QazAqparat-Anons: 2011 jylǵy 17 qańtar men 23 qańtar aralyǵyndaǵy oqıǵalardyń kúntizbesi

ÚKІMET

17 qańtarda Mınıstrler úıinde Úkimet basshysy Kárim Másimovtiń qatysýymen Ádilet mınıstrliginiń keńeıtilgen otyrysy ótedi.

19 qańtarda saǵat 10.00-de Qazaqstan Respýblıkasynyń Premer-Mınıstri K.Q.Másimovtiń qatysýymen Qazaqstan Respýblıkasy Bilim jáne ǵylym mınıstrliginiń keńeıtilgen alqa májilisi ótedi. QAZAQSTAN JÁNE ÁLEM

Polshadaǵy «Eýro-2012» fýtboldan Eýropa chempıonatyna daıyndyqty júzege asyryp jatqan jergilikti uıymdastyrý komıteti jankúıerler arasynda «Bizdiń qurama úshin jankúıer bol - biz tarıhty birge jasaımyz» baıqaýyn jarııalady. Onyń jeńimpazdary «Eýro-2012 dostary» atanady. 2011 jyldyń 31 jeltoqsanyna deıin sozylatyn baıqaýǵa 16 jasqa tolǵan adamdar qatysa alady.

2011 jyldyń 1 qańtarynan bastapKeden odaǵynda tranzıt deklaratsııasy men taýarlar deklaratsııasynyń jańa formasy engizildi.

SPORT

5 qańtar men 26 qańtar aralyǵynda Túrkııada Óskemen qalasynyń «Shyǵys» komandasy qatysatyn sheteldik oqý-jattyǵýlary ótedi.

12 qańtar men 30 qańtar aralyǵynda elimizdiń barlyq óńirinde Azııa oıyndarynyń alaý estafetasy ótýde.

15-23 qańtarda Sankt-Peterborda fýtboldan Dostastyq kýbogy ótedi. Onda elimizdiń namysyn «Tobyl» klýby qorǵaıtyn bolady.

17 qańtarda Melbýrk-Park kortynda bastalatyn «Australian Open» týrnırine qazaqstandyq úsh tennısshi - Andreı Golýbev, Mıhaıl Kýkýshkın jáne Evgenıı Korolev - qatysady.

30 qańtar kúni Astanadaǵy «Astana-Arena» stadıonynda Azıada oınydarynyń ashylý saltanaty kezinde sharyqtaý alaý estafetasy óz máresine jetedi.

14-27 qańtar kúnderi Ispanııanyń Kalp qalasynda «Astana» velokomandasynyń qatysýymen jattyǵý jıyndary ótýde.

QOǴAM

17 qańtardan bastap Ulttyq bank, Qazaqstanda ótetin VII qysqy Azııalyq oıyndarǵa arnap, 2 000 teńge nomınaldy eskertkish banknottardy aınalymǵa shyǵarǵaly otyr.

ASTANA

17 qańtarda Mınıstrler úıinde Úkimet basshysy Kárim Másimovtiń qatysýymen Ádilet mınıstrliginiń keńeıtilgen otyrysy ótedi.

17 qańtarda «Rixos President» otelinde «Jetinshi kanaldy» damytýdyń jańa strategııasynyń tanystyrylymy bolady.

ALMATY

17 qańtardan bastap, Almaty qalasy Áýezov aýdanynyń ákimi Bekqalı Torǵaevtyń 7 eseptik kezdesýi ótedi.

Almatyda 14-20 qańtar aralyǵynda QR Ǵylym jáne bilim mınıstrliginiń jáne Almaty qalasy ákiminiń qoldaýymen Matematıka, fızıka jáne ınformatıka pánderinen VІІ halyqaralyq Jáýtikov olımpıadasy ótedi.

AIMAQTAR

ATYRAÝ

17 qańtarda 7-qysqy Azııa oıyndarynyń Alaýy Atyraýǵa jetedi.

AQTÓBE

10-20 qańtar aralyǵynda Aqtóbeniń selolyq okrýgteriniń ákimderi esep berý kezdesýlerin ótkizedi.

ORAL

18 qańtarda elimizdiń batys qaqpasy - Oral qalasynda qysqy Azııa oıyndarynyń alaýyn saltanatpen alyp júrý rásimi ótkizilmek.

ELEÝLІ OQIǴALAR. ATAÝLY KÚNDER. ESІMDER.

QAŃTARDYŃ 17-І, DÚISENBІ

OQIǴALAR

5 jyl buryn (2006) Qazaqstan Respýblıkasy Parlamentiniń 10-jyldyq mereıtoıyna arnalǵan poshta markalaryn «Qazposhta» AQ aınalymǵa shyǵardy. Poshta markasynda Parlamenttiń 10-jyldyq mereıtoıynyń resmı sımvolıkasy Qazaqstannyń týyn beıneleıtin kógildir túste beınelengen. Markalardyń nomınaly - 50 teńge, tırajy - 50 myń dana. Sýretshisi - Danııar Muhamedjanov. Poshta markasy Beıjiń poshta tólemder belgileri fabrıkasynda (QHR) shyǵaryldy.

3 jyl buryn (2008) «Otan saqshysy-Chasovoı rodıny» gazetiniń jáne «Shekara» jýrnalynyń redaktory Nurlan Saǵymbaev Reseı federaldyq qaýipsizdik qyzmetiniń «Shekaranyń altyn qaýyrsyny» syılyǵynyń laýreaty atandy.

Reseıdiń federaldyq qaýipsizdik qyzmetiniń (FQQ) bul syılyǵy shekarashy-ofıtserler men shyǵarmashylyq ıntellıgentsııa ókilderine áskerı-patrıottyq tárbıe men Reseı federaldyq shekara qyzmetiniń jumysyn nasıhattaýǵa qosqan úlesi úshin beriledi.

Reseı FQQ dıplomy, keýde belgisi men «Shekaranyń altyn qaýyrsyny» laýreaty ataǵymen marapattalǵan QR UQK Shekara qyzmetiniń «Otan saqshysy-Chasovoı rodıny» gazeti men «Shekara» jýrnalynyń bas redaktory, podpolkovnık Nurlan Saǵymbaev.

1 jyl buryn (2010) Astanada Máskeý jáne búkil Rýs Patrıarhy Kırıll jańadan salynǵan Ýspen kafedraldyq soboryn dáripteý rásimin ótkizdi.

Ýspen kafedraldyq sobory Astanada Qasıetti Ýspenııa qudaı-ananyń qurmetine salyndy. Bul sońǵy onjyldyqtardaǵy Ortalyq Azııada salynǵan alǵashqy kafedraldyq hram. Ýspen soborynyń qurylysy 2005 jyldan bastap júrgizildi, onyń kólemi 900 sharshymetr, kúmbeziniń ushar basyna deıingi bıiktigi 68 metr. Ýspen kafedralyq sobory ǵımaratynyń kúmbezi 2009 jylǵy tamyzdyń 25-inde ornatyldy. Hramǵa bir mezgilde tórt myńǵa deıin adam sııady.

1 jyl buryn (2010) Qazaqstan Respýblıkasynyń Prezıdenti Nursultan Nazarbaev Orys Pravoslav shirkeýiniń eń joǵary ordenderiniń birimen marapattaldy. Ordendi Máskeý jáne búkil Rýs Patrıarhy Kırıll tapsyrdy.

ESІMDER

70 jyl buryn (1941-2004) aýyl sharýashylyǵy ǵylymynyń doktory, professor MYRZABEKOV Sultan Shaıymuly dúnıege keldi.

Ońtústik Qazaqstan oblysy Túrkistan qalasynda týǵan. Almaty maldárigerlik-zootehnıkalyq ınstıtýtyn(Qazaq ulttyq agrarlyq ýnıversıteti) bitirgen. 160-tan astam ǵylymı eńbektiń avtory. 1967-1992 jyldary atalmysh ınstıtýtta qyzmet istegen. 1992-1996 jyldary Qazaqstan Respýblıkasy Aýyl sharýashylyǵy mınıstrliginde, Bilim mınıstrliginde, 1996 jyldan ómiriniń sońyna deıin Qazaqtyń ulttyq agrarlyq ýnıversıtetinde ǵylymı-pedagogıkalyq qyzmetter atqarǵan.

Negizgi ǵylymı baǵyty - genetıka jáne mal ósirý, bıotehnologııaǵa arnalǵan. Ol qazaqtyń etti-júndi qoıynyń jáne qazaqtyń ońtústik merınosynyń merke tuqymishilik túrin shyǵarýǵa qatysqan.

55 jyl buryn (1956) Qazaqstan Respýblıkasy Ulttyq Keńesiniń múshesi, Qaraǵandy qalalyq máslıhatynyń hatshysy BEKSULTANOV Qudaıbergen Beksultanuly dúnıege keldi. Qaraǵandy oblysy Nura aýdanynda týǵan. Qaraǵandy oblystyq Stol tennısi federatsııasynyń prezıdenti.

№139 kásiptik tehnıkalyq mektebin bitirgen. 1976-1988 jyldary - №139, №30 kásiptik tehnıkalyq ýchılışelerdiń masteri, Qaraǵandy dıstantsııasynyń operatordyń kómekshisi. 1988-1999 jyldary - №26 kásiptik tehnıkalyq ýchılışesiniń oqý-tárbıe jumystary jónindegi dırektordyń orynbasary, dırektory.

1999-2003 jyldary - Qaraǵandy qalalyq máslıhatynyń ІІ shaqyrylymynyń hatshysy. 2003-2007 jyldary - Qaraǵandy qalalyq máslıhatynyń ІІІ shaqyrylymynyń hatshysy qyzmetterin atqarǵan. 2002 jyldyń 29 sáýirinde Qazaqstan Respýblıkasy Prezıdentiniń Jarlyǵymen Qazaqstan Respýblıkasy Ulttyq Keńesiniń Quramyna engizildi. 2007 jyldan - Qaraǵandy qalalyq máslıhatynyń IV shaqyrylymynyń hatshysy.

55 jyl buryn (1956) Almaty qalasynyń mamandandyrylǵan aýdanaralyq ekonomıkalyq sotynyń tóraǵasy SÁRSENBAEV Amangeldi Ómirbaıuly dúnıege keldi.

Soltústik Qazaqstan oblysy Sokolov aýdanynda (Qyzyljar aýdany) týǵan. Ál-Farabı atyndaǵy Qazaq ulttyq ýnıversıtetin bitirgen. 1984-1988 jyldary - Qazaqstan LKJO Ortalyq Komıtetiniń, Sovet aýdandyq partııa komıtetiniń nusqaýshysy. 1988-1992 jyldary - Sovet aýdandyq sotynyń sýdıasy. 1992-1996 jyldary - Almaty qalalyq Ádilet basqarmasy bastyǵynyń orynbasary, birinshi orynbasary, bastyǵy. 1996-1997 jyldary - Kókshetaý oblystyq sotynyń tóraǵasy, Soltústik Qazaqstan oblystyq sotynyń sýdıasy. 1997-2001 jyldary - TMD Ekonomıkalyq sotynyń sýdıasy, Qazaqstan Respýblıkasy Ádilet mınıstrligi Sot qaýlylaryn oryndaý jónindegi komıtetiniń tóraǵasy. 2001-2002 jyldary - Qazaqstan Respýblıkasy Joǵarǵy soty janyndaǵy Sot ákimshiligi jónindegi komıteti Atqarý óndirisin uıymdastyrý departamentiniń dırektory. 2002-2006 jyldary - Qazaqstan Respýblıkasy Joǵarǵy sotynyń sýdıasy qyzmetterin atqarǵan. 2006 jyldan bastap - qazirgi qyzmetinde.

«Qazaqstan Respýblıkasynyń Táýelsizdigine - 10 jyl», «Qazaqstan Respýblıkasyna - 10 jyl» mereıtoılyq medaldarymen marapattalǵan.

QAŃTARDYŃ 18-І, SEISENBІ

Perýda Lımanyń negizdelgen aptasy. 1821 jyly Lıma qalasy táýelsiz Perýdiń astanasy bolyp jarııalandy. Lımada osy kúnge deıin saqtalyp qalǵan aıbyndy shirkeýler jáne ıspandyq bekzadalarynyń saltanatty jekejaılary, vıtse-koroldiń saraıy bar. 1991 jyly ıÝNESKO Lımany adam balasynyń mádenı murasy dep jarııalady.

Týnıste tóńkeris kúni. Týnıstegi jyl saıyn 18 qańtarda atap ótetin tóńkeris kúni Eske alý kúni retinde de tanymal. 1881 jyldan Frantsııanyń otarynda bolyp kelgen Týnıste 1956 jyly ulttyq qozǵalys bolyp, Frantsııadan táýelsizdik alǵan.

OQIǴALAR

5 jyl buryn (2006) Muhtar Áýezov atyndaǵy Qazaq memlekettik akademııalyq teatrynda «Qazaqtar» atty tarıhı dramanyń premerasy boldy. Sońǵy jyldary respýblıkamyzda qazaq tarıhyn oqýǵa nazar salynyp júr, jańa derekter, jáne kórnekti ǵalym jáne ádebıetshilerdiń qyzyqty jarııalanymdary tabylyp jatyr. Solardyń qataryna Qazaqstan Respýblıkasy Memlekettik syılyǵynyń laýreaty, belgili qalamger Qalıhan Ysqaqtyń «Qazaqtar» atty roman-dıalogy jatady. Jańa spektakl osy shyǵarma boıynsha qoıylǵan. Spektaklde ult tarıhynyń, sonymen qatar qazaq memleketi qurylýynyń ózekti máseleleri kóterilgen.

Spektakldiń qoıýshy-rejısseri - Qazaqstan Respýblıkasynyń Halyq ártisi, Memlekettik syılyqtyń laýreaty Tuńǵyshbaı ál-Tarazı, ol Jánibek han rólin somdaıdy, kompozıtory - Ádil Bestibaev. Spektaklge qatysqandar Qazaqstan Respýblıkasynyń Eńbek sińirgen ártisi Aıdos Bektemir (sultan Kereı), Qazaqstan Jastar odaǵy syılyqtarynyń laýreattary Erlan Bilál (Muhammed Shaıbanı) jáne Asylbek Boranbaı (Qasym tóre), ártis Baýyrjan Qaptaǵaı (Qoıgeldi batyr).

5 jyl buryn (2006) batysqazaqstandyq qalamger Amankeldi Shahınniń «Jaısańdary-aı, Jaıyqtyń!» atty jańa kitaby jaryq kórdi.

Amankeldi Shahınniń ár jyldary «Máńgi kóktem» atty óleńder jınaǵy men «Sol bir súrgin» degen pýblıtsıstıkalyq kitaby oqyrmandar nazaryna usynylǵan bolatyn. Onyń jańa jınaǵyna óleńderi men balladalary, shaǵyn áńgimeleri, ánge jazylǵan mátinderi toptastyrylǵan. Týyndylarynyń tili shuraıly, mazmuny qanyq, tartymdy oqylady. Shyǵarmalarynyń keıipkerleri de avtordyń ózimen etene jaqyn bolǵandyqtan, oqıǵalary da shynaıy.

3 jyl buryn (2008) Oralda Ǵabdolla Toqaıdyń Oral ortalyǵynyń tóraǵasy, pedagogıka ǵylymdarynyń doktory, professor Razaq Ábýzarovtyń redaktsııalaýymen «Eýrazııalyq oılaýdy qalyptastyrý máseleleri» atty kitaby jaryq kórdi.

Bul jınaqqa 35 avtor - ǵalymdar, tarıhshylar, ólketanýshylardyń eńbekteri toptastyrylǵan. Bul Ǵ.Toqaıdyń Oral ortalyǵynyń Oral, Qazan jurtshylyǵymen, Eýrazııalyq keńistik ǵalymdarymen 12 jyldyq jumysynyń nátıjesi ispettes. Eýrazııalyq ıdeıany júzege asyrý Elbasy Nursultan Nazarbaevtan bastaý alǵany belgili. Kitapta osy ıdeıa negizgi arqaý bolyp tartylǵan. Qazaqstan, Tatarstan, Reseı Federatsııasy, Qyrǵyzstan ǵalymdarynyń eńbekterinde eýrazııalyq oılaýdy qalyptastyrý, jahandaný jaǵdaıynda tildiń, ulttyq qundylyqtardyń joıylyp ketpeýi, dinaralyq kelisim jáne basqa ózekti máseleler keńinen sóz bolady.

3 jyl buryn (2008) Almaty qalalyq densaýlyq saqtaý departamentiniń resmı saıtynyń tusaýy kesildi.

Almaty qalasy boıynsha 2005-2010 jyldarǵa arnalǵan densaýlyq saqtaý salasyn damytý jáne reformalaý memlekettik baǵdarlamasy aıasynda jasalǵan saıt www.almatyzdrav.kz ataýyn ıelengen. Saıt turǵyndardyń medıtsınalyq qyzmet týraly tolyqqandy aqparattar alýyna negizdelgen. Odan qaladaǵy medıtsınalyq mekemeler týraly aqparattar alýǵa, negizgi normatıvtik qujattar, zańdar, tarıhı aqparattar, arnaıy bıýlletender, foto, vıdeo, aýdıo materıaldar tabýǵa bolady. Sondaı-aq ótinish shaǵymdardyń elektrondy formalary qarastyrylǵan, ınternet májilister, saraptamalyq talqylaýlar ótkizý júıesi qarastyrylǵan.

1 jyl buryn (2010) Reseıde Qazaqstan úshin paıdalanylǵan ıadrolyq otyndy saqtaýǵa arnalǵan birinshi qorap kesheni daıyndaldy

Paıdalanylǵan ıadrolyq otyndy saqtaýǵa arnalǵan qorap keshenderi atom-elektr stansylaryna arnalǵan. ÝKH-109 serııaly osyndaı alǵashqy jabdyq ótken jyldyń qazan aıynda Lenıngrad atom-elektr stansysyna jóneltilgen bolatyn.

1 jyl buryn (2010) Qaraǵandy oblysyndaǵy Jezqazǵan qalalyq máslıhatynyń sheshimimen qalanyń eki - Maıakovskıı jáne Gorkıı kósheleriniń ataýlary ózgertildi.

Olar budan bylaı belgili jerlesteriniń - Oshaqbaı Asylbekovtiń jáne Kamal Smaılovtyń attarymen atalady. Burynǵy partııa qaıratkeri Oshaqbaı Asylbekov keńes dáýirinde Jezqazǵannyń qalyptasýyna jáne damýyna úles qosty. Ol «Jezqazǵannyń qurmetti azamaty» ataǵyn alǵan. Kamal Smaılov Ulytaý aýdanynyń týmasy - jazýshy-pýblıtsıst, kınotanýshy, Qazaqstan Respýblıkasynyń eńbek siińirgen qyzmetkeri, professor.

ESІMDER

110 jyl buryn (1896-1970) orys ǵalymy, fılologııa ǵylymynyń doktory ZELINSKII Kornelıı Lıýtsıanovıch dúnıege keldi.

Reseıdiń Máskeý qalasynda týǵan. Máskeý ýnıversıtetin bitirgen. Ol Keńes Odaǵy quramyndaǵy halyqtardyń ádebıeti jáne shetel ádebıeti týraly kóptegen zertteý eńbekterin jazǵan. Qazaq halqynyń uly aqyny Jambyl Jabaev týraly monografııa jazyp, onyń shyǵarmalaryn álem halyqtaryna tanytýǵa eleýli úles qosty.

Eńbek Qyzyl Tý ordenimen jáne medaldarmen marapattalǵan.

55 jyl buryn (1956) «Qazaqstan temir joly» Ulttyq kompanııasy» aktsıonerlik qoǵamynyń basqarýshy dırektory - bas ınjeneri ÁBDIEV Tólbaı Qnatuly dúnıege keldi. Jambyl oblysy Merke aýylynda týǵan. Tashkent temir jol kóligi ınjenerleri ınstıtýtyn bitirgen. 1977-1988 jyldary - Tselınograd belgi berý jáne baılanys dıstansasynyń óndiristik telim bastyǵy, bas ınjeneri, aǵa elektromehanıgi, elektromehanıgi, Tselınograd bólimshesiniń tehnıkalyq bólim bastyǵy, bastyǵynyń orynbasary. 1988-1998 jyldary - Tselına temir joldary basqarmasy tehnıkalyq bóliminiń bastyǵy, «Qazaqstan temir joly» RMK Aqmola tasymaldaý bólimshesiniń bastyǵy, Aqmola temir joldary bastyǵynyń birinshi orynbasary - bas ınjeneri. 1998-2002 jyldary - «Qazaqstan temir joly» RMK bas dırektorynyń Energetıka, baılanys jáne ınformatıka jónindegi orynbasary, Qazaqstan temir joly» RMK bas ınjeneriniń orynbasary, basqarma bastyǵy, Qazaqstan temir joly» JAQ bas ınjeneriniń orynbasary. 2002-2009 jyldary - «Qazaqstan temir joly» Ulttyq kompanııasy» AQ-nyń atqarýshy dırektory, «Qazaqstan temir joly» Ulttyq kompanııasy» aktsıonerlik qoǵamynyń fılıalynyń bas menedjeri, «Qamqor» jóndeý korporatsııasy» JShS korporatıvtik damý aktıvterin basqarý departamenti dırektorynyń orynbasary, dırektory, «Central Asia Protrans» JShS-niń dırektory, «Qazaqstan temir joly» Ulttyq kompanııasy» AQ - «Magıstraldyq júıeler dırektsııasy» Óndiris jónindegi dırektordyń orynbasary, «Qazaqstan temir joly» UK» aktsıonerlik qoǵamy bas ınjeneriniń mindetin atqarýshy, «Qazaqstan temir joly» UK» aktsıonerlik qoǵamynyń bas ınjeneri, «Qazaqstan temir joly» Ulttyq kompanııasy» aktsıonerlik qoǵamynyń basqarýshy dırektory - bas ınjeneriniń mindetin atqarýshysy qyzmetterin atqarǵan.

2009 jyldan bastap - qazirgi qyzmetinde.

«Astana» medalimen, «Birtutas Qazaq temir jolyna 50 jyl», «Pochetnyı jeleznodorojnık» tós belgilerimen marapattalǵan.

QAŃTARDYŃ 19-Y, SÁRSENBІ

OQIǴALAR

5 jyl buryn (2006) Atyraýda jańa ushyp-qoný jolaǵy qoldanylýǵa berldi, oǵan «Boıng-757» ushaǵy alǵashqy ret resmı túrde qondy. Ushyp-qoný jolaqtyń uzyndyǵy 3000metr, al eni 45 metr jáne eki jaǵynda shetki asfaltanǵan qaýipsizdik jolaqtarynan turady. Tósemniń qalyńdyǵy - 115 santımetr. «Qazaeroproekt» RMK qortyndysy boıynsha Atyraýdaǵy jolaq Qazaqstandaǵy eń myqty bolyp sanalady, jáne áýe kemeleriniń barlyq túrlerine qyzmet kórsete alady.

1 jyl buryn (2010) Astanadaǵy Prezıdenttik Mádenıet ortalyǵynda jańadan qurylǵan Qazaq tili men ádebıeti muǵalimderiniń qaýymdastyǵy (QTÁM) alǵashqy basqosýyn ótkizip, «Qazaq tili men ádebıetin oqytýdyń ınnovatsııalyq tehnologııalary» taqyrybynda semınar ótkizdi.

Jańa qoǵamdyq qurylym Memlekettik tildi damytý Prezıdenttik qorynyń bastamasymen jáne qoldaýymen qurylǵan. Onyń jetekshisi fılolog, orys mektepterindegi qazaq tiliniń muǵalimi Aıgúl Ahmetqalıeva.

Qaýymdastyqtyń basty maqsattary - orys mektepterimen jáne mektepke deıingi mekemede qazaq tilin oqytýdaǵy ınnovatsııalyq sheshimderdi izdestirý, qazaqtyń dástúrlerin kópshilikke taratý, balalardyń otan súııgishtik qasıetin oıatý.

1 jyl buryn (2010) Almatyda kóshbasshylyq boıynsha koých-keńesshi, reseılik Marına Petrovanyń «Raftıng» dep atalatyn kitabiniń tanystyrylymy bolyp ótti.

Shyǵarmada tórt synyptas dostardyń, bir demalysqa barǵandaǵy oqıǵalary sýretteledi. Sol demalystan olardyń ómirleri qatty ózgerip, keıipkerler ózderin tanyp, mahabbattyń ne ekenin túsinip, jańadan ómir súrýge úırenedi. Kitap barlyq kitap súıer oqyrmandarǵa arnalǵan.

«Kúndelikti tirshilik aıasynda, ómirdi baǵalamaı, aınalamyzdaǵy múmkindikterdi baıqamaı qalamyz. Qorshalǵan áınektiń ishinde júrgendeı bolamyz. Meniń kitabim sol qamaldan shyǵýǵa, ómirge degen qózqarasty ózgertýge, jańa ózgeristerdi engizýge, búgingi kúniń erteńgi kúnge uqsamaýǵa, sonymen qatar ózińdi ózgertýge áser etetin kómekshi qural bolady dep oılaımyn», dedi kitap avtory Marına Petrova.

1 jyl buryn (2010) «Respýblıka» jınaqtaýshy zeınetaqy qory salymshylardyń ótken jylǵy jeke zeınetaqy shottarynyń jaı-kúıi týraly aqparatty taratatyn onlaın-habarlama qyzmetin iske qosty. Elektrondyq aqparatqa qol jetkizý týraly tıisti kelisim jasaǵan salymshylar ınternet arqyly óziniń jeke zeınetaqy shotynyń jaı-kúıi týraly málimet alýǵa múmkindigi bar. Atalmysh qyzmet Qazaqstannyń barlyq aýmaǵynda tegin ruqsat etilgen.

ESІMDER

55 jyl buryn (1956) Mańǵystaý oblysy Mańǵystaý aýdanynyń ákimi BOQANOV Qarmys dúnıege keldi.

Mańǵystaý oblysy Mańǵystaý aýdanynyń Jarmysh aýylynda týǵan. Gýrev pedagogıkalyq ınstıtýtyn (qazirgi Halel Dosmuhamedov atyndaǵy Atyraý memlekettik ýnıversıteti), Batys-Qazaqstan aýyl sharýashylyǵy ınstıtýtyn (qazirgi Jáńgir han atyndaǵy Batys-Qazaqstan agrarlyq-tehnıkalyq ýnıversıteti) bitirgen.

1977 - 1979 jyldary - Mańǵystaý aýdany Jarmysh orta mektebiniń muǵalimi. 1979 - 1981 jyldary - Mańǵystaý aýdany «Buzaýshy» keńsharynyń hatshysy. 1981 - 1983 jyldary - Mańǵystaý aýdany komsomol komıtetiniń ekinshi hatshysy. 1983 - 1985 jyldary - Mańǵystaý aýdany «Aqshymyraý» keńsharynyń partııa komıtetiniń hatshysy. 1985 - 1990 jyldary - Mańǵystaý aýdany «Tuşyqudyq» keńsharynyń dırektory. 1990 - 1995 jyldary - Mańǵystaý aýdany «Buzaýshy» keńsharynyń dırektory. 1995 - 1998 jyldary - Mańǵystaý aýdany №5 óndiristik-jol basqarmasy bastyǵynyń orynbasary. 1998 - 1999 jyldary - Mańǵystaý aýdany «Tas jol» JShS-niń jol mamany. 1999 - 2007 jyldary - Mańǵystaý aýdany ákiminiń orynbasary. 2007 - 2008 jyldary - Mańǵystaý oblysy aýyl sharýashylyǵy basqarmasynyń bastyǵy. 2008 - 2010 jyldary - Mańǵystaý oblysy ákiminiń orynbasary qyzmetterin atqarǵan. 2010 jyldyń sáýirinen - qazirgi qyzmetinde. «Qazaqstan Respýblıkasynyń táýelsizdigine 10 jyl» (2001), «Astananyń 10 jyldyǵy» mereıtoılyq medaldarmen marapattalǵan.

30 jyl buryn (1981) jeńil atletıkadan halyqaralyq dárejedegi sport sheberi, Qazaqstan Respýblıkasynyń qurama komandasynyń múshesi, Azııanyń, Qazaqstan Respýblıkasynyńbirneshe dúrkin chempıony, jeńil atletıkadan Qazaqstan Respýblıkasynyń rekordsmeni MELEShENKO Evgenıı Vasılevıch dúnıege keldi. Kókshetaý qalasynda týǵan. Okonchıl Kokshetaýskıı gosýdarstvennyı ýnıversıtet ımenı Shoqan Ýálıhanov atyndaǵy Kókshetaý memlekettik ýnıversıtetin bitirgen.

Azııa birinshiliginiń, Qazaqstan halyqtary spartakıadasynyń, Búkilqazaqstandyq ýnıversıadanyń, Almaty, Bishkek, Ekaterınbor, Máskeý qalalarynda ótken Halyqaralyq týrnırlerdiń jeńimpazy, Máskeý qalasynda ótken «Kýbok Nadejdy» halyqaralyq týrnıriniń kúmis júldegeri atanǵan. Taıland, Úndistan, Fılıppın, Italııa, Grekııa, Polsha, Shveıtsarııa elderinde gran-Prı serııasy boıynsha ótken Halyqaralyq týrnırlerdiń jeńimpazy bolǵan. Ǵusman Qosanov atyndaǵy Halyqaralyq týrnırdiń jeńimpazy jáne rekordsmeni. Alǵashqy jattyqtyrýshysy - Chýıko Vasılıı Tımofeevıch.

2004 jyly Afınada ótken Olımpıadalyq oıyndarǵa qatysqan.

«Eńbektegi erligi úshin» medalimen marapattalǵan.

QAŃTARDYŃ 20-Y, BEISENBІ

OQIǴALAR

5 jyl buryn (2006) Kókshetaýda Shyǵys sport óneri» gazetiniń birinshi sany óz oqyrmandarynyń qolyna tıdi. Eki tilde, túrli-tústi boıaýly jańa aqparat quraly respýblıka kóleminde taratylady. Alǵashqy taralymy úsh myń dana deńgeıinde bolyp otyr. Gazet shyǵarýshylarynyń basty maqsaty - salaýatty ómir saltyn nasıhattaý, sporttyń jappaı sıpat alýyna umtylys jasaý, shyǵys sportynyń túr-túriniń keńinen órken jaıýyna yqpal etý, kópshilik qaýymdy sporttyń tarıhy men damýy týrasynda qulaqdar etý. Basylymnyń alǵashqy sanynda qazaqsha kúres, kókpar, karate jaıynda mol maǵlumattar berilgen.

1 jyl buryn (2010) Qazaqstan Respýblıkasynyń Memlekettik hatshysy - Syrtqy ister mınıstri Qanat Saýdabaevtiń tóraǵalyǵymen Qazaqstan Respýblıkasynyń Prezıdenti janyndaǵy Jappaı qyryp-joıý qarýyn taratpaý máseleleri jónindegi komıssııanyń birinshi otyrysy ótti.

Atalmysh komıssııa 2010 jyly 11 qańtarda Elbasy jarlyǵymen qurylǵan bolatyn.

1 jyl buryn (2010) Peterbor mańyndaǵy Oranıenbaýmdaǵy Qytaı saraıyn qalpyna keltirý jumystary kezinde mamandar erekshe olja tapty. Olar shólmeke salynǵan joldaýdy tapty, ony 40 jyl buryn jumys istegen qalpyna keltirýshiler saraı edeniniń astyna qaldyrǵan. Joldaýda jazylǵandaı, munda 1962 jyldyń mamyrynan bastap qyrkúıek aıyna deıin «Lenproektrestavratsııa» birlestiginiń - Antonov, Melnıkov, Belov, Leonov, Lebedev, Kýdrıashov brıgadasy qalpyna keltirý jumystaryn júrgizgen.

1962 jyly Qytaı saraıynda jumys istegen adamdar joǵary deńgeıdegi mamandar bolǵan, olar fresk keskindemesi, qabyrǵa pannosy jáne parketti jartylaı qalpyna keltirý sııaqty kúrdeli jumystardy atqarǵan.

«Oranıenbaým» saraı-saıabaǵy XVIII ǵasyrdyń basynda Peterbordan 40 shaqyrym jerdegi fın shyǵanaǵynyń ońtústik jaǵalaýynda qurylǵan. Ol Uly Otan soǵysynan keıin ózgerissiz bútin qalǵan soltústik astananyń mańyndaǵy jalǵyz saraı-saıabaq bolyp tabylady.

1 jyl buryn (2010) Memleket basshysy Nursultan Nazarbaev sot-saraptama qyzmeti salasyn jetildirýge, sondaı-aq sot saraptamasynyń táýelsizdigi men ádildigin qamtamasyz etýge baǵyttalǵan «Qazaqstan Respýblıkasyndaǵy sot-saraptama qyzmeti týraly» Qazaqstan Respýblıkasynyń Zańyna qol qoıdy.

ESІMDER

60 jyl buryn (1951) Qazaqstan Respýblıkasy Ortalyq saılaý komıssııasy Tóraǵasynyń orynbasary FOOS Vladımır Karlovıch dúnıege keldi. Abaı atyndaǵy Almaty memlekettik ýnıversıtetin bitirgen. Mamandyǵy - zańger-quqyqtanýshy. 1969-1990 jyldary -- Soltústik Kavkaz temir joly Gýdermes stansysynyń lokomotıv deposy teplovoz mashınısiniń kómekshisi, Shyǵys Qazaqstan oblysynyń Lenınogorsk polımetall kombınaty teplovoz mashınısiniń kómekshisi, Severodvınsk qalasy Áskerı-Teńiz floty tehnıkteri mektebiniń kýrsanty, - Mýrmansk oblysy Soltústik flottyń 51206-A á/b mıchmany, Shyǵys Qazaqstan oblysy Lenınogorsk polımetall kombınaty Rıdder rýdnıginiń prohodchıgi. 1990-1994 jyldary - 13-shaqyrý depýtaty, Qazaqstan Respýblıkasy Joǵary Keńesi Komıtetiniń múshesi, Halyq depýtattary keńesteriniń jumysy, basqarý jáne ózin-ózi basqarýdy damytý máseleleri jónindegi hatshysy, Qazaqstan Respýblıkasy Ortalyq saılaý komıssııasy zań bóliminiń konsýltanty, meńgerýshisi. 1994-2003 jyldary - Qazaqstan Respýblıkasy Joǵary Keńesi Komıtetiniń Almaty qalasyndaǵy Memlekettik qurylys jáne aımaqtyq saıasat jónindegi konsýltanty, Qazaqstan Respýblıkasy Ortalyq saılaý komıssııasynyń múshesi

2003-2007 jyldary - Qazaqstan Respýblıkasy Ortalyq saılaý komıssııasynyń hatshysy. 2007-2010 jyldary Qazaqstan Respýblıkasy Ortalyq saılaý komıssııasy Tóraǵasynyń Orynbasary qyzmetterin atqarǵan. 2010 jylǵy 14 sáýir kúni Parlament Májilisiniń jalpy otyrysynda Qazaqstan Respýblıkasy Ortalyq saılaý komıssııasynyń múshesi laýazymyna jańa bes jyldyq merzimge taǵaıyndaldy. 2010 jylǵy 16 sáýirinen bastap Qazaqstan Respýblıkasy Ortalyq saılaý komıssııasynyń Tóraǵasynyń orynbasary qyzmetin atqarady.

55 jyl buryn (1956) Qazaqstan Respýblıkasy Ulttyq Qaýipsizdik komıteti akademııasynyń dırektory, general-leıtenant ShAıAHMETOV Ádil Shaıahmetuly dúnıege keldi. Almaty oblysy Jambyl aýdanynda týǵan. Qazaq polıtehnıka ınstıtýtyn (Qanysh Sátbaev atyndaǵy Qazaq ulttyq tehnıkalyq ýnıversıteti), Mınsk qalasyndaǵy KSRO Ulttyq Qaýipsizdik komıteti Joǵarǵy kýrsyn bitirgen. 1978-1999 jyldary «Kazahvzryvprom» arnaıy basqarmasy trestiniń masteri, Qazaqstan Respýblıkasy Memlekettik qaýipsizdik komıtetiniń Jezqazǵan oblysy boıynsha basqarmasy Qarajal aýdandyq bólimshesiniń kishi jedel ýákili qyzmetinen Qazaqstan Respýblıkasy Ulttyq Qaýipsizdik komıteti Jedel-tehnıkalyq departamenti bastyǵynyń birinshi orynbasarylyǵyna deıingi eńbek jolynan ótken. 1999-2007 jyldary - Qazaqstan Respýblıkasy Qorǵanys mınıstrligi Kadr jáne áskerı bilim berý departamentiniń bastyǵy, bas áskerı ınspektsııasynyń general-ınspektory, Qazaqstan Respýblıkasy Ulttyq qaýipsizdik komıteti Pavlodar oblysy, Almaty oblysy boıynsha departamentteriniń bastyǵy. 2007-2009 jyldary - Qazaqstan Respýblıkasy Ulttyq Qaýipsizdik komıteti tóraǵasynyń birinshi orynbasary. 2009-2010 jyldary - Qazaqstan Respýblıkasy Ulttyq Qaýipsizdik komıteti tóraǵasy qyzmetterin atqarǵan.

2010 jyldan - qazirgi qyzmetinde. Qazaqstan Respýblıkasy Ulttyq Qaýipsizdik komıtetiniń Qurmetti qyzmetkeri. ІІ dárejeli «Dańq» ordenimen, Andropov ordenimen (RF) jáne 14 medaldarmen marapattalǵan.

QAŃTARDYŃ 21-І, JUMA

Dostyq qushaqtyń halyqaralyq kúni. Bul jańa merekeniń dástúri boıynsha tanymaıtyn adamdy da dostyq qushaǵyna alýǵa bolady. Mereke batys eýropalyq stýdent jastardan bastaý alady. Biraq nege naq osy kúni toılanatyny belgisiz. Bul kúni qyzdar men jigitter syrlastyq qıturqysyz qushaq almastyrady. Dostyq qushaqtasý kezinde adamdar bir-birimen jan jylýyn almastyrady dep esepteıdi. Batysta ár memlekette qushaqtasý beıimdiligin anyqtaý úshin ózderinshe zertteýler ótkizdi. Zertteýdiń qorytyndysy boıynsha eýropalyqtar orta eseppen eseptegende saǵatyna júz ret bir-birine qol tıgizedi, al amerıkandyqtar saǵatyna eki úsh ret qana.

Polshada áje kúni. Bul kúni Polshada eresek jáne kishkentaı nemereleri óz ájelerin «Áje kúnimen» quttyqtaıdy.

OQIǴALAR

3 jyl buryn (2008) Tarazda tusaýkeseri saltanatty jaǵdaıda ótken qalalyq muraǵat ashyldy.

Muraǵat mekemesiniń maqsaty men mindeti - oblystyń árbir turǵynyna, bizdiń óńirimiz, oblys jáne oblys ortalyǵyna qatysty qujattardy jınaqtaý, saqtaý jáne turǵyndardyń ótinishine saı qyzmet etý.

1 jyl buryn (2010) Almaty qalasynyń kınoteatrlarynda «Siz kimsiz, Ka myrza?» atty shytyrmandy oqıǵaly jańa otandyq fılmniń tusaýkeseri boldy.

Sháken Aımanov atyndaǵy «Qazaqfılm» kınostýdııasy men reseılik «Izarýsfılm» kınokompanııasy túsirgen fılmniń basty rólderin - Keńes Odaǵy jáne Qazaqstannyń Halyq ártisi Asanáli Áshimov (Ka myrza) pen qazaqstandyq jas ártis Fılıpp Voloshın (Igorek) somdady. Asanáli Áshimovtyń ıdeıasymen jaryqqa shyqqan lentanyń qoıýshy-rejısseri Hýat Ahmetov, prodıýserleri - Venera Nyǵmatýlına jáne Áljan Ibragımov.

«Siz kimsiz, Ka myrza?» fılmi Sháken Aımanovtyń eń sońǵy týyndysy - «Atamannyń aqyry» men «Transsibir eskpresi» fılmderiniń zańdy jalǵasy ispetti. Sebebi, olar ártúrli rejısserlardyń qoldarynan shyqsa da, kartınalardaǵy otanǵa, elge qyzmet etý sııaqty uly sezimder men qasıetterdi jetkizý ıdeıalarynyń negizi bir.

Uzaq jyldardan keıin Bangkoktyń túrmesinen bosap shyqqan Ka myrza, Otanyna oralmaq bolyp mingen poıyzdyń kýpesinde Igorek esimdi jolserigimen tanysady. Al esirtki tasymalymen aınalysatyn jas jigit, «taýardy» dittegen jerine Ka myrzanyń arqasynda oǵan bildirtpeı jetkizip alýdy kózdep, esirtki jasyrylǵan ydysty qartqa syıǵa tartqan bolady. Biraq ótken ómirinde mol «tájirıbesi» bar qart, onyń pıǵylyn birden túsinip, esirtkiniń kózin joıady. Budan keıin Ka myrza, Igorekty «tapsyrys berýshilerdiń» óliminen aman-alyp qalý úshin eriksiz qylmystyq toptyń ortasyna túsedi. Jas balany ólim aýzynan arashalap qalý úshin óziniń burynǵy «baılanystarymen» qylmyskerlerge esirtkiniń iri kólemin jetkizip berýge de kelisedi. Fılmniń sońynda uzaq ýaqyt polıtsııanyń baqylaýynda bolǵan qylmystyq top quryqtalady. Al olardy qolǵa túsirý - qazaqstandyq agent - Ka myrzanyń otandyq quqyq qorǵaý organdarymen áý bastan kelisken naqty syzba-josparlardyń arqasynda júzege asyrylǵandyǵy anyqtalady.

Astanada fılmniń premerasy qańtardyń 19-ynda boldy.

1 jyl buryn (2010) Atyraý oblystyq ólke taný murajaıy jańa eksponattarmen tolyqtyryldy - ótken ǵasyrdyń 8 kúmis qasyqtarymen.

Baǵaly oljany - kúmis qasyqtardy - oqýshy Damır Myrzaǵalıev qurylys jumystary úshin ákelgen qumnan tapty. Ol, olardy murajaıǵa tapsyrdy. Qasyqtarda kúmistiń synaǵy jáne 19 ǵasyrdyń sońynda istep shyǵarǵan zaýyttyń tańbasy bar.

1 jyl buryn (2010) Qazaqstan Respýblıkasynyń Prezıdenti N.Nazarbaev «Balyq sharýashylyǵynyń suraqtary jónindegi Qazaqstan Respýblıkasynyń keıbir zańnamalyq aktilerine ózgertýler men tolyqtyrýlar engizý týraly» Zańyna qol qoıdy.

Zań elimizdegi balyq qorlaryn tıimdi qoldaný suraqtaryna, zańdy jetildirýge baǵyttalǵan.

ESІMDER

50 jyl buryn (1961) Qazaqstan RespýblıkasyMemlekettik qyzmet isteri agenttiginiń aýmaqtyq basqarmasynyń bastyǵy - Qazaqstan RespýblıkasyMemlekettik qyzmet isteri agenttiginiń Qyzylorda oblysyndaǵy Tártiptik keńesiniń tóraǵasy NÁLІBAEV Maqsut Ybyraıhanuly dúnıege keldi.

Qyzylorda oblysy Shıeli aýdanynda týǵan. Jambyl gıdromelıoratıvtik-qurylys ınstıtýtynyń Qyzylorda fılıalyn, KSRO ІІM Saratov joǵary kýrsyn, Qazaqstan Respýblıkasy ІІM Qaraǵandy joǵary mektebin bitirgen. 1988-1995 jyldary - Qyzylorda oblystyq Іshki ister basqarmasy bólimshesiniń jedel ýákili, erekshe mańyzdy ister jónindegi aǵa jedel ýákili, bastyǵy, bólim bastyǵynyń orynbasary, bastyǵy. 1995-1997 jyldary - Qyzylorda oblysy boıynsha Memlekettik tergeý komıteti basqarmasy bóliminiń bastyǵy. 1997-2001 jyldary - Qyzylorda qalalyq salyqtyq tergeý bóliminiń, ishki ister bóliminiń bastyǵy, Qyzylorda oblysy boıynsha Salyq polıtsııasy komıteti basqarmasy - Qarjy polıtsııasy departamenti bastyǵynyń orynbasary, bastyǵy,.

2001-2004 jyldary - Qyzylorda oblysy boıynsha Qarjy polıtsııasy departamentiniń bastyǵy. 2004-2005 jyldary -Qyzylorda oblysy boıynsha Ekonomıkalyq qylmysqa jáne sybaılas jemqorlyqqa qarsy kúres departamentiniń (qarjy polıtsııasy) bastyǵy.

2005-2006 jyldary - Qaraǵandy oblysy boıynsha Ekonomıkalyq qylmysqa jáne sybaılas jemqorlyqqa qarsy kúres departamentiniń (qarjy polıtsııasy) bastyǵy.

2006-2007jyldary - Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttiginiń (qarjy polıtsııasynyń) Sybaılas jemqorlyq týraly isterdi ashý jáne aldyn ala alý departamentiniń(qarjy polıtsııasy) bastyǵy,Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttiginiń(qarjy polıtsııasynyń)Aqparattyq-taldaý departamentiniń (qarjy polıtsııasy) bastyǵy qyzmetterin atqarǵan.

2007 jyldyń mamyr aıynan bastap - qazirgi qyzmetinde.

50 jyl buryn (1961) Qazaqstan Respýblıkasy Memlekettik qyzmet isteri agenttigi tóraǵasynyń orynbasary KÓMEKBAEV Álı Amantaıuly dúnıege keldi.

Shymkent qalasynda týǵan. Qazaq hımııa-tehnologııa ınstıtýtyn, Ulttyq memleket basqarýdyń joǵary mektebin (NVShGÝ), «Ádilet» joǵary quqyq mektebin, Máskeý avıatsııa-tehnologııa ınstıtýtynyń aspırantýrasyn bitirgen. 1996-1998 jyldary - Shymkent qalasy ákimi apparatynyń mamany. 1998-1999 jyldary - Qazaqstan Respýblıkasy Strategııalyq josparlaý jáne reforma jónindegi agenttiginiń bas mamany, 1999-2004 jyldary - Astana qalasy boıynsha basqarmasynyń bas mamany, bastyǵynyń orynbasary, Memlekettik qyzmetterdi quqyqtyq qamtamasyz etý departamentiniń dırektory qyzmetterin atqarǵan. 2004 jyldyń qańtarynan bastap - qazirgi qyzmetinde. 2009 jyldyń 10 qarashasynanQazaqstan Respýblıkasy Memlekettik qyzmet isteri jónindegi ókiletti organnyń tártiptik komıssııasy tóraǵasynyń orynbasary.

QAŃTARDYŃ 22-І, SENBІ

Polshada ata kúni. Polshada qańtardyń 21-inde «Áje kúnin» atap ótken soń, kishkentaı jáne eresek nemereler qańtardyń 22-inde «Ata kúnimen» óz atalaryn quttyqtaıdy.

OQIǴALAR

1 jyl buryn (2010) Almatyda Qazaq ulttyq ónerin órkendetý jolynda eren eńbegimen tanylǵan qylqobyzshy-pedagog, Qazaqstan Respýblıkasynyń Bilim berý isiniń úzdigi, Qazaqstan Respýblıkasynyń Bilim jáne ǵylym mınıstrliginiń Qurmetti qyzmetkeri, «Jańashyl-pedagog» Ábdimanap Jumabekulynyń úsh tomdyq «Qylqobyzǵa arnalǵan hrestomatııalar» jınaǵynyń birinshi tomynyń tanystyrylymy bolyp ótti.

Birinshi tom - «Bilim» baspasynan, 2000 danamen jaryq kórgen. Oqý quraly - mýzyka mektepteri men mýzyka kolledjderine, konservatorııa men óner, mýzyka akademııasynyń stýdentterine jáne jalpy óner súıer qaýymǵa arnalǵan. Qomaqty eńbek avtordyń otyz jyldan astam ýaqyt júrgizip kelgen ustazdyq tájirıbesi men ǵylymı-pedagogıkalyq izdenisiniń nátıjesinde dúnıege kelgen.

1 jyl buryn (2010) Astanada jazýshy Álibek Asqarovtyń «Altaı - altyn besik, ata jurt» kitabynyń tanystyrylymy ótti. Qazaqstan Respýblıkasy Memlekettik syılyǵynyń laýreaty, kórnekti prozashy, esseshi Álibek Asqarov - týǵan ádebıetimizdiń búgingi bet - beınesin aıqyndaıtyn qalamgerlerdiń biri.

ESІMDER

65 jyl buryn (1946) Qazaqstan Respýblıkasy Parlamenti Senatynyń depýtaty - Ekonomıkalyq jáne óńirlik saıasat komıtetiniń múshesi, Qazaqstannyń eńbek sińirgen qaıratkeri SÚLEIMENOV Nurlan Іlııasuly dúnıege keldi.

Almaty oblysy Eńbekshiqazaq aýdanynda týǵan. Qazaq polıtehnıkalyq ınstıtýtyn, Almaty joǵary partııa mektebin bitirgen.

1971-1976 jyldary - Qazaqstan LKJO Almaty qalalyq komıtetiniń nusqaýshysy, bólim meńgerýshisi, Sovet aýdandyq komıtetiniń birinshi hatshysy. 1976-1979 jyldary - Almaty qalalyq partııa komıtetiniń nusqaýshysy. 1979-1985 jyldary - Almaty oblystyq partııa komıteti birinshi hatshysynyń kómekshisi. 1985-1991 jyldary - Áýezov aýdandyq atqarý komıtetiniń tóraǵasy. 1991-1992 jyldary - Áýezov aýdandyq partııa komıtetiniń birinshi hatshysy, aýdandyq keńestiń tóraǵasy. 1992-1994 jyldary - Almaty qalalyq ákimshiligi basshysynyń orynbasary. 1994-1995 jyldary - QR Joǵarǵy Keńesi sessııasy hatshylyǵynyń jetekshisi. 1995-1997 jyldary - Almaty qalalyq ákimshiligi basshysynyń, ákiminiń orynbasary - apparat basshysy. 1997-2001 jyldary - Almaty qalalyq eńbek jáne turǵyndardy áleýmettik qorǵaý basqarmasynyń bastyǵy. 2001-2008 jyldary - Almaty oblysy ákimi apparatynyń jetekshisi qyzmetterin atqarǵan.

2008 jyly Almaty oblysynan Qazaqstan Respýblıkasy Parlamenti Senatynyń depýtaty bolyp saılanǵan. «Nur Otan» HDP Almaty oblystyq fılıaly tóraǵasynyń orynbasary. Qazaq KSR Joǵarǵy Keńesiniń 12-13-shi shaqyrylymynyń depýtaty bolǵan. «Qurmet belgisi» ordenimen, medaldarmen jáne Qazaq KSR Joǵarǵy Keńesiniń Qurmet gramotasymen marapattalǵan.

60 jyl buryn (1951-2009) zań ǵylymdarynyń doktory, Abaı syılyǵynyń laýreaty Qazaqstan Respýblıkasy Gýmanıtarlyq ǵylymdar akademııasynyń korrespondent-múshesi, Qazaqstan Respýblıkasy Jýrnalıster odaǵynyń múshesi, Ortalyq Azııa ýnıversıtetiniń prorektory ÓZBEKULY Sáken dúnıege keldi. Almaty oblysy Jambyl aýdanynda týǵan. Qazaq memlekettik ýnıversıtetiniń zań fakýltetin, Qazaqstan Respýblıkasy Ǵylym akademııasy Fılosofııa jáne quqyq ınstıtýtynyń aspırantýrasyn bitirgen. 1987-1994 jyldary Qazaq memlekettik ýnıversıtetiniń aǵa oqytýshysy, 1994-1995 jyldary Dinmuhammed Qonaev atyndaǵy ýnıversıtettiń prorektory, 1995-1999 jyldary Memleket jáne zań ınstıtýtynyń aǵa ǵylymı qyzmetkeri, 1999-2009 jyldary Orta Azııa ýnıversıtetiniń prorektory, Qazaq memlekettik zań akademııasy kafedrasynyń meńgerýshisi qyzmetterin atqarǵan. Negizgi ǵylymı jumystary memleket jáne quqyq teorııasy máselelerin, saıası quqyqtyq ilimder tarıhyn, Qazaqstannyń memlekettigi men quqyǵynyń tarıhyn zertteýge arnalǵan. 180-nen asa ǵylymı eńbegi, onyń ishinde 8 monografııasy jarııalanǵan. Ol dástúrli quqyqtyq mádenıet taqyrybyna arnalǵan «Qazaqtyń ata zańdary» atty 10 tomdyqty qurastyrýshylardyń, ári avtorlarynyń biri. 1995 jyly «Abaı jáne adam quqy» monografııasy úshin ataýly syılyqtyń laýreaty atanyp, 2004 jyldan beri Qazaqstan Respýblıkasy Zań ǵylymdary akademııasynyń prezıdenti bolǵan.

40 jyl buryn (1971) Qazaqstan Respýblıkasy Qarjy mınıstrliginiń Salyq komıteti Tóraǵasynyń orynbasary TEŃGEBAEV Ardaq Myrzabaıuly dúnıege keldi.

Torǵaı (Qostanaı oblysy) oblysynda týǵan. Almaty halyq sharýashylyǵy ınstıtýtyn, «Qaınar» ýnıversıtetin bitirgen.

1993-1996 jyldary - «Qazagroónerkásipbanki» AQ Torǵaı fılıalynyń mamany, Arqalyq qalasy, «Qazagroónerkásipbanki» AQ Amangeldi fılıalynyń ekonomısi, aǵa ekonomısi, «Qazagroónerkásipbanki» AQ Torǵaı oblystyq fılıalynyń bas ınjeneri, bas ınjener-baǵdarlamashysy. 1996-1999 jyldary - Qazagroónerkásipbanki» AQ Amangeldi aýdandyq fılıalynyń atqarýshy dırektory, Almaty qalasy boıynsha salyq basqarmasynyń salyq ınspektory, sektor meńgerýshisi, bas salyq ınspektory. 1999-2004 jyldary - Almaty qalasy boıynsha salyq komıtetiniń bólim bastyǵy, basqarma bastyǵy, Almaty qalasy boıynsha ESJQKD aǵa ınspektory, basqarma bastyǵy. 2004-2007 jyldary - «ATP» salyq komıtetiniń bólim bastyǵy, Almaty qalasy, Semeı qalasy boıynsha salyq komıtetiniń tóraǵasy. 2007-2009 jyldary - Mańǵystaý oblysy boıynsha salyq komıtetiniń tóraǵasy, Aqtaý qalasy, Mańǵystaý oblysy boıynsha salyq departamentiniń bastyǵy. 2009-2010 jyldary - Qazaqstan Respýblıkasy Qarjy mınıstrliginiń Salyq komıteti Mamandandyrylǵan basqarmasynyń bastyǵy qyzmetterin atqarǵan.

2010 jyldyń sáýirinen bastap - qazirgi qyzmetinde.

QAŃTARDYŃ 23-І, JEKSENBІ

OQIǴALAR

3 jyl buryn (2008) Aqtaýda «Mangystaý - kraı predanıı ı legend» atty kitabynyń tanystyrylymy boldy. Kitaptyń avtory jýrnalıst jáne Mańǵystaý ólkesiniń ańyzdaryn jınaýshy Natalıa Zaderetskaıa. Kitapqa - Mańǵystaýdyń qasıeti jerleriniń, qudyqtary men meshitteriniń, tarıhı buryshtarynyń kóptegen ádemi fotosýretteri jáne batyrlar men qarapaıym adamdar týraly ańyzdary engizilgen.

«Mangystaý - kraı predanıı ı legend» atty kitap N.Zaderetskaıanyń Mańǵystaý aımaǵynnyń tarıhy men adamdaryna arnalǵan besinshi kitap bolyp tabylady.

3 jyl buryn (2008) Elbasy Nursultan Nazarbaev bıznestiń áleýmettik jaýapkershiliginiń jyl saıynǵy «Paryz» konkýrsyn ótkizip otyrý týraly Jarlyqqa qol qoıdy.

Qazaqstannyń jeke kásipkerlik sýbektileriniń korporatıvtik áleýmettik jaýapkershilik prıntsıpterin qalyptastyrý men ilgeriletý jáne olardy osy saladaǵy eń úzdik tájirıbeni engizýge yntalandyrý maqsatymen qurylǵan.

1 jyl buryn (2010) Qazaqstan Respýblıkasynyń Nıý-Iorkte bas konsýldigi saltanatty túrde ashyldy.

Rásimge AQSh-ta akkredıttelgen elder konsýldyǵy qyzmetteriniń basshylary, BUU janyndaǵy TMD memleketteri dıplomatııalyq mıssııalarynyń basshylary, AQSh-tyń Memlekettik departamentiniń, Nıý-Iork bıznes toptarynyń jáne merııasynyń ókilderi qatysty.

1 jyl buryn (2010) Memleket basshysy elimizdegi jáne halyqaralyq tájirıbeni eskere otyryp, mindetti saqtandyrý salasyndaǵy tetikterdi jetildirýge baǵyttalǵan «Qazaqstan Respýblıkasynyń keıbir zańnamalyq aktilerine mindetti jáne ózara saqtandyrý,

salyq salý máseleleri boıynsha ózgerister men tolyqtyrýlar engizý týraly» Zańǵa qol qoıdy.

1 jyl buryn (2010) Qazaqstan Respýblıkasynyń Ulttyq banki 2010 jyly OAR ótken fýtbol boıynsha Álem chempıonatyna arnalǵan nomınaly 100 teńgelik eskertkish kúmis shaqany aınalymǵa shyǵardy.

Shaqanyń bet jaǵynda stılge keltirilgen stadıonnyń beınesi jáne tómen jaǵynda Qazaqstan Respýblıkasynyń Eltańbasy beınelengen, jáne «Ag 925 31,1g» degen jazýy bar, ol jasap shyǵarylǵan metalldyń tańbasy, salmaǵyn bildiredi. Sol jaǵynda shaqanyń nomınalyn bildiretin «100 tenge» degen jazýy bar. Joǵarǵy bólikte ulttyq banktiń logotıby ornalastyrǵan. Shaqanyń perımetri boıynsha «Republic of Kazakhstan» degen jazýy ishine qaraı engizilgen. Shaqanyń artqy jaǵynnyń ortalyq bóliginde oıyn ústindegi doby bar eki fýtbolshy beınelengen. Sheńberi boıynsha «2010 Fifa World Cup South Africa TM» degen jazýy jazylǵan. Shaqanyń maksımaldy tırajy 10 myń dana, onyń 3 myń danasy ǵana ishki naryq úshin jasalǵan. Bul Ulttyq banktiń shaqasy sportqa arnalǵan ınvestıtsııalyq toptamasynyń jetinshi shaqasy bolyp tabylady.

ESІMDER

60 jyl buryn (1951) Batys Qazaqstan oblysy Aqjaıyq aýdanynyń ákimi IMANǴALIEV Abaı Sátıuly dúnıege keldi.

Batys Qazaqstan oblysy Tasqala aýdanynda týǵan. E.Býketov atyndaǵy Qaraǵandy memlekettik ýnıversıtetin, Azamattyq avıatsııa akademııasyn, Batys Qazaqstan ınjenerlik-tehnologııalyq ýnıversıteti Basqarý jáne quqyq ınstıtýtyn bitirgen. 1974-1981 jyldary Qaraǵandy jáne Oral qalalarynyń komsomol komıtetterinde jumys istegen. Oblystyń partııa uıymdarynda basshylyq qyzmetter atqardy. 1981-1987 jyldary - Oral áýejaıy komandıriniń orynbasary. 1987-1988 jyldary -Promyshlennyı aýdandyq partııa komıtetiniń ekinshi hatshysy. 1988-1991 jyldary -Chapaev aýdandyq partııa komıtetiniń ekinshi hatshysy. 1991-1992 jyldary - Oral oblystyq partııa komıtetiniń hatshysynyń orynbasary. 1992-2002 jyldary - Oral qalasyndaǵy «Aqjol» Halyqaralyq áýejaıy» AAQ-y dırektorynyń orynbasary. 2002-2003 jyldary - Batys Qazaqstan oblystyq ishki saıasat departamentiniń dırektory. 2003-2006 jyldary - Batys Qazaqstan oblysy ákiminiń orynbasary qyzmetterin atqarǵan.

2006 jyldan bastap - qazirgi qyzmetinde.