QazAqparat-Anons: qazannyń 27-si men qarashanyń 1-i aralyǵyndaǵy oqıǵalardyń kúntizbesi
Elbasy
Qazannyń 27-sinde Elbasy N.Nazarbaev Astanadaǵy METRO saýda ortalyǵynda, «Kıng-Otel Astana» qonaqúıinde bolady.
Qarashanyń 1-3-i aralyǵynda Elbasy N.Nazarbaevtyń Abý Dabı Ámirliginiń Taq murageri, Birikken Arab Ámirlikteriniń Qarýly Kúshteri Bas Qolbasshysynyń orynbasary sheıh Muhammed ben Zaıd Ál Nahaıannyń shaqyrýy boıynsha Ámirlikterge jumys sapary ótedi.
Capar barysynda Elbasy eki eldiń saıası, saýda-ekonomıkalyq salalardaǵy yntymaqtastyq máseleleri qarastyrylyp, eki el arasynda birqatar kelisimderge qol qoıý kútilýde.
ÚKІMET
Qazannyń 27-sinde Úkimet úıinde mınıstrler kabınetiniń májilisi ótedi.
Qazannyń 27-sinde Densaýlyq saqtaý mınıstrliginde aptalyq brıfıng ótedi.
PARLAMENT
Qazannyń 27-sinde Parlament Májilisinde «Quqyq buzýshylyqtardyń aldyn alý jáne turmystyq-zorlyq-zombylyqqa qarsy kúresý» taqyrybynda «dóńgelek ústel» otyrysy ótedi.
Qazannyń 27-sinde Parlament Májilisinde Adam damýy týraly ulttyq eseptiń tanystyrylymy bolady.
QOǴAM
Qazannyń 26-27-si kúnderi Rýmynııa Prezıdenti Traıan Baseskýdiń Qazaqstanǵa resmı sapary josparlanýda. Rýmynııa Prezıdenti elimiz basshylyǵymen kezdesýler ótkizip, ekijaqty yntymaqtastyq pen halyqaralyq uıymdar sheńberindegi ózara árekettestik máselelerin talqylamaq. Kelisimder nátıjesinde ekijaqty qujattarǵa qol qoıý josparlanýda.
Qazannyń 25-30-y aralyǵynda «1999 jylǵy Venadaǵy senim jáne qaýipsizdik sharalary jónindegi kelisim qujaty» sheńberinde elimizdiń desanttyq shabýyl brıgadalary áreketteri men avıabazalaryn kórsetý sharalary ótedi. Sharaǵa EQYU-ǵa qatysýshy-memleketter jáne seriktes elderdiń, Uıym hatshylyǵynyń, NATO verıfıkatsııalyq komıteti jáne Azııadaǵy ózara is-qımyl jáne senim sharalary keńesi hatshylyǵy ókilderi qatysatyn bolady.
Qazannyń 27-29-y aralyǵynda Beıjińde Azııadaǵy ózara is-qımyl jáne senim sharalary jónindegi keńesiniń (AÓSShK) Arnaıy jumys toby (AJT) jáne Aǵa laýazymdy tulǵalar komıtetiniń otyrystary ótedi. Atalǵan otyrystar jumysyna AÓSShK-ǵa 20 múshe-memleketter ókilderiniń qatysýy kútilýde.
Qazannyń 27-sinde Mınskide Táýelsiz memleketter dostastyǵy Atqarý komıtetinde Dostastyqqa qatysýshy memleketterdiń turaqty ókilderi keńesiniń kezekti otyrysy ótedi. Otyrysqa qatysýshylar 2008 jylǵy qarashanyń 14-indegi TMD salalyq yntymaqtastyǵy organdarynyń qyzmetterin ońtaılandyrý týraly TMD Úkimetteri basshylary keńesi sheshimderiniń oryndalý barysyn talqylaıdy.
Qazannyń 30-ynda Madrıdte eki el syrtqy ister vedomstvolary arasynda qazaqstan -ıspan konsýltatsııalary ótedi. Qazaqstandyq delegatsııany syrtqy ister mınıstriniń orynbasary Konstantın Jıgalov , al ıspan jaǵyn ıspanııanyń syrtqy ister vedomstvasynyń memlekettik hatshysy Anhel Lossada basqarmaq. Dıplomattar aımaqtyq jáne halyqaralyq sıpattaǵy ózekti máselelerdi, Qazaqstannyń EQYU-daǵy jáne Ispanııanyń EO-daǵy 2010 jyldyń birinshi jarty jyldyǵyndaǵy tóraǵalyǵyn úılestirý, ártúrli deńgeıdegi sparlardy qosa alǵanda eki jaqty qatynastar máselelerin qarastyrady dep kútilýde.
ASTANA
Qazannyń 27-sinde Prezıdenttik mádenıet ortalyǵynda belgili sýretshi Kámil Mollashevtyń mereıtoılyq «65 jyl» atty jeke kórmesiniń ashylýy bolady.
Qazannyń 27-sinde Joǵarǵy sotta «Qazaqstan Respýblıkasynyń 2010-2020 jyldarǵa arnalǵan quqyqtyq saıasat tujyrymdamasy jáne sot júıesiniń damý perspektıvasy» degen taqyrypta «dóńgelek ústel» otyrysy ótedi.
Qazannyń 27-sinde «Nur Otan» partııasynyń ortalyq keńsesinde baspasóz máslıhaty ótedi.
Qazannyń 28-inde Astanada Vashıngtondaǵy strategııalyq jáne halyqaralyq zertteýler ortalyǵy jáne Jańa demokratııa ınstıtýtymen birlese otyryp QR Syrtqy ister mınıstriniń uıymdastyrýymen «Qazaqstannyń EQYU-daǵy tóraǵalyǵy: qaterler men múmkindikter» atty halyqaralyq konferentsııa ótedi.
Qazannyń 28-29-ynda Qazaqstan Respýblıkasyna Palestınalyq ulttyq ákimshiliginiń Syrtqy ister mınıstri Rııad Malkıdiń sapary josparlanýda. Sapar barysynda R.Malkı elimizdiń basshylarymen kezdesip, kelissózder barysynda Taıaý Shyǵys máselelerin úılestirý, jáne de eki el arasyndaǵy saıası, saýda-ekonomıkalyq, mádenı-gýmanıtarlyq salalardaǵy yntymaqtastyq jóninde pikir almaspaq..
Qazannyń 28-30-y aralyǵynda AQSh Memlekettik hatshysynyń Ońtústik jáne Ortalyq Azııa isteri jónindegi kómekshisiniń orynbasary Djordj Kroldyń Qazaqstanǵa sapary josparlanýda. Dj. Krol sapar barysynda memlekettik mekemeler basshylarymen kezdesip, ekijaqty yntymaqtastyq, sondaı-aq QR-diń EQYU-da 2010 j. tóraǵalyǵy máselelerin talqylamaq.
ALMATY
Qazannyń 1-31-i aralyǵynda Almatyda Qart adamdar jáne múgedekterge qamqorlyq kórsetý aılyǵy ótýde.
Qazannyń 27-sinde «Antrekot» meıramhanasynda qazaqstandyq dızaınerlerdiń qatysýymen baspasóz máslıhaty ótedi.
Qazannyń 27-sinde Qazaqstan baspasóz klýbynda «Natoinal Business Forum -2009» sharasyna arnalǵan baspasóz máslıhaty bolady.
Qazannyń 27-sinde Ótegen batyr kentinde «Jetisý-Agro» óndiristik-logıstıkalyq kesheniniń ashylý rásimi bolady.
Qazannyń 27-sinde Qazaqtyń ál-Farabı atyndaǵy ulttyq ýnıversıtetinde Kanadadan kelgen delegatsııamen kezdesý bolady.
Qazannyń 27-sinde «Rahat Palas» qonaqúıinde Ekonomıkalyq yntymaqtastyq elderiniń joǵarǵy qarjylyq baqylaý organdary uıymy basqarmasynyń (EKOSAI) 14-shi májilisi ótedi.
Qazannyń 27-sinde Abaı atyndaǵy Memlekettik akademııalyq opera jáne balet teatrynda «Altyn júrek» syılyǵyn tabys etýdiń saltanatty rásimi bolady.
ATAÝLY KÚNDER. MEREKELER.
27 QAZAN, SEISENBІ
Sent-Vınsent jáne Grenadınniń Ulttyq meıramy - Táýelsizdik kúni (1979). Sent-Vınsent jáne Grenadın - Karıb teńizindegi araldarda ornalasqan memleket. Astanasy jáne iri qalasy - Kıngstaýn. Memlekettik tili - aǵylshyn tili. Memlekettik qurylymy - konstıtýtsııalyq monarhııa. Memleket basshysy - Velıkobrıtanııa patshaıymy usynǵan general-gýbernator. Úkimet basshysy - premer-mınıstr. Aqsha birligi - shyǵys karıb dollary.
Túrkimenstan Respýblıkasynyń Memlekettik meıramy - Táýelsizdik kúni (1991).
Qazaqstan Respýblıkasy men Túrikmenstan Respýblıkasy arasyndaǵy dıplomatııalyq qarym-qatynas 1992 jylǵy qazannyń 5-inde ornatyldy.
Dúnıejúzilik aýdıokórý murasynyń kúni. ıÝNESKO Bas konferentsııasynyń 33 sessııasynda osy uıymǵa múshe-memleketter 27 qazandy Dúnıejúzilik aýdıokórý murasynyń kúni dep sheshim qabyldady. Bul «ekonomıkalyq, saıası jáne áleýmettik damýdyń, bilim berýdiń, ǵylymı ilimniń jáne túrli ulttar men qoǵamdastyqtardyń mádenıetteri alýandyǵy ilgerilgeniniń, sondaı-aq tabıǵat pen búkil jer-jahannyń damyǵanynyń» dáleli bolyp tabylady dep atap kórsetildi.
Mektep kitaphanalarynyń halyqaralyq kúni. Halyqaralyq mektep kitaphanalary qaýymdastyǵynyń bekitýimen, qazan aıynyń tórtinshi dúısenbisinde atap ótiledi.
OQIǴALAR
3 jyl buryn (2006) Almatyda «Batys Jeltoqsan» avtomobılder jol torabynyń saltanatty ashylý rásimi bolyp ótti. Joldy jasaý jumystaryn Qazaqstannyń jetekshi qurylys kompanııasy «Bazıs-A» JShS-gi júrgizgen. Sharaǵa Almaty qalasynyń ákimi, «Bazıs-A» Korporatsııasy» JShS-niń dırektorlar keńesi tóraǵasy jáne de qala qyzmetteriniń basshylary qatysty.
3 jyl buryn (2006) Almatyda belgili memlekettik jáne qoǵam qaıratkeri Zamanbek Nurqadilov murajaı-úıi ashyldy. Murajaıda qaıratkerdiń jeke zattary, qujattary, jeke sýretteri qoıylǵan.
ESІMDER
90 jyl buryn (1919) Qazaq KSR-iniń halyq ártisi KÝChINA Tamara Ivanovna dúnıege keldi.
Ózbekstan Respýblıkasynyń Tashkent qalasynda týǵan.
N.Pogodın atyndaǵy Soltústik Qazaqstan oblystyq orys drama teatry janyndaǵy mektep stýdııasyn bitirgen.
1937 jyldan Soltústik Qazaqstan oblystyq orys drama teatrynyń ártisi. Sahnada 300-deı róldi somdaǵan. Olardyń ishinde: L.Leonovtyń «Nashestvıe» spektaklinde Anna Nıkolaevna, D.Patrıktiń «Strannaıa mıssıs Sevıdj» spektaklinde - mıssıs Sevıdj, E.Fabranyń «Omýt» spektaklinde - Flora Braze, A.Ostrovskııdiń «Bez vıny vınovatye» spektaklinde - Krýchınına, M.Gorkııdiń «Starık» spektaklinde -Sofıa Markovna, taǵy basqalary bar. Qazirgi ýaqytta qurmetti zeınetkerlik demalysta.
65 jyl buryn (1944) sýretshi, Búkilodaqtyq LKJO syılyǵynyń laýreaty, Qazaqstannyń eńbek sińirgen qaıratkeri MOLLAShEV Kámil Ýálıhanuly dúnıege keldi.
Qytaı Halyq Respýblıkasynyń Úrimshi qalasynda týǵan. Almaty kórkemsýret ýchılışesin, V.Sýrıkov atyndaǵy Máskeý memlekettik kórkemsýret ınstıtýtyn bitirgen.
Sýretshiniń týyndylary Máskeýdegi Tretıakov galereıasynda, Almatydaǵy Á.Qasteev atyndaǵy memlekettik beıneleý óneri murajaıynda, sonymen qatar shet elderdegi óner týyndylaryn jınaýshylardyń jeke qorlarynda saqtaýly.
55 jyl buryn (1954) tehnıka ǵylymdarynyń kandıdaty, Qazaqstan Respýblıkasy kólik jáne kommýnıkatsııalar mınıstrligi kólik jáne jol qatynastary komıtetiniń tóraǵasy ÝANDYQOV Berik Qusmanulydúnıege keldi.
Shyǵys Qazaqstan oblysynda týǵan.
V.I.Lenın atyndaǵy Qazaq polıtehnıkalyq ınstıtýtyn, KSRO Ǵylym Akademııasynyń Basqarý máseleleri ınstıtýtynyń aspırantýrasyn bitirgen.
2001-2004 jyldary - Shyǵys Qazaqstan sý joldary Respýblıkalyq memlekettik qazynalyq kásipornynnyń basshysy. 2004-2008 jyldary - Kólik jáne kommýnıkatsııalar mınıstrliginde kólik jáne jol qatynastary komıteti tóraǵasynyń orynbasary jáne basqa da basshylyq qyzmetterdi atqarǵan. Qazirgi qyzmetinde - 2008 jyldan.
50 jyl buryn (1959) Qazaqstan Respýblıkasynyń Joǵarǵy Soty Qylmystyq ister jónindegi alqanyń tóraǵasy JÚKENOV Ábdirashıd Tólegenuly dúnıege keldi.
Almaty oblysy Andreev aýdanynyń Gerasımovka aýylynda týǵan.
S.M.Kırov atyndaǵy Qazaq memlekettik ýnıversıtetin bitirgen.
Qazaqstan Respýblıkasy Bas prokýrorynyń orynbasary qyzmetin atqarǵan. Qazirgi qyzmetinde - 2005 jyldan.
28 QAZAN, SÁRSENBІ
Cheh Respýblıkasynyń Ulttyq meıramy - Táýelsiz Chehoslovakııanyń qurylǵan kúni (1918). Chehııa - Ortalyq Eýropada ornalasqan memleket. Soltústiginde Polshamen, shyǵysynda Slovakııamen, ońtústiginde Avstrııamen, batysynda Germanııamen shektesedi. Astanasy - Praga qalasy. Memlekettik tili - cheh tili. Aqsha birligi - cheh kronasy.
Ýkraına Respýblıkasynyń Memlekettik meıramy - Fashıst basqynshylarynan azat etilgen kún. 1995 jyldan bastap, Zakarpate astanasy Ýjgorod qalasyn basqynshylardan azat etken kúnniń qurmetine oraı atap ótiledi.
OQIǴALAR
17 jyl buryn (1992) Qazaqstanda turatyn nemisterdiń alǵashqy sezi ótti.
3 jyl buryn (2006) Taldyqorǵanda Úsh báıterek monýmenti ashyldy. Bul - qazaq halqynyń tarıhı tulǵalary - Eskeldi bı, Balpyq bı jáne Qabylısa jyraýlarǵa arnalǵan eskertkish. Avtory - Jeńis Moldabaev.
ESІMDER
110 jyl buryn (1899-1966) qazaqtyń tuńǵysh anatom ǵalymy, medıtsına ǵylymynyń kandıdaty, professor, Qazaqstannyń eńbek sińirgen dárigeri BÓKEIHANOV Hazıhan Naýshauly dúnıege keldi.
Batys Qazaqstan oblysy Bókeı Orda aýdanynda týǵan.
Astrahan medıtsınalyq ınstıtýtyn, Almaty medıtsınalyq ınstıtýtynyń (Qazaq ulttyq medıtsınalyq ýnıversıteti) aspırantýrasyn bitirgen.
1918-1920 jyldary Ordanyń Shonaı, Saıqyn, Tolybaı aýdandaryndaǵy súzek, tyrysqaq, oba indetine qarsy shyqqan ekspedıtsııalarǵa qatysqan. 1930-1934 jyldary - Kaztalovka aýdany emhanasynyń meńgerýshisi. 1934 jyldan ómiriniń sońyna deıin Almaty medıtsınalyq ınstıtýtynyń dotsenti, professory, kafedra meńgerýshisi qyzmetterin atqarǵan.
Ǵalym bezgek, buǵaq, juqpaly teri aýrýlaryn zerttep, olardy emdeý máselelerimen shuǵyldanǵan. 16-dan astam ǵylymı eńbekterdiń avtory.
«Qurmet belgisi» ordenimen marapattalǵan.
75 jyl buryn (1934) jazýshy, aýdarmashy, Qazaq KSR-niń eńbek sińirgen mádenıet qyzmetkeri BELЬGER Gerold dúnıege keldi.
Reseıdiń Saratov oblysynda týǵan.
Abaı atyndaǵy Qazaq pedagogıka ınstıtýtyn jáne aspırantýrasyn bitirgen. Shyǵarmalaryn nemis, orys, qazaq tilderinde jazady.
1958-1960 jyldary - Jambyl oblysy Baıqadam keńsharynyń orta mektep muǵalimi. 1963-1964 jyldary - «Juldyz» jýrnalynyń ádebı qyzmetkeri. 1964 jyldan - shyǵarmashylyq jumysta. 1992 jyldan - nemis tilinde shyǵatyn «Fenıks» almanahy bas redaktorynyń orynbasary.
«Aýyl shetindegi úı», «Daladaǵy shaǵalalar», «Alty asý», «Tas ótkel», «Baýyrlastyqtyń jandy beınesi», «Sozvýchıe», «Ýaqytpen betpe-bet», «Motıvy treh strýn», «Gete ı Abaı», «Rodstvo», «Zemnye ızbrannıkı» zertteý eńbekteriniń, jekelegen áńgime, maqalalary engen 25-ke jýyq jınaqtardyń avtory.
B.Maılın, H.Esenjanov, Á.Nurpeıisov, Á.Kekilbaev, D.Dosjanov, taǵy basqa qazaq jazýshylarynyń birqatar shyǵarmalaryn qazaqshadan orys tiline, A.Raımgen, E.Konchak, N.Vakker, taǵy basqa nemis aqyn, jazýshylarynyń jekelegen týyndylaryn nemis tilinen orysshaǵa aýdardy.
Qazaqstan Jazýshylar odaǵynyń B.Maılın atyndaǵy syılyǵynyń ıegeri, Prezıdenttiń beıbitshilik pen rýhanı tatýlyq syılyǵynyń ıegeri, Qazaqstan PEN-klýb syılyǵynyń ıegeri. «Parasat» ordenimen marapattalǵan.
29 QAZAN, BEISENBІ
Túrkııa Respýblıkasynyń Ulttyq meıramy - Respýblıka jarııalanǵan kúni (1923). Túrkııa - Ońtústik-Shyǵys Eýropa men Ońtústik-Batys Azııada ornalasqan memleket. Soltústik-batysynda Bolgarııa, Grekııamen, soltústik-shyǵysynda Grýzııa, Armenııamen, shyǵysynda Iranmen, ońtústiginde Irak, Sırııamen, sondaı-aq soltústiginde Qara teńizben, soltústik-batysynda Mramor teńizimen, ońtústiginde Jerorta teńizimen, batysynda Egeı teńizimen shektesedi. Astanasy - Ankara qalasy. Memlekettik tili - túrik tili. Aqsha birligi - túrik lırasy.
OQIǴALAR
90 jyl buryn (1919) qazannyń 29-31 aralyǵynda 5-Qyzyl Armııanyń bólimderi Petropavl qalasyn Kolchak áskerinen azat etý úshin «Petropavl operatsııasyn» júrgizdi.
60 jyl buryn (1949) Óskemen qalasynda Úlbi metallýrgııa zaýyty quryldy. «Qazaqatomónerkásip» ulttyq kompanııasynyń quramynda basty kásiporyn retinde atom stantsııalary úshin ıadrolyq otyn óndiredi, berıllıı, tantal, osy metaldar men olardyń qosyndylarynan ondaǵan buıym ataýlaryn shyǵarady.
10 jyl buryn (1999) Polshanyń Prezıdenti Aleksader Kvasnevskıdiń Qazaqstan Respýblıkasyna birinshi resmı sapary boldy. Sapar barysynda polıaktar memleketi basshysynyń resmı sapary saltanaty, sosyn birikken málimdemege qol qoıýmen aıaqtalǵan N. Nazarbaev pen A. Kvasnevskıdiń kelissózderi ótti.
9 jyl buryn (2000) 2000 jylǵy Qazaqstan Respýblıkasynyń Kýbogyn ıelenip, astanalyq «Jeńis» fýtbol klýby elimizdiń chempıony atandy.
5 jyl buryn (2004) Memleket basshysy AQSh Memlekettik hatshysynyń orynbasary Rıchard Armıtadjdy qabyldady.
ESІMDER
85 jyl buryn (1924-2002) jazýshy, aýdarmashy MYŃJASAROVA Roza dúnıege kelgen.
Aqtóbe oblysy Shalqar aýdanynyń Qara Shoqat eldi mekeninde týǵan. Aqtóbedegi muǵalimder ınstıtýtyn, Respýblıkalyq partııa mektebiniń aýdarmashylar bólimin bitirgen. Oqý-aǵartý salasynyń jaýapty qyzmetteri, Shalqar aýdandyq komsomol komıtetiniń mektep jumysy jónindegi hatshysy, Taldyqorǵan, Almaty oblystyq jáne «Semırechenskaıa pravda» gazetterinde qyzmetter atqarǵan. 1971-1973 jyldary Baılanys mınıstrliginiń merzimdi baspasózdi taratý basqarmasynyń baspasózge jazylý bólimin basqarǵan.
«Qyr qyzdary», «Áıel baqyty», «Tózim sheńberi» romandarynyń, «Ómir kórinisteri» áńgimeler men povester jınaǵynyń, birneshe ocherkter kitabynyń avtory. Kórkem aýdarma salasynda qazaq tiline tárjimalaǵan birqatar roman, povesteri men áńgimeleri jaryq kórgen.
55 jyl buryn (1954) general-leıtenant, Keńes Odaǵynyń Batyry, Aýǵan soǵysyna qatysýshy AÝShEV Rýslan Sýltanuǵly dúnıege keldi.
Soltústik Qazaqstan oblysy Aıyrtaý aýdanynda týǵan.
S.Ordjonıkıdze atyndaǵy joǵary jalpyáskerı komandalyq ýchılışesin, Frýnze atyndaǵy áskerı akademııany bitirgen.
2001 jylǵa deıin Ingýshetııa respýblıkasynyń prezıdenti bolǵan. Qazirgi ýaqytta TMD elderi basshylary keńesiniń janyndaǵy ınternatsıonal jaýyngerler jónindegi komıtetti basqarady.
Lenın, eki márte Qyzyl Juldyz ordenderimen, medaldarmen marapattalǵan.
50 jyl buryn (1959) Qazaqstan Respýblıkasy Parlament Májilisiniń depýtaty, ekonomıka ǵylymdarynyń doktory PІShEMBAEV Meıram Qudaıbergenuly dúnıege keldi.
Pavlodar qalasynda týǵan.
Semeı zootehnıkalyq mal dárigerlik ınstıtýtyn, Sankt-Peterbýrg qalasynyń Soltústik-Batys akademııasyn bitirgen.
Ár jyldary «Ermakovskıı» keńsharynyń dırektory, Qazaqstandaǵy «Rosneft» ókildiginiń jetekshisi, «Kazneftekom» JShS-niń vıtse-prezıdenti, Pavlodar munaı óńdirý zaýytyndaǵy «Kazahoıl» Ulttyq munaı kompanııasynyń bas menedjeri, Qazaqstan Respýblıkasy Ulttyq qaýipsizdik komıteti «RTs Kazımpeks» JAQ-my bas dırektorynyń orynbasary, Qazaqstandaǵy Siemens kompanııasynyń atqarýshy dırektory, «Korporatsııa «Kazahselmash» JShS-i dırektorlar keńesiniń tóraǵasy, «Qazaqstannyń mashına jasaýshylar odaǵy» zańdy tulǵalar birlestiginiń basqarma tóraǵasy. 2007 jyldan - Parlament Májilisiniń depýtaty - Qazaqstan Respýblıkasy Parlamenti Májilisiniń Ekonomıkalyq reforma jáne óńirlik damý komıtetiniń múshesi.
30 QAZAN, JUMA
Reseı Federatsııasynda 1991 jyldan saıası qýǵyn-súrgin qurbandaryn eske alý kúni atap ótiledi.
OQIǴALAR
10 jyl buryn (1999) Almaty oblysy Qarasaı aýdany Qarǵaly aýylynyń bir kóshesi men orta mektebine jazýshy Ǵabıden Mustafınniń esimi berildi.
10 jyl buryn (1999) Almatyda orys aqyny A.Pýshkınge eskertkish ornatyldy.
3 jyl buryn (2006) «Atlas klıýchevyh vıdov: vysshıe rastenııa ı pozvonochnye jıvotnye» atlasy PROON demeýshiligimen «Mańyzdy sý-batpaqty jerlerdi bir jerden ekinshi jerge kóship qonatyn qustardyń jaılaný orny retinde keshendi saqtaý» Ǵalamdyq ekologııalyq qorynyń jobasy aıasynda basylyp shyqty. Atlasqa Qyzyl kitapqa engizilgen óte sırek kezdesetin jáne joıylyp ketý qaýpi bar janýarlar túrleri engizilgen: balyqtardyń - 9 túri, qustardyń - 54 túri, ańdardyń - 18 túri.
3 jyl buryn (2006) Astanada «Digital Kazakhstan» («Tsıfrovoı Kazahstan») jýrnalynyń birinshi sany jaryq kórdi. Oqyrmandar nazaryna Qazaqstandaǵy jáne álemdegi aqparattyq-kommýnıkatsııalyq baılanys pen tehnologııalar damý barysy týraly jańalyqtar usynylǵan.
ESІMDER
75 jyl buryn (1934) sýretshi, monýmentalıst, KSRO Sýretshiler odaǵynyń múshesi DJAKÝBALIEV Marat Ǵazızollauly dúnıege keldi.
Batys Qazaqstan oblysynyń Kaztalovka kentinde týǵan. V.Mýhına atyndaǵy Lenıngradtaǵy joǵary kórkemóner ónerkásip ýchılışesin (qazirgi A.Shtıglıts atyndaǵy Sankt-Peterbor memlekettik kórkemóner ónerkásip akademııasy) bitirgen. 1979-1980 jyldary Gýrev qalasyndaǵy «Neftıanık» Mádenıet úıiniń foıesine, Oral qalasyndaǵy Temirjolshylar mádenıet úıiniń foıesine kórkemdik-bezendirý jumystaryn júrgizgen. 1981-1983 jyldary Semeı qalasyndaǵy turǵyn úı ǵımaratynyń, Semeı oblysy Shar stantsııasyndaǵy temirjol vokzalynyń ǵımaratynyń, Kókshetaý oblysy (qazirgi Aqmola oblysy) «Neftıanık» demalys orny ǵımaratynyń búıirjaqtaryna órnekteý jumystaryn jasaǵan.
70 jyl buryn (1939) ǵalym, medıtsına ǵylymdarynyń doktory, professor, Qazaqstannyń eńbek sińirgen qaıratkeri YDYRYSOV Álim Akramuly dúnıege keldi.
Qyzylorda qalasynda týǵan.
Almaty medıtsınalyq ınstıtýtyn (Qazaq ulttyq medıtsına ýnıversıteti) bitirgen.
1966-1969 jyldary - Almaty medıtsınalyq ınstıtýty operatıvtik hırýrgııa jáne topografııalyq anatomııa kafedrasynyń assıstenti. 1969-1980 jyldary - Aqtóbe medıtsına ınstıtýtynyń dotsenti. 1984 jyldan Qazaq ulttyq medıtsına ýnıversıtetiniń kafedra meńgerýshisi qyzmetterin atqarǵan.
Ǵylymı eńbekteriniń negizgi baǵyty hırýrgııalyq anatomııa jáne eskperımenttik hırýrgııa máselelerine arnalǵan.
160-tan astam ǵylymı eńbektiń avtory. 3 ǵylym doktory men 6 ǵylym kandıdatyn daıarlaǵan.
70 jyl buryn (1939) aktrısa, Qazaqstannyń eńbek sińirgen ártisi OMARHANOVA Rymkesh dúnıege keldi.
Qaraǵandy oblysy Qarqaraly aýdanynyń Sarytaý aýylynda týǵan. Qaraǵandy qalasyndaǵy mýzykalyq ýchılışesin bitirgen.
1962-1963 jyldary - Qarqaraly aýdandyq mádenıet bóliminiń avtoklýb meńgerýshisi, 1963-1990 jyldary - Qaraǵandy oblystyq drama teatrynyń, 1991 jyldan Astana qalalyq mýzykalyq-drama teatrynyń aktrısasy qyzmetterin atqarǵan.
Sahnada Eńlik, Sholpan, Aqbala, Tekti, Mórjan, Sárýar (M.Áýezov «Eńlik - Kebek», «Aıman - Sholpan», «Qaragóz», «Túngi saryn»), Baıan, Kúnikeı, Maqpal, Dámeli (Ǵ.Músirepov «Qozy Kórpesh - Baıan sulý», «Aqan seri - Aqtoqty»), Qarlyǵash (M.Áýezov pen L.Sobolev «Abaı»), Bátes, Qalısa (S.Muqanov «Móldir mahabbat»), Maıra (Á.Tájibaev «Maıra»), Hadısha (S.Júnisov «Qysylǵannan qyz boldyǵyn»), Salıha, Zeınep (D.Isabekov «Muragerleri», «Eski úıdegi eki kezdesý»), Tańqabıke (M.Kárim «Aı tutylǵan tún»), Katerına (A.N.Ostrovskıı «Naızaǵaı») rólderin somdaǵan.
Gastroldik saparmen Qaraqalpaqstan men Bashqurtstanda óner kórsetken.
«Qurmet Belgisi» ordenimen marapattalǵan.
31 QAZAN, SENBІ
Únemdeýdiń halyqaralyq kúni. 1988 jylǵy qazannyń 27-sinde 29 eldiń jınaq kassalarynyń ókilderi Mılanda ózderiniń birinshi Halyqaralyq arnaıy kongresterine jınaldy. Kongress jumysynyń sońǵy kúni - qazannyń 31-inde «barlyq elderdegi jınaq banktik ınstıtýttardyń birinshi quryltaıyn este qaldyrý» ıdeıasy ómirge kelip, bul kúndi «Halyqaralyq Únem Kúni» (International Saving Day) retinde jyl saıyn atap ótýge sheshim qabyldandy. Alaıda, quryltaıshylardyń pıǵylynsha, bul kúni tek aqshany únemdep qana qoımaı, únemdi keń maǵynasynda: ýaqyt únemdeýge, zattarǵa uqypty qarý, t.b. máselelerge qoldanýǵa arnaý qajet. 1989 jyly BUU nusqaý qabyldap, onda qazannyń 31-in Halyqaralyq Únem kúni etip bekitti.
Ekvadordyń ulttyq týy kúni. Ekvadordyń kóldeneń sary, kók jáne qyzyl tústi beldeýli týy 1860 jylǵy 26 qyrkúıekte qabyldanǵan. Ekvadorlyq týdyń sary túsi kún sáýlesin, jerdiń baılyǵyn, bıdaı men júgeri alqabyn, eldiń dáýlettiligin beınelese; kók tús - aspannyń, ózender men Tynyq muhıtty; qyzyly - bostandyq úshin kúrestegi patrıottardyń tógilgen qanyn beıneleıdi.
OQIǴALAR
138 jyl buryn (1871) Birjan sal men Sara arasyndaǵy ataqty aıtys bolyp ótti.
1 jyl buryn (2008) Astanada Indýstrııa jáne saýda mınıstrliginde ІІ respýblıkalyq «Daıyn otandyq ónimniń úzdik eksporteri-2008» konkýrsy aıasynda tuńǵysh ret «Qazaqstannyń eksporttyq áleýeti: máseleler men sheshý joldary-2008» respýblıkalyq konferentsııa bolyp ótti.
Konferentsııa maqsaty - ekonomıkanyń shıkizattyq emes júıesiniń eksporter-kásiporyndary men eksport naryǵynyń memlekettik retteýshileri, qarjylyq ınstıtýttar, ınvestorlar, keńes berý qyzmetin usynýshylar arasynda syndarly dıalog ornatý úshin ońtaıly oryn belgileý.
ESІMDER
65 jyl buryn (1944) Reseıdiń eńbek sińirgen ártisi RıAZANOVA Raısa Ivanovna dúnıege keldi.
Soltústik Qazaqstan oblysynyń Petropavl qalasynda týǵan.
Rıazan mýzykalyq-pedagogıkalyq ýchılışesin, A.V.Lýnacharskıı atyndaǵy memlekettik teatr óneri ınstıtýtyn bitirgen.
Mýzykalyq mektep oqytýshysy qyzmetin atqarǵan. 1979 jyldan - M.Gorkıı atyndaǵy kınostýdııasynyń aktrısasy.
«Moskva slezam ne verıt», «I vse-takı ıa lıýblıý...», «Ne rodıs krasıvoı», «Dve sestry», «Next 3», «Angel-hranıtel», «Montekrısto», «Vsegda govorı «vsegda» atty kınolarynda oınaǵan.
KSRO Memlekettik syılyǵynyń laýreaty.
1 QARAShA, JEKSENBІ
Ýkraınada Áleýmettik sala qyzmetkerleriniń kúni. Ýkraına Prezıdentiniń 1999 jylǵy 13 sáýirdegi Jarlyǵymen qarashanyń birinshi jeksenbisinde atalyp ótedi.
Belarýstegi Azamattyq avıatsııa qyzmetkerleriniń kúni. Jyl saıyn qarashanyń birinshi jeksenbisinde atalyp ótedi.
OQIǴALAR
45 jyl buryn (1964) T.Ahtanov atyndaǵy Aqtóbe oblystyq drama teatrynyń orys trýppasy quryldy. Osy kezeń aralyǵynda 200-den astam spektakl qoıyldy. Kóptegen qoıylymdar negizi - adamdar taǵdyry, olardyń ósý óristeri, adamgershilik erikteri. Sahna sańlaqtary arasyndaǵy tanymal esimder qatarynda Leonıd Fomın, Lıýdmıla Shıpkova, Raısa Teleýova, Polına Savıtskaıa, Olga Pavlova, t.b. bar.
8 jyl buryn (2001) Oralda «051 - qutqarý qyzmeti» memlekettik mekemesi quryldy.
5 jyl buryn (2004) Aqtóbede «Kazahstanskaıa pravda» jáne «Egemen Qazaqstan» gazetteriniń kúni ótti. Qalalyq Oqýshylar saraıynda gazetter delegatsııasy qalanyń qaýymdastyǵymen kezdesý ótkizdi. Kezdesý dıalog túrinde órbidi. Elimizdiń basty gazetteriniń jýrnalısteri muǵalimderdiń, ardagerlerdiń, oqýshylardyń kóptegen suraqtaryna jaýap berdi, atap aıtqanda, nashaqorlyq, qylmyskerlik máselelerin jarııalaý jaıy kóterilip, sport jýrnalıstıkasyn damytý, t.b. máseleler áńgimege arqaý boldy. «Kazahstankaıa pravda» men «Egemen Qazaqstan» gazetteriniń jýrnalısteri Q.Jubanov atyndaǵy Aqtóbe memlekettik ýnıversıteti jýrnalıstıka fakýltetiniń stýdentteri úshin sheberlik sabaqtaryn ótkizip, ólketaný murajaıynda «dóńgelek ústel» uıymdastyrdy, «Shalqar» baspahanasynda, pedagogıkalyq ınstıtýtta, «Aqtóbemunaıgaz SNPS» AAQ-da bolyp, Alǵa, Muǵaljar, Hromtaý jáne Shalqar aýdandaryna bardy.
5 jyl buryn (2004) Qaraǵandy qalasynyń «Aıala» vokaldy-horeografııalyq ansambli Máskeýde ótken «Tolqyn ústinde» halyqaralyq horeografııalyq baıqaýynda birinshi oryndy jeńip aldy. «Aıala» ansambli Qaraǵandy ekonomıkalyq ýnıversıteti janynan qurylǵan. «Tolqyn ústinde» baıqaýyna TMD-nyń ár elderinen barlyǵy 47 óner ujymy men 450 ánshi qatysty.
3 jyl buryn (2006) Soltústik Qazaqstan oblysynda elimizde tuńǵysh ret Qazaqstan Respýblıkasy Keden organdary ardagerleri keńesiniń oblystyq fılıaly quryldy.
ESІMDER
60 jyl buryn (1949) jazýshy, dramatýrg, Qazaqstan jýrnalıster odaǵy Kákimjan Qazybaev atyndaǵy syılyǵynyń ıegeri ÁBDІKÁRІMOV Seıilǵazy dúnıege keldi.
Qytaı Halyq Respýblıkasynda týǵan.
1962 jyly ata jurty Qazaqstanǵa oralǵan.
Qazaq memlekettik ýnıversıtetin (qazirgi ál-Farabı atyndaǵy Qazaq ulttyq ýnıversıteti) bitirgen.
Mádenıet mınıstrliginiń repertýarlyq redaktsııalyq alqasynyń redaktory, «Qazaq ádebıeti» gazetiniń aǵa tilshisi, Qazaq teledıdarynyń kommentatory qyzmetterin atqarǵan.
«Aǵa serjant» atty eki bólimdi dramanyń, «Úreıli kúnder», «Kópe-kórneý», «Mazasyz tún», «Qandy qarymta» pesalary men «Beý, Qatıra-aı» degen bir aktili komedııanyń, «Beles, beles, belester», «Óner muraty» (E.Tólegenovpen birigip jazǵan) jınaqtardyń avtory.
40 jyl buryn (1969) «PetroKazakhstan International» kompanııasynyń qoǵam jáne úkimetpen baılanys jónindegi vıtse-prezıdenti ÁBDІQALYQOV Arman Aıdarhanuly dúnıege keldi.
Reseı Federatsııanyń Sankt-Peterbor qalasynda týǵan.
Almaty halyq sharýashylyǵy ınstıtýtyn bitirgen.
1991-1997 jyldary - jeke qurylys kompanııalarynda býhgalter, atqarýshy dırektory, «Qazkommertsbank» AQ-nyń ekonomısi, jetekshi ekonomısi, basqarma bastyǵynyń birinshi orynbasarynyń kómekshisi. 1997-2002 jyldary - «BDT Audit&Consulting» JShS-niń atqarýshy dırektory, «QazTransGaz» JAQ-nyń aktıvterdi basqarý departamentiniń dırektory, «Munaı men gaz kóligi» UK» JAQ-nyń korporatıvtik basqarý jáne ındıkatıvtik josparlaý departamenti dırektorynyń orynbasary. 2002-2003 jyldary - «QazMunaıGaz» UK» AQ-y ındıkatıvtik josparlaý jáne ekonomıkalyq taldaý departamenti dırektorynyń orynbasary, «QazMunaıGaz» UK» AQ-y bıýdjettendirý, ındıkatıvtik josparlaý jáne ekonomıkalyq taldaý departamentiniń bas menedjeri, «QazMunaıGaz» UK» AQ-y aktıvterdi basqarý departamenti dırektorynyń orynbasary. 2004-2007 jyldary - «QazMunaıGaz» UK» AQ-y aktıvterdi basqarý departamentiniń dırektory qyzmetterin atqarǵan. Qazirgi qyzmetinde - 2007 jyldan.
35 jyl buryn (1974) tanymal balýan, erkin kúresten halyqaralyq dárejedegi sport sheberi DEŃGELBAEV Berik Shalǵymbaıulydúnıege keldi.
Almaty oblysynyń Qaskeleń qalasynda týǵan.
1997-2000 jyldary birneshe márte respýblıka chempıony ataǵyn jeńip alǵan. Halyqaralyq balýandar básekelerinde de birneshe ret júldeli oryndardy ıelengen.
2000 jylǵy XIII Azııa oıyndaryna qatysqan.
