QazAqparat-Anons: Mamyrdyń 21-i men 23-i aralyǵyndaǵy oqıǵalardyń kúntizbesi

ÚKІMET

Mamyrdyń 21-inde Premer-Mınıstr Kárim Másimov Peterborda ótetin TMD Úkimet basshylary keńesiniń kezekti otyrysyna qatysady.

Mamyrdyń 20-23-i kúnderi aralyǵynda Mınıstr Aqylbek Kúrishbaev Aqmola jáne Soltústik Qazaqstan oblystaryna jumys saparyn jasaıdy. Mınıstr egis naýqany jumystarymen jáne oblystardyń elevatorlaryn aralap shyǵady.

Mamyrdyń 21-inde Indýstrııa jáne jańa tehnologııalar mınıstrliginde «2010 jyly iske qosylatyn ındýstrııalyq nysandardyń aǵymdaǵy jaǵdaıy» degen taqyrypqa arnalǵan brıfıng bolady.

QOǴAM

Mamyrdyń 21-inde Keden odaǵy elderi úkimet basshylarynyń keńesi ótedi, onda Keden odaǵyn qalyptastyrý jáne ony shildeniń 1-inen tolyq kóleminde iske qosýdyń ózekti máseleleri talqylanady, sondaı-aq Biryńǵaı ekonomıkalyq keńistikti qalyptastyrý úshin bazalyq kelisimder qaralady.

Mamyrdyń 23-i men 26-sy aralyǵynda Túrkııa Respýblıkasynyń Prezıdenti Abdolla Gúl Qazaqstanǵa sapar jasaıdy. Sapar sheńberinde Abdolla Gúl men Elbasy Nursultan Nazarbaevpen ekijaqty kelissózder ótkizedi dep kútilýde. Sondaı-aq, Túrik prezıdenti Senat Tóraǵasy Qasym-Jomart Toqaevpen jáne Májilis Tóraǵasy Oral Muhamedjanovpen kezdesedi. Sapar aıasynda birqatar ekijaqty qujattarǵa qol qoıylady. Odan keıin Abdolla Gúl Túrkistan qalasyna baryp, sondaǵy Qoja Ahmet ıAssaýı atyndaǵy Qazaq-Túrik halyqaralyq ýnıversıtetiniń oqytýshylar men stýdenttik quramymen kezdesedi dep kútilýde.

Mamyrdyń 26-29-y aralyǵynda Astanada «KADEX-2010» («Kazakhstan Defense Exposition») Qarý-jaraq, áskerı tehnıka men áskerı-tehnıkalyq múlik halyqaralyq kórmesi ótedi. Oǵan Qarýly Kúshterge qajet otandyq jáne sheteldik áskerı jáne arnaıy ónimder shyǵaratyn sheteldik kásiporyndar qatysqaly otyr.

QAZAQSTAN JÁNE ÁLEM

Beıjińde mamyrdyń 20-22-i aralyǵynda 20-shy mereıtoılyq Ǵalamdyq áıelder sammıti ótýde. Qazaqstannyń atynan sammıtke Qazaqstan Respýblıkasy Eńbek jáne halyqty áleýmettik qorǵaý mınıstri - Qazaqstan Respýblıkasy Prezıdenti janyndaǵy áıelder jáne otbasy-demografııalyq saıasat máseleleri jónindegi ulttyq komıssııanyń tóraıymy Gúlshara Ábdiqalyqova bastaǵan delegatsııa qatysýda.

SPORT

Astanada mamyrdyń 20-23-i kúnderi taekvondodan (WTF) XIX Azııa chempıonaty jáne taekvondo-pýmseden (tehnıkalardy kórsetý) І Azııa chempıonaty ótýde.

Mamyrdyń 23-i men 31-i aralyǵynda elordada QR Sport jáne týrızm mınıstrligi, Azııa Boks konfederatsııasy jáne Qazaqstan Boks federatsııasynyń uıymdastyrýymen bokstan áıelder arasyndaǵy Azııa chemponaty ótedi. Týrnırge 20-dan astam eldiń bylǵary qolǵap sheberleri shaqyrylǵan. Sharshy alańdaǵy 11 salmaq sanatyndaǵy básekeler ASBC erejelerine sáıkes ári Azııa Boks konfederatsııasynyń tehnıkalyq resmı tulǵalarynyń qadaǵalaýymen ótedi.

Mamyrdyń 24-inde saǵat 16.00-de chempıonattyń ashylý saltanaty bolady, al saǵat 17.00-den básekeler bastalady. Mamyrdyń 27-sinde - shırek fınal, 29-ynda - jartylaı fınal, 30-ynda - fınaldyq básekeler ótedi.

Mamyrdyń 23-i kúni qazaqstandyq kásipqoı boks sheberi Vıtalıı Demıanenko Máskeýde RAVA chempıony ataǵyn qorǵaý úshin avstralııalyq Semıýel Kolombanmen jekpe-jek ótkizedi.

ASTANA

Mamyrdyń 21-inde «Dýman» qonaqúıinde «Aımaqtardardy ornyqty damytýdyń qajetti sharty retinde jergilikti ózin-ózi basqarýdy damytý» taqyrybynda halyqaralyq konferentsııa ótedi.

Mamyrdyń 21-inde Joǵarǵy sotta «Mámilegerlik protsedýralar ınstıtýtyn (medıatsııa) engizýdiń ózekti máseleleri» degen taqyrypta «dóńgelek ústel» otyrysy bolady.

Mamyrdyń 21-inde L.Gýmılev atyndaǵy Eýrazııa Ulttyq ýnıversıtetinde professor, zań ǵylymdarynyń doktory A.H.Hadjıevtiń atyndaǵy aýdıtorııanyń ashylý rásimi bolady.

Mamyrdyń 21-inde «Redısson» otelinde «Nazarbaev fenomeni: eýrazııalyq keńistiktegi yqpaldastyq úrdisterdiń damýyndaǵy tulǵalyq faktor» degen taqyrypqa arnalǵan Eýrazııalyq saraptamalyq forým ótedi.

Mamyrdyń 21-inde Ulttyq akademııalyq kitaphanada «Bir el - bir kitap» aktsııasyna arnalǵan baspasóz máslıhaty bolady.

Mamyrdyń 21-i kúni Ulttyq akademııalyq kitaphanada tanymal jýrnalıst, Qazaqstan Respýblıkasy Prezıdenti syılyǵynyń laýreaty Erkin Qydyrdyń «Otyrar» kitap-albomynyń tanystyrylymy ótedi.

Mamyrdyń 22-sinde L.Gýmılev atyndaǵy Eýrazııa ulttyq ýnıversıtetinde «Kúltegin - 2010» merekelik onkúndigin qorytyndylaýǵa arnalǵan gala-kontsert ótedi.

Mamyrdyń 22-sinde saǵat 11.00-de Astana qalasyndaǵy Qazaq gýmanıtarlyq zań ýnıversıtetinde «Ýaqyttyń ámiri júrmeıtin estelik» atty fotokórme ashylady. Bul kórme Uly Jeńistiń 65 jyldyǵyna arnalǵan «Jeńis muragerleri» aktsııasyn qorytyndylaıdy.

ALMATY

Mamyrdyń 20-25-i aralyǵynda Almatyda «Qazaqstandyq óner aptalyǵy» halyqaralyq kórme-konkýrsy ótedi. Atalǵan shara aıasynda fotoóner, keskindeme, músin, qoldanbaly óner, sýret salalary boıynsha konkýrstar, sheberlik synyptary men semınarlar, «dóńgelek ústel» májilisteri ótedi.

Mamyrdyń 21-inde «Mıras» halyqaralyq mektebinde Adam quqyqtary jónindegi Jastar konferentsııasy bolady.

Mamyrdyń 21-inde Ǵ.Músirepov atyndaǵy teatrda «Oqytý men tárbıeleýdiń sapasy jáne nátıjeligi» degen taqyrypta halyqaralyq konferentsııa bolady.

Mamyrdyń 21-inde Qazaqtyń ál-Farabı atyndaǵy Ulttyq ýnıversıtetinde «Qazirgi zamanǵy tarıhı ǵylymnyń problemalary: jańa baǵyttar men kózqarastar» degen taqyrypta «Bekmahanov oqýlary» halyqaralyq ǵylymı konferentsııasy bolady.

Mamyrdyń 21-inde Ulttyq kitaphanada saıası qýǵyn-súrgin qurbandaryn eske alýǵa arnalǵan «Qońyrqoja Qojyqov - qoǵam qaıratkeri, aǵartýshy, ǵalym» degen taqyrypta «dóńgelek ústel» otyrysy bolady.

Mamyrdyń 21-inde Almaty Іshki ister departamentinde mektepterdegi polıtsııa ınspektorlarynyń jazǵy kanıkýl kezindegi jumystaryna arnalǵan «dóńgelek ústel» otyrysy bolady.

Mamyrdyń 21-inde Ortalyq saıabaqta «Aınalaıyn arýlar, temeki tartpańyzdar!» atty qalalyq aktsııa ótedi.

Mamyrdyń 21-22-si kúnderi «Qazaqstan Respýblıkasy: memlekettik qurylystyń tájirıbesi jáne áleýmettik-saıası jańarýdyń bolashaǵy» degen taqyrypta Halyqaralyq ǵylymı-tájirıbelik konferentsııa ótedi.

Mamyrdyń 24-de Almatydaǵy Respýblıka saraıynyń jóndeýge jabylýy qarsańynda maýsymdaǵy sońǵy kontsert ótedi.

Almatyda mamyrdyń 23-i kúni Qazaqtyń Muhtar Áýezov atyndaǵy memlekettik akademııalyq drama teatrynda kórnekti teatr jáne kıno akteri, rejısser Tóleýbek Aralbaıdyń 60 jyldyq mereıtoıyna arnalǵan benefısi ótedi.

AIMAQTAR

BATYS QAZAQSTAN

Batys Qazaqstan oblysynda sáýirdiń 20-sy men mamyrdyń 20-sy aralyǵynda quqyqtyq bilim jáne quqyq buzýshylyqtyń aldyn alýǵa arnalǵan aılyq ótkizilmek.

ShYǴYS QAZAQSTAN

Mamyrdyń 20-synda Óskemende sáýletshilerdiń halyqaralyq konkýrsy bastalady.

ATAÝLY KÚNDER. ELEÝLІ OQIǴALAR. MEREITOILAR.

MAMYRDYŃ 21-І, JUMA

Dúnıejúzilik qarym-qatynas pen damý maqsatyndaǵy mádenı áralýandylyq kúni.

2002-nshi jylǵy jeltoqsannyń 20-synda «Mádenıet jáne damý» qararymen mamyrdyń 21-in Dúnıejúzilik qarym-qatynas pen damý maqsatynda mádenı áralýandylyq kúni dep jarııalaýǵa qaýly qabyldady.

Qazaqstan Búkilálemdik tabıǵı jáne mádenı murany qorǵaý týraly konventsııaǵa 1994-inshi jylǵy sáýirdiń 29-ynda qosyldy. Este qalar kúniń maqsaty-qoǵam mádenıetiniń ártúrli qundylyǵy men mańyzdylyǵyna aqparat berýi jáne ártúrli merekelik sharalar ótkizýine kómektesý. Bul kún mádenıet qundylyǵyn tereń tanýǵa álem halyqtarynyń yntymaqtastyǵynyń damýyna múmkindik beredi.

BUU Bas Assambleıasy 2007-nshi jylǵy jeltoqsannyń 17-sinde 2010-ynshy jyldy Halyqaralyq mádenıetterdi jaqyndastyrý jyly dep jarııalady jáne osy jyly dinaralyq jáne mádenıetaralyq qarym-qatynastarǵa, beıbitshilik úshin ózara túsinistik pen yntymaqtastyqqa arnalǵan tıisti sharalar uıymdastyrýdy, sonyń ishinde joǵary deńgeıdegi nemese azamattyq qoǵammen birlesken beıresmı ınteraktıvti dıalogtar ótkizýge usynys berdi.

Jumyssyzdyqtan qorǵaý kúni.

Halyqaralyq eńbek uıymynyń málimetteri boıynsha jumyssyzdardyń sany mıllıard adamǵa jetedi. Bul ǵalamshardaǵy jumys kúshiniń úshten birine teń.

OQIǴALAR

11 jyl buryn (1999) aqyn Muhtar Shahanovqa halyqaralyq «Rýhanııat» syılyǵy berildi.

11 jyl buryn (1999) Batys Qazaqstannan Qara teńiz jaǵalaýyna deıin sozylatyn Kaspıı munaı qubyryn tóseý bastaldy.

5 jyl buryn (2005) basylym betterinde Qazaqstan Respýblıkasy Prezıdenti N.Nazarbaev qol qoıǵan «Qazaqstan Respýblıkasynyń Azamattyq kodeksine (Jalpy bólim) ózgertýler men tolyqtyrýlar engizý týraly» Zańy jaryq kórdi.

3 jyl buryn (2007) Pavlodar oblysyndaǵy Ýspen aýdanynyń ortalyǵynda Keńes Odaǵynyń Batyry Maksım Mılevskııge eskertkish ornatyldy.

Maksım Mılevskıı (1923-2005) Ýspen aýdanynyń Pavlovka aýylynda dúnıege kelgen, soǵys bastalǵanda maıdanǵa óz erkimen attanǵan. Soǵysta Stalıngradtan Berlınge deıingi joryq joldarynan ótip, Qyrym, Lıtva jáne Latvııany azat etýge qatysqan. Qazaqstandyq jaýynger urystardaǵy erligi úshin Qyzyl juldyz, 3-dárejeli «Dańq», «Otan soǵysy» ordenderimen marapattaldy. Kenıgsberg túbindegi shaıqasta erjúrek komandırge Keńes Odaǵynyń Batyry ataǵy berildi.

2004 jyly M.Mılevskıı respýblıka aldynda sińirgen eńbegi úshin «Parasat» ordenimen marapattaldy.

1 jyl buryn (2009) «Jeti jarǵy» baspasynan eki tilde jazylǵan «Keden isi boıynsha suraqtar men jaýaptar» - «Voprosy ı otvety po tamojennomý delý» atty kitap jaryq kórdi. Avtory - keden qyzmetiniń polkovnıgi Beken Nurahmetov.

Kitapta oqyrmandyń úsh júzdeı suraqtaryna jaýaptar berilgen. Onda qazaqstannyń zań sheńberindegi keden isi týraly ǵana emes, sonymen birge bizdiń elde bekitilgen halyqaralyq konventsııalar, basqa da málimetter jınaqtalǵan.

ESІMDER

40 jyl buryn (1970) «KazInvestBank» AQ Dırektorlar Keńesiniń tóraǵasy, Lankaster Grýp Dırektorlar Keńesiniń múshesi DOSAEV Erbolat Asqarbekuly dúnıege keldi.

Almaty qalasynda týǵan. Almaty energetıka ınstıtýtyn, N.E.Baýman atyndaǵy Máskeý memlekettik tehnıkalyq ýnıversıtetin bitirgen.

«Іsker» shaǵyn óndiris mekemesiniń menedjeri, «Vega» shaǵyn óndiris dırektorynyń orynbasary, «Aktsept» fırmasy» jaýapkershiligi shekteýli seritestigi dırektorynyń orynbasary, dırektory, «Aktsept» korporatsııasy» aktsıonerlik qoǵamynyń dırektory, birinshi vıtse-prezıdenti, bas dırektory, «TuranÁlemBanki» jabyq aktsıonerlik qoǵamy basqarmasy tóraǵasynyń orynbasary, «Almaty saýda-qarjy banki» jabyq aktsıonerlik qoǵamy basqarmasynyń tóraǵasy, Qazaqstan Respýblıkasy Premer-mınıstriniń keńesshisi, Qazaqstan Respýblıkasy energetıka, ındýstrııa jáne saýda vıtse-mınıstri, Qazaqstan Respýblıkasy qarjy vıtse-mınıstri, Qazaqstan Respýblıkasy Damý banki Dırektorlar keńesiniń tóraǵasy, «Qazaqstan halyqtyq jınaqtaýshy banki» AAQ Dırektorlar keńesiniń múshesi, «Qazaqoıl» JAQ Dırektorlar keńesiniń múshesi, «Shaǵyn kásipkerlikti damytý qory» JAQ Dırektorlar keńesiniń múshesi, «Qazaqstan Eksımbanki» JAQ Dırektorlar keńesiniń múshesi, Qazaqstan Respýblıkasy Tabıǵı monopolııadardy retteý, básekelestikti qorǵaý jáne shaǵyn bıznesti qoldaý agenttiginiń tóraǵasy, Qazaqstan Respýblıkasy qarjy mınıstri, Qazaqstan Respýblıkasy densaýlyq saqtaý mınıstri. Qazirgi qyzmetinde - 2007 jyldan.

MAMYRDYŃ 22-І, SENBІ

Halyqaralyq bıologııalyq áralýandyq kúni.

BUU Bas Assambleıasy 2000 jylǵy 30 jeltoqsanda 22 mamyrdy Halyqaralyq bıologııalyq áralýandyq kúni dep jarııalady, sondaı-aq osy kúni Bıologııalyq áralýandyq týraly konventsııa qabyldandy.

Qazaqstannyń bıologııalyq áralýandyǵyn saqtaý maqsatynda 1994 jyly Bıologııalyq áralýandyq jónindegi konventsııa bekitilip, bıologııalyq áralýandyqty saqtaý jáne birqalypty paıdalaný jónindegi ulttyq strategııa men is-áreketter jospary jasalyndy. Búgingi tańda osy jumystar 2003 jylǵy jeltoqsanda Elbasy qol qoıǵan Qazaqstannyń 2004-2015 jyldardaǵy ekologııalyq qaýipsizdigi konventsııasy sheńberinde atqarylýda.

OQIǴALAR

3 jyl buryn (2007) Memleket basshysy Nursultan Nazarbaev zańdarda qoldanylatyn termınderdi «Áskerı mindettilik jáne áskerı qyzmet týraly» Zańǵa sáıkestendirýge baǵyttalǵan «Qazaqstan Respýblıkasynyń áskerı qyzmet máseleleri jónindegi birqatar zańnamalyq aktilerine ózgertýler men tolyqtyrýlar engizý týraly» Zańǵa qol qoıdy.

3 jyl buryn (2007) Bókeı handyǵynyń tarıhy týraly Qojantaı Qasenovtiń «Naryn» atty kitaby jaryq kórdi.

Roman-dılogııa eki bólimnen turady, onyń birinshisi «Jáńgir han» atalsa, ekinshisi -«Naryn». Orys tilinde jaryq kórgen kitapta Bókeı handyǵyndaǵy tarıhı oqıǵalar avtor kózimen sýrettelgen. Kitapta Jáńgir hannan bastap osy ólkeniń Qurmanǵazy, Dáýletkereı, Salyq Babajanov, Ǵubaıdolla Jáńgirov, Sháńgereı Bókeev syndy iri tulǵalary jóninde baıandalady.

Qojantaı Kasenov - tanymal ǵalym, professor, medıtsına ǵylymdarynyń doktory, medıtsına mamany bolǵanymen, ózi týyp ósken óńirdiń ótkeni týraly barynsha zerttegen.

1 jyl buryn (2009) Qazaqstan-Brıtan tehnıkalyq ýnıversıtetinde (KBTÝ) álemdegi tuńǵysh ret tehnologııany óńdeıtin, programmamen qamtamasyz etetin jáne konsaltıngtik qyzmetteriniń jetekshi halyqaralyq seriktestigi (IPS) «Invensys Process Systems» ınnovatsııalyq vırtýaldy tehnologııany usyndy.

«Immersive Virtual Reality Process» jańa ónim qaıta óńdeıtin ónerkásip salasyndaǵy energetıka, hımııa, munaı, gaz taǵy da basqa maman-ınjenerler men stajerlerdi daıyndaýǵa jasalǵan. Qoldanýshylar stereoskopııalyq qulaqqaptar jáne dýlyǵa arqyly zaýytty basqarý protsessterin úırenedi jáne naqty bıznes tájirıbesinde paıda bolatyn kez kelgen ahýaldardy sheshe alady.

1 jyl buryn (2009) Qanysh Sátpaev atyndaǵy Qazaq ulttyq tehnıkalyq ýnıversıtetinde KazRENA qaýymdastyǵynyń bas dırektory Borıs Japarov «Respýblıkalyq joǵary oqý oryndary aralyǵynda taralǵan elektrondy kitaphana» (RJTEK) usyndy. Joǵarǵy oqý oryndarynda elektrondy kitaphana engizý oqý materıaldarynyń sanyn úlkeıtedi, bilim jáne ǵylymı-zertteý qyzmetiniń sapasyn joǵarlatady, otandyq jáne shetel kitaphanalar, aqparattyq ortalyqtar men uıymdar arasyndaǵy elektrondyq qorlardy aıyrbastaýǵa múmkindik beredi. Onyń qorlaryna Science Directtiń arnaıy jasalǵan programmalyq platformasy men Scopus-tyń elektrondyq anyqtamasy arqyly kirýge bolady.

ESІMDER

85 jyl buryn (1925-1994) jazýshy, aýdarmashy MERKÝLOV Oleg Borısovıch dúnıege keldi. Uly Otan soǵysyna qatysqan.

Reseı Federatsııasynyń Brıansk qalasynda týǵan. Sankt-Peterbor shet tilder ınstıtýtyn bitirgen.

«Kazahstanskaıa pravda» gazetiniń aýdarmashysy, Qazaq KSR Baspa, polıgrafııa jáne kitap saýdasy isteri jónindegi komıtetiniń aǵa redaktory, Qazaqstan Jazýshylar odaǵy orys redaktsııasynyń ádebı keńesshisi qyzmetterin atqarǵan.

«Radı tebıa», «Na dvýh beregah» romandary men «Kombat Ardatov» povesiniń avtory. R.Raıttyń «Protıajnaıa pesnıa temnokojego» povesin, Dj. B.Prıstıldiń «Geroı - chýdotvorets» romanyn basqa da kóptegen aǵylshyn jazýshylarynyń áńgimelerin orys tiline aýdarǵan.

1-dárejeli Uly Otan soǵysy ordenimen, «Erligi úshin» medalimen, Qazaq KSR Joǵarǵy Keńesiniń Qurmet gramotasymen marapattalǵan.

MAMYRDYŃ 23-І, JEKSENBІ

Ázirbaıjannyń Ekologııa jáne tabıǵı qorlar mınıstrligi qyzmetkerleriniń kúni. Ázirbaıjan Respýblıkasy Prezıdentiniń Qaýlysymen 2007 jylǵy 16-shy mamyrda jyl saıyn atap ótiledi.

ıAmaıkada eńbek kúni. Alǵashqy ret 1939 jyly atap ótilgen. Bul kúni ıAmaıka turǵyndary qoǵam ıgiligi úshin tegin eńbek etýdi dástúrge aınaldyrǵan.

OQIǴALAR

10 jyl buryn (2000) Mınskide Belarýs Respýblıkasy, Qazaqstan Respýblıkasy, Qyrǵyz Respýblıkasy, Reseı Federatsııasy men Tájikstan Respýblıkasy memleketteri basshylarynyń sammıti ótti, onda Keden odaǵyna qatysýshy elderdiń jetekshileri ıntegratsııalyq údiristerdi odan ári damytýdyń ózekti baǵyttaryn belgiledi. Memleket basshylary «1996 jylǵy 29 naýryzdaǵy ekonomıkalyq jáne gýmanıtarlyq salalardaǵy ıntegratsııany tereńdetý týraly Shartqa qatysýshy memleketterdiń 2000-2004 jyldardaǵy gýmanıtarlyq saladaǵy yntymaqtastyǵynyń negizgi baǵyttary týraly», «Keden odaǵyna qatysýshy memleketterdiń áleýmettik jáne gýmanıtarlyq salalardaǵy ulttyq zańnamalaryn úılestirý barysy» týraly qujattardy bekitti.

3 jyl buryn (2007) Almatyda Azııa jáne Tynyq muhıt elderine arnalǵan Ekonomıkalyq jáne Áleýmettik komıssııasy, BUU-nyń Eýropalyq ekonomıkalyq komıssııasy jáne Eýrazııa ekonomıkalyq birlestiktiń yqpaldastyq komıteti hashylyǵynyń arasyndaǵy ózara túsinistik týraly memorandýmǵa qol qoıyldy.

Memorandým Eýrazııa ekonomıkalyq birlestiktiń hatshylyǵymen jáne eki aımaqtyq komıssııasy aralyǵyndaǵy yntymaqtastyqty kúsheıtýge jáne Myńjyldyq damý maqsatyna qoldaý kórsetýge baǵyttalǵan.

1 jyl buryn (2009) Almatyda birinshi mamandandyrylǵan quzǵa órmeleıtin «Skala» ortalyǵynyń tusaý keser rásimi ótti. Keshen qalanyń ádemi jáne ekologııalyq taza aýdandarynyń biri - Úlken Almaty shatqalynda salynǵan.

Úsh qabatty ǵımarattyń astynǵy qabatyndaǵy úlken boýldrıng zalynda eki túsip turatyn stalaktıka jáne ár túrli karnızder ornalasqan. Osy jerde bıiktigi 15 metrlik ǵımarattyń barlyq qabattarynan ótetin, órmeleýshilerdi keshenniń kez-kelgen qabattynan baqylaýǵa bolatyn negizgi qabyrǵa ornalasqan.

ESІMDER

85 jyl buryn (1925-2008) amerıkandyq genetık jáne bıohımık, fılosofııa ǵylymdarynyń doktory DJOShÝA Lederberg dúnıege keldi.

AQSh-tyń Nıý-Djersı shtatynda týǵan. Kolýbııa, Iel ýnıversıtetterin bitirgen.

Vıskonsınskıı ýnıversıtetiniń, Medıtsına mektebiniń professory, Kalıfornııa jáne Stenford ýnıversıtetteriniń molekýlalyq medıtsına zerthanasynyń meńgerýshisi qyzmetterin atqarǵan.

Negizgi ǵylymı eńbekteri genetıkalyq máselelerdi zertteýge arnalǵan. Bakterııanyń genetıkalyq rekombınatsııasynyń mehanızmin ashqan.

Fızıologııa jáne medıtsına salasyndaǵy mıkroorganızmderdiń genetıkasyn zerttegeni úshin Nobel syılyǵy taǵaıyndalǵan.