QazAqparat-Anons: qyrkúıektiń 8-i men 12-si aralyǵyndaǵy oqıǵalardyń kúntizbesi

ELBASY

Qyrkúıektiń 8-i kúni Aqordada QR Prezıdenti Keńsesiniń bastyǵy Mahmut Qasymbekov N.Nazarbaev kitabynyń tusaýkeserin ótkizedi.

ÚKІMET

Qyrkúıektiń 8-i kúni Úkimet otyrysy ótedi.

Qyrkúıektiń 8-i kúni Parlament Májilisinde jalpy otyrys ótedi.

Qyrkúıektiń 8-i kúni 2011 jyly ótetin 7-shi qysqy Azııa oıyndarynyń Bas demeýshisi paketterin alý týraly múddeler kelisimine qol qoıylady.

Qyrkúıektiń 8-inde Baılanys jáne aqparat mınıstrliginde vedomstvo basshysy Asqar Jumaǵalıevtiń tóraǵalyǵymen Uıaly baılanys operatorlary keńesiniń májilisi ótedi.

Qyrkúıektiń 9-y kúni QR Bilim jáne ǵylym mınıstrliginiń birlesýimen «Qazaqstandaǵy Germanııa jyly» aıasynda Germanııanyń Tehnıkalyq yntymaqtastyq jónindegi qoǵamdastyǵy kásibı bilim berýdiń kooperatıvti formasy boıynsha Qazaqstan-German dıalogy ótedi.

QOǴAM

Tamyzdyń 11-inde musylman áleminiń mańyzdy merekeleriniń biri - Qasıetti Ramazan aıy bastaldy . Qasıetti Ramazan aıynda oraza ustaý bıyl tamyzdyń 11-inen qyrkúıek aıynyń 9-yna deıin jalǵasady.

Tamyzdyń 9-y men qyrkúıektiń 9-y aralyǵynda Venadaǵy Palfı saraıynda «Uly Jibek joly» jobasynyń aıasynda qazaqstandyq restavrator-sýretshi Qyrym Altynbekovtyń arheologııalyq jańartylǵan jádigerleri men shyǵarmashylyq týyndylary, sondaı-aq Qazaqstannyń qazirgi zamanǵy sýretshileriniń kóshpeli kórmesi tanystyrylady.

Qazan aıynyń 29-y kúni Peterbordaǵy Tavrııa saraıynda TMD Parlamentaralyq assambleıasynyń uıytqy bolýymen «Joldardaǵy qaýipsizdik - ómir qaýipsizdigi» atty ІІІ halyqaralyq kongres ótedi.

SYRTQY SAıASAT

Qyrkúıektiń 7-8-i kúnderi Mınıskide TMD elderiniń sarapshylary tabıǵı jáne tehnogendi tótenshe jaǵdaılar barysynda zardap shekken memleketterge kómek kórsetý jónindegi Rezerv qoryn qurý týraly Kelisimniń jobasyn talqylaıdy.

Qyrkúıektiń 9-y men 25-i aralyǵynda Shanhaı Yntymaqtastyq uıymynyń «Beıbit maqsat-2010» oqýlary ótedi. Jetinshi ret ótkizileıin dep otyrǵan oýlarǵa Qazaqstan, Qytaı, Qyrǵyzstan, Reseı men Tájikstannyń 5 myńnan astam áskerı qyzmetkerleri qatysady.

Qyrkúıektiń 12-16-sy aralyǵynda Qazaqstan delegatsııasy Kanadanyń Monreal qalasynda ótetin HHІ Dúnıejúzilik energetıkalyq kongreske qatysady.

Qazan aıynyń 20-23-i aralyǵynda TMD-nyń Qarjylyq-bankter keńesi men Ázirbaıjannyń Halyqaralyq banki Dostastyqtyń Atqarýshy komıtetiniń qoldaýymen Bakýde halyqaralyq konferentsııa ótkizedi.

ASTANA

Qyrkúıektiń 8-i kúni Beıbitshilik jáne kelisim saraıynda «Shyǵys pen Batys: mádenıetter men konfessııa dıalogy» atty dóńgelek ústel ótedi.

Qyrkúıektiń 8-i kúni «KAZENERGI» qaýymdastyǵynyń halyqaralyq qyzmeti» atty baspasóz máslıhat ótedi.

Qyrkúıektiń 8-i kúni Astanadaǵy «Kórme» kórme ortalyǵynda «AstanaZdorovie 2010» densaýlyq saqtaý jónindegi kórmeniń resmı ashylýy bolady.

Qyrkúıektiń 8-i kúni N.Nyǵmatýlınniń qatysýymen Joǵary Partııalyq mektepte jańa bilim berý aınalymynyń ashylýy bolady.

Qyrkúıektiń 8-inde Astanadaǵy «Dýman» qonaq úıinde «Bolashaqtyń aýrýhanasy» atty Halyqaralyq Medıtsınalyq Іskerlik Forýmynyń saltanatty ashylýy bolady.

Qyrkúıek aıynyń 6-8-i aralyǵynda Astana qalasynda Belarýs Respýblıkasynyń Mádenıet kúnderi ótedi.

ALMATY

Qyrkúıektiń 8-i kúni Almatyda Qazaqstan Respýblıkasy Bilim jáne Ǵylym mınıstrliginiń ekinshi keńesi ótedi.

Qyrkúıektiń 8-i kúni Oralhan Bókeı oqýlarynyń jyl saıynǵy 12-shi konkýrsy ótedi.

Qyrkúıektiń 8-inde «Qazaqstan, Ýkraına jáne Reseı: daǵdarystyń jańa tolqyny nemese ekonomkalyq alǵa jyljýdyń jańa serpini » atty baspasóz máslıhaty ótedi «Build-2010» Halyqaralyq kórmesiniń ashylýy bolady.

Tamyzdyń 25-i men qyrkúıek aıynyń 15-i aralyǵynda Almatyda QR-nyń saýda-ónerkásip palatasy qala ákimdiginiń kómegimen, otandyq kórme kompanııalarmen jáne basqa da bıznes qurylymdardyń qoldaýymen "ana ólimi" máselesine nazar aýdarýǵa jáne elimizde onyń kórsetkishin azaıtýǵa baǵyttalǵan «Ómirdi qoldaý» atty qaıyrymdylyq aktsııa ótkizedi.

Qyrkúıektiń 4-12-si aralyǵynda Almatyda Qaraǵandy akademııalyq mýzykalyq komedııa teatrynyń gastroli ótedi.

SPROT

Qyrkúıektiń 11-inde Sankt-Peterborda ótetin «Áıelder ondyǵy» atty halyqaralyq jarysqa Qazaqstannyń jelaıaq qyzdary qatysady.

Qyrkúıektiń 9-19-y kúnderi Barbodostyń Brıdjtaýn qalasynda bokstan Álem chempıonaty ótedi, oǵan elimizdiń bokstan ulttyq quramasy qatysady.

ÓSKEMEN

Qyrkúıektiń 6-y men 7-si kúnderi Óskemende Shyǵys Qazaqstan oblysynyń ákimi Berdibek Saparbaevtyń tóraǵalyǵymen Qazaqstan Respýblıkasy men Reseı Federatsııasy aımaqaralyq yntymaqtastyǵynyń VІІ forýmy ótedi.

ELEÝLІ OQIǴALAR. ATAÝLY KÚNDER. ESІMDER

QYRKÚIEKTІŃ 8-І, SÁRSENBІ

Halyqaralyq saýattandyrý kúni.

1966 jyly ıÝNESKO Tegeranda 1965 jyldyń qyrkúıeginde ótken «Búkilálemdik saýatsyzdyqty joıý boıynsha bilim mınıstrleri konferentsııasynyń» usynysy boıynsha jyl saıyn Halyqaralyq saýattandyrý kúnin ótkizýdi jarııalady. Qyrkúıektiń 8-i - osy konferentsııanyń saltanatty ashylǵan kúni.

Bul kún ıÝNESKO is-qımylynyń basty salalarynyń biri bolyp tabylatyn saýattandyrýdy taratý jónindegi qoǵam kúsh-jigerin jandandyrýǵa shaqyrady.

2002 jyly BUU BasAssambleıasy 2003-2012 jyldar aralyǵyn Saýattandyrýdyń onjyldyǵy dep jarııa etti.

Jýrnalısterdiń halyqaralyq yntymaq kúni (1958).

Bul - cheh jýrnalısi ıÝlıýs Fýchıkti gıtlershilerdiń Berlın túrmesi - Plettsenzede aıýandyqpen óltirgen kúni. Jalyndy jýrnalısti eske alý maqsatynda Halyqaralyq jýrnalıster uıymynyń Býhareste ótken IV kongresiniń sheshimi boıynsha atap ótiledi.

OQIǴALAR

10 jyl buryn (2000) Almatyda Qazaqstannyń tuńǵysh Prezıdenti N.Á.Nazarbaevtyń 60 jyldyq mereıtoıyna arnalǵan «Bolashaqqa senimmen» atty fotoalbomnyń tusaýkeser rásimi ótti. «Otan» partııasynyń uıymdastyrýymen jaryq kórgen albomda Elbasynyń jeke muraǵatynan alynǵan sýretter paıdalanylǵan.

9 jyl buryn (2001) Astanada QR Prezıdenti N.Á.Nazarbaev «Qazaqstan kartasy: «Atameken» dep atalatyn jańa etnomemorıaldyq parktiń saltanatty ashylý rásimine qatysyp, onyń lentasyn qıdy. Bul kartada Qazaqstannyń barlyq aımaqtary qamtylyp, elimiz aýmaǵynda ornalasqan 100-den astam nysan túpnusqasynan aınymaıtyndaı etip kórsetilgen. Olardyń arasynda qalalar, ondaǵy basqarý mekemeleri, mádenıet oshaqtary, iri óndiris oryndary, tarıhı eskertkishter qamtylǵan.

6 jyl buryn (2004) Qazaqstan Respýblıkasynyń Prezıdenti Nursultan Nazarbaev Qazaqstan-Avstrııa qarym-qatynastaryn damytýǵa qosqan eleýli úlesi, eki memleket arasyndaǵy san tarapty baılanystardy ornatýǵa tıgizgen yqpaly úshin Avstrııanyń burynǵy kantsleri Frants Vranıtskııdi І dárejeli «Dostyq» ordenimen marapattaý týraly Jarlyqqa qol qoıdy.

5 jyl buryn (2005) Astanada Qazaqstan Respýblıkasy Úkimettik emes uıymdardyń Ulttyq aqparattyq qor ortalyǵynyń jáne onyń resmı saıtynyń tanystyrylymy boldy.

Basty maqsat - jańa aqparattyq tehnologııalardy engizýi arqyly memlekettik organdar jáne úkimettik emes uıymdardy tıimdi jáne konstrýktıvtik istestik tetigin ábden jetildirý bolyp tabylady.

3 jyl buryn (2007) Qobda aýdanynyń Jırenqopa aýylynda Qobylandy batyrdyń memorıaldyq kesheni saltanatty túrde ashyldy.

Avtory - sáýletshi Bek Ibraev. Qobda jaǵalaýyndaǵy memorıaldyq keshen áskerı taqyrypta salynǵan. Áskerı bas kıimine uqsatyp jasalǵan dóńgelek ǵımarat burynǵy jerlengen jerde boı kóterdi. Mavzoleıge bara jatqan jolda meńgir-tastary ornatylǵan, olar qolbasshynyń tynyshtyǵyn saqtaıtyn sarbazdar sııaqty. Shetinde áskerı jebege uqsatylyp jasalǵan ǵımarat, onda kishigirm murajaı jáne saıahattanýshylarǵa arnalǵan qonaq úı bar.

3 jyl buryn (2007) qyrkúıektiń 8-9 kúnderi Şýchınsk-Býrabaı demalys aýmaǵynda Qazaqstan Respýblıkasynyń «Bilim týraly» jańa zańyna arnalǵan «Halyqaralyq baǵdarlamalar ortalyǵy» AQ-nyń kýbogyna І respýblıkalyq debattyq týrnıri bolyp ótti.

Sharanyń uıymdastyrýshysy - Qazaqstan Respýblıkasynyń Bilim jáne ǵylym mınıstrligi, «Halyqaralyq baǵdarlamalar ortalyǵy» AQ.

1 jyl buryn (2009) qyrkúıektiń 8-12 aralyǵynda Astana men Almatyda «Úndi mádenıeti men ashanasynyń aptalyǵy» festıvali bolyp ótti.

ESІMDER

75 jyl buryn (1935) ǵalym-ınjener, tehnıka ǵylymdarynyń kandıdaty, professor, Qazaqstan Respýblıkasy Jaratylystaný ǵylym akademııasynyń, Halyqaralyq agrarlyq bilim akademııasynyń korrespondent-múshesi DEINEGA Vıktor Vasılevıch dúnıege keldi.

Qostanaı qalasynda týǵan. Chelıabi qalasyndaǵy aýylsharýashylyqty elektrlendirý jáne mehanıkalandyrý ınstıtýtyn bitirgen.

Qostanaıdaǵy transport jáne óndiristik mekemelerdiń jetekshi ınjeneri, motojóndeý zaýytynyń bas ınjeneri, qalalyq atqarý komıteti óndiris bóliminiń meńgerýshisi, Qostanaı qalalyq atqarý komıteti tóraǵasynyń orynbasary, «Ortalyq elektr júıeleri» mekemesi dırektorynyń orynbasary, Qostanaı aýylsharýashylyq ınstıtýty ınjenerlik tehnıka fakýltetiniń dekany bolǵan. 2002-2007 jyldary M.Dýlatov atyndaǵy Qostanaı ınjenerlik ekonomıkalyq ýnıversıtetiniń rektory qyzmetin atqarǵan. 2007 jyldan - M.Dýlatov atyndaǵy Qostanaı ınjenerlik ekonomıkalyq ýnıversıtetiniń rektorynyń keńesshisi qyzmetin atqarady.

Negizgi ǵylymı eńbekteriniń baǵyty - gıdrojylý energetıka salasy. 100-den astam ǵylymı eńbektiń jáne 3 oqýlyqtyń avtory.

Úkimettik syılyqtarmen marapattalǵan.

40 jyl buryn (1970) Qazaqstan Respýblıkasynyń mádenıet qaıratkeri, «Qazaq aqparat agenttigi» UQ» AQ Basqarma tóraǵasy DIıAROV Dáýren Keńesuly dúnıege keldi.

Almaty qalasynda týǵan. V.I.Lenın atyndaǵy Qazaq polıtehnıkalyq ınstıtýtyn (qazirgi Q.Sátpaev atyndaǵy Qazaq ulttyq tehnıkalyq ýnıversıteti), Qazaqstan menedjment, ekonomıka jáne boljaý ınstıtýtyn bitirgen.

1993-1994 jyldary - «ARÝS» Kásibı fýtbol klýbynyń aýdarmashysy, 1994-1995 jyldary - «Stroıımport» kompanııasynyń menedjeri. 1995-1997 jyldary - «VIA» JShS-nyń dırektory. 1997-1998 jyldary - «Rahat-Metalz» JShS qundy qaǵazdar departamentiniń dırektory, «Tsentraz Faınans Sekıýrıtız LTD» qarjy jónindegi dırektordyń orynbasary. 1998-2000 jyldary - «Vesta» JShS qarjy jónindegi dırektordyń orynbasary. 2000-2002 jyldary «D.D.D.» JShS-nyń dırektory. 2002-2003 jyldary Qazaqstan Respýblıkasy Prezıdenti Ákimshiligi Іshki saıasat bóliminiń bas mamany. 2003-2004 jyldary Qazaqstan Respýblıkasy Aqparat jáne qoǵamdyq kelisim mınıstrligi jastar saıasaty departamenti dırektorynyń orynbasary, Qazaqstan Respýblıkasy Mádenıet mınıstrligi jastar saıasaty departamentiniń dırektory. 2004-2007 jyldary - «Qazaq aqparat agenttigi» UQ» AQ-nyń ekonomıka jáne damý jónindegi vıtse-prezıdenti. 2007-2009 jyldary - «Qazaq aqparat agenttigi» UQ» AQ-nyń prezıdenti qyzmetterin atqarǵan. Qazirgi qyzmetinde - 2009 jyldyń maýsym aıynan.

QYRKÚIEKTІŃ 9-Y, BEISENBІ

Oraza aıt meıramy (2010 jylǵy qyrkúıektiń 9-11-i - 1431 hıjra jylynyń 1-3-shi sháýýáli).

Ramazan aıy aıaqtalǵannan keıin musylman qaýymy úshin eń qasıetti sanalatyn ulyq mereke. Oraza aıt meıramy úsh kún boıy toılanady. Aılardyń sultany - Ramazannyń aıaqtalýyn bildiretin bul ulyq merekeni izgi istermen, jaqyn-juraǵattarǵa degen erekshe qamqorlyqpen, músápir-múskinderge qaıyrymdylyq kórsetýmen atap ótý kerek.

Ramazan aıynyń aıaqtalýy boıynsha meıramǵa arnaıy taza kıingen musylmandar tańǵy aıt namazyna meshitke jınalady, namaz oqylyp bolǵannan keıin bir-birin qasıetti meırammen quttyqtap, dastarhan jaıyp, qonaqqa shaqyryp, bir-birine álemdegi bar jaqsylyqty tileıdi. Renishteri bolsa keshirim jasap, tós qaǵysady.

Ásemdiktiń búkildúnıejúzilik kúni.

Halyqaralyq Estetıka jáne kosmetologııa komıtetiniń (SIDESKO) bastamasy boıynsha atap ótiledi.

OQIǴALAR

5 jyl buryn (2005) Astanada Qazaqstannyń alǵashqy Ulttyq jastar delfıı oıyndary ashyldy.

Delfıı oıyndary - klassıkalyq jáne zamanaýı janrdaǵy ónerlerdiń barlyq túrin biriktiretin mádenı forým. Bul fortepıano jáne skrıpka, baıan jáne halyq bıleri, estradalyq án salý jáne teatr, tsırk jáne fotosýret, plakat jáne teledıdarlar. Shara aıasynda Ulttyq oıyndar konkýrsy 14 nomınatsııa boıynsha ótti.

5 jyl buryn (2005) Almatyda Balqash-Alakól basseındik keńesiniń alǵashqy májilisi bolyp ótti.

Uıymdastyrýshysy - Qazaqstan Respýblıkasynyń Aýyl sharýashylyq mınıstrliginiń Sý resýrstary komıteti jáne Qazaqstandaǵy sý qorlaryn birlesip basqarý jáne sýdy qorǵaý josparyn ázirleý jónindegi BUU Damý baǵdarlamasy jobasynyń tehnıkalyq qoldaýymen Balqash-Alakól basseıni.

QR Aýyl sharýashylyǵy men Qorshaǵan ortany qorǵaý mınıstrliginiń aýmaqtyq bólimsheleri, Balqash-Alakól basseındik sý sharýashylyǵy jáne jergilikti tótenshe jaǵdaılar basqarmalarynyń qyzmetkerleri men úkimettik emes uıymdardyń ókilderi qatysqan bul basqosýda Basseın keńesin qurý týraly sheshim qabyldanyp, oǵan múshe azamattardyń tizimi bekitildi, keńestiń erejesi men jospary qaraldy.

5 jyl buryn (2005) Almatyda «Qaýymdasqan qazaqtyń Qaldarbegi» atty estelik kitaby jaryq kórdi.

Kitap qazaqtyń belgili jazýshysy, Qazaqtan Respýblıkasynyń eńbek sińirgen qaıratkeri, Búkilálemdik qazaqtar qaýymdastyǵy alqasy tóraǵasynyń birinshi orynbasary qyzmetin atqarǵan Qaldarbek Naımanbaevqa (1939-2004) arnalǵan.

Kitaptyń tysynda jazýshynyń óz qolymen jazǵan sózderi keltirilgen. Eki bólimnen turady: birinshi bóliminde Q.Naımanbaevtyń saıası, memlekettik jáne qoǵamdyq qyzmetindegi zor eńbekteri jazylǵan; ekinshi bólimi jazýshynyń shyǵarmashylyǵyna, qazaq ulttyq ádebıetiniń damýyna qosqan zor úlesine arnalǵan.

Qaldarbek Naımanbaev shyǵarmashylyq qyzmetin «Lenınshil jas» gazetinen bastaǵan. Keıinen basqa respýblıkalyq baspalarynda jetekshilik qyzmetterin atqarǵan. Jazýshynyń shyǵarmalarynyń ishindegi eń tanymal kitaptary: «Úmit ótkeli», «Dańq tuǵyrynda», «Kóktóbe», «Biz seni tosamyz, Gúlzat», «Alys sapar». 1992 jyly Q.Naımanbaev Búkilálemdik qazaqtar qaýymdastyǵy alqasynyń tóraǵasy bolyp saılanǵan jáne osy laýazymynda ómiriniń sońyna deıin qyzmet atqarǵan.

5 jyl buryn (2005) Ekibastuzda respýblıkadaǵy alǵashqy bazalyq prokýratýra quryldy.

Munda Pavlodar jáne Shyǵys Qazaqstan oblysy prokýratýralarynyń jas qyzmetkerleri ózderiniń kásibı biliktilik deńgeılerin joǵarlatady.

1 jyl buryn (2009) Astanada «2009-2012 jyldarǵa arnalǵan Qazaqstan Respýblıkasyndaǵy adam quqyqtary salasyndaǵy ulttyq is-qımyl josparynyń» tanystyrylymy bolyp ótti.

Usynylyp otyrǵan ulttyq jospar adam quqyqtary jónindegi zańnamany, adam quqyǵyn qorǵaýdyń júıesin, sondaı-aq halyqtyń óz quqyqtary turǵysynda qorǵaný tetigi boıynsha naqty qadamdardy qarastyratyn toptastyrylǵan baǵdarlama bolyp tabylady.

Jospardyń tujyrymdamalyq bóliminde adamnyń azamattyq, saıası, áleýmettik, ekonomıkalyq jáne mádenı quqyǵyna qatysty máseleleri taldanǵan.

ESІMDER

65 jyl buryn (1945) «Aqtóbemunaıgaz» AAQ bas dırektorynyń aǵa orynbasary, tehnıka ǵylymdarynyń doktory, Halyqaralyq ınjenerler akademııasynyń korrespondent múshesi, Qanysh Sátpaev atyndaǵy Qazaq ulttyq tehnıkalyq ýnıversıtetiniń qurmetti professory SEIІTPAǴAMBETOV Jeńis Seıitpaǵambetuly dúnıege keldi.

Aqtóbe oblysy Baıǵanın aýdanynda týǵan. Qazaq polıtehnıkalyq ınstıtýtyn (Qanysh Sátpaev atyndaǵy Qazaq ulttyq tehnıkalyq ýnıversıteti) bitirgen.

1970-1978 jyldary - «Embimunaı» kombınatynyń «Keńqııaq» munaı qubyry basqarmasynyń munaı óndirýshi-operatory, aýysym ınjeneri, aýdandyq ınjenerlik-tehnologııalyq qyzmet bastyǵynyń orynbasary, óndiristik qyzmet etý bazasynyń bastyǵy. 1978-1984 jyldary - «Keńqııaqmunaı» munaı óndirý basqarmasynyń bas ınjeneri, «Aqtóbemunaı» óndiristik birlestigi «Keńqııaqmunaı» munaı óndirý basqarmasy bastyǵynyń orynbasary - bas ınjeneri. 1984-1993 jyldary - basqarma partııa komıtetiniń hatshysy, «Aqtóbemunaı» óndiristik birlestigi «Keńqııaqmunaı» munaı óndirý basqarmasynyń bastyǵy. 1993-1994 jyldary - «Aqtóbemunaı» óndiristik birlestigi bas dırektorynyń orynbasary - bas ınjeneri. 1994-1998 gody - «Aqtóbemunaıgaz» AAQ birinshi vıtse-prezıdenti. 1998-2002 jyldary - «Aqtóbemunaıgaz» AAQ bas dırektorynyń birinshi orynbasary. Qazirgi qyzmetinde - 2002 jyldan.

Oblystyq máslıhattyń depýtaty.

«Qurmet», «Qurmet belgisi» ordenderimen, «Eren eńbegi úshin», «Astana» medaldarymen, «Qazaqstan munaıyna - 100 jyl» belgisimen marapattalǵan.

60 jyl buryn (1950) ekonomıka ǵylymdarynyń doktory, professor, Qazaqstan Respýblıkasynyń Parlamenti Májilisiniń depýtaty, qarjy jáne bıýdjet komıtetiniń tóraıymy QARAQUSOVA Gúljan Janpeıisqyzy dúnıege keldi.

Almaty qalasynda týǵan. S.M.Kırov atyndaǵy Qazaq memlekettik ýnıversıtetin (qazirgi ál-Farabı atyndaǵy Qazaq ulttyq ýnıversıteti) bitirgen.

1972-1994 jyldary - Qazaq memlekettik ýnıversıtetinde assıstent, aǵa oqytýshy, dotsent, professory. 1994-1995 jyldary - Qazaqstan Respýblıkasy Prezıdentiniń ekonomıkalyq reformalar jónindegi kómekshisi, Qazaqstan Respýblıkasy Prezıdentiniń kómekshisi - Ekonomıkalyq konsýltanttar keńesiniń basshysy. 1995-1996 jyldary - Qazaqstan Respýblıkasy Qundy qaǵazdar jónindegi ulttyq komıssııanyń tóraıymy. 1996-1997 jyldary - «Qarjy naryǵy ınstıtýty» qoǵamdyq qorynyń prezıdenti. 1997-2001 jyldary - Qazaqstan Respýblıkasy Parlamenti Senatynyń depýtaty, Ekonomıka, qarjy jáne bıýdjet jónindegi komıtettiń tóraıymy. 2001-2007 jyldary Qazaqstan Respýblıkasy eńbek jáne halyqty áleýmettik qorǵaý mınıstri qyzmetterin atqarǵan. Qazirgi qyzmetinde - 2007 jyldyń qyrkúıek aıynan.

«Obşestvennye fondy potreblenııa» (birlesip shyǵarǵan), «Novye formy sorevnovanııa v sısteme hozıaıstvennogo mehanızma» (birlesip shyǵarǵan), «Jıvoe tvorchestvo mass», «Sorevnovanıe ı perestroıka», «Nalogı: sýşnost ı praktıka ıspolzovanııa», «Problemy borby s ekonomıcheskoı prestýpnostıý v Kazahstane» (birlesip shyǵarǵan), «Chto nýjno znat o tsennyh býmagah», «Tenevaıa ekonomıka: tendentsıı razvıtııa» atty kitaptardyń avtory.

«Parasat», «Sodrýjestva» ordenderimen, «Astana», «Qazaqstan Respýblıkasynyń táýelsizdigine 10 jyl», «Qazaqstan Konstıtýtsııasyna 10 jyl» medaldarymen marapattalǵan.

50 jyl buryn (1960) Ońtústik Qazaqstan oblysynyń Sozaq aýdany ákiminiń orynbasary MEIІRBEKOV Berik Qýanuly dúnıege keldi.

Ońtústik Qazaqstan oblysynyń Sozaq aýdanynda týǵan. Shymkent pedagogıkalyq ınstıtýtyn, Shymkent qalasyndaǵy ınjenerlik gýmanıtarlyq qazaq-ózbek ýnıversıtetin bitirgen.

1982-1986 jyldary - Y.Altynsarın atyndaǵy orta mekteptiń muǵalimi. 1987-1990 jyldary - aýdandyq bilim bóliminde tehnıkalyq qural-jabdyqtar bóliminiń meńgerýshisi. 1990-1992 jyldary - T.Álimqulov atyndaǵy lıtseı-ınternatynyń tárbıe jónindegi orynbasary. 1992-1995 jyldary - «Meıirimdilik» JShS-niń dırektory. 1995-1999 jyldary - «Qýan» sharýa qojalyǵynyń tóraǵasy. 1999-2002 jyldary - «Sholaqqorǵan» avtobýs parki AQ-nyń prezıdenti. 2002-2004 jyldary - «Turan-energo» fılıaly Sozaq aýdandyq elektr júıesiniń bastyǵy. 2004-2008 jyldary «Túrkistan-energo» JShS fılıalynyń Sozaq aýdandyq elektr júıesiniń bastyǵy, Sozaq aýdany Qaraqur aýylynyń ákimi qyzmetterin atqarǵan. Qazirgi qyzmetinde - 2008 jyldyń sáýir aıynan.

QYRKÚIEKTІŃ 10-Y, JUMA

Ózin-ózi óltirýdiń aldyn alýdyń búkilálemdik kúni (DDU).

Búkilálemdik ózin-ózi óltirýdiń aldyn alý kúni búkil álemde ózin-ózi óltirýdiń aldyn alý boıynsha is-qımyldy qoldaýdy nyǵaıtý men kótermeleý maqsatynda jyl saıyn 10 qyrkúıekte ótkiziledi.

Osy máselege qoldaý kórsetip júrgen demeýshi - Halyqaralyq ózin-ózi óltirýdiń aldyn alý jónindegi qaýymdastyǵymen birge Dúnıejúzilik densaýlyq uıymymen basqa da áriptester ózin-ózi óltirýge tyrysqan adamdardy tıisti deńgeıde emdeýdi jáne sodan keıin kútimge alýdy jaqtaıdy, sondaı-aq BAQ-tarda ózin-ózi óltirýdi meılinshe ustamdy jarııalaýǵa shaqyrady.

OQIǴALAR

85 jyl buryn (1925) sol kezdegi Qazaqstan astanasy (1925-1929) Qyzylordada qazaqtyń birinshi ulttyq teatry quryldy.

5 jyl buryn (2005) Astanada Qazaqstan Respýblıkasynyń Ulttyq akademııalyq kitaphanasy saltanatty túrde ashyldy.

Jańa bes qabatty kitaphana 15 myń sharshy metrdi alyp jatyr, onyń 20 oqyrmandar zalyna bir mezgilde 500 adam sııady. Ulttyq kitaphanada 2 mln. tomǵa jýyq baǵa jetpes bilim qazynalarymen qatar, osy zamanǵy elektrondyq aqparattar saqtalyp, oqyrmandarǵa qyzmet kórsetedi.

5 jyl buryn (2005) Almatyda Qazaqstan Respýblıkasy Qorǵanys mınıstrliginiń Shet tilderi áskerı ınstıtýty saltanatty túrde ashyldy.

Áskerı ınstıtýt - «aýdarmashylyq is» jáne «ólketaný» sııaqty mamandyqtar boıynsha joǵarǵy áskerı arnaıy bilimi bar ofıtserlerdi daıyndaıtyn Ortalyq azııa aımaǵyndaǵy jalǵyz oqý oryn.

Saltanatty ashylý rásimine Almaty qalalyq ákimshiliginiń, AQSh-tyń, Reseıdiń, FRG-nyń, Týrkııanyń, QHR-nyń, Ońtústik Koreıa elshiliginiń áskerı attasheleri jáne elshiliktiń ókilderi, respýblıkamyzdyń jetekshi joǵarǵy oqý oryndardyń rektorlary qatysty.

5 jyl buryn (2005) Qostanaı oblysynyń Qarabalyq aýdanynda Aýǵan soǵysynda qaza bolǵan jaýyngerlerdiń qurmetine eskertkish ashyldy.

Eskertkish tórt qarabalyqshylardyń esimi qashalǵan postamentten turady. Postament - qara jaýqazyn jáne avtomat gılzasy toptastyrylǵan músin.

3 jyl buryn (2007) Qazaqstan Respýblıkasynyń Prezıdenti Nursultan Nazarbaev «Aqtaý Morport» arnaıy ekonomıkalyq aımaqtaǵy toǵyz kásiporynyn salý jumysynyń bastalýyna arnalǵan sharaǵa qatysty.

3 jyl buryn (2007) Almatyda «Sheber qol» birinshi halyqtyq qolóner festıvali bolyp ótti.

Sharanyń negizgi maqsaty - qolónerge qoldaý kórsetý jáne ony jastardyń arasynda keńinen nasıhattaý. Uıymdastyrýshysy - Halyqaralyq kóshbasshylyq ortalyǵynyń bastaýshy toby.

Sharaǵa ártúrli jastaǵy adamdar qatysyp, ózderiniń bylǵary, saz, aǵash, metall, kıiz syndy materıaldardan jasaǵan buıymdaryn usyndy.

3 jyl buryn (2007) Pavlodarda Qazaqstannyń bıologııalyq alýandylyǵyn saqtaý qorynyń tusaýkeseri bolyp ótti.

Onyń qatysýshylary úkimettik emes uıymdardyń, atqarýshy organdar men kommertsııalyq qurylymdardyń ókilderi óńirdegi ózekti ekologııalyq máselelerdi jáne tabıǵatty paıdalaný, janýarlar men qustardy saqtaý jaıyn talqylady.

TMD-daǵy alǵashqy mamandandyrylǵan ekologııalyq úkimettik emes uıym álem janýarlaryn saqtaýǵa baǵyttalǵan jobalardy qarjylandyrý tetikterin qurýǵa baǵyttalǵan. Alǵashqy kezeńde jańa qoǵamdyq uıymǵa Ǵalamdyq ekologııalyq qor kómek kórsetpek.

1 jyl buryn (2009) Qazaqstan Respýblıkasy Prezıdenti Aqtóbe ferroqorytpa zaýyty jańa tsehy qurylysynyń irgetasyna kapsýla salý rásimine qatysty.

Aqtóbe ferroqorytpa zaýyty «Qazhrom» Transulttyq kompanııasy» AQ-nyń fılıaly. 1943 jyly qurylǵan, Qazaqstan qara metallýrgııasy salasynyń tuńǵyshy. Óziniń quramynda zaýyttyń úsh balqytý tsehy, sondaı-aq shlaktardy qaıta óńdeý, shıhtalardy daıarlaý, ken-baıytý tsehtary jáne basqa da kómekshi nysandary bar. Óziniń gaz-týrbına elektr stansasy jumys isteıdi.

1 jyl buryn (2009) Elbasy Nursultan Nazarbaev Aqtóbe mańyndaǵy Kırpıchnyı kentindegi jańa tennıs ortalyǵyn ashty.

Tennıs ortalyǵyn ashýdyń negizgi maqsaty joǵary deńgeıdegi sportshylardy daıarlaý, sondaı-aq halyqtyń ártúrli jikteriniń arasynda tennıs sportyn taratý bolmaq.

Ortalyq quramyna tórt jabyq jáne alty ashyq tennıs korty, úsh oryndyq kórermender minberi, eki trenajer zaly, oqý-ádistemelik synyptar kiredi. 150 avtomashınaǵa turaq, jattyqtyrýshylarǵa arnalǵan turǵyn úıler salynǵan.

ESІMDER

270 jyl buryn (1740-1802) orys ǵalymy, tabıǵattanýshy, saıahatshy, Reseı Ǵylym Akademııasynyń tolyq múshesi LEPEHIN Ivan Ivanovıch dúnıege keldi.

Strasbýrg ýnıversıtetin bitirgen. P.S.Pallaspen birge Batys Qazaqstan aımaǵy - Jaıyq óńirine saıahat jasady. Botanıka jáne nýmızmatıkaǵa baǵaly kollektsııa jınady. 1769 jyly Jaıyq qalashyǵynda bolyp, Jaıyq ózeniniń oń jaǵalaýynda ornalasqan birqatar forpostardy aralady. Óńirdiń tabıǵı-klımattyq jaǵdaıyn sıpattap, paıdaly qazbalar óndirisi jóninde boljam jasady, jergilikti turǵyndar etnologııasy, t.b. týraly málimetter jınaqtady. Kóptegen eńbekteri nemis tiline aýdarylǵan.

105 jyl buryn (1905-1986) fılologııa ǵylymdarynyń doktory, professor, Qazaq KSR aǵartý isiniń úzdik qyzmetkeri QOŃYRATBAEV Áýelbek dúnıege keldi.

Qyzylorda oblysynyń Shıeli aýdanynda týǵan. Tashkent pedagogıkalyq ýchılışesin, Abaı atyndaǵy Qazaq pedagogıkalyq ınstıtýtyn, Qazaq KSR Ǵylym akademııasynyń aspırantýrasyn bitirgen.

1921 jyly Á.Dıvaevtyń folklor ekspedıtsııasyna qatysqan. 1922-1924 jyldary Tashkenttegi alǵashqy komsomol gazeti «Jas qaıratty» shyǵarýǵa atsalysty. 1925 jyly Qyzylordada «Eńbekshi qazaq» gazetinde qyzmet isteıdi. Astana Almatyǵa kóshkende, Qyzylorda okrýgtik aýatkomynyń jaýapty hatshysy bolady. 1929 jyly «Syr boıy» gazetinde partııa bóliminiń meńgerýshisi, «Ekpindi balyqshy» gazetiniń redaktory, 1930 jyly Almatyǵa oralyp, respýblıkalyq «Kolhoz» gazetiniń redaktory bolady. 1932-1934 jyldary Máskeý Komvýzynda oqıdy. 1934-1937 jyldary aralyǵynda BK (b) P Qazaq ólkelik komıtetiniń apparatynda nusqaýshy bolyp qyzmet atqarady. 1944-1948 jyldary Ǵylym akademııasynyń Til-ádebıet ınstıtýtynda aǵa ǵylymı qyzmetker, bólim meńgerýshisi bolyp qyzmet isteı júrip, birqatar folklorlyq ekspedıtsııalardy basqarady. 1945 jyly M.O.Áýezovtiń basshylyǵymen A.Qunanbaev shyǵarmalarynyń akademııalyq jınaǵyn shyǵarysyp, onyń «túsiniktemeler» bólimin jazady. 1948 jyly M.Áýezovpen birigip «Qazaq ádebıetiniń tarıhy» kitabynyń lıro-epos bólimin jazyp shyqqan. Budan keıingi jyldary monografııasyn, balalarǵa arnalǵan poema, áńgimeler jınaǵyn, qazaq ádebıetin oqytýdyń ádistemeligin, oqýlyqtaryn shyǵardy. «M.Áýezovtiń tıptendirý óneri», «Qazaq eposy jáne onyń túrkologııa máseleleri» sııaqty ǵylymı eńbekter jazyp, oǵyz qypshaq dáýirinen qalǵan «Qorqyt ata kitabyn» qazaq tiline aýdardy. 40-jyldary Abaı atyndaǵy Qazaq pedagogıkalyq ınstıtýtynda, Qazaq memlekettik ýnıversıtetinde folklordan dáris oqydy. 1950 jyldan ómiriniń sońyna deıin N.V.Gogol atyndaǵy Qyzylorda pedogogıkalyq ınstıtýtynyń professory boldy.

«Qurmet belgisi» ordenimen marapattalǵan.

QYRKÚIEKTІŃ 11-І, SENBІ

Ýkraına kınosynyń kúni.

Ýkraına Prezıdentiniń 1996 jylǵy 12 qańtardaǵy Jarlyǵymen bekitilgen, jyl saıyn qyrkúıek aıynyń ekinshi senbisinde atap ótiledi.

Argentınada muǵalimder kúni.

Uly aǵartýshy, eldiń burynǵy prezıdenti Domıngo Faýstıno Sarmentonyń (1811-1888) qaıtys bolǵan kúnine oraı jyl saıyn atap ótiledi.

OQIǴALAR

13 jyl buryn (1997) Qazaqstan Respýblıkasy Qarýly Kúshteriniń Áskerı akademııasy quryldy.

3 jyl buryn (2007) Elbasy Nursultan Nazarbaev «Shoqan Ýálıhanov» jelkendi kemesine qazaqstandyq tuńǵysh ekspedıtsııanyń dúnıejúzilik teńiz saıahatyna joldama berdi.

Memleket basshysy ekıpaj múshelerine Qazaqstan týyn tabys etti. Budan keıin Qazaqstannyń Ánurany oryndalyp, kemede memleketimizdiń týy kóterildi. Prezıdent dúnıejúzilik saıahatqa shyqqan ekıpaj múshelerine sát-sapar tiledi.

3 jyl buryn (2007) Elbasy Kaspııdegi jańa «Aqtaý Sıtı» qalasynyń alǵashqy irgetasyn qalady.

«Aqtaý Sıtıde» 4 mln. sharshy metrden astam turǵyn úı salynady. Táýelsizdik alleıasy boı kóteredi. Kóptegen mádenıet jáne bilim berý nysandary, bıznes ortalyqtar, qazirgi zamanǵy kásiporyndar salynady.

Jobanyń ashylý saltanatyna Birikken Arab Ámirlikteriniń syrtqy ister mınıstri sheıh Abdýlla bın Zaıd ál-Nahaıan, Ábý-Dabı Mádenıet basqarmasynyń tóraǵasy sheıh Sultan bın Tahnýn ál-Nahaıan qatysty.

3 jyl buryn (2007) Astanada Dúnıejúzi qazaqtary qaýymdastyǵynyń ókilderimen birlesip shyǵarylǵan «Týǵan til» jýrnalynyń tusaýy kesildi.

Bul basylym alǵash ret arab, latyn jáne qazaq tilderinde shyǵarylyp otyr. Jýrnaldy shyǵarý shet eldik qandastarymyzǵa degen qamqorlyqtyń kórinisi.

3 jyl buryn (2007) Pavlodar oblysynyń Shaldaı aýylynyń ortalyǵynda órt sóndirý kezinde qaza bolǵan «Ertis ormany» tabıǵı rezervat qyzmetkerleriniń qurmetine eskertkish ornatyldy.

2006 jyly Shaldaı ormanynda kúshti órt boldy. Órt sóndirý kezinde orman sharýashylyǵynyń tórt qyzmetkeri qaıtys boldy. Tórt aı ótken soń ormandaǵy órtti sóndirý kezinde taǵy da ekeýi ómirlerimen qoshtasty.

Eskertkishtiń mármár tasynda orman sharýashylyǵy ınspektorlarynyń sýretteri men esimderi qashalanyp jazylǵan.

3 jyl buryn (2007) Mahambet Ótemisuly atyndaǵy Batys Qazaqstan memlekettik ýnıversıtetiniń 75-jyldyǵyna oraı merekelik medal shyǵaryldy.

Medaldyń aınalasy sheńbermen qorshalyp, joǵarǵy jaǵy «BQMÝ» degen ádemi jazýmen órnektelgen klassıkalyq úlgini ańǵartady. Arab úlgisindegi áripter shashyrańqy, otshashý túrinde berilgen. Jetpis bes degen jazý bir-birimen jalǵasyp, erekshe sán berip tur. Kompozıtsııanyń naq ortasyna aspandaǵy juldyzdar tárizdes asyl tas salynǵan. Ýnıversıtettiń týǵan jyly asyl tastarmen bezendirilse, medaldyń shet jaǵy qyrdyń qyzǵaldaǵymen ásemdelgen. Bul da keń dalanyń, stýdenttik jastyq shaqtyń belgisi ispettes.

M. Ótemisuly atyndaǵy Batys Qazaqstan memlekettik ýnıversıteti 1932 jylǵy 1 qazanda Oral qalasynda pedagogıkalyq ınstıtýt retinde qurylǵan, ol respýblıkamyzdyń ekinshi pedagogıkalyq ınstıtýty boldy. Instıtýtqa KSRO halyq aǵartý komıtetiniń orynbasary M.N.Pokrovskııdiń, 1937 jyldan bastap ınstıtýt A.S.Pýshkınniń esimi berildi. Soǵystan keıingi jyldary A.S.Pýshkın atyndaǵy Oral pedagogıkalyq ınstıtýty jylyna 18 mamandyǵy boıynsha 700 túlekti shyǵaratyn iri joǵary oqý ornyna aınalydy. 1996 jyldyń mamyrynda Qazaqstan Respýblıkasy Úkimetiniń Jarlyǵymen A.S.Pýshkın atyndaǵy Oral pedagogıkalyq ınstıtýty A.S.Pýshkın atyndaǵy Batys Qazaqstan gýmanıtarlyq ınstıtýty bolyp ózgertildi. 2000 jylǵy 14 aqpanda Qazaqstan Respýblıkasy Úkimetiniń Jarlyǵymen Batys Qazaqstan memlekettik ýnıversıteti quryldy, al 2003 jyly oǵan Mahambet Ótemisulynyń esimi berildi.

1 jyl buryn (2009) qyrkúıektiń 11-12 aralyǵynda Pavlodarda «Elpıda» dostaryn jınaıdy» degen atpen Grek mádenıetiniń festıvali ótti.

Bul shara Pavlodardyń Ertis jaǵalaýynda ómir súrip jatqan 500-den astam grektiń basyn qosyp otyrǵan oblystyq «Elpıda» etnomádenı qurylymynyń 10-jyldyǵyna arnalyp otyr.

Sharaǵa respýblıkamyzdyń basqa oblystarynyń, Reseı Federatsııasynyń jáne Grekııanyń Qazaqstandaǵy elshiliginiń ókilderi qatysty.

1 jyl buryn (2009) Aqtóbe oblysy Alǵa aýdanynyń ortalyǵynda múgedek balalardy saýyqtyrý ortalyǵy ashyldy.

Onyń negizgi maqsaty - tirek-qozǵalý apparattary zaqymdanǵan, psıhıkalyq damýy tejelgen, tserebraldy sal aýrýyna shaldyqqan jáne t.b. zardap shekken 3-ten 15 jas aralyǵyndaǵy múgedek balalardy medıtsınalyq saýyqtyrýǵa jáne áleýmettik beıimdeýge kómek kórsetý. Ortalyq oblystyń barlyq aýdandarynan jáne Aqtóbe qalasynan kelgen 40 balany bir mezgilde emdeýge eseptelgen.

ESІMDER

45 jyl buryn (1965) rejısser, stsenarıst QARAQULOV Ámir Bolatuly dúnıege keldi.

Almaty qalasynda týǵan. Almaty memlekettik teatr kórkemsýret ınstıtýtyn (qazirgi T.K.Júrgenov atyndaǵy Qazaq ulttyq óner akademııasy), S.M.Kırov Qazaq memlekettik ýnıversıtetin (qazirgi ál-Farabı atyndaǵy Qazaq ulttyq ýnıversıteti), S.A.Gerasımov atyndaǵy Búkilreseılik memlekettik kınematografııalyq ınstıtýtyn bitirgen.

«D'Arcy» jarnama agenttiginde kreatıv dırektory, «Qazaqfılm» kınostýdııasyndaǵy «Debıýt-reklama» jetekshisi, Qazaqstan kınematografıster odaǵynyń tóraǵasy qyzmetterin atqarǵan.

«Razlýchnıtsa», «Golýbınnyı zvonar», «Poslednıe kanıkýly», «Jylama», «Nerealnaıa lıýbov» fılmderin túsirgen.

QYRKÚIEKTІŃ 12-І, JEKSENBІ

Fashızm qurbandaryn eske alý kúni.

«Fashızm qurbandaryn eske alý kúni» meıramy qyrkúıektiń ekinshi jeksenbisinde atap ótiledi.

Bul kúnniń basty maqsaty - fashızmniń qaıta jańǵyrtylǵan ıdeologııasyn ultaralyq birlik pen halyqtar dostastyǵy ıdeologııasyna qarama-qarsy qoıý.

Bul kún 1962 jyly belgilengen. Qyrkúıek aıynyń tańdalýy beker emes, óıtkeni bul aıda Ekinshi dúnıejúzilik soǵyspen baılanysty eki ataýly kún bar. 1939 jylǵy qyrkúıektiń 1-i - soǵystyń bastalýy, al 1945 jylǵy qyrkúıektiń 2-i - soǵystyń aıaqtalýy.

OQIǴALAR

9 jyl buryn (2001) QR Prezıdenti N.Á.Nazarbaev elimizdiń Premer-mınıstrimen jáne kúsh-qýat vedomstvolarynyń basshylarymen kezdesip, Qazaqstan aýmaǵyndaǵy AQSh azamattarynyń qaýipsizdigin qamtamasyz etý jónindegi sharalar týraly esepterin tyńdady.

1 jyl buryn (2009) Almatyda qazaq jáne orys tilderinde «Almaty tarıhy» atty kitaptyń 1-, 2-tomdary, «Almaty entsıklopedııasy», «Jetisýdyń ortaǵasyrlyq astanalary», «Almaty - myń jyldyq tarıh» atty shyǵarmalardyń tanystyrylymy ótti.

Kitaptardy Ulttyq Ǵylym Akademııasynyń Marǵulan atyndaǵy Arheologııa, Súleımenov atyndaǵy Shyǵystaný, Ýálıhanov atyndaǵy Tarıh jáne etnologııa ınstıtýttarynyń mamandary birlesip daıyndaǵan. Týyndylarda túrli derek kózderi negizge alyna otyryp, qalanyń ejelgi dáýirden qazirgi zamanǵa deıingi túıindi sátteri jańa kózqarasta tujyrymdalyp jazylǵan.

1 jyl buryn (2009) Almatyda «Asyl Alma» atty syılyqtyń tanystyrylymy boldy.

Syılyqtyń uıymdastyrýshysy - Almaty qalasynyń ákimshiligi, Almaty salaýatty ómir saltyn qalyptastyrý ortalyǵy, «Via Concordia» kommýnıkatsııa agenttigi jáne salaýatty ómir saltyn qalyptastyrý mamandarynyń qaýymdastyǵy.

Syılyq úsh nomınatsııa boıynsha tapsyrylady: «Kompanııa qyzmetkerleriniń densaýlyǵyn qorǵaýǵa qosqan úlesi úshin», «Turǵyndar arasyndaǵy salaýatty ómir saltyn qalyptastyrýǵa qosqan úlesi úshin», «Áleýmettik maǵynasy bar aýrýlarmen kúresýge qosqan úlesi úshin».

Jeńimpazdarǵa «Asyl Alma» qurmet belgisi, statýetkasy, gramota jáne dıplom tabys etiledi.

Konkýrsqa Almaty qalasynda tirkelgen barlyq kommertsııalyq jáne kommertsııalyq emes uıymdar qatysa alady.

1 jyl buryn (2009) Semeı qalasyndaǵy Dostyq úıinde tatar tilin oqyp-úırenetin jeksenbilik mektep ashyldy.

Jeksenbilik mektep zamanaýı oqýlyqtarmen, tilasharlarmen jáne sózdiktermen jetkilikti qamtamasyz etilgen.

ESІMDER

55 jyl buryn (1955-2003) qazaqtyń jazýshysy, jýrnalıst KІRІSBAEV Beısebaı dúnıege keldi.

S.M.Kırov atyndaǵy Qazaq memlekettik ýnıversıtetin (qazirgi ál-Farabı atyndaǵy Qazaq ulttyq ýnıversıteti) bitirgen.

1980-1982 jyldary - respýblıkalyq «Bilim» qoǵamynyń baspa bóliminde kishi redaktor. 1982-1985 jyldary - «Qazaqstan pıoneri» gazetiniń ádebıet jáne óner bóliminde. 1985-1992 jyldary - «Baldyrǵan» jýrnalynyń bólim redaktory. 1992-2003 jyldary bas redaktordyń orynbasary qyzmetterin atqarǵan.

«Tamshy» atty alǵashqy jınaǵy 1979 jyly «Jalyn» baspasynan jaryq kórgen. 1982 jyly «Alty ázilkesh» atty ujymdyq jınaqqa toptama óleńderi engen. «Appaq baq-baq», «Adamsha kel», «Yqylyq», «Jańyltpashtar» kitaptarynyń avtory.

50 jyl buryn (1960) «Qazmunaıgaz»UK» AQ basqarma dırektory ELShІBEKOV Serikbek Kenesbekuly dúnıege keldi.

Shymkent qalasynda týǵan. Almaty halyq sharýashylyǵy ınstıtýtyn (qazirgi T.Rysqulov atyndaǵy Qazaq ekonomıkalyq ýnıversıteti) bitirgen.

1981-1983 jyldary - sharýashylyq dúkeninde aǵa ekonomıst, 1983-1984 jyldary - jumyspen qamtý basqarmasynda tekserýshi, 1984-1989 jyldary - «Glavrıssovhozstroıa» ekonomıkalyq taldaý zerthanasynda ekonomıst, aǵa ekonomıst, 1989-1990 jyldary - Qazaq KSR-diń Sý sharýashylyǵy jáne melıoratsııa mınıstrliginiń ekonomıkalyq-josparlaý basqarmasynda bas maman. 1990-1992 jyldary - Qazaq KSR Qarjy mınıstrligi sharýashylyq esep aýdıtorlyq ortalyǵynda keńesshilik jáne saraptama qyzmeti bóliminde bas kontroler-revızor, bólim bastyǵy. 1992-1994 jyldary - «Kazahstanaýdıt-Kospek» aktsıonerlik kompanııasynyń aýdıtorlyq jáne keńesshilik basqarmasynyń bastyǵy. 1994-1997 jyldary - «Kazahstanaýdıt-Kospek» kompanııasynyń bas dırektory. 1997-1999 jyldary - «Kazahkonsaltıng» UAQ prezıdenti. 1999-2002 jyldary - Qazaqstan Respýblıkasynyń Memlekettik kiris mınıstrliginde ákimshilik departamentiniń dırektory. 2002-2004 jyldary - Qazaqstan Respýblıkasynyń Qarjy mınıstrliginiń Salyq komıteti tóraǵasynyń orynbasary. 2004-2006 jyldary - «QazTransOıl» AQ-nyń ekonomıka jáne qarjy jónindegi bas dırektordyń orynbasary. 2006-2008 jyldary - «Qazmunaıgaz»UK» AQ Apparat jetekshisi qyzmetterin atqarǵan. Qazirgi qyzmetinde - 2008 jyldan.

«Qazaqstan Respýblıkasynyń Táýelsizdigine 10 jyl» medalimen marapattalǵan.