QazAqparat-Anons: 2011 jylǵy 27 qańtar men 30 qańtar aralyǵyndaǵy oqıǵalardyń kúntizbesi

ÚKІMET

27 qańtarda AstanadaIndýstrııa jáne jańa tehnologııalar mınıstrligi janyndaǵy Eksporttaýshylar keńesiniń kezekti otyrysy ótedi. Premer-Mınıstrdiń orynbasary - Indýstrııa jáne jańa tehnologııalar mınıstri Áset Isekeshevtiń tóraǵalyǵymen ótetin bul keńeske memlekettik organdardyń, ulttyq kompanııalardyń, bıznes-birlestikter men eksporttaýshy kásiporyndardyń ókilderi qatysady. Eksporttaýshylar keńesiniń májilisi Qytaı baǵytyndaǵy qazaqstandyq eksporttyq keńeıtý máselelerine arnalǵaly otyr.

PARLAMENT

27 qańtarda Senattyń kezekti otyrysy bolady.

28 qańtarda Astanada QR Parlamenti Senatynyń jáne Májilisiniń birlesken otyrysy ótedi

QAZAQSTAN JÁNE ÁLEM

Polshadaǵy «Eýro-2012» fýtboldan Eýropa chempıonatyna daıyndyqty júzege asyryp jatqan jergilikti uıymdastyrý komıteti jankúıerler arasynda «Bizdiń qurama úshin jankúıer bol - biz tarıhty birge jasaımyz» baıqaýyn jarııalady. Onyń jeńimpazdary «Eýro-2012 dostary» atanady. 2011 jyldyń 31 jeltoqsanyna deıin sozylatyn baıqaýǵa 16 jasqa tolǵan adamdar qatysa alady.

2011 jyldyń 1 qańtarynan bastap Keden odaǵynda tranzıt deklaratsııasy men taýarlar deklaratsııasynyń jańa formasy engizildi.

SPORT

12 qańtar men 30 qańtar aralyǵynda elimizdiń barlyq óńirinde Azııa oıyndarynyń alaý estafetasy ótýde.

27 qańtar men 6 aqpan aralyǵynda Túrkııanyń Erzýrým qalasynda ótetin HHV Búkilálemdik qysqy ýnıversıada oıyndaryna Qazaqstannan 42 sportshy qatysady.

30 qańtar kúni Astanadaǵy «Astana-Arena» stadıonynda Azıada oıyndarynyń ashylý saltanaty kezinde sharyqtaý alaý estafetasy óz máresine jetedi.

QOǴAM

17 qańtardan bastap Ulttyq bank, Qazaqstanda ótetin VII qysqy Azııalyq oıyndarǵa arnap, 2 000 teńge nomınaldy eskertkish banknottardy aınalymǵa shyǵarǵaly otyr.

ÁLEM

27 qańtar men 6 aqpan aralyǵynda Túrkııanyń Erzýrým qalasynda HHV Búkilálemdik qysqy ýnıversıada oıyndary ótedi. Olımpıada oıyndarynan keıingi eń mártebeli sport dodasy sanalatyn bul baıraqty básekege bıyl álemniń 57 elinen 3 myńnan astam sportshy qatyspaq. Eki jylda bir ret ótetin bul dúbirli dodaǵa Qazaqstan quramasy sporttyń - mánerlep syrǵanaý, snoýbord, shańǵy jarysy, frıstaıl men hokkeı (erler komandasy) sııaqty túrleri boıynsha qatysady. Delegatsııa quramyndaǵy 59 adamnyń 42-si sportshylar bolmaq. Ózgeleri bapkerler, dárigerler.

ASTANA

21-27 qańtar aralyǵynda Astana qalasynyń Almaty, Esil jáne Saryarqa aýdandarynyń ákimderi halyq aldynda esep beredi .

27 qańtarda Parlament Májilisinde «Nur Otan» partııasynyń janyndaǵy Áleýmettik keńestiń otyrysy ótedi. Onda jınaqtaýshy zeınetaqy júıesi týraly sóz bolady.

27 qańtarda Bas prokýratýrada brıfıng ótedi.

27 qańtarda QR Tuńǵysh Prezıdentiniń murajaıynda «Nur Otan» HDP Tóraǵasynyń Birinshi orynbasary N.Nyǵmatýllınniń qatysýymen Demokratııalyq kúshterdiń «Qazaqstan -2020» jalpyulttyq koalıtsııasynyń májilisi ótedi.

27 qańtarda Astana qalasyndaǵy balalar úıinde tábıelenýshilerge Azıadanyń ashylý saltanatyna bıletter tabys etý qaıyrymdylyq sharasy ótedi.

27 qańtarda Joǵarǵy sottyń Aqparattyq-tehnıkalyq ortalyǵynda Joǵarǵy sot sýdıasy A.Kúrikbaev «Menshikke qarsy qylmystar úshin qylmystyq jaýapkershilik» degen taqyrypta dáris oqıdy.

28 qańtarynda Qazaqstan Respýblıkasy Prezıdenttik mádenıet ortalyǵynyń kontsert zalynda brıtandyq saıasatker, jazýshy Djonatan Aıtkenniń «Nazarbaev jáne Qazaqstannyń jasampazdyǵy» kitabynyń tusaýkeseri ótedi.

27 qańtarda «Dýman» qonaqúıiniń aldyndaǵy muz qalashyǵynda Azıada oıyndaryna qatysýǵa kelgen KHDR jáne Tájikstan komandalaryn qarsy alý rásimi ótedi.

30 qańtar men 6 aqpan aralyǵynda Almaty men Astana qalalarynda 7-Qysqy Azııa oıyndary ótedi.

ALMATY

27 qańtarda «Nur Otan» partııasynyń keńsesinde Áleýmettik kıkiljińderdi qaraý jáne olardyń túıinin sheshý jónindegi qoǵamdyq keńestiń otyrysy ótedi.

27 qańtarda Qazaqtyń ál-Farabı atyndaǵy Ulttyq ýnıversıtetiniń Stýdentter saraıynda «El tilegi -Elbasy» degen taqyrypta «dóńgelek ústel» otyrysy bolady.

27 qańtarda Almaty ákimdiginde Azıadanyń Alaý estafetasynyń alaýgerlerine sertıfıkattar tabys etý rásimi ótedi.

Almatyda 7-Qysqy Azııa oıyndarynyń «Mádenı Azıada» baǵdarlamasy aıasynda 28 qańtar men 15 aqpan aralyǵynda «Táńiri-Umaı» galereıasynda tanymal qazaqstandyq sýretshi Almagúl Meńlibaevanyń «Saǵan degen meniń Jibek jolym» atty jeke kórmesi ótedi.

30 qańtar men 6 aqpan aralyǵynda Almaty men Astana qalalarynda 7-Qysqy Azııa oıyndary ótedi.

ELEÝLІ OQIǴALAR. ATAÝLY KÚNDER. ESІMDER.

QAŃTARDYŃ 27-І, BEISENBІ

Halyqaralyq Holokost qurbandaryn eske alý kúni. 2005-inshi jylǵy qarashanyń 1-inde BUU Bas Assambleıasy 60/7 qararyn qabyldap, jyl saıyn qańtardyń 27-si Halyqaralyq Holokost qurbandaryn eske alý kúni bolyp atap ótýge qaýly qabyldady. Qarashanyń 27-si tańdap alynýynyń sebebi, 1945-inshi jylǵy naq osy kúni Keńes Armııasy iri natsıstik Osventsım-Bırkenaý (Polsha) ólim lagerin azat etken bolatyn. Bul kontslager jumys istep turǵan ýaqytta munda 1,5 mıllıonnan 2,2 mıllıon adamǵa deıin qaza tapqan, deıdi ártúrli derek kózderi.

Reseı áskerı dańq kúni - Lenıngradtyń qorshaýdan bosaǵan kúni. 1944 jyly lenıngradtyqtar nemis-fashısterdiń 900 kúndik qorshaýyna asqan erlikpen tótep berdi. Jyr alyby Jambyl óziniń «Lenıngradtyq órenderim» óleńimen qorshaýdaǵylardyń rýhyn kóterdi. Dál osy kúni Lenıngrad qalasy jaýdan azat etildi.

OQIǴALAR

5 jyl buryn (2006) Qaraǵandyda Qajylar odaǵy quryldy. Ortalyq meshitte ótken jınalys barysynda birigý týraly sheshim qabyldandy. Negizgi maqsattary - sharıǵatty ımamdarǵa túsindirýde kómek kórsetý.

1 jyl buryn (2010) Máskeýde Dańqty qolbasshy, Keńes Odaǵynyń Batyry, jazýshy Baýyrjan Momyshulynyń 100 jyldyq mereıtoıyna oraılastyrylǵan «Ańyz batyr» («Legendarnyı batyr») atty jınaǵy jaryq kórdi.

Qazaq jáne orys tilinde shyǵarylǵan jınaqqa halyq batyry Baýyrjan týraly qazaq jazýshylary Sherhan Murtaza, Eleı Álimjanov, Muqamedjan Katımhannyń eske túsirý shyǵarmalary, jáne Máskeýdiń muraǵattarynda saqtalǵan buryn jarııalanbaǵan Baýyrjan Momyshulynyń kúndelikteri kirdi.

1 jyl buryn (2010) Qazaqstan Respýblıkasynyń Syrtqy ister mınıstrliginde Birikken Ulttar Uıymynyń 2010-2015 jyldardy qamtıtyn ıÝNDAF baǵdarlamasynnyń tanystyrylymy ótti. Baǵdarlamanyń tanystyrylý rásimine memlekettik organdar men Parlament ókilderi jáne BUU-nyń agenttikteriniń qyzmetkerleri qatysty.

2010-2015 jyldardy qamtıtyn ıÝNDAF baǵdarlamasynyń maqsaty - Qazaqstan Úkimeti men BUU-y basty úsh strategııalyq baǵyt boıynsha birlesip qımyldamaq. Úsh baǵytyń birinshisi azmattardyń ekonomıkalyq-áleýmettik baqýattylyǵyn qamtýǵa baǵyttalsa, ekinshi baǵyt tıimdi memlekettik basqarý sharalaryna qatysty. Al úshinshi baǵyt qorshaǵan ortany qorǵaý salasymen baılanysty bolyp otyr.

1 jyl buryn (2010) Almatyda Qaıyrymdylyq qorlar qaýymdastyǵynyń kezekti otyrysynyń sheńberinde «Qazaqstandaǵy qaıyrymdylyq» - blagovkz.org. atty ulttyq aqparattyq portaldyń tanystyrylymy boldy. Saıt Qazaqstan Respýblıkasy Tuńǵysh Prezıdenti Qorynyń qarjylaı qoldaýmen quryldy.

Jobanyń maqsaty - azamattar men uıymdardyń tıimdi kommýnıkatsııalary úshin platformalar qurý, elimizdegi qaıyrymdylyq qyzmetke tartý, qaıyrymdyq uıymdarmen jáne bastaýshy toptardyń tıimdiligin arttyrý, qaıyrymdylyq ınstıtýttarǵa azamattyq qatysýlardyń mádenıetin damytý jáne qoldaý, Qazaqstannyń qaıyrymdylyq ómirine turǵyndardyń belsendi qatysýyna aqparattyq sharttar qurý.

Qaıyrymdylyq qorlar qaýymdastyǵy qaıyrymdylyq jobalardy iske asyratyn 12 kommertsııalyq emes uıymdardy biriktiredi.

ESІMDER

55 jyl buryn (1956)- «BCC Invest» aktsıonerlik qoǵamy - «Bank TsentrKredıt» Aktsıonerlik qoǵamy enshiles uıymy basqarma tóraǵasynyń orynbasary, ekonomıka ǵylymynyń kandıdaty KYShPANAKOV Vıktor Alekseevıch dúnıege keldi.

Hakasııanyń Abakan qalasynda týǵan. M.V.Lomonosov atyndaǵy Máskeý memlekettik ýnıversıtetin, KSRO Ǵylym akademııasy Ekonomıka ınstıtýtynyń aspırantýrasyn bitirgen.

1989-1990 jyldary - Qazaq KSR Memlekettik qurylys Syrtqy ekonomıkalyq baılanys basqarmasy bastyǵynyń orynbasary. 1990-1991 jyldary - «Qazaqstan-Kommertsııa» syrtqy ekonomıkalyq agenttigi bas dırektorynyń orynbasary, qarjy dırektory. 1991-1997 jyldary - «Alem Bank Kazakhstan» bóliminiń bastyǵy, basqarmasynyń bastyǵy, aktıvterdi basqarý jónindegi departamentiniń dırektory. 1997-1998 jyldary - «Kazahstanskıı ınternatsıonalnyı bank» AAQ-y Qazynashylyq basqarmasynyń bastyǵy. 1998-2003 jyldary - «Kazahstanskıı ınternatsıonalnyı bank» AAQ basqarmasy tóraǵasynyń orynbasary, tóraǵasy mindetin atqarýshy, tóraǵasy. «KIB Asset Management Ltd.» kompanııasynyń atqarýshy dırektory qyzmetterin atqarǵan.

Qazirgi ýaqytta «BCC Invest» aktsıonerlik qoǵamy - «Bank TsentrKredıt» Aktsıonerlik qoǵamy enshiles uıymy basqarma tóraǵasynyń orynbasary qyzmetin atqarady.

QAŃTARDYŃ 28-І, JUMA

ıAdrolyq qarýǵa qarsy jumylýdyń halyqaralyq kúni. 1985 jyly Úndistan, Argentına, Grekııa, Meksıka, Tanzanııa jáne Shvetsııanyń memleket jáne úkimet basshylarynyń Delıde ótken kezdesýinde Delı deklaratsııasy qabyldandy. Onda ıadrolyq qarýy bar iri memleketterdi, basqa da elderdiń parlamentteri men úkimetterin ıadrolyq qarýdy kóbeıtý isine qarsylyq bildirýge shaqyrdy.

OQIǴALAR

3 jyl buryn (2008) Pavlodarda jýrnalıstıka ardargeri ıÝrıı Kovhaevtyń «Krýshenıe mıfov» atty kitaby jaryq kórdi. Onyń betterinde - avtordyń kórkemdik prozasy jáne qazirgi zamannyń ekonomıkalyq, áleýmettik jáne moraldyq jaqtaryn qozǵaıtyn pýblıstsıstıkalyq maqalalar. ıÝ.Kovhaevty qala turǵyndary kóp jyldar boıy oblystyq gazete qyzmet atqarǵan jýrnalıst, povest jáne áńgimelerdiń avtory, teatraldyq retsenzent retinde tanıdy.

ESІMDER

50 jyl buryn (1961) Qaraǵandy oblysy Ulytaý aýdandyq bilim, dene shynyqtyrý jáne sport bóliminiń bastyǵy QOJAHMETOV Manarbek Sultanbekuly dúnıege keldi. Jezqazǵan oblysy (Qaraǵandy oblysy) Jezdi aýdanda týǵan. E.Bóketov atyndaǵy Qaraǵandy memlekettik ýnıversıtetiniń qazaq tili jáne ádebıeti fakýltetin bitirgen. 1982-1984 jyldary - Jezdi aýdany Jetiqońyr orta mektebiniń muǵalimi, mektep dırektorynyń tárbıe isi jónindegi orynbasary. 1984-1986 jyldary - KPKO HHVІІ sezd atyndaǵy keńshardyń komsomol komıtetiniń hatshysy. 1986-1991 jyldary - Qazaqstan Kompartııasy Jezdi aýdandyq komıtetiniń úgit jáne nasıhat bóliminiń nusqaýshysy, Jezdi aýdandyq atqarý komıteti Halyq depýtatary keńesiniń uıymdastyrý jáne turaqty komıssııalar jónindegi bólimniń meńgerýshisi, Baıqońyr keńsharynyń partııa komıtetiniń hatshysy. 1991-1992 jyldary - Jankeldi keńshary dırektorynyń memleket ıeliginen alý jáne jekeleshendirý jónindegi orynbasary, Jezdi aýdany ákiminiń kómekshi-keńesshisi. 1992-1999 jyldary - Jezqazǵan oblystyq eńbek bas basqarmasy Jezdi aýdandyq eńbek bırjasynyń, jumyspen qamtý ortalyǵynyń dırektory, Jezdi aýdandyq eńbek jáne halyqty áleýmettik qorǵaý basqarmasynyń bastyǵy, Ulytaý aýdandyq jumyspen qamtý ortalyǵynyń bólim meńgerýshisi, dırektory. 2000-2005 jyldary - Ulytaý aýdany ákimi apparatynyń ishki saıasat bóliminiń meńgerýshisi, Ulytaý aýdandyq bilim bóliminiń meńgerýshisi. 2005-2006 jyldary - Qaraǵandy oblysy Jezqazǵan qalasynyń bilim, dene shynyqtyrý jáne sport bóliminiń bastyǵy. 2006-2008 jyldary -Qaraǵandy oblysy Ulytaý aýdany ákiminiń orynbasary qyzmetterin atqarǵan. 2008 jyldan bastap - qazirgi qyzmetinde.

45 jyl buryn (1966) Astana qalasy «Almaty» aýdany ákiminiń orynbasary AIMANBETOV Máýlen Zarlyquly dúnıege keldi.

Óskemen jol qurylysy ınstıtýtyn, Turar Rysqulov atyndaǵy Qazaq ekonomıkalyq ýnıversıtetin, Qazaq Ulttyq agrarlyq ýnıversıtetin bitirgen. 1990-1992 jyldary - «Almatagorstroı» qurylys montaj basqarmasynyń sheberi, «Almatagorstroı» qurylys montaj basqarmasynyń proraby, «Almatagorstroı» qurylys montaj basqarmasy bastyǵynyń orynbasary. 1992-1996 jyldary - «Aıymbet ı K» kásipornynyń bas dırektory. 1996-2000 jyldary - «AgroAvıaServıs» JShS-niń bas dırektory. 2000-2006 jyldary - Qazaqstan Respýblıkasy Aýyl sharýashylyǵy Mınıstrliginiń «Fıtosanıtarııa» respýblıkalyq memlekettik kásipornynyń bas dırektory, «Ǵasyr joldary» kompanııasynyń bas dırektory. 2006-2007jyldary - « Qazaqstan Respýblıkasy Prezıdent basqarmasy kólik sharýashylyǵy» respýblıkalyq memlekettik kásipornynyń ekonomıka boıynsha dırektordyń orynbasary, Qazaqstan Respýblıkasy Prezıdent Іsteri basqarmasy «Býrabaı» Memlekettik Tabıǵat saıabaǵy kúrdeli qarjylar boıynsha dırektorynyń orynbasary. 2007-2008 jyldary - Qazaqstan Respýblıkasy Prezıdent isteri Basqarmasynyń qarasty mekemelerdi basqarý bólimi meńgerýshisiniń orynbasary mindetin atqarýshy, Qazaqstan Respýblıkasy Prezıdentiniń ister Basqarmasynyń qarasty mekemelerdi basqarý bólimi meńgerýshisiniń orynbasary qyzmetterin atqarǵan.

2008 jyldyń mamyrynan - qazirgi qyzmetinde.

40 jyl buryn (1971) Qazaqstan Respýblıkasy Prezıdenti Ákimshiligi Basshysynyń orynbasary, saıasattaný ǵylymynyń kandıdaty ÁShІMBAEV Máýlen Saǵathanuly dúnıege keldi.

Almaty qalasynda týǵan. Qazaq memlekettik ýnıversıtetin ( Ál-Farabı atyndaǵy Qazaq ulttyq ýnıversıteti) bitirgen.

1993-1994 jyldary - Qazaqstan Respýblıkasy Baspa jáne buqaralyq aqparat mınıstrligi Baspa isin damytý jónindegi qorynyń bas mamany, atqarýshy dırektorynyń orynbasary. 1994-1995 jyldary - Qazaqstan Respýblıkasy Joǵarǵy Keńesiniń depýtaty D.Nurahmettiń kómekshisi, Qazaqstan Respýblıkasy Qaýipsizdik keńesiniń konsýltanty. 1995-1999 jyldary - Qazaqstan Respýblıkasy Prezıdenti Ákimshiliginiń Taldaý jáne strategııalyq zertteýler ortalyǵy sektorynyń aǵa sarapshysy, meńgerýshisi, ortalyq jetekshisiniń birinshi orynbasary. 1999-2002 jyldary - Qazaqstan Respýblıkasy Qaýipsizdik keńesi Taldaý ortalyǵynyń meńgerýshisi. 2000 jyldyń mamyrynan Qazaqstan Respýblıkasy Prezıdenti janyndaǵy Qazaqstandyq strategııalyq zertteýler ınstıtýtynyń dırektory. 2004-2005 jyldary - Qazaqstan Respýblıkasy tuńǵysh Prezıdenti qory janyndaǵy Álemdik ekonomıka jáne saıasat ınstıtýtynyń dırektory. 2005-2006 jyldary - Qazaqstan Respýblıkasy SІM janyndaǵy Syrtqy saıasat jónindegi konsýltatıvtik keńes tóraǵasynyń orynbasary, Qazaqstan Respýblıkasy Qaýipsizdik Keńesi hatshysynyń orynbasary qyzmetterin atqarǵan. «Habar» Agenttigi» AQ Dırektorlar keńesiniń tóraǵasy. «Analytic» jáne «Qazaqstan-Spektr» jýrnaldarynyń shef-redaktory. Qazirgi qyzmetinde 2006 jyldan bastap isteıdi. Birneshe kitaptyń avtory.

«Qurmet» ordenimen, «Astanaǵa 10 jyl» mereıtoılyq medalimen jáne Qazaqstan Respýblıkasynyń Qurmet gramotasymen marapattalǵan.

35 jyl buryn (1976) «Temirbank» aktsıonerlik qoǵamy - «BTA» aktsıonerlik qoǵamy enshilis uıymynyń basqarma múshesi, atqarýshy dırektory QUSAIYNOV Erulan Aıtashuly dúnıege keldi. Qaraǵandy qalasynda týǵan. Ómirhan Baıqońyrov atyndaǵy Jezqazǵan ýnıversıtetin, Qazaq memlekettik basqarý akademııasyn bitirgen.

2005-2009 jyldary Halyqaralyq Bıznes akademııasynda oqyǵan. 1995-2006 jyldary Jezqazǵan, Astana qalalaryndaǵy «Tsvetmetbank» AAQ aktsıonerlik bankinde, «Bank TsentrKredıt»AAQ fılıalynda, «Bank TuranÁlem» AAQ fılıalynda ár túrli laýazymdarda bolyp, «Kaspıı banki» AQ fılıalynyń dırektory, «Kaspıı banki» AQ Soltústik Dırektsııasynyń jetekshisi qyzmetterin atqarǵan. 2006 jyldan «Temirbank» aktsıonerlik qoǵamynda qyzmet atqarýda.

QAŃTARDYŃ 29-Y, SENBІ

OQIǴALAR

1 jyl buryn (2010) Pavlodarda «Urpaǵym, saǵan arnalady» («Tebe, tovarış potomok») degen atpen jańa kitap jaryq kórdi.

Onyń avtory, Uly Otan soǵysynyń ardageri, oblystyq ólketaný murajaıynyń burynǵy dırektory Mıhaıl Gapon, kitap betterinde ataqty pavlodarlyqtardyń - Keńes Odaǵy batyrlarynyń, Dańq ordeniniń tolyq ıegerleriniń, ómirbaıandary jarııalanyp otyr. Avtor sondaı-aq, Aleksandr Nevskıı ordenimen marapattalǵan jerlesteri týraly da áńgimeleıdi.

Basylymnyń betinde Aýǵanstanda jaýyngerlik boryshyn óteý kezinde qaza tapqan ınternatsıonal-jaýyngerlerdiń esimderi de bar. Oǵan qosa, 1941 jyly Máskeýde ótken Jeńis Sherýine qatysqan pavlodarlyqtardyń tolyq esimderi alǵash jarııalanyp otyr. Jáne Jeńistiń 60 jyldyǵyna oraı Astanada ótken paradqa qatysýshylardyń esimderi de basylǵan.

«Urpaǵym, saǵan arnalady» kitaby - Mıhaıl Gaponnyń jerlesteri men qarýlastaryna arnaǵan ekinshi kitaby. «Olardyń esimi máńgi umytylmaıdy» («Ih ımena ývekovecheny») dep atalatyn alǵashqy kitaby 2001 jyly jaryq kórgen bolatyn.

ESІMDER

75 jyl buryn (1936-1999) jazýshy, Qazaq KSR-iniń eńbek sińirgen mádenıet qyzmetkeri SÚNDETOV Maǵzom dúnıege keldi.

Atyraý oblysynda týǵan. Qazaq memlekettik ýnıversıtetiniń jýrnalıstıka bólimin bitirgen. «Jazýshy» baspasynyń redaktory, aǵa redaktory, bólim meńgerýshisi bolyp istegen. 1990-1996 jyldary «Ana tili» baspasynyń bas redaktory bolǵan. Tuńǵysh áńgimeler jınaǵy 1961 jyly «Jol aıryǵy» degen atpen jaryq kórgen. «Balyq aýlaı barǵanda» áńgimeleri, «Kútemin seni, Dıdar», «Ot ishindegi adam» povesteri, «Úzeńgi joldas», «Qumdaǵy aýyl», «Eliktiń laǵy» povester men áńgimeleri, «Eskeksiz qaıyq», «Qyzyl aı» romandary, t.b. shyǵarmalary jaryq kórgen. Jazýshynyń kóptegen týyndylary nemis, cheh, vengr, ıýgoslav, t.b. tilderge aýdarylǵan.

«Eńbektegi erligi úshin» medalimen, Qazaq KSR Joǵarǵy Keńesiniń Qurmet gramotasymen marapattalǵan.

45 jyl buryn (1966) jazýshy, satırık, «Aıqyn» gazeti bas redaktorynyń orynbasary, Balǵabek Qydyrbekuly atyndaǵy syılyqtyń tuńǵysh ıegeri ÁBDІRAMAN Ermahan Shaıhyuly dúnıege keldi. Túrkistan qalasynda týǵan.

Ál-Farabı atyndaǵy Qazaq Ulttyq ýnıversıtetin bitirgen.

1986-1988 jyldary - Túrkistan qalasyndaǵy «Qaıta qalpyna keltirý» sheberhanasynyń jumysshysy, 1991-1992 jyldary «Qazaq ýnıversıteti» (qazirgi «Sanat») baspasynyń redaktory. 1993-1995 jyldary - «Túrkistan» gazetiniń mádenıet bóliminiń meńgerýshisi, Túrkistan qalalyq ákimshiligi ishki saıasat bóliminiń bas mamany, «Túrkistan» tynysy» telearnasynyń dırektory, 1995-1996 jyldary «Turan» telearnasynyń redaktor-rejıssery, 1996-1999 jyldary - Túrkistan qalalyq mádenıet bóliminiń rejısser-stsenarısti, 1999-2006 jyldary - Ál-Farabı atyndaǵy Qazaqtyń Ulttyq ýnıversıtetiniń oqytýshysy. 2000-2001 jyldary - «Bıkesh» respýblıkalyq qyz-kelinshekterge arnalǵan gazettiń bas redaktory, 2001-2007 jyldary - «Aıqyn» gazetiniń tilshisi, «Dala men qala» gazeti bas redaktorynyń orynbasary, «50 de 50» gazetiniń bas redaktory, 2007-2009 jyldary - «Aıqyn» gazetiniń jaýapty hatshysy qyzmetterin atqarǵan. 2009 jyldan - qazirgi qyzmetinde. «Qazaqstan» Ulttyq telearnasynda qaıta ashylǵan «Qymyzhana» ázil-ospaq otaýynyń stsenarılerin jazǵan.

«Aýyz tıe otyryńyz», «Bir túrli kitap», « Kúıeý keltir, qyz uzat, toıyńdy qyl», «Qazirgi qazaq satırasy», «Mynaýyń jyndy eken» atty kómekshi oqý quralynyń avtory.

35 jyl buryn (1976) Qazaqstan Respýblıkasynyń Reseı Federatsııasyndaǵy elshiliginiń keńesshisi IBRAI Talǵat Qarekeuly dúnıege ýkeldi.

Almaty qalasynda týǵan. Abaı atyndaǵy Almaty memlekettik ýnıversıtetin, Reın-Vestfalııa tehnıkalyq joǵary mektebin (Germanııa) bitirgen.

1996-1998 jyldary -«31 kanal Teleradıokompanııasy» aktsıonerlik qoǵamynda jumys istep, 1998-2001 jyldary - Reın-Vestfalııa tehnıkalyq joǵary mektebinde «Bolashaq» baǵdarlamasy boıynsha oqyǵan. 2001-2003 jyldary - Qazaqstan Respýblıkasy Memlekettik qyzmet isteri agenttiginiń bas mamany, bólim bastyǵynyń mindetin atqarýshy, bólim bastyǵy, Qazaqstan Respýblıkasy Memlekettik qyzmet isteri agenttigi tóraǵasy keńesshisiniń mindetin atqarýshy, tóraǵa keńesshisi. 2003-2005 jyldary - Qazaqstan Respýblıkasy Іshki ister mınıstrligi Halyqaralyq yntymaqtastyq basqarmasynyń bastyǵy, polıtsııa maıory. 2005-2008 jyldary - Qazaqstan Respýblıkasy Memlekettik qyzmet isteri agenttigi kadrlarmen qamtamysz etý departamenti dırektorynyń orynbasary, Qazaqstan Respýblıkasy Prezıdenti Ákimshiliginiń Áleýmettik-ekonomıkalyq taldaý bólim sektorynyń meńgerýshisi. 2008-2009 jyldary - Qazaqstan Respýblıkasynyń Ózbekstandaǵy elshiliginiń keńesshisi qyzmetterin atqarǵan. 2009 jyldan bastap - qazirgi qyzmetinde.

«Qazaqstan Respýblıkasynyń Konstıtýtsııasyna 10 jyl» mereıtoılyq medalimen marapattalǵan.

35 jyl buryn (1976) Ońtústik Qazaqstan oblysy ákiminiń birinshi orynbasary OSPANOV Berik Serikuly dúnıege kelgen Almaty oblysynda týǵan. Qazaq memlekettik agrarlyq ýnıversıtetin, Ortalyq Azııa ýnıversıtetin, Qazaq ekonomıka jáne agroónerkásip keshenin uıymdastyrý ǵylymı-zertteý ınstıtýtyn, aspırantýrany, doktorantýrany bitirgen. Ekonomıka ǵylymdarynyń doktory.

1997-2002 jyldary - Qazaq qoı sharýashylyǵy ǵylymı-zertteý tehnologııalyq ınstıtýtynyń Myńbaev atyndaǵy tájirıbe sharýashylyǵynyń ekonomısi, Qazaq ekonomıka jáne agroónerkásip keshenin uıymdastyrý ǵylymı-zertteý ınstıtýty aǵa ǵylymı qyzmetkeri, bólim meńgerýshisi, Qazaqstan Respýblıkasy Aýyl sharýashylyǵy mınıstrliginiń Agroónerkásip keshenin jáne aýyldyq aýmaqtardy damytý strategııasy departamentiniń bólim bastyǵy.

2002-2004 jyldary - Agroónerkásip kesheniniń ekonomıkasy jáne aýyldyq aýmaqtardy damytý ǵylymı-zertteý ınstıtýty dırektorynyń ǵylym jónindegi orynbasary, Qazaqstan Respýblıkasy Aýyl sharýashylyǵy mınıstrliginiń Agroónerkásip keshenin damytý strategııasy departamentiniń dırektory.

2004-2009 jyldary - Qazaqstan Respýblıkasy Aýyl sharýashylyǵy mınıstrligi «QazAgroInnovatsııa» aktsıonerlik qoǵamynyń prezıdenti qyzmetterin atqarǵan.

2009 jyldan bastap - qazirgi qyzmetinde.

QAŃTARDYŃ 30-Y, JEKSENBІ

Búkildúnıejúzilik alapes aýrýymen aýyratyn adamdarǵa kómek kórsetý kúni. 1954 jyldan qańtardyń sońǵy jeksenbisinde atalyp ótiledi.

OQIǴALAR

35 jyl buryn (1976) Bozashy bóliginiń soltústik eńisinde ornalasqan Qalamqas munaı-gaz ken orny 1976 jyly ashylǵan. 1976 jyly BA-15N jeńil ózi júretin burǵylaý stanogy qatty aıazda Qalamqas ústirtiniń soltústik qanatyna jetkizildi (burǵylama sheberi A.Volochev). 1976 jylǵy qańtardyń 30-ynda K-1 skvajınasynan 587 metrlik tereńdikten gaz shyqty. 1979 jylǵy tamzdyń 23-inde ónerkásiptik munaı-gaz shyǵaryla bastaldy, al 1980 jyldyń qańtarynda Qalamqas munaıynyń birinshi tankeri Bakýge jiberildi. 2005 jylǵy maýsymnyń 6-ynda «Qalamqasmunaıgaz» ken ornynyń ónerkásiptik basqarmasy júz mıllıon tonna munaı shyǵardy.

5 jyl buryn (2006) Almaty qalasyndaǵy «Ana tili» baspasynan Keńes Odaǵynyń Batyry, KSRO Pedagogıka Ǵylymdary Akademııasynyń akademıgi, qazaq aýyz ádebıetiniń úlken zertteýshisi Málik Ǵabdýllınniń «Altyn juldyz» atty estelik kitaby jaryq kórdi.

Bul jınaqqa qaharman ǵalymnyń áskerı shyǵarmalary toptastyrylǵan. Atalǵan jınaqty qurastyryp, alǵy sózin fılologııa ǵylymdarynyń doktory, professor Serik Negımov jazǵan. Sonymen qatar osy baspadan Serik Negımovtyń «Qazaqtyń sal-serileri» atty jańa kitaby oqyrmandarmen qaýyshty. Ǵalymnyń atalǵan zertteý eńbegine Segiz Seri, Aqan Seri, Birjan Sal syndy qazaqtyń belgili tulǵalarynyń ómiri men shyǵarmalary engizilgen.

3 jyl buryn (2008) Shoqan Ýálıhanov atyndaǵy Kókshetaý memlekettik ýnıversıtetine Eýropalyq bıznes qaýymdastyǵynyń «Eýropalyq sapa» atty Halyqaralyq syılyǵy tapsyryldy. Sonymen qatar, atalǵan oqý ornynyń rektory belgili ǵalym-túrkitanýshy Shákir Ibraev Eýropadaǵy yqpaldastyqty damytýǵa qosqan úlesi úshin «Birikken Eýropa» atty halyqaralyq syılyqty birinshi ret aldy.

3 jyl buryn (2008) Aqordada Memleket Basshysy Nursultan Nazarbaevqa «Býrabaı» kýrorttyq aýmaǵyn damytý jobasy tanystyryldy. «BF Global» túrik kompanııasy jasaǵan joba Şýche kóliniń jaǵasynda álemdik deńgeıdegi týrıstik-oıyn-saýyq keshenin qurýdy qarastyrady. Onda qazirgi zamanǵy talaptarǵa saı 3700 nómirlik 9 qonaq úı salý josparlanyp otyr. Sondaı-aq, jalpy aýdany 21 myń sharshy metrden asatyn oıyn-saýyq jáne saýda ortalyqtary salynady. Keshenge birneshe kazıno, 700-den astam jeke menshik kottedjder men 1620 páterlik 4-5 qabattan turatyn turǵyn úıler kiredi. Jobany júzege asyrý «Býrabaı» kýrorttyq aýmaǵyn tanymal jazǵy jáne qysqy demalys orny retinde damytýdy kózdeıdi. Golf-klýbtar, at-sport ortalyǵy, shyńǵa órmeleýge arnalǵan ýchaskeler osynda álemniń túpkir-túpkirinen týrısterdi tartady. Qysta demalýdy súıetinder úshin onda muz aıdyndary, shańǵy jolbaǵyttary men osy zamanǵy kótergishteri bar taý shańǵysy joldary uıymdastyrylady. Jobany 5 kezeńge bólip, 12 jylda júzege asyrý josparlanyp otyr. Prezıdent jobany jasaýshylarǵa kýrorttyq aımaqtyń kólik ınfraqurylymyn salý qajettigin eskertti. Elbasy «Býrabaı» kýrorttyq aýmaǵy Qazaqstannyń injý-marjany ekendigin atap ótti. Ormandardy qoldan kelgenshe saqtap, shabylǵan aǵashtardyń aýmaǵyn qalpyna keltirý qajet.

ESІMDER

55 jyl buryn (1956) tarıh ǵylymynyń doktory, professor, Ál-Farabı atyndaǵy Qazaq ulttyq ýnıversıteti Qazaqstan Respýblıkasynyń tarıhy kafedrasynyń meńgerýshisi ALTAEV Asqar Shaýqatuly dúnıege keldi.

Almaty qalasynda týǵan. S.M.Kırov atyndaǵy Qazaq memlekettik ýnıversıtetin (qazirgi ál-Farabı atyndaǵy Qazaq ulttyq ýnıversıteti) bitirgen.

1979-1980 jyldary - Qazaq KSR Ǵylym akademııasy tarıh, arheologııa jáne etnografııa ınstıtýtynyń laboranty. 1980-1981 jyldary - KSRO Ǵylym akademııasy KSRO tarıh ınstıtýtynyń stajer-zertteýshisi. 1981-1999 jyldary - Qazaqstan Respýblıkasy Ǵylym akademııasy Tarıh, arheologııa jáne etnografııa ınstıtýtynyń kishi ǵylymı qyzmetkeri, ǵylymı qyzmetkeri, aǵa ǵylymı qyzmetkeri, aspıranty, aǵa ǵylymı qyzmetkeri, bólim meńgerýshisi. 1999-2008 jyldary - Abaı atyndaǵy Qazaq ulttyq pedagogıkalyq ýnıversıteti jalpy tarıh kafedrasynyń meńgerýshisi, ál-Farabı atyndaǵy Qazaq ulttyq ýnıversıtetiniń fakýltet dekany qyzmetterin atqarǵan. 2008 jyldan - qazirgi qyzmetinde.

«Sotsıalnoe razvıtıe rabochıh Karagandınskogo ýgolnogo basseına v 1970-1980-e gg.», «Sotsıalnoe razvıtıe rabochıh promyshlennostı Kazahstana» kitaptarynyń avtory.

50 jyl buryn (1961) Pavlodar oblysy Maı aýdanynyń ákimi PІShENBAEV Nyǵman Qudaıbergenuly dúnıege keldi. Pavlodar oblysy Maı aýdanynda týǵan. Semeı zooveterınarlyq ınstıtýtyn, Sultanmahmut Toraıǵyrov atyndaǵy Pavlodar memlekettik ýnıversıtetin bitirgen. 1983-1984 jyldary - Semeı oblystyq aýyl sharýashylyǵy basqarmasynyń mal dárigeri. 1984-1991 jyldary - Pavlodar oblysy Maı aýdany stantsııasynyń mal dárigeri, Maı aýdany «Belogor» keńsharynda bas mal dárigeri. 1991-1997 jyldary -Pavlodar oblysy Maı aýdany «Qyzyl-Qurama» keńsharynyń dırektory, Pavlodar oblysy Maı aýdanynyń ákimniń birinshi orynbasary - AÓK-niń departament bastyǵy, 1997-2000 jyldary - Pavlodar oblysy veterınarııa komıtetiniń jetekshi mamany, Pavlodar aýdany ákimniń birinshi orynbasary - Pavlodar oblysynyń Pavlodar aýdanynyń aýyl sharýashylyǵy basqarmasynyń bastyǵy. 2000-2009 jyldary - Pavlodar oblysy Aqtoǵaı aýdanynyń ákimi. 2009-2010 jyldary Pavlodar oblysy ákiminiń keńesshisi qyzmetterin atqarǵan.

2010 jyldyń naýryz aıynan - qazirgi qyzmetinde.