QazAqparat-Anons: 2011 jylǵy 25 aqpan men 27 aqpan aralyǵyndaǵy oqıǵalardyń kúntizbesi

ÚKІMET

25 aqpanda «Astanalyq» bıznes-ortalyǵynda QR Densaýlyq saqtaý mınıstri Salıdat Qaıyrbekovanyń qatysýymen «QR Prezıdenti N.Nazarbaevtyń Qazaqstan halqyna arnaǵan Joldaýyndaǵy negizgi baǵyttar» taqyrybynda on-laın jelidegi konferentsııa ótedi.

25 aqpan kúni Astanadaǵa «Rıksos» qonaq úıinde Keden odaǵy men Biryńǵaı ekonomıkalyq keńistik qurý máseleleri jónindegi halyqaralyq konferentsııa ótedi.

25 aqpanda QR Joǵarǵy sotynda «Sot bıliginiń táýelsizdigi: halyqaralyq tájirıbe» atty halyqaralyq ǵylymı-tájirıbelik koferentsııa ótedi.

PARLAMENT

25 aqpan kúni Parlament Senatynyń plenarlyq otyrysy ótedi.

SYRTQY SAıASAT

24-25 aqpan kúnderi Avstrııanyń Hofbýrg saraıynda Eýropadaǵy Qaýipsizdik jáne yntymaqtastyq uıymynyń Parlamenttik Assambleıasy ótedi. Qazaqstan delegatsııasynyń jumysyn EQYU Parlamenttik Assmambleıasynyń vıtse-prezıdenti, QR Parlament Senatynyń tóraǵasy Qasym-Jomart Toqaev basqarady.

SPORT

25 aqpan kúni Bakýde ótip jatqan fýtzaldan Eýropa chempıonaty irikteý kezeńiniń ekinshi kúninde Qazaqstan quramasy men Ispanııa quramasy kezdesedi. Eýropa chempıonatyna barlyǵy 6 topqa bólingen 24 komanda qatysyp jatyr.

21 aqpan kúni Astanada Qazaqstannyń tennısten qysqy chempıonaty bastaldy. Jarystar 26 aqpanǵa deıin Ulttyq tennıs ortalyǵynda ótetin bolady.

ASTANA

25 aqpanda «Ana men bala» ortalyǵynda densaýlyq saqtaý salasynda Belgııa Koroldigimen yntymaqtastyq ornatý jónindegi Birlesken úılestirý keńesiniń 2-shi otyrysy ótedi.

25 aqpan kúni «Dıplomat» qonaq úıinde «Qazaqstannyń aımaqtyq jekemenshik (táýelsiz) telearnalary. Bolǵan. Bar. Bolady» taqyrybynda dóńgelek ústel ótedi.

25 aqpanda Astanadaǵy «King Hotel Astana» qonaq úıinde týrıstik semınar bolady.

25 aqpan kúni «Nur Otan» HDP-da elordadaǵy jáne respýblıkalyq BAQ ókilderiniń qatysýymen «Jarııa» jýrnalıster klýbynyń І otyrysy ótedi.

25 aqpanda «Samuryq-Qazyna» UÁQ» AQ-da «Bolashaq» baǵdarlamasynyń túlekteri «Halyqaralyq baǵdarlamalar ortalyǵy» AQ-nyń qyzmetkerlerimen kezdesedi.

25 aqpan kúni Kongress-Holl saraıynda Ulttyq Delfıı oıyndary baǵdarlamasy boıynsha «Shattyq-2011» V qalalyq baıqaýynyń gala-kontserti ótedi. Іs-sharanyń bastalýy saǵat 17.00.-de.

ALMATY

25 aqpan kúni Ál-Farabı atyndaǵy Qazaq Ulttyq ýnıversıtetiniń jýrnalıstıka fakýltetinde belgili ǵalym M.Barmanqulovqa arnalǵan dóńgelek ústel ótedi.

25 aqpanda Almaty qalasy saılaý komıssııasynyń tóraǵasy Ádil Júnisovtiń qatysýymen BAQ ókilderine arnalyp brıfıng ótedi.

AIMAQ

PAVLODAR OBLYSY

25 aqpan kúni aýyl oqýshylary úshin on-laın rejımindegi qashyqtyqtan oqytý sabaqtary ótedi.

25 aqpan kúni Pavlodarda stýdentterge memlekettik bilim berý granttary saltanatty túrde tabys etiledi. Bilim granttaryna aqyly bilim alyp, óte jaqsy oqyǵan stýdentter ıe bolmaq. Sonymen qatar áleýmettik az qamtylǵan otbasylardyń balalary da tegin bilim alý qýanyshyna kenelip otyr.

JAMBYL OBLYSY

21 aqpannan bastap Tarazda «Joldaý: jastar-jastarǵa!» atty aqparattyq-mádenı avtokerýen bastaldy. Avtokerýen baǵdary Jambyl oblysynyń 10 aýdanyn aralyp, 1 naýryz kúni Baızaq aýdany Sarykemer aýylynda óz máresine jetedi.

ELEÝLІ OQIǴALAR. ATAÝLY KÚNDER. ESІMDER.

AQPANNYŃ 25-І, JUMA

Kýáıt memleketiniń ulttyq merekesi - Ulttyq kún. 1961 jyly aqpannyń 25-inde Kýáıt ámiri Abdalla as-Salem as-Sabahty taqqa otyrǵyzýdyń qurmetine belgilengen.

Qazaqstan Respýblıkasy men Kýáıt Memleketi arasynda dıplomatııalyq qatynas 1993 jyly qańtardyń 1-inde ornaǵan.

OQIǴALAR

5 jyl buryn (2006) Taraz qalasyndaǵy ulttyq-mádenı ortalyqtary «Vıza» atty demalys ortalyǵynyń janynan Dostyq Alleıasyn saldy. Bastapqysynda ulttyq-mádenı ortalyqtardyń sanyna sáıkes 21 qylqan japyraqty aǵashy otyrǵyzylǵan bolatyn, biraqta Dostyq Alleıasynyń keńeıýine birden-bir sebep bar, óıtkeni oblysta júzge tarta ult ókilderi turady jáne jyldan jylǵa ulttyq-mádenı ortalyqtardyń sany ósip keledi.

5 jyl buryn (2006) Sábıt Muqanov atyndaǵy Soltústik Qazaqstandyq oblystyq kitaphanada Uly Otan soǵysynyń jaýyngerlerine arnalǵan Soldatskıe monologı, Moskovskoe vremıa» atty óleńder jınaǵynyń tanystyrylymy boldy. Kitaptyń avtorlary Aleksandr Kýrlenıa jáne Vasılıı Konoplev kásipqoı emes aqyndar, biraq ta olardyń óleńderi respýblıkalyq «Nıva» jýrnalynyń jáne jergilikti gazetterdiń betterinde jarııalanyp júrdi. Aleksandr Kýrlenıa Soros qory uıymdastyrǵan aqyndyq konkýrstyń laýreaty atanyp jáne granty utyp aldy. Kitap jergilikti «Soltústik Qazaqstan» baspasynan shyǵarylǵan, ol eki bólimnen turady: birinshi bólimi - «Soldatskıe monologı» Vasılıı Konoplev jazǵan óleńderden, al ekinshisi - «Moskovskoe vremıa» atty Aleksandr Kýrlenıanyń poemasynan turady.

1 jyl buryn (2010) Almatydaǵy Qazaq-Brıtan ýnıversıtetinde respýblıkadaǵy alǵashqy munaı murajaıy ashyldy.

Qazaqstannyń munaıgaz salasyn nasıhattaýdyń ǵylymı, bilim men mádenı ortalyǵy bolýǵa tıisti bul murajaıdyń jádigerlerin qazir ony qurýshylar óz kúshimen jınaýda. Oǵan «QazMunaıGaz» Ulttyq kompanııasy men «Munaıshy» qory úlken kómek kórsetti. Qazirgi tańda qolda bar barlyq jádigerler «Munaıgaz salasynyń tarıhy», «Munaıgaz isiniń geologııalyq - geofızıkalyq negizi», «Munaı kásibiniń qural-jabdyqtary» degen 3 sektsııaǵa toptastyrylyp otyr.

1 jyl buryn (2010) Talǵat Musabaev Reseı jaratylystaný ǵylymdary akademııasy akademıgi ǵylymı ataǵyna jáne Halyqaralyq ǵaryshkerlikke qoldaý kórsetý qoǵamdyq qaıyrymdylyq qorynyń «Ǵaryshkerlikke sińirgen eńbegi úshin» medaline ıe boldy.

Halyq Qaharmany, Reseı Batyry, ushqysh-ǵaryshker, avıatsııa general-leıtenanty, Qazaqstan Respýblıkasy Ulttyq ǵarysh agenttiginiń tóraǵasy Talǵat Musabaev «Reseı jaratylystaný ǵylymdary akademııasynyń tolyq múshesi» dıplomyn, Reseı jaratylys ǵylymdary akademııasynyń akademıgi kýáligin jáne Reseı ǵalymy V.I.Vernadskıı beınesi belgilengen altyn keýde belgisin tapsyrý rásimi 2010 jylǵy aqpannyń 25-inde Reseı jaratylystaný ǵylymdary akademııasynyń halyqaralyq konferentsııasynyń aıasynda ótti.

Sonymen qatar, Talǵat Musabaev «Ǵaryshkerlikke sińirgen eńbegi úshin» medalimen marapattaldy.

ESІMDER

95 jyl buryn (1916-2008) ánshi, Qazaqstannyń halyq ártisi KENJETAEV Káýken dúnıege keldi.

Pavlodar oblysy Baıanaýyl aýdanynda týǵan. Máskeý konservatorııasy janyndaǵy qazaq stýdııasyn, Almaty konservatorııasyn bitirgen.

1942-1946 jyldary aralyǵynda Habarovskidegi shekarashylar ansamblinde qyzmet etti. 1946 jyldan Qazaq opera jáne balet teatrynyń ánshisi. Ol Tarǵyn, Jalbyr, Bekejan, Semen (E.G.Brýsılovskııdiń «Er Tarǵyn», «Jalbyr», «Qyz Jibek», «Dýdaraıynda»), Janbota (M.Tólebaevtyń «Birjan-Sarasynda»), Eskamılo (J.Bızeniń «Karmeninde»), Demon (A.G.Rýbınshteınniń «Demonynda»), Amonastro (Dj.Verdıdiń «Aıdasynda»), t.b. partııalary onyń ánshilik, oryndaýshylyq talantyn ár qyrynan ashqan obrazdar boldy. Ol 1957 jyldan bastap kınofılmderge túsip, rejısser («Jerge qaıta oralýda»), ánshi-ártis («Bizdiń súıikti dárigerde»), Baýyrjan Momyshuly («El basyna kún týsada»), Qazanǵap («Borandy bekette»), Bazarbaı («Qyz Jibekte»), taǵy basqa rólderimen kórermen yqylasyna bólengen. Kenjetaev rejısser retinde Brýsılovskııdiń «Er Tarǵyn», «Jalbyr», «Qyz Jibek», «Amangeldi», S.Muhamedjanovtyń «Aısulý», E.Rahmadıevtiń «Alpamys», P.I.Chaıkovskııdiń «Qarǵanyń mátkesi», t.b. operalaryn qoıdy. Sonymen qatar «Aldar Kóseniń aılasy», «Qalqaman - Mamyr», «Sapar», «Baıan júrek», «Qusnı - Horlan», t.b. oprealar lıbrettolarynyń avtory. «Sılva», «Tynysh shańyraq», «Fıgaronyń úılenýi» oprealarynyń lıbrettolaryn qazaq tiline aýdarǵan. «Darhan daryn», «Májıt Begalın», «Vysokıı dar prızvanııa» atty kitaptary jaryq kórgen. Onyń repertýarynda qazaqtyń halyq ánderimen qatar orys, ýkran, tatar, ózbek halyqtarynyń halyq ánderi, sondaı-aq, Batys Eýropa kompozıtorlarynyń shyǵarmalary bar. Ol gastroldik saparmen KSRO-nyń qalalarynda jáne kóptegen shetelderde bolǵan.

Eńbek Qyzyl Tý ordenimen jáne medaldarmen marapattalǵan.

55 jyl buryn (1956) Qazaq-Brıtan tehnıkalyq ýnıversıteti Matematıkalyq ǵylymı-zertteý zerthanasynyń meńgerýshisi, Joǵary jáne qoldanbaly matematıka kafedrasynyń professory, fızıka-matematıka ǵylymynyń doktory, professor, Qazaqstan Respýblıkasy Ulttyq ǵylym akademııasynyń akademıgi, Qazaqstan Respýblıkasy Ǵylym akademııasynyń korrespondent múshesi JUMADІLDAEV Asqar Serqululy dúnıege keldi. Qyzylorda oblysy Shıeli aýdanynda týǵan. M.Lomonosov atyndaǵy Máskeý memlekettik ýnıversıtetin jáne aspırantýrasyn bitirgen. 1980-1994 jyldary - Qazaqstan Respýblıkasy Ǵylym akademııasy Matematıka jáne mehanıka ınstıtýtynyń kishi, aǵa, bas ǵylymı qyzmetkeri, Matematıka ınstıtýty algebra zerthanasynyń meńgerýshisi. 1994-1995 jyldary - Qazaqstan Respýblıkasy Joǵarǵy Keńesi Ǵylym jónindegi daıarlaý komıtetiniń tóraǵasy boldy. 1995-2002 jyldary Germanııadaǵy Gambýrg, Mıýnhen, Bılefeld ýnıversıtetteriniń professory bolyp, Kembrıdj ýnıversıtetiniń janyndaǵy Nıýton ınstıtýtynda, A.Salam atyndaǵy Halyqaralyq teorııalyq fızıka ortalyǵynda, Shvetsııa koroldik ǴA-nyń Mıttag-Leffler atyndaǵy Matematıka ınstıtýtynda, Fılds atyndaǵy Matematıka ınstıtýtynda qyzmet atqaryp, dárister oqyǵan. Germanııanyń, AQSh-tyń memlekettik stependııalaryn, Shvetsııa koroldik Ǵylym akademııasynyń grantyn alǵan. 1995-2004 jyldary Qazaqstan Respýblıkasy Ǵylym akademııasy Matematıka ınstıtýty algebra zerthanasynyń meńgerýshisi qyzmetterin atqarǵan. 2004 jyldan - qazirgi qyzmetinde. Ǵalymnyń negizgi ǵylymı zertteý eńbekteri Lı algebrasynyń kogomologııa teorııasyna arnalǵan. Ol oń sıpattamaly Lı algebrasynyń kogomologııalary men deformatsııalaryn jáne olardyń qoldanýyn zerttegen. Vektorlyq óris algebrasynyń bólshektenbeıtin keńeıýin eseptegen. Assotsıatıvti emes algebranyń tepe-teńdikterin tapty. Ǵalymnyń negizgi ǵylymı zertteý eńbekteri Lı algebrasynyń kogomologııa teorııasyna arnalǵan. Ol oń sıpattamaly Lı algebrasynyń kogomologııalary men deformatsııalaryn jáne olardyń qoldanýyn zerttegen. Vektorlyq óris algebrasynyń bólshektenbeıtin keńeıýin eseptegen. Assotsıatıvti emes algebranyń tepe-teńdikterin tapty. 50-den astam ǵylymı eńbekterdiń avtory.Ol 12-shi saılanǵan Qazaq KSR Joǵarǵy Keńesiniń, Qazaqstan Respýblıkasy Joǵarǵy Keńesiniń depýtaty bolǵan. Qazaqstan Lenın komsomoly syılyǵynyń laýreaty.

45 jyl buryn (1966) Qazaqstan Respýblıkasynyń Lıýksembýrg Uly Gertsogtigindegi Tótenshe jáne Ókiletti elshisi, Eýropa Odaǵynyń janyndaǵy jáne Soltústik Atlantıkalyq Alıans uıymyndaǵy (NATO) Qazaqstan Respýblıkasy ókildiginiń basshysy qyzmetin qosa atqarýshy, fızıka-matematıka ǵylymdarynyń kandıdaty, dotsent, 1-shi sanattaǵy Tótenshe jáne Ókiletti elshi ÓTEMBAEV Erik Myltyqbaıuly dúnıege keldi.

Ońtústik Qazaqstan oblysynda týǵan. M.Kırov atyndaǵy Qazaq memlekettik ýnıversıtetin, aspırantýrasyn, ál-Farabı atyndaǵy Qazaq ulttyq ýnıversıtetiniń doktorantýrasyn bitirgen. 1990-1999 jyldary - Qazaq memlekettik ýnıversıteti Ekonomıka jáne quqyq ınstıtýtynyń oqytýshysy, aspıranty, aǵa oqytýshysy, dotsenti, ekonomıka jáne sotsıologııa fakýlteti dekanynyń orynbasary, dırektorynyń orynbasary. 1999-2000 jyldary - ál-Farabı atyndaǵy Qazaq ulttyq ýnıversıtetiniń doktoranty. 2000-2001 jyldary - Qazaqstan Respýblıkasy Qaýipsizdik keńesiniń ekonomıkalyq qaýipsizdik máseleleri jónindegi bólimi meńgerýshisiniń orynbasary, meńgerýshisi. 2001-2002 jyldary - Qazaqstan Respýblıkasy Strategııalyq josparlaý agenttigi tóraǵasynyń orynbasary. 2002-2005 jyldary - Qazaqstan Respýblıkasy Qaýipsizdik keńesi hatshysynyń orynbasary - Qazaqstan Respýblıkasy Qaýipsizdik Keńesi hatshylyǵynyń meńgerýshisi. 2005-2006 jyldary - Kaspıı teńiziniń quqyqtyq mártebesi máseleleri boıynsha kelissózderde Qazaqstan Respýblıkasynyń ókili. 2006-2009 jyldary - Qazaqstan Respýblıkasynyń Iran Islam Respýblıkasyndaǵy Tótenshe jáne Ókiletti Elshisi. 2009 jyldyń naýryz aıynan mamyr aıyna deıin - Qazaqstan Respýblıkasynyń Belgııa Koroldigindegi tótenshe jáne ókiletti elshisi qyzmetterin atqarǵan. 2009 jyldyń mamyr aıynan - qazirgi qyzmetinde. 15 ǵylymı jarııalanymnyń jáne birneshe kitaptyń avtory.

AQPANNYŃ 26-Y, SENBІ

OQIǴALAR

3 jyl buryn (2008) Nıý-Iorkte Kolýmbııa ýnıversıteti Garrıman ınstıtýtynyń professory Rafıs Abazovtyń «Ortalyq Azııanyń tarıhı atlasy» dep atalatyn jańa jumysynyń tanystyrylymy ótti.

Bul kitap alǵashqy ortalyqazııalyq memleketter (Soǵdy, Baktrııa, Horezm) qurylǵannan bastap, Eskendir Zulqarnaıyn shabýyldarynyń dáýiri men qazirgi kezeńge, qubyrlar qurylystary men aımaq respýblıkalarynyń halyqaralyq lańkestikpen kúreske atsalysýy kezeńi aralyǵyn qamtyǵan tarıhı sholý bolyp tabylady.

Professordyń aıtýynsha, sońǵy jyldary Batys Ortalyq Azııanyń strategııalyq mańyzdylyǵyn uǵyna bastady. Biraq qatardaǵy oqyrman men stýdent úshin aǵylshyn tilinde jazylǵan qoljetimdi ádebıet joqtyń qasy. «Men dál osy kemshiliktiń ornyn toltyrýǵa tyrystym. Keıde, telebaǵdarlamalardy kórip otyrǵanda nemese gazet maqalalaryn oqyǵanda, qoǵamdyq pikirtalasqa qatysýshy kóptegen amerıkandyq sheshender geografııany, shekaralardyń jáne elderdiń paıda bolý tarıhyn, mádenıetin bilmeıdi me dep qalamyn.

R.Abazovtyń 2007 jyly jaryq kórgen «Ortalyq Azııa respýblıkalarynyń mádenıeti men dástúrleri» dep atalatyn buǵan deıingi týyndysy Qazaqstannyń jáne Ortalyq Azııanyń ádebıeti men buqaralyq aqparat quraldary týraly úzdik sheteldik eńbek dep tanylyp, Qazaqstannyń Jýrnalıster akademııasynyń syılyǵyn alǵan bolatyn.

3 jyl buryn (2008) Pavlodar oblysynyń Qashyr aýdan ortalyǵynda «Nas porodnıla kachırskaıa zemlıa» atty jınaqtyń tanystyrylymy boldy. Kitaptyń jetpis betinde muraǵat qujattary, sýretter jáne aımaqtyń áleýmettik ınfaqurylymyna jáne aýylsharýashylyqtyń damýyna óz eńbekterin qosqan ardagerlerdiń eske túsirýleri jarııalanǵan. Ótken ǵasyrdyń 70-80 jyldary oblystyń úzdik aýdandarynyń biri boldy. Munda egin egip, jańa agrotehnıkalyq ádisterdi qoldandy, malsharýashylyǵynda joǵary nátıjelerge qol jetkizdi. Aýdan ortalyǵynda mektepter,medıtsınalyq mekemeler, mádenıet úıleri jáne kitaphanalar salyndy.

1 jyl buryn (2010) Almatyda Qanysh Sátpaev atyndaǵy QazUTÝ-da qazaqstandyq kásiporyndar men «Shneıder Elektrık» JShS frantsýz kompanııasynyń qatysýymen energetıka, elektrotehnıka jáne avtomattandyrylǵan júıelerge tehnıkalyq qyzmet kórsetý salasynda mamandar daıarlaý jóninde alǵashqy Qazaqstan-Frantsýz ortalyǵyn qurý týraly kelisimge qol qoıdy.

ESІMDER

50 jyl buryn (1961) Shyǵys Qazaqstan oblysy ákiminiń orynbasary TÁÝKEBAEV Serik Shaýenuly dúnıege keldi.

Túrkistan qalasynda týǵan. Qazaq hımıko-tehnologııalyq ınstıtýtyn bitirgen, Shymkent ýnıversıtetin, Qaraǵandy ekonomıkalyq ýnıversıtetin bitirgen. 1983-1996 jyldary - Jambyldyq basqarmasy «Kazstalkonstrýktsııa» trestiniń sheberi, «Sredaztransstroı» SMP-194 trestiniń ınjeneri, qurylys sheberi, qurylys jumysynyń basshysy, qurylys jumysynyń bas basshysy, bas ınjenerdiń orynbasary, bas ınjeneri, bastyǵy, 1996-2001 jyldary - «Týrkestanstroımontaj» aktsıonerlik qoǵamynyń birinshi vıtse-prezıdenti, dırektory, Túrkistan qalasy ákiminiń orynbasary. 2001-2008 jyldary - qurylys, sáýlet jáne aýmaqty salý departamentiniń bastyǵy, jer qatynastary basqarmasynyń bastyǵy, Ońtústik Qazaqstan oblysy Arys qalasynyń ákimi. 2008-2009 jyldary -Qazaqstan Respýblıkasy Prezıdenti Ákimshiliginiń memlekettik ınspektory, Qazaqstan Respýblıkasy Eńbek jáne halyqty áleýmettik qorǵaý mınıstrligi Kóshi-qon komıteti tóraǵasynyń orynbasary qyzmetterin atqarǵan. 2009 jyldyń qazan aıynan - qazirgi qyzmetinde.

50 jyl buryn (1961) «Turan-Astana» ýnıversıtetiniń damý jónindegi dırektory MADEEV Sabyrjan Maratuly dúnıege keldi.

Qaraǵandy qalasynda týǵan. Ebineı Býketov atyndaǵy Qaraǵandy memlekettik ýnıversıtetin bitirgen.

1984 1986 jyldary - Ebineı Býketov atyndaǵy Qaraǵandy memlekettik ýnıversıtetiniń fızıka kafedrasynyń ınjeneri, Keńes Armııasy qatarynda. 1986-1992 jyldary - Qaraǵandy qalasyndaǵy № 93 orta mekteptiń muǵalimi. 1991-1994 jyldary - Qaraǵandy qalasyndaǵy jeke menshik mekteptiń muǵalimi, dırektory. 1994-1995 jyldary - Qaraǵandy qalasyndaǵy № 88 orta mekteptiń dırektory, Astana qalasyndaǵy oblystyq muǵalimderdi jetildirý ınstıtýtynyń dırektory.1995-1996 jyldary - Astana qalasyndaǵy № 27 orta mektebiniń muǵalimi, ádiskeri, ǵylymı keńesshisi. 1996-1998 jyldary - Astana qalasyndaǵy «Lıtseı «Stolıchnyı» memlekettik emes mekemesiniń oqytýshysy, dırektory. 1998-2003 jyldary -Astana qalasyndaǵy «Turan» ýnıversıteti fılıalynyń oqytýshysy, dırektory. 2003-2005 jyldary - Turan-Astana» ýnıversıtetiniń birinshi prorektory, rektory qyzmetterin atqarǵan. 2005 jyldan - qazirgi qyzmetinde. 2004 jyldyń qazan aıynan - Qazaqstan Respýblıkasy bilimberý mekemeleri Assotsıatsııasynyń vıtse-prezıdenti. 20-dan astam ǵylymı jarııalanymdardyń avtory.

«Qazaqstan Respýblıkasy bilim berý isiniń úzdigi» tós belgisimen, «Qazaqstan Respýblıkasynyń týrızm damýyna úles qosqan úshin» tós belgisimen marapattalǵan.

45 jyl buryn (1966) Qazaqstan Respýblıkasy qarjy mınıstirligi salyq komıteti «Aqparattyq tehnologııalar parki» Almaty qalasy boıynsha salyq basqarmasynyń bastyǵy QALIJANOV Baǵdat Ýálıuly dúnıege keldi.

Almaty qalasynda týǵan. Almaty halyq sharýashylyǵy ınstıtýtyn, Ekonomıka jáne quqyq akademııasyn bitirgen.

1989-1990 jyldary - Almaty qalasy Frýnze aýdandyq qarjy bólimi salyq ınspektsııasynyń salyq tekserýshi-ınspektory, salyq tobynyń tekserýshi-ınspektory.

1990-1993 jyldary - Almaty qalasy Frýnze aýdany boıynsha memlekettik salyq ınspektsııasynyń memlekettik salyq ınspektory, aǵa memlekettik salyq ınspektory, bas memlekettik salyq ınspektory. 1993-1996 jyldary - Almaty qalasy Frýnze aýdany boıynsha memlekettik salyq ınspektsııasynyń bólim bastyǵy. 1996-1997 jyldary - Almaty qalasy Medeý aýdany boıynsha memlekettik salyq ınspektsııasynyń bastyǵy. 1997-1998 jyldary - Almaty qalasy Medeý aýdany boıynsha salyq bóliminiń bastyǵy, Almaty qalasy Medeý aýdany boıynsha memlekettik salyq komıtetiniń tóraǵasy. 1998-2002 jyldary - Qazaqstan Respýblıkasy Qarjy mınıstirliginiń salyq komıteti Almaty qalasy boıynsha salyq komıtetiniń tóraǵasy, Qazaqstan Respýblıkasy memlekettik kiris mınıstirliginiń salyq komıteti Pavlodar oblysy boıynsha salyq komıtetiniń tóraǵasy. 2002-2004 jyldary - Almaty qalasyndaǵy «Qazteleradıo» JAQ-nyń qarjy jónindegi dırektory - tóraǵanyń orynbasary, Qazaqstan Respýblıkasy qarjy mınıstirligi salyq komıteti Uıymdastyrý jáne qarjymen qamtamasyz etý basqarmasy bastyǵynyń orynbasary. 2004-2008 jyldary - Qazaqstan Respýblıkasy qarjy mınıstirligi salyq komıteti «Aqparattyq tehnologııalar parki» Almaty qalasy boıynsha salyq komıtetiniń bastyǵy. 2008-2010 jyldary - Qazaqstan Respýblıkasy qarjy mınıstirligi salyq komıteti «Aqparattyq tehnologııalar parki» Almaty qalasy boıynsha salyq departamentiniń bastyǵy qyzmetterin atqarǵan.2010 jyldan - qazirgi qyzmetinde.

«Qazaqstan Respýblıkasynyń Táýelsizdigine 10 jyl» mereıtoılyq medalimen marapattalǵan.

AQPANNYŃ 27-І, JEKSENBІ

Domınıkan Respýblıkasynyń Táýelsizdik kúni. 1844 jyly domınıkandyqtar gaıtıandyqtardan ózderiniń táýelsizdikterin jarııalady. Olardyń qol astynda domınıkandyqtar 22 jyl ómir súrdi. Domınıkan Respýblıkasynyń tabıǵaty asa kórkem, Latyn Amerıkasynyń qaıtalanbas mádenıeti, ejelgi tarıhy jáne ǵajaıyp symbat ónerleri bar. Astanasy - Santa-Domıngo. Resmı tili - ıspan, katolıtsızm dinin ustanady. Memleket Gaıtı aralynyń shyǵys bóliginde ornalasqan.

OQIǴALAR

5 jyl buryn (2006) Oral qalasynyń 30 kóshesi ataýlaryn ózgertti. Bul sheshim qalalyq máslıhatyń otyzynshy sessııasynda qabyldandy. Otyrys barysynda qalalyq ákimshilik janyndaǵy onomastıkalyq komıssııanyń usynysy qaraldy. Endi Oral qalasynyń ortalyq magıstraldy kósheleriniń tizimine kiretin Fýrmanova jáne Kýtıakova kóshelerine qazaqtyń uly kompozıtory Qurmanǵazynyń jáne kórnekti saıasat qaıratkeri Ábiqaıyr hannyń esimi berildi. Batys Qazaqstan oblysy ákimshilik ortalyǵynyń kartasynda aty ańyzǵa aınalǵan batyr qyzdarymyz Mánshúk Mámetova jáne Alııa Moldaǵulovanyń, akademık Asan Taımanovtyń, professor Mátjan Tileýjanovtyń jáne Vsevolod Ivanovtyń, ataqty dombyrashy Dına Núrpeıisovanyń, aqyn Ábýbákir Kerderiniń, Juban Moldaǵalıevtiń jáne Qasym Amanjolovtyń, jazýshy Nıkıta Savıchevtiń, oıshyl Ǵumar Qarashtyń jáne taǵy da basqa belgili tulǵalardyń esimderi berildi.

3 jyl buryn (2008) Almatyda Ustazdardyń quqyǵy men múddelerin qorǵaıtyn qoǵamdyq birlestik quryldy. Ustazdar men bılik arasynda kópir bolý mindetin atqaratyn birlestiktiń ustanǵan maqsaty - muǵalimderge quqyqtyq jaǵynan keńes berip, olardyń máselelerin sheshýge yqpal etý. Ustazdar qaýymy áleýmettik turǵyda az qamtylǵan toptyń birine jatady. Olardyń kópshiliginde baspana joq. Qoǵamdyq birlestik respýblıka aýmaǵy boıynsha óz bólimshelerin ashty, olar qordalanyp qalǵan máselelerdi sheshedi.

1 jyl buryn (2010) Astanada Mádenıet jáne aqparat mınıstrliginiń tapsyrysymen Almatynyń «Áriptes» úkimettik emes uıymdar konfederatsııasynyń elimizdegi kásipodaq uıymdary men Eńbek jáne halyqty áleýmettik qorǵaý mınıstrligimen birlesip daıyndaǵan «Áleýmettik áriptestik boıynsha úshjaqty kelisim» atty kitabynyń tusaýy kesildi.

Atalmysh jobany uıymdastyrýshylardyń sózderine qaraǵanda, qazir elimizdiń kóptegen turǵyndary úkimet, jumys berýshi men kásipodaq arasynda arnaıy kelisimniń bar ekendigin bilmeıdi jáne biletinderiniń ózi ony jete túsinbeı otyr. Úshjaqty kelisimge qatysty aldyn ala arnaıy júrgizilgen áleýmettik zertteýler men qoǵamdyq pikirge qatysty jasalǵan áleýmettik saýalnamalardyń nátıjesi osyny kórsetti. Osyǵan qaraı kitapta úkimet, jumys berýshi jáne kásipodaq arasyndaǵy kelisim negizinde elde atqarylyp jatqan jumystardyń jaıy men oǵan qatysty problemalar, sondaı-aq olardyń sheshilý joldary jóninde aqyl-keńester men kelisim negizinde qalyptasyp otyrǵan jaǵdaıǵa qatysty jańa, tyń derekter kórsetilgen.

Osynyń barlyǵy úshjaqty kelisimge qatysýshy taraptardyń bir-birimen baılanystaryn áli de bolsa jetildirý qajet ekendigin kórsetti», dedi jobanyń jetekshisi tarıh ǵylymynyń doktory, professor Láıla Ahmetova.

ESІMDER

60 jyl buryn (1951) Shymkent áleýmettik - pedagogıkalyq ýnıversıtetiniń rektory, pedagogıka ǵylymdarynyń doktory, professor QOZYBAQOV Mombek Jamalbekuly dúnıege keldi.

Ońtústik Qazaqstan oblysy Túlkibas aýdanynda týǵan. Qazaq hımııa-tehnologııalyq ınstıtýtyn, S.M.Kırov atyndaǵy Qazaq memlekettik ýnıversıtetiniń (ál-Farabı atyndaǵy Qazaq ulttyq ýnıversıteti) aspırantýrasyn bitirgen.

Eńbek jolyn 1973 jyly Shardara aýdanynda ınjener bolyp bastaǵan. 1975 jyldan bastap ǵylymı jáne ǵylymı-pedagogtik qyzmetter atqaryp keledi. 1975-1977 jyldary - Qazaq hımııa-tehnologııalyq ınstıtýty mashına jabdyqtary kafedrasynyń kishi ǵylymı qyzmetkeri, S.M.Kırov atyndaǵy Qazaq memlekettik ýnıversıteti «Qoldanbaly mehanıka» kafedrasynyń ınjeneri. 1977-1980 jyldary - S.M.Kırov atyndaǵy Qazaq memlekettik ýnıversıtetiniń aspıranty. 1981-1984jyldary - S.M.Kırov atyndaǵy Qazaq memlekettik ýnıversıtetiniń mashınalar mehanıkasy ǵylymı-zertteý zerthanasynyń aǵa ınjeneri, Shymkent pedagogıkalyq ınstıtýtynyń Jalpy tehnıkalyq pánder kafedrasynyń aǵa oqytýshysy. 1984-1993 jyldary - Shymkent pedagogıkalyq ınstıtýtynyń aǵa oqytýshysy. 1993-2000 jyldary - Shymkent pedagogıkalyq ınstıtýtynyń eńbek jáne óner mamandyǵy boıynsha oqý-ǵylymı kesheniniń jetekshisi - prorektory, eńbek jáne óner mamandyqtary boıynsha oqý-óndiristik kesheniniń dırektory, Muhtar Áýezov atyndaǵy Ońtústik Qazaqstan gýmanıtarlyq ýnıversıtetiniń prorektory, óndiris jáne tehnıkalyq jabdyqtar negizderi kafedrasynyń dotsenti, kásiptik oqý teorııasy jáne ádistemesi kafedrasynyń professory mindetin atqarýshy. 1999-2001 jyldary - «Áýlıe-ata» ýnıversıteti Shymkent fılıalynyń dırektory qyzmetterin atqarǵan. 2001 jyldyń sáýirinen Shymkent áleýmettik - pedagogıkalyq ýnıversıtetiniń rektory qyzmetin atqarady.

2007 jyly Túrkııa Respýblıkasynyń Ankara qalasynda Túrki áleminiń jazýshylary men óner qaıratkerlerine tabys etiletin «Túrki álemine qyzmet etkendigi úshin» marapatyna ıe boldy. 2007 jyly Anglııada Oksford ýnıversıtetinde Evropalyq bıznes assambleıasynyń halyqaralyq qoǵamdyq seriktestik korporatsııasynyń halyqaralyq «Sokrat» marapaty tabys etildi. 2008 jyly elimizdiń «Mekke-Medıne» dinı birlestiginiń tóralqasy men D.A.Qonaev meshitiniń Muhammed (s.a.ý) Paıǵambarymyzdyń atyndaǵy izgi qurmet dıplomyna ıe boldy. 2009 jyly Reseı Federatsııasynyń Máskeý qalasynda «HHI ǵasyrdyń kósh basshylary» baǵdarlama aıasyndaǵy Halyqaralyq marapatyn ıelendi. Pedagogıka tarıhynyń keleli máseleleri boıynsha Respýblıkalyq jáne Halyqaralyq konferentsııalarda kóptegen baıandamalar jasaǵan. 1-monografııa, 14 oqý-ádistemelik qural, 10 oqý-ádistemelik nusqaý, 70-ten astam ǵylymı maqalalardyń avtory, 6 patent ıegeri. Ǵalymnyń jetekshiligimen 4 kandıdattyq, 8 magıstrlik dıssertatsııalarqorǵalǵan.

45 jyl buryn(1966) Soltústik Qazaqstan oblysy prokýrorynyń birinshi orynbasary, aǵa ádilet keńesshisi MÝSIN Qanat Sergeıuly dúnıege keldi.

Ebineı Býketov atyndaǵy Qaraǵandy memleketik ýnıversıtetin bitirgen.

Eńbek jolyn 1989 jyldan Tselınograd qalasy prokýratýrasynda bastap, tergeý bóliminiń aǵa tergeýshisi, arnaıy ister jónindegi tergeýshisi, Aqmola oblysy Tselınograd qalasy prokýrotýrasynyń krımınaldyq prokýrory boldy. Keıinnen Jambyl oblysynyń, Aqmola, Astana qalalary prokýrorynyń orynbasary, birinshi orynbasary qyzmetterin atqardy. Bes jyldan astam Qarjy polıtsııasynda qylmystardy izdestrý jumystarymen aınalysyp, ár túrli laýazymdy qyzmetterdi atqaryp, Almaty qalasy boıynsha ekonomıkalyq jáne jemqorlyqpen kúres departamenti bastyǵynyń orynbasary boldy. Sońǵy jyldary Qazaqstan Respýblıkasy Qaýipsizdik Keńesi hatshylyǵy meńgerýshisiniń orynbasary, bas sarapshy qyzmetterin atqarǵan.

2010 jyldyń 17 aqpanynan - qazirgi qyzmetinde.