq parlamenttiń depýtattar toby «Qazaqstan Respýlıkasy - Eýropalyq Odaq» parlamenttik yntymaqtastyǵy komıtetiniń toǵyzynshy otyrysyna qatysýda.

Mamyrdyń 27-28-inde Reseıdiń Podolsk qalasynda Jeńistiń 65 jyldyǵyna arnalǵan «Ekinshi dúnıejúzilik soǵysqa qatysqan elderdegi izdeýshiler qozǵalysy» atty halyqaralyq konferentsııa bolady.

Mamyrdyń 27-28-inde Qazaqstan Respýblıkasy Statıstıka agenttigi Ekonomıkalyq yntymaqtastyq uıymymen birlesip EYU múshe elderiniń Ulttyq statıstıkalyq keńseleri basshylarynyń ekinshi otyrysyn ótkizedi. Jıynǵa Qazaqstan, Aýǵanstan, Ázirbaıjan, Iran, Qyrǵyzstan, Pákistan, Tájikstan, Túrkimenstan, Túrkııa jáne Ózbekstan elderiniń statıstıka mekemeleriniń basqarýshylary, sonymen qatar halyqaralyq uıymdardyń ókilderi qatysady dep kútiledi. Basqosý óńirdegi statıstıka salasyndaǵy joǵary deńgeıde ótkiziletin negizgi forým bolyp tabylady.

SPORT

Mamyrdyń 23-i men 31-i aralyǵynda elordada QR Sport jáne týrızm mınıstrligi, Azııa Boks konfederatsııasy jáne Qazaqstan Boks federatsııasynyń uıymdastyrýymen bokstan áıelder arasyndaǵy Azııa chemponaty ótýde. Týrnırge 20-dan astam eldiń bylǵary qolǵap sheberleri shaqyrylǵan. Sharshy alańdaǵy 11 salmaq sanatyndaǵy básekeler ASBC erejelerine sáıkes ári Azııa Boks konfederatsııasynyń tehnıkalyq resmı tulǵalarynyń qadaǵalaýymen ótedi.

ASTANA

Mamyrdyń 26-sy jáne 28-i aralyǵynda Astana qalasynda «Ramada Plaza» («Interkontınental») qonaqúıinde 13 Halyqaralyq mıkroqarjy konferentsııasy ótýde.

Mamyrdyń 24-28-si aralyǵynda Astana qalasynda Qurmanǵazy atyndaǵy VIII Respýblıkalyq halyq aspaptarynda oryndaýshylar baıqaýy uıymdastyrylady.

Mamyrdyń 27-sinde L.Gýmılev atyndaǵy Eýrazııalyq Ulttyq ýnıversıtetinde «Ǵylym týraly» QR Zańynyń jobasyn talqylaýǵa arnalǵan «dóńgelek ústel» otyrysy bolady.

Mamyrdyń 27-sinde Kongress-holda «Azyq-túlik ónerkásibi» kórmesi ashylady.

Mamyrdyń 28-inde Beıbitshilik jáne kelisim saraıynda Germanııanyń Qazaqstandaǵy jyly aıasynda baspasóz máslıhaty ótedi. Astana ákimi I.Tasmaǵambetov, BMW Group kompanııasynyń Basqarýshy dırektory Alan Harrıs, Germanııanyń Qazaqstandaǵy Elshisi Raıner Shlageter, «Astana Grýpp» prezıdenti Nurlan Smaǵulov qatysatyn bul konferentsııa elordada jańa BMW avtosalonynyń salynýyna arnalady.

Mamyrdyń 29-y men 30-y aralyǵynda Astanada elimizdegi mınıstrlikter, agenttikter, komıtetter jáne basqa da ortalyq atqarýshy organdar arasynda shaǵyn fýtboldan, voleıboldan jáne bılıardtan spartakıada ótedi.

ALMATY

Almatyda mamyr aıynyń 25-nen maýsym aıynyń 2-ne deıin 6-shy Halyqaralyq festıval-baıqaýy ótedi. Festıvaldiń maqsaty - balalar shyǵarmashylyq ujymdarynyń damýyn yntalandyrý, balalar ujymdary arasynda baılanystar ornatý.

Mamyrdyń 26-sy men 30-y aralyǵynda Almaty qalasynda Ortalyq Azııa memleketteriniń ІІІ Halyqaralyq teatr festıvali ótkiziledi.

Almatyda mamyrdyń 27-si kúni «Qarjy naryǵynyń jahandanýy. Balamaly ınvestıtsııalardy damytýdaǵy Qazaqstannyń róli» dep atalatyn konferentsııa ótedi.

Mamyrdyń 27-sinde Rixos Almaty otelinde TMD elderiniń Salyqtyq (qarjylyq) tekserý organdary basshylary úılestirý keńesiniń HІІ májilisi ótedi.

Mamyrdyń 27-sinde «Qazaqstan» qonaqúıinde jeke kúzet qyzmetin retteıtin zańnamany jetildirý máselelerine arnalǵan «dóńgelek ústel» otyrysy bolady.

Mamyrdyń 27-sinde «HolidayInn» otelinde «Maıkrasoft Qazaqstan» kompanııasy semınar ótkizedi.

Mamyrdyń 27-sinde Qazaqstandyq baspasóz klýbynda Balalar shyǵarmashylyǵynyń «Boztorǵaı» halyqaralyq konkýrsyn ótkizýge arnalǵan baspasóz máslıhaty bolady.

Mamyrdyń 27-sinde Qazaqtyń S.Asfendııarov atyndaǵy Ulttyq medıtsınalyq ýnıversıtetinde Saıası qýǵyn-súrgin qurbandaryn eske alýǵa arnalǵan Ashyq esik kúni sharasy ótedi.

Mamyrdyń 27-sinde Almaty qalasy murajaıynda 1937-38 jyldardaǵy qýǵyn-súrgin qurbandaryn eske alýǵa arnalǵan kórme bolady.

Almatyda mamyrdyń 28-29-y kúnderi «Qazaqtildi aqparat tájirıbesine jańa medıa tehnologııalaryn engizý» taqyrybynda semınar-trenıng ótedi. Ony Soros Qazaqstan qory men EQYU-nyń Almatydaǵy ókildiginiń qoldaýymen «Minber» jýrnalısterdi qoldaý ortalyǵy uıymdastyryp otyr

AIMAQTAR

PAVLODAR OBLYSY

Pavlodarda mamyrdyń 29-y kúni alǵash ret Eýpropa kúni atap ótiledi. Ertis jaǵalaýyndaǵy qalaǵa Eýroodaqqa múshe 15 eldiń delegatsııasy keledi, olar pavlodardyqtardy óz elderiniń dástúrlerimen, týrızm salasymen, bilim jáne bıznes júıesimen tanystyrady. «Eýropa kúnin» Eýroodaqtyń Qazaqstandaǵy delegatsııasy, Pavlodar oblysynyń ákimdigi jáne «Desenta» qoǵamdyq qory uıymdastyrýda.

ATAÝLY KÚNDER. ELEÝLІ OQIǴALAR. MEREITOILAR.

MAMYRDYŃ 27-І, BEISENBІ

Búkilreseılik kitaphanalar kúni (Kitaphanashylar kúni). Bul kásibı mereke 1995 jyldyń 27 mamyrynda «Jalpyreseılik kitaphanalar kúnin bekitý týraly» Reseı Federatsııasy Prezıdentiniń Jarlyǵymen bekitilgen.

Qyrǵyzstanda kitaphanalar kúni. Qyrǵyz Respýblıkasy Úkimetiniń qaýlysymen 1902 jyldyń 27 mamyrdaǵy Qyrǵyzstandaǵy birinshi jalpyǵa birdeı kitaphananyń ashylýyna arnalyp 2008 jyldyń 17 maýsymynda bekitilgen.

OQIǴALAR

18 jyl buryn (1992) Jambyl oblysy Shý aýdany Balýan Sholaq atyndaǵy aýylda aqyn, kompozıtor Balýan Sholaqtyń (1864-1916) eskertkishi ashyldy.

5 jyl buryn (2005) Aqmola oblysy Stepnogorsk qalasyndaǵy Mádenıet úıiniń ataýy Dostyq jáne shyǵarmashylyq úıi bolyp ózgertildi. Osyǵan sáıkes qala ortalyǵynda ornalasqan kórkem ǵımarattyń qyzmet baǵyty da ózgertildi.

1 jyl buryn (2009) Qazaqstan Respýblıkasynyń Premer-mınıstri Kárim Másimovtiń qatysýymen Qaraǵandy oblysyndaǵy 500 kV-tyq «Aǵadyr» qosalqy stansasynda «Aǵadyr-OQMAES» ýchaskesi iske qosyldy.

Qazaqstanda alǵash ret 500 kV-tyq «Aǵadyr» qosalqy stansasynda basqarmaly shýnttaýshy reaktorlar ornatyldy. Innovatsııalyq jabdyqtyń qoldanylýy tranzıttegi elektr toraptarynyń jumys qalpyn turaqtandyrady, sonymen qatar jabdyqtardyń tozýy qarqynyn tómendetedi.

1 jyl buryn (2009) saıası qýǵyn-súrgin qurbandaryn eske alý kúnine oraı jazýshy Qaıym Muhamedhanovtyń «Taǵdyr jáne Karlag» atty týyndysy oqyrmandar nazaryna usynyldy. Shara «Qaıym Muhamedhanov atyndaǵy bilim jáne mádenıet ortalyǵy» bastamasymen jáne Qazaqstan-Brıtan tehnıkalyq ýnıversıtettiń qoldaýymen ótkizildi.

Qaıym Muhamedhanov (1916-2004) - Muhtar Áýezovtyń ǵylymı tujyrymdamalarynyń shákirti jáne senimdi jalǵastyrýshysy, óz ómiriniń barlyǵyn Abaı ónerin zertteýge arnaǵan, uly oıshyldyń aqyndyq mektebin oqýdy tereńdetken. Ol qatal kezeńderde de ulttyq mádenıet ókilderi - Shákárim Qudaıberdiulynyń, Ahmet Baıtursynovtyń, Mirjaqyp Dýlatovtyń, Maǵjan Jumabaevtyń, Júsipbek Aımaýytovtardyń ónerlerin batyl nasıhattaǵan.

ESІMDER

95 jyl buryn (1915-1993) akýsher-gınekolog, medıtsına ǵylymdarynyń doktory, professor, Qazaq KSR eńbek sińirgen dárigeri ÓTEGENOVA Kamıla Dosqyzy dúnıege keldi.

Reseı Federatsııasynyń Chelıabınsk oblysynda týǵan. Qazaq medıtsına ınstıtýtyn (S.D.Asfendııarov atyndaǵy Qazaq ulttyq medıtsınalyq ýnıversıteti) bitirgen.

Qazaq medıtsına ınstıtýty (S.D.Asfendııarov atyndaǵy Qazaq ulttyq medıtsınalyq ýnıversıteti) akýsherlik jáne gınekologııa kafedrasynyń klınıkalyq ordınatory, aǵa laboranty, assıstenti, dotsenti, kafedra meńgerýshisi, Qazaq KSR Densaýlyq saqtaý mınıstrliginiń bas akýsher-gınekology qyzmetterin atqarǵan.

«Qurmet Belgisi» ordenimen, medaldarmen marapattalǵan.

MAMYRDYŃ 28-І, JUMA

Ázirbaıjanda Respýblıka kúni. 1918 jylǵy mamyrdyń 28-de Demokratııalyq Ázirbaıjan Respýblıkasy shyǵystaǵy musylman elder arasyndaǵy 1920 jyldyń sáýirine deıin bolyp kelgen alǵashqy parlamenttik respýblıka bolyp jarııalandy.

Ázirbaıjan Respýblıkasy Kavkaz taýynyń ońtústik-shyǵysynda ornalasqan. Soltústiginde Reseımen, soltústik-batysynda Grýzııamen, ońtústik-batysynda Armenııamen jáne Túrkııamen, ońtústiginde Iranmen shekaralasyp jatyr. Shyǵysy Kaspıı teńizimen qorshalǵan. Astanasy - Baký. Memleket basshysy - prezıdent. Joǵarǵy zań shyǵarýshy organy - parlament (májilis). Resmı tili - ázirbaıjan. Aqsha birligi - manat.

Qazaqstan Respýblıkasy men Ázirbaıjan Respýblıkasy arasyndaǵy dıplomatııalyq qarym-qatynas 1992 jyldyń 27 tamyzynda ornatylǵan.

OQIǴALAR

17 jyl buryn (1993) Qazaqstan Respýblıkasy Prezıdenti N.Á.Nazarbaevtyń «Ordabasy ulttyq tarıhı-mádenı jáne tabıǵı qoryǵyn qurý týraly» Jarlyǵy basylym betinde jarııalandy.

11 jyl buryn (1999) Almatyda qazaqstandyq qarjygerlerdiń birinshi kongresi boldy.

5 jyl buryn (2005) Almatyda Jeńistiń 60-jyldyq merekesine oraı «Raqymjan Qoshqarbaev. Reıhstag daýyly» derekti fılminiń tanystyrylymy bolyp ótti.

Rejısseri Ádil Medetbaev. 40-mınýttyq fılm Halyqaralyq mádenı qundylyqtardy saqtaıtyn jáne qoldaý kórsetetin qordyń kómegimen «Amanat studio» stýdııasynda túsirilgen.

3 jyl buryn (2007) Memleket basshysy Nursultan Nazarbaev Azııa Olımpııalyq Keńesiniń (AOK) ordenimen marapattaldy. Keńestiń joǵarǵy nagradasyn N.Nazarbaevqa Azııa Olımpııalyq Keńesiniń prezıdenti, Kýveıt memleketiniń ulttyq qaýipsizdik mınıstri Sheıh Ahmad ál-Fahad as-Sabah tabys etti.

1 jyl buryn (2009) Rýmynııanyń ıAssy ýezindegi Strýnga kommýnasynnyń Bratýlesht aýylynda 1944 jyly Uly Otan soǵysynda qaza bolǵan qazaqstandyq jaýynger Shernııaz Aıaǵanovqa arnalǵan eskertkishtiń ashylý rásimi saltanatty túrde ótti.

Qatardaǵy Shernııaz Aıaǵanov Qaraǵandy oblysynyń Qarqaraly aýdanynda dúnıege keldi jáne soǵysqa Semeı oblysynyń Aıagóz áskerı komıssarıatynan shaqyryldy. Motoatqyshtar batalonynyń 56-brıgadasynyń 23-tank korpýsynyń quramynda qyzmet etti.

Bul shara Qazaqstan Respýblıkasynyń dıplomatııalyq mıssııasy men Rýmynııanyń batyrlardy eske alý ulttyq agentstvosy jáne «Rompetrol» seriktestik tobynyń birlesken kómegimen uıymdastyryldy.

1 jyl buryn (2009) «BTA bankiniń» «Stolıchnoe» bólimshesinde avtomattandyrylǵan seıftik depozıtarıı júıesi ashyldy. Ortalyq Azııa aımaǵynda ol alǵash ret ashylyp otyr.

460 adamǵa laıyqtalyp jasalǵan júıeniń basty erekshelikteriniń biri, bank klıentteri depozıtarıı qyzmetin táýlik boıy jáne bank qyzmetkeriniń kómeginsiz paıdalana alady.

Atalmysh jobanyń quny 1 mıllıon AQSh dollaryn quraıdy. Bank klıentteri osy júıe negizinde qarjy, qujat, qundy buıymdar nemese ózge de dúnıelerin saqtaý úshin arnaıy daıyndalǵan kártishke men PIN-kodty paıdalanady.

ESІMDER

120 jyl buryn (1890-1949) geolog, KSRO Ǵylym Akademııasynyń akademıgi GRIGORЬEV Iosıf Fedorovıch dúnıege keldi.

Sankt-Peterbor qalasynda týǵan. Petrogradtyń taý-ken ınstıtýtyn bitirgen.

Ken ınstıtýtynda alǵash ret mıneragrafııadan, Máskeý ken akademııasynda ken oryndary jóninde dáris oqyǵan.

Uly Otan soǵysy jyldary tabıǵı qorlardy Otan qorǵaý muqtajyna jumyldyrý jónindegi komıssııanyń múshesi. Onyń alǵashqy ǵylymı eńbekteri Ońtústik Qazaqstan geologııasyna arnalǵan. Kendi Altaıdyń polımetal ken oryndarynda júrgizilgen geologııalyq barlaý jumystar Grıgorevtyń ǵylymı qaǵıdalaryna negizdeldi jáne nátıjeli boldy. Ol kendi mıneragrafııalyq zertteý ádisin usyndy jáne ken qurylymynyń túrlerin anyqtady.

Eki ordenmen jáne medaldarmen marapattalǵan.

MAMYRDYŃ 29-Y, SENBІ

BUU-nyń Halyqaralyq bitimgershiler kúni. 2003-shi jyldan bastap jyl saıyn atap ótiledi.

2002 jyly BUU Bas Assambleıasynyń A/RES/57/129 qararymen bekitilgen. Qararda BUU múshe memleketterge, úkimettik emes uıymdarǵa jáne jekelegen azamattarǵa BUU-nyń beıbitshilikti qoldaý maqsatyndaǵy operatsııalarynyń quramynda qyzmet istegen adamdarǵa qurmet, sonymen qatar qaza bolǵandardy este saqtaý kúni retinde atap ótý usynylǵan.

OQIǴALAR

15 jyl buryn (1995) respýblıkalyq «Úkili úmit» sazgerler baıqaýy bastaldy.

3 jyl buryn (2007) Elbasy Nursultan Nazarbaev «Shanhaı yntymaqtastyq uıymyna múshe-memleketterdiń úkimetteri arasyndaǵy Tótenshe jaǵdaılardy joıýda kómek kórsetý kezinde ózara is-qımyl jasaý týraly kelisimdi ratıfıkatsııalaý týraly» Zańyna qol qoıdy.

1 jyl buryn (2009) jambyldyq jazýshy, jýrnalıst Baqytıar Ábildáulynyń «Shapyrashty Naýryzbaı batyr» dep atalatyn jańa kitaby jaryq kórdi. Tarıhı-derekti roman XVIII ǵasyrda jońǵarlardyń basqynshylyǵyna qarsy soǵysta dańqy shyqqan qazaqtyń qolbasshysyna arnalǵan. Tarıhshylardyń málimeti boıynsha, osy azattyq úshin bolǵan shaıqasta mıllıonnan astam qazaqtar opat bolǵan.

Baqytıar Ábildáuly osy derekterdi Reseı muraǵattarynan tapty. Olardyń negizinde derekti-kórkem roman jazyp shyqty. Baqytıar Ábildáulynyń «Shapyrashty Naýryzbaı batyr» romanynyń tanystyrylymy Qazaqstan Jazýshylar odaǵy ókilderiniń jáne qalyń jurtshylyqtyń qatysýymen batyrdyń týǵan jerinde, Almaty oblysynyń Qaskeleń qalasynda ótti. Romannyń avtoryna Almaty oblysyndaǵy Qarasaı aýdanynyń qurmetti azamaty ataǵy berildi.

ESІMDER

70 jyl buryn (1940-2003) alpınıst, geografııa ǵylymdarynyń kandıdaty, sport sheberi, KSRO Qarýly Kúshteri men Keńes Odaǵy birinshilikteriniń chempıony, birneshe dúrkin jeńimpazy POPOV Vıktor Ivanovıch dúnıege keldi.

Reseı Federatsııasynyń Máskeý oblysynda týǵan. Qazaq memlekettik ýnıversıtetin (ál-Farabı atyndaǵy Qazaq ulttyq ýnıversıteti) bitirgen.

Qazaqstan Respýblıkasy Alpınızm federatsııasynyń vıtse-prezıdenti, Qazaqstan Respýblıkasy Ulttyq Alpınızm federatsııasynyń atqarýshy dırektory, «Vestnık gor» jınaǵynyń jaýapty redaktory, Qazaqstan Respýblıkasy Bilim jáne ǵylym mınıstrligi Geografııa ınstıtýtynyń jetekshi ǵylymı qyzmetkeri, Abaı atyndaǵy Almaty memlekettik ýnıversıteti (Abaı atyndaǵy Qazaq ulttyq pedagogıkalyq ýnıversıtet) týrızm kafedrasynyń dotsenti qyzmetterin atqarǵan.

Odaq kezinde «jetimyńdyq» shyńdaryn baǵyndyrýdaǵy ekspedıtsııany basqarǵan. Afrıkanyń Kılımandjaro janartaýy men Tıan-Shan, Pamır, Kavkaz, Altaı, Kamchatka, Alpy taýly aýdandaryndaǵy shyńdarǵa órleýge qatysqan.

Odaqta alǵashqy ret qysta Mármár qabyrǵasy shyńyn baǵyndyrǵan. Pamırdegi Lenın - Razdelnaıa shyńy, Han-Táńiri shyńy, Tıan-Shandaǵy Jeńis shyńy, Alpi shyńyndaǵy Krıstatýrm qabyrǵasyna órleýge qatysqan.

«Qurmet belgisi» ordenimen, medaldarmen marapattalǵan.

40 jyl buryn (1970) «QazMunaıGaz» Barlaý Óndirý» AQ-nyń birlesken damý jáne aktıvterdi basqarý boıynsha bas dırektordyń orynbasary ÁÝBÁKІROV Asqar Ákimbaıuly dúnıege keldi.

Qyzylorda oblysynda týǵan. Máskeý gıdromelıoratıvti ınstıtýtyn, Eýrazııalyq naryq ınstıtýtyn bitirgen.

Qyzylorda qalasyndaǵy «Kóktem» shaǵyn jeke kásipkerliktiń dırektory, «Kazkommertsbank» AAQ Qyzylorda oblystyq fılıalynyń jınaqtaý bóliminiń meńgerýshisi, Atyraý qalasyndaǵy «Qazaqoıl» UMK qarjy bóliminiń menedjeri, «Embamunaıgaz» AAQ ekonomıkalyq analızdiń jáne qarjy bóliminiń meńgerýshisi, qarjy dırektsııasynyń dırektory, birinshi vıtse-prezıdenti, «Qazaqoıl-Emba» AAQ-nyń birinshi vıtse-prezıdenti, «Ózenmunaıgaz» AAQ birinshi vıtse-prezıdenti, «EuroAsiaGroup» basqarma tóraǵasy, «QazMunaıGaz» Barlaý Óndirý» AQ-nyń «Embamunaıgaz» óndiristik fılıaly dırektorynyń birinshi orynbasary, «QazMunaıGaz» Barlaý Óndirý» AQ-nyń birlesken damý jáne aktıvterdi basqarý boıynsha bas dırektordyń orynbasary, «Assotsıatsııa «KazEnergy» zańdy tulǵalar birlestiginiń atqarýshy dırektory qyzmetterin atqarǵan. Qazirgi qyzmetinde - 2009 jyldyń qazanynan.

MAMYRDYŃ 30-Y, JEKSENBІ

Túrkimen kileminiń kúni. Mamyrdyń sońǵy jeksenbisinde atap ótiledi. Ol 1992 jyldan bastap memlekettik mereke boldy jáne Ashhabadta ornalasqan álemdegi birinshi túrikmen kileminiń murajaıynda ótkiziledi.

Hımık kúni. Bul osy mamandyq boıynsha stýdentterdi, aspıranttardy, oqytýshylardy jáne barlyq túlekterdi biriktiretin halyqaralyq mereke.

OQIǴALAR

415 jyl buryn (1595) qazaq hany Táýekel (t.j.b.-1598) V.Stepanov bastaǵan orys elshiligin qabyldady.

3 jyl buryn (2007) Batys Qazaqstan oblysy Qaztalov aýdany ortalyǵyndaǵy Táýelsizdik saıabaǵynda stalındik zobalańnan zardap shekken jáne qurban bolǵan jandarǵa arnalǵan eskertkish taqta ashyldy.

Tarıhtyń sol bir aqtańdaq jyldary aýdannan 36 adam «halyq jaýy» atanyp, olardyń 22-si ólim jazasyna kesilgen.

1 jyl buryn (2009) respýblıkada otandyq bızneske kómek retinde «Qazaqstandyq mólsher» aqparattyq ınternet-portaly iske qosyldy.

1 jyl buryn (2009) Almatydaǵy Respýblıka alańynda qymyzdyń 6000-jyldyq tarıhyna arnalǵan alǵashqy «Qymyzmuryndyq» festıvali bolyp ótti.

1 jyl buryn (2009) Bishkekte ótken Margaret Mıd atyndaǵy ІІ derekti fılmder festıvalinde qazaqstandyq kınotanýshy Gúlnár Ábikeevanyń «Ulttyq sana sezimniń qurylýynyń eki dáýiri» atty jınaǵynyń tusaý keser rásimi bolyp ótti.

Gúlnár Ábikeevanyń jınaqty usyný maqsaty sırek kezdesetin derekti lentalardy saqtap qalý jáne qaıta óńdeý, Ortalyq Azııanyń barlyq aýmaqtaryndaǵy muralardy nasıhattaý bolyp tabylady.

ESІMDER

55 jyl buryn (1955) Soltústik Qazaqstan oblysy Taıynsha aýdanynyń ákimi MAKOVSKII Anatolıı Pavlovıch dúnıege keldi.

Aqmola oblysynda týǵan. Tselınograd aýyl sharýashylyq ınstıtýtyn bitirgen.

Aqmola oblysy Lenıngrad aýdanynyń ákimi qyzmetin atqarǵan. Qazirgi qyzmetinde - 1997 jyldan.

45 jyl buryn (1965) Qazaqstan Respýblıkasy mádenıet mınıstrligi ishki aýdıt basqarmasynyń bastyǵy MEIRІMOV Ashat Qojybekuly dúnıege keldi.

Shyǵys Qazaqstan oblysynda týǵan. Almaty temir jol kóligi ınjenerleriniń ınstıtýtyn, S.Seıfýllın atyndaǵy Qazaq memlekettik agrarlyq ýnıversıtetin bitirgen.

Qazaqstan Respýblıkasy Mádenıet jáne aqparat mınıstrligi ishki baqylaý bóliminiń bastyǵy qyzmetin atqarǵan. Qazirgi qyzmetinde - 2008 jyldan.