QazAqparat-Anons: 2011 jylǵy 16-18 qyrkúıek aralyǵyndaǵy oqıǵalardyń kúntizbesi

ÚKІMET

16 qyrkúıekte Astanada «QTJ» AQ-da QR Baılanys jáne aqparat mınıstri men QTJ prezıdentiniń qatysýymen jańa talshyqty-optıkalyq baılanys jelisiniń saltanatty ashylýy bolady.

16 qyrkúıekte QR ІІM-inde brıfıng ótedi.

16 qyrkúıekte Astanada Qazaqstannyń halyqaralyq yntymaqtastyq aýqymyndaǵy tirkeý júıesin damytý perspektıvalaryna arnalǵan halyqaralyq konferentsııa ótedi.

PARLAMENT

16 qyrkúıekte QR Parlamentiniń Májilisinde «Injennerlik-tektik qyzmetti memlekettik retetý týraly» zań jobasynyń tanystyrylymy ótedi.

BASQA MEMORGANDAR

16 qyrkúıekte QR Ulttyq akademııalyq kitaphanasynda kópsalaly tilasharlardyń tanystyrylymy ótedi.

TMD

11-20 qyrkúıekte Anapada TMD elderiniń HH mereıtoılyq kınofestıvali ótýde.

SPORT

13-17 qyrkúıekte «Dáýlet» sport kesheninde bokstan áıelder arasyndaǵy ІІ halyqaralyq týrnır ótýde.

18 qyrkúıekte Almatyda Qala kúnine arnalǵan buqaralyq velojoryq ótedi.

ASTANA

1 tamyzdan 30 qyrkúıekke deıin respýblıkalyq «Mektepke jol» aktsııasy ótýde.

12-25 qyrkúıekte «Kerýen» saýda oıyn-saýyq ortalyǵynda «Sport - búkilálemdik pikir almasý tili» kórmesi ótýde.

14-16 qyrkúıekte Astanada Shámshi Qaldaıaqov atyndaǵy «Meniń Qazaqstannym» ІІ halyqaralyq ánder festıvali ótýde.

14-16 qyrkúıekte Táýelsizdik saraıynda Ortalyq Azııadaǵy iri konferentsııa «Digital Communication Kazakhstan-2011» kórmesi ótýde.

16 qyrkúıekte Astanada Qazaqstan halyqtary tilderiniń HІІІ respýblıkalyq festıvali ótedi.

16 qyrkúıekte Qazaqstan halyqtary tilderiniń Astana qalalyq HІІІ festıvali ótedi.

ALMATY

29 tamyzdan 25 qyrkúıekke deıin Almatyda QR Táýelsizdiginiń 20 jyldyǵyn merekeleý aıasynda «Qazaqstan dostardyń kózimen» fotokórmesi ótýde.

15-17 qyrkúıekte Almatyda alǵashqy Zań forýmy ótedi.

16 qyrkúıekte Dostyq úıinde QR Táýelsizdiginiń 20 jyldyǵyna arnalǵan shyǵarmashylyq kesh ótedi.

16 qyrkúıekte «Dınamo» stadıonynda dańqty olımpıada chempıony Shámil Serikov atyndaǵy demalys ortalyǵy ashylady.

16 qyrkúıekte Kóktóbede Almaty qalasynyń ákimi A.Esimovtiń qatysýymen baýyrlas Týson qalasynyń (AQSh) eskertkishi ashylady.

16 qyrkúıekte Almaty ákimi A.Esimovtiń qatysýymen Qazposhta jańa bólimshesi ashylady.

16 qyrkúıekte QR Tuńǵysh Prezıdenti qorynda R.Batpenovanyń jeke kórmesi ashylady.

ELEÝLІ OQIǴALAR. ATAÝLY KÚNDER. ESІMDER.

QYRKÚIEKTІŃ 16-Y, JUMA

Halyqaralyq ozon qabatyn qorǵaý kúni. Jyl saıynǵy Halyqaralyq ozon qabatyn qorǵaý kúnin BUU Bas assambleıasy 1994-inshi jylǵy №A/RES/49/114 arnaıy qararymen jarııalaǵan.

Bul kún Ozon qabatyn buzýshy zattar jónindegi Monreal hattamasyna qol qoıylýyn este qaldyrý úshin belgilengen.

Planetamyzdy kún radıatsııasynyń joıǵysh áserlerinen qorǵaıtyn Jer atmosferasyndaǵy stratosferalyq qabattyń tómendeı túskenine tuńǵysh ret ǵalymdar HH ǵasyrdyń 60-ynshy jyldarynyń sońynda kóńil aýdardy.

80-inshi jyldary ǵalymdar jańalyq ashty: Antarktıda aýmaǵynda ozonnyń jalpy kólemi 2 ese azaıyp ketken. Naq sol kezde «ozon jyryǵy» ataýy paıda boldy.

Ozonnyń juqarýyna hlor totyǵy áser etedi. Al bul - zavodtardyń, ónerkásiptik kásiporyndardyń aýaǵa jaıylatyn qoqystary. Ozon jyryqtarynyń aldyn alýǵa bizdiń kúshimiz jetpeıdi. Alaıda, ozondy eń bolmasa turmystyq deńgeıde saqtaýǵa adam kúshi jetedi-aq.

Meksıka Qurama Shtattarynyń Memlekettik meıramy - Táýelsizdik kúni (1810).

Qazaqstan Respýblıkasy men Meksıka Qurama Shtattary arasyndaǵy dıplomatııalyq qarym-qatynas 1992 jylǵy sáýirdiń 13-inde ornatyldy.

ESTE QALAR OQIǴALAR

11 jyl buryn (2000) Atyraýda Mysyr bıleýshisi bolǵan Beıbarys sultannyń 775 jyldyq mereıtoıyna arnalǵan halyqaralyq ǵylymı-tájirbıelik konferentsııa ótti. Konferentsııaǵa arab elderiniń ǵalymdary qatysty. Sonymen qatar qazaq tiline aýdarylǵan «Áz-Zahır Beıbarys ómirbaıany» atty kitaptyń tusaýkeseri bolyp, Atyraý oblystyq qazaq drama teatry jazýshy Raqymjanı Otarbaevtyń «Beıbarys» atty pesasyn sahnalady.

Shejire boıynsha Beıbarystyń atamekeni - Kaspıı teńiziniń mańy, bir derekterde - Edil-Jaıyq boıy. Kishi júzdegi Baıulynyń Berish rýynan degen málimet bar.

6 jyl buryn (2005) Túrkııanyń Izmır qalasynda Qazaqstan Respýblıkasynyń Qurmetti konsýldyǵynyń saltanatty ashylý rásimi ótti.

Saltanatty sharaǵa Izmır provıntsııasynyń gýbernatory Oǵyz Qaǵan Kóksal, osy qaladaǵy qurmetti konsýldyqtardyń basshylary, isker top ókilderi, qazaq dıasporasy men buqaralyq aqparat quraldary ókilderi qatysty.

6 jyl buryn (2005) Almatyda qoǵam qaıratkeri, ekonomıka ǵylymynyń doktory, akademık Erik Asanbaevtyń (1936-2004) turǵan úıiniń qabyrǵasyna eskertkish taqta ornatyldy.

Erik Asanbaev 1936 jyldyń 10 naýryzynda Torǵaı (Qostanaı) oblysynyń Baıǵabyl aýdanynda týǵan. Qazaq memlekettik ýnıversıtetiniń ekonomıka fakýltetin jáne aspırantýrasyn bitirgen. 1958 jyldan bastap Qazaq KSR-niń Qarjy mınıstrliginde ekonomıst, Jobalaý komıtetinde bólim meńgerýshisi qyzmetterin atqarǵan. Qazaq KSR Mınıstrler keńesiniń múshesi, Qazaqstannyń Germanııadaǵy Tótenshe jáne Ókiletti elshisi bolǵan. Kóptegen ordendermen jáne medaldarmen marapattalǵan.

6 jyl buryn (2005) Almatydaǵy Ortalyq ǵylymı kitaphanada aqyn, jyrshy, aýyz ádebıetiniń úlgilerin jınaýshy Kósembek Baıǵuttyulynyń (1884-1951) «Zaman» atty kitabynyń tanystyrylymy ótti.

Rásim aıasynda avtordyń jeke muraǵat materıaldary qoıylǵan kórme ashyldy. «Úsh qııan» baspasynan jaqynda ǵana aqyn nemeresi Baqyt Hamzaqyzynyń qurastyrýymen shyqqan týyndyǵa K.Baıǵuttyulynyń zaman, ómir aǵysy jaıly jyrlaǵan óleńderi, aıtystary, qoǵamnyń keleńsiz jaqtaryn synap jazǵan mysaldary jáne shyǵystyq úlgide jazylǵan «Bes seri» dastany engen.

Halqymyzdyń aýyz ádebıeti nusqalaryn el aýzynan jınap nasıhattaýda kóp eńbek sińirgen K.Baıǵuttyulynyń shyǵarmalary qazir Ortalyq ǵylymı kitaphana qory men Muhtar Áýezov atyndaǵy Ádebıet jáne óner ınstıtýtynyń qoljazbalar men tekstologııa bóliminde saqtaýly. «Qazaqtyń qart aqyny Kósembekpin, Sózge baı, tilge júırik, sheshen bekpin» dep jyrlaǵan aqyn HH ǵasyrdaǵy qýǵyn-súrginniń qurbany bolǵan.

6 jyl buryn (2005) Óskemende qazaqstanda qurastyrylǵan «SKODA» avtokólik markasy satyla bastaldy.

6 jyl buryn (2005) Aqtóbedegi Muǵalimder úıinde Keńes Odaǵynyń Batyry Álııa Moldaǵulovanyń 80-jyldyq mereıtoıyna arnalǵan eki tomdyq fotoalbomnyń tanystyrylymy boldy.

2 myń danany quraıtyn eki tomdyq baspa 3 tilde (qazaq, orys, aǵylshyn) shyǵarylǵan. Birinshi tomda búgingi kúnge deıin jınaqtalǵan muraǵattan alynǵan, Moldaǵulovanyń týǵan-týystarynyń, maıdandas joldastarynyń sózderinen jınalǵan barlyq materıaldar 304 bettik kitapta kórsetilgen. Ekinshi kitap Batyr qyzǵa arnalǵan óleńder, ánder, dastandar, áńgimelerden turatyn kórkem shyǵarmalardyń jınaǵy bolyp tabylady. Fotoalbomda Álııanyń barlyq sýretteri, týǵan jeri Qobda aýdanynyń jáne jerlengen Pskov oblysynda túsirilgen fotosýretteri jınaqtalǵan.

4 jyl buryn (2007) Qazaqstan Venada Atom energetıkasyndaǵy Jahandyq seriktestikke qosyldy.

Onyń barysynda Qazaqstan Qaǵıdalar hattamasyna qol qoıdy jáne osynaý úderiske tolyqqandy múshe atandy.

Jınalǵandardyń aldynda sóılegen MAGATE Bas dırektory Mohammed Ál-Baradeı, atom energetıkasy damýynyń boljanýyna baılanysty osynaý bastamanyń ózektiligin atap ótti.

Bizdiń elimiz Atomdyq energetıka salasyndaǵy Jahandyq seriktestiktiń negizgi qaǵıdalaryn bólisedi jáne óz atomdyq energetıkalyq tehnologııasyn damytýdy sezimtal tehnologııalar ázirlemeý mindettemesin alǵan memleketterge ıadrolyq otynǵa kepildikti jáne ádil qoljetimdilik berý qajettiligin atap kórsetedi. AQSh Prezıdenti Djordj Býsh 2006 jyly usynǵan Atom energetıkasyndaǵy Jahandyq seriktestik bastamasy álemdik energııa tutynymynyń ósýine baılanysty taza, qaýipsiz jáne qoljetimdi ıadrolyq energııanyń keleshektegi artý yqtımaldyǵyna baılanysty halyqaralyq mámilege taldap jasaýǵa baǵyttalǵan. Búginde Seriktestikke 16 memleket, onyń ishinde atom energetıkasyndaǵy óz jetistikterimen kózge túsken jáne aldyńǵy qatarly tehnologııalarǵa ıe Qytaı, Reseı, AQSh, Frantsııa elderi múshe.

2 jyl buryn (2009) Aqtóbe oblysy men Cheh Respýblıkasynyń saýda-ónerkásiptik palatalarynyń arasyndaǵy yntymaqtastyq týraly kelisimshartqa qol qoıdy.

Qol qoıylǵan kelisimshartta Cheh Respýblıkasy men Aqtóbe oblysynyń arasyndaǵy syrtqy ekonomıkalyq baılanystardy nyǵaıtý jáne damytý, aqparattyq-konsýltatsııalyq, marketıngilik is-sharalardy damytý, sondaı-aq oqý yntymaqtastyǵy men tájirıbe almasý máseleleri qarastyrylyp otyr.

ESІMDER

85 jyl buryn (1926-2000) dombyrashy, kúıshi TALASBAIULY Elemes dúnıege keldi.

Almaty oblysynyń Raıymbek aýdanynda týǵan. Atasy Espembet, ákesi Talasbaı aımaǵyna áıgili kúıshiler bolǵan. Dombyrany 7 jasynda ákesinen úırengen. Onyń óz janynan shyǵarǵan týyndysy - «Arman-aı» kúıi. Stalındik asyra silteý kezinde ol ata-anasymen birge Qytaı jerine qonys aýdarady.

Onyń «Sher tarqatar», «Atameken», «Kúıshaqyrtqy», «Keńes», t.b. kúıleri bar. 1996 jyly Qazaqstanǵa oralǵan. 1998 jyly Qazaq radıosynyń, 2000 jyly Qazaqstan 1 telearnasynyń altyn qoryna kúıshiniń oryndaýyndaǵy 25 kúı jazyp alyndy. Sondaı-aq, onyń oryndaýyndaǵy 10 kúı 1998 jyly jaryq kórgen «Jetisý kúıleri» jınaǵyna engen.

QYRKÚIEKTІŃ 17-І, SENBІ

ESTE QALAR OQIǴALAR

291 jyl buryn (1720) Pavlodar qalasynyń negizi qalandy.

1720 jyly qala kishigirim Korıakovskıı negizinen bastaý alady. Qazirgi ataýyn 1861 jyly ІІ Aleksandrdyń jańa týǵan ulynyń qurmetine alǵan, sol kezde oǵan Korıakovtyń iri tatar, orys jáne qazaq kásipkerleri kirgen kópester qaýymynyń suraýy boıynsha berilgen.

Pavlodar qalasy Qazaqstannyń soltústik-shyǵys bóliginde ornalasqan, Ertis ózeniniń boıynda, Pavlodar oblysynyń ákimshilik ortalyǵy. Qalanyń quramyna Lenınsk kenti, Moıyldy, Pavlodarlyq aýyldary jáne Kenjekól aýyldyq okrýgy kiredi. Qalanyń jalpy aýdany 637,8 myń sharshy metrdi quraıdy. Qala turǵyndarynyń sany - 331700 turǵyn (2009).

Pavlodarda munaı óndeýshi, hımııa, alıýmın, elektrolız, metallýrgııalyq, karton-rýberoıd, mashına jasaý jáne traktor zaýyttary jumys isteıdi.

81 jyl buryn (1930) aýdandyq gazet retinde «Kolhoz joly» degen ataýmen qazirgi «Kókshetaý» qalalyq gazeti shyǵa bastady. Gazet oblystyń ekonomıkalyq, áleýmettik saladaǵy jetistikterin nasıhattaǵany úshin úsh márte Búkilodaqtyq shyǵarmashylyq baıqaýdyń laýreaty atanǵan. 1980 jyly gazet «Qurmet belgisi» ordenimen marapattalǵan. 1990 jyldyń qańtar aıynan bastap «Kókshetaý» degen atpen shyǵa bastady.

15 jyl buryn (1996) Qazaqstan men Grýzııa arasynda ekonomıkalyq damý, ǵylymı-tehnıkalyq jáne mádenı yntymaqtastyq týraly 14 kelisimge qol qoıyldy.

7 jyl buryn (2004) Elbasy N.Á.Nazarbaevqa AQSh-tyń Qazaqstandaǵy Tótenshe jáne Ókiletti elshisi Djon Ordveı senim gramotasyn tapsyrdy.

7 jyl buryn (2004) Elbasy N.Á.Nazarbaevqa Mysyr Arab Respýblıkasynyń Qazaqstandaǵy Tótenshe jáne Ókiletti elshisi Abdel Maýgýd Ahmed Mahmýd ál-Habashı senim gramotasyn tapsyrdy.

4 jyl buryn (2007) Memleket basshysy «Kaspıı, «Tobyl» jáne «Batys» áleýmettik-kásipkerlik korporatsııalaryn qurý jáne olardyń qyzmetterin qamtamasyz etý jónindegi sharalar týraly» Jarlyqqa qol qoıdy.

ESІMDER

65 jyl buryn (1946) «Óskemen tıtan-magnıı kombınaty» AAQ-ynyń prezıdenti, Qazaqstan Respýblıkasy Memlekettik syılyǵynyń laýreaty, Óskemen qalasynyń qurmetti azamaty, Halyqaralyq aqparattaný akademııasynyń akademıgi, Qazaqstan Respýblıkasynyń qurmetti mádenıet qyzmetkeri ShAıAHMETOV Baǵdat Muhametuly dúnıege keldi.

Shyǵys Qazaqstan oblysynda týǵan. Qazaq polıtehnıkalyq ınstıtýtyn bitirgen. 1969-1990 jyldary - «Óskemen tıtan-magnıı kombınatynyń» aǵa sheberi, partııa bıýrosynyń hatshysy, tseh bastyǵy, dırektordyń orynbasary, bas ınjeneri. 1990-1993 jyldary - «Óskemen tıtan-magnıı kombınatynyń» dırektory. 1993-1998 jyldary - «Óskemen tıtan-magnıı komınaty» AQ-ynyń bas dırektory. 1996-1997 jyldary - «Qazatomónerkásip» AAQ-ynyń prezıdenti. 1997-1998 jyldary - «Qazatomónerkásip» Ulttyq kompanııasy» JAQ-ynyń prezıdenti. Qazirgi qyzmetinde 1998 jyldan bastap isteıdi.

«Qurmet belgisi», Otan ordenderimen, «Eńbek dańqy» úshinshi dárejeli qurmet belgisimen, «Qazaqstan Respýblıkasynda ınjenerlik isti damytýǵa qosqan úlesi úshin» tós belgisimen marapattalǵan.

65 jyl buryn (1946-1996) aqyn SÁÝІRBAEV Ómirbaı dúnıege keldi.

Ońtústik Qazaqstan oblysy Túrkistan qalasynda týǵan. 1962 jyly onynshy synypta oqyp júrgen kezinde qatty syrqattanyp, bes jyl boıyna tósek tartyp jatqan. Osy kezden óleń jaza bastap, mektepti de, Shymkent pedagogıkalyq ınstıtýtyn da syrttaı oqyp bitirgen. Túrkistan aýdandyq mádenıet bóliminiń avtoklýb meńgerýshisi, Sattar Erýbaev murajaıynyń dırektory bolyp qyzmet istegen.

«Syrymdy aıtam, adamdar», «Aq dıdaryń kórgende», «Ardaǵym», «Ómirserik» sekildi óleńder jınaǵynyń avtory.

QYRKÚIEKTІŃ 18-І, JEKSENBІ

Qazaqstan Respýblıkasy halyqtary tilderiniń kúni. Qazaqstan Respýblıkasy Prezıdenti Nursultan Nazarbaevtyń 2003-inshi jylǵy qarashanyń 15-indegi Jarlyǵyna sáıkes jyl saıyn qyrkúıektiń úshinshi jeksenbisinde atap ótiledi.

Qazaqstanda júzden asa ult jáne ulys ókilderi turady. Ár tildiń ózindik tarıhy, basqa da tilderdiń taǵdyrymen baılanysty óz taǵdyry bar. Til arqyly adamdar bir-birin taýyp, rýhanı mádenıetti, salt-dástúrdi túsinýge úırenedi.

Chılı Respýblıkasynyń Memlekettik meıramy - Táýelsizdik kúni (1810).Chılı - Ońtústik Amerıkanyń ońtústik-batysynda ornalasqan memleket. Soltústigi Perýmen, shyǵysy Bolıvııa, Argentınamen, ońtústigi men batysy Tynyq muhıtymen shektesedi. Memleket quramyna Otty jer aralynyń batys bóligi jáne Pasha, Hýan-Fernandes, Vellıngton, t.b. araldar kiredi. Astanasy - Santıago qalasy. Memlekettik tili - ıspan tili. Aqsha birligi - peso.

Qazaqstan Respýblıkasy men Chılı Respýblıkasy arasyndaǵy dıplomatııalyq qarym-qatynas 1993 jylǵy tamyzdyń 19-ynda ornatyldy.

ESTE QALAR OQIǴALAR

19 jyl buryn (1992) «Qazaqstan» memlekettik teleradıo habarlaryn taratý kompanııasy quryldy.

11 jyl buryn (2000) «Qazaqstan Petroleým» qaýymdastyǵy «Munaı jáne gaz geologııasy týraly aǵylshyn, qazaq, orys tilderindegi» termınologııalyq sózdigin shyǵardy.

Sózdikti qurastyrýǵa respýblıkaǵa belgili, munaı jáne gaz óndirý salasyna qatysty sarapshylar qatysqan. 3 myń danada shyqqan termınologııalyq sózdik barlyq munaı kompanııasynyń qyzmetkerlerine tegin taratylyp berilgen.

6 jyl buryn (2005) Astanada AQSh-tyń halyqaralyq damý agenttiginiń (ıÝSAID), «EksonMobıl» kompanııasynyń jáne Qazaqstandyq nesıelendirý ortalyǵynyń qoldaýymen Kásipkerlikti damytý ortalyǵy ashyldy.

ıÝSAID-tyń kásipkerlikti damytý jobasynyń sheńberinde Ortalyq strategııalyq konsaltıng boıynsha qyzmet kórsetedi, Astana qalasynyń kásipkerleri arasynda naryq zańdaryna negizdelgen qaǵıdalardy jaqsartýǵa baǵyttalǵan qarjy menedjmenti, marketıng jáne kadrlardy basqarý boıynsha trenıngter ótkiziledi.

4 jyl buryn (2007) Aqmola oblysy Bulandy aýdanynyń ákimshilik ortalyǵy Makınsk qalasynda respýblıkamyzda tuńǵysh ret mıneraldy maqta jylytqyshy bar qabyrǵa materıaldaryn shyǵaratyn ortalyq iske qosyldy.

Atalmysh materıaldar úlken suranysqa ıe, olar ásirese iri qurylys nyshandaryna qajet materıaldardy «NOVA KSi» JShS óndiredi. Shıkizat Temirtaý qalasyndaǵy «Mıttal Stıl» korporatsııasynan ákelinedi.

2 jyl buryn (2009) Memleket basshysy Nursultan Nazarbaev «Halyqtyń densaýlyǵy jáne densaýlyq saqtaý júıesi týraly» Qazaqstan Respýblıkasynyń Kodeksine qol qoıdy.

Zań densaýlyq saqtaý salasyndaǵy zańnamany júıelendirýge, ony halyqaralyq norma men standarttarǵa úılestirýge, ulttyq medıtsınanyń mártebesin, azamattarǵa sapaly medıtsınalyq kómek jáne medıtsınalyq qyzmet kórsetý deńgeıin arttyrýǵa, sapaly dárigerlik quraldarmen, medıtsınalyq buıymdarmen jáne medıtsınalyq tehnıkamen qamtamasyz etýge baǵyttalǵan.

2 jyl buryn (2009) Almatyda «Órkenıettiń bolashaǵy jáne órkenıettik seriktestiktiń strategııasy» atty ІІІ Órkenıet forýmynda Qazaqstan Respýblıkasynyń Prezıdenti Nursultan Nazarbaevtyń «Strategııa radıkalnogo obnovlenııa globalnogo soobşestva ı partnerstvo tsıvılızatsıı» atty kitabynyń tanystyrylymy ótti.

ESІMDER

85 jyl buryn (1926-1999) jazýshy ÁBІLQASYMULY Seıtqan dúnıege keldi.

Qytaı Halyq Respýblıkasynyń Altaı aımaǵy, Jemeneı aýdanynda týǵan. 1944-1945 jyldary Shyǵys Túrkistandaǵy ult-azattyq kóteriliske qatysqan. 1947 jyly - Shyǵys Túrkistan Jemeneı aýdandyq jastar uıymynyń hatshysy. 1948-1954 jyldary - Shyńjań halyq demokratııalyq odaǵy Qaba aýdandyq atqarý komıtetiniń bastyǵy, Altaı atqarý komıteti bastyǵynyń orynbasary. 1954-1957 jyldary - Qytaı Kommýnıstik partııasynyń Altaı aımaqtyq komıteti úgit-nasıhat bóliminiń meńgerýshisi. 1958-1964 jyldary - «Altaı» gazetiniń bas redaktory. Jazýshy mádenı tóńkeris kezinde qýǵynǵa túsip, abaqtyǵa jabylǵan. 1969 jyly abaqtydan qashyp shyǵyp, Monǵolııaǵa bas saýǵalaıdy.

Qalamgerdiń 3 roman, 4 povest, 2 óleńder jınaǵy monǵol, qazaq tilderinde kitap bolyp jaryq kórgen. 1993 jyly atamekenine oralǵan jazýshynyń qalamynan «Ospan batyr», «Bir ýys qan» atty shyǵarmalar týǵan.

40 jyl buryn (1971) Jezqazǵan qalasynyń ákimi, saıasattaný ǵylymdarynyń kandıdaty ÁBDІǴALIEV Berik Baqytuly dúnıege keldi.

Qaraǵandy oblysy Ulytaý aýdanynda týǵan. Ál-Farabı atyndaǵy Qazaq ulttyq ýnıversıtetin bitirgen. Qazaqstan strategııalyq zertteýler ınstıtýtynda ǵylymı qyzmetker, Іki saıasat bóliminiń meńgerýshisi, dırektordyń orynbasary bolyp qyzmet atqarǵan. 1997 jyly - Qazaqstan Respýblıkasy Baspa isi jáne buqaralyq aqparat quraldary Ulttyq agenttigi basqarmasy bastyǵynyń orynbasary. 1997-1999 jyldary - Qazaqstan Respýblıkasy Mádenıet, aqparat jáne qoǵamdyq kelisim mınıstrligi Іshki saıasat depatramenti dırektorynyń orynbasary, Saraptaý jáne josparlaý basqarmasy bastyǵy. 1999-2000 jyldary - Qazaqstan Respýblıkasy Qaýipsizdik keńesi Saraptama ortalyǵy meńgerýshisiniń orynbasary. 2000-2001 jyldary - Qazaqstan strategııalyq zertteýler ınstıtýty dırektorynyń birinshi orynbasary. 2001-2002 jyldary - Temirtaý qalasy ákiminiń orynbasary. 2002-2003 jyldary - Ulttyq zertteýler ınstıtýtynyń dırektory. 2003-2004 jyldary - «Aq jol» Qazaqstan Demokratııalyq partııasy ortalyq apparaty basshysynyń birinshi orynbasary, 2004-2007 jyldary - «Saıası bilim qory» qoǵamdyq qorynyń prezıdenti. 2005-2006 jyldary - «Atameken» Kásipkerler odaǵy atqarýshy dırektorynyń keńesshisi. 2006 jyly - Kıev oblysy Vyshgorod qalasy meriniń keńesshisi. 2006-2007 jyldary - «Atameken» Ulttyq damytý ortalyǵynyń dırektory. 2007 jyly - Altynbek Sársenbaev qorynyń basshysy. 2007-2008 jyldary - Qazaqstan Halyqtar assambleıasy hatshylyǵynyń bas ınspektory. 2008 jyly - Qazaqstan Respýblıkasy Prezıdenti ákimshiligi Іshki saıasat bólimi meńgerýshisiniń orynbasary. 2008-2010 jyldary - Memlekettik tildi damytý Prezıdenttik qorynyń dırektory. 2010 jyly - Ulytaý aýdanynyń ákimi. 2010 jyldyń tamyzynan - qazirgi qyzmetinde. 2009 jyldyń sáýirinen - «Qazaq almanaǵynyń» bas redaktory.