QazAqparat-Anons: 2011 jylǵy 12-17 sáýir aralyǵyndaǵy oqıǵalardyń kúntizbesi

ELBASY

15 jáne 16 sáýirde Qazaqstan Prezıdenti Nursultan Nazarbaevtyń shaqyrýymen Úndistan Premer-Mınıstri Manmohan Sınghtiń Astanaǵa resmı sapary ótedi

PARLAMENT
12 sáýirde QR Parlamenti Senatynda ekinshi oqylymda "Jer qatynastaryn retteý máseleleri boıynsha QR keıbir zań aktilerine ózgertýler men tolyqtyrýlar engizý týraly" Komıtet otyrysy ótedi.

QOǴAM

15 sáýirde elimizde «Ónimdilik - 2020» bıznesti qoldaý baǵdarlamasy iske qosylady.

ASTANA

9 sáýirden 15 maýsymǵa deıin Astananyń Jeńis jáne Imanov kóshelerinde jol-qurylys jumystary júrgiziledi.

12 sáýirde «Bir álem - Bir kitap» respýblıkalyq aktsııasy bastalady.

12 sáýirde «Úılený toılary. Saltanatty sharalar. 2011» kórmesi ótedi.

12 sáýirde Astana qalasynyń prokýratýrasy «Nur Otan» HDP AQF-nyń qoǵamdyq qabyldaýynda «Nur Otan» HDP AQF-men jasalǵan Memorandýmnyń aıasynda Ashyq esikter kúninótkizedi.

12 sáýirde "Astana" basketbol klýbyn qurýǵa jáne atalmysh klýbtyń VTB Biregeı lıgasyna enýine arnalǵan baspasóz máslıhaty ótkiziledi.

12 sáýirde Keden organdarynyń 2011 jyldyń 1 toqsanyndaǵy qyzmet nátıjelerine arnalǵan brıfıng ótedi.

12 sáýirde Astana Іshki ister departamentinde aptalyq brıfıng bolady.

12 sáýirde Qorǵaljyn tas jolynyń boıyndaǵy Femıda alańynda Elbasy N.Nazarbaevtyń ulyqtaý rásiminiń qurmetine arnalǵan jastardyń respýblıkalyq forýmy ótedi.

12 sáýirde «Báıterek» monýmentinde ıÝ.Gagarınniń alǵashqy ǵaryshqa saparynyń 50 jyldyǵyna arnalǵan fotokórme ashylady.

12 sáýirde L.Gýmılev atyndaǵy Eýrazııalyq ulttyq ýnıversıtetinde «Qazirgi zamanǵy kosmonavtıkanyń problemalary jáne perspektıvalary: Qazaqstannan kózqaras» degen taqyrypta breın-rıng zııatkerlik týrnıri bolady.

12 sáýirde Gýmılev atyndaǵy Eýrazııalyq ulttyq ýnıversıtetinde qala mektepteriniń oqýshylary men joǵary oqý oryndarynyń stýdentteri elimizdiń kórnekti qoǵam qaıratkerlerimen kezdesedi.

12 sáýirde Máskeý-Kıev-Astana-Almaty mýltımedııalyq beınekópiri bolady. Bul basqosý «Keden odaǵy jáne Birtutas ekonomıkalyq keńistikti iske qosý: perspektıvalar jáne táýekelder» taqyrybyna arnalady.

12 sáýirde Qazirgi zaman óneri murajaıynda Kosmonavtıka kúnine arnalǵan merekelik is-shara ótedi.

ALMATY

11-12 sáýirde T. Júrgenov atyndaǵy Qazaq ulttyq óner akademııasynda «Jambyl jáne túrki halyqtarynyń epıkalyq murasy» atty halyqaralyq ǵylymı-praktıkalyq konferentsııasy ótedi.

12 sáýirde Almatyda «Chernobyl AES-indegi ıadrolyq apatqa 25 jyl» atty halyqaralyq dóńgelek ústel otyrysy ótedi

12-14 sáýir aralyǵynda Almaty qalasynda strategııalyq josparlaý boıynsha semınar ótkiziledi. Onyń jumysyna Ońtústik, Batys jáne Soltústik Qazaqstan oblystarynyń múgedektigi bar áıelder uıymdarynyń 14 kóshbasshysy qatysady.

Almatyda 12 sáýirde Qazaqtyń Abaı atyndaǵy ulttyq pedagogıkalyq ýnıversıtettiń stýdentteri Ý.Shekspırdiń «Korol Lırin» aǵylshyn tilinde sahnalaıdy.

12 sáýirde «Alataý» shıpajaıynda Múgedek áıelder uıymdary jetekshileriniń qatysýymen strategııalyq josparlaý máselelerine arnalǵan semınar ótedi.

12 sáýirde Qazaqtyń ál-Farabı atyndaǵy ulttyq ýnıversıtetinde «Ál-Farabı» olımpıadasynyń jabylý rásimi ótedi.

12 sáýirde Qazaqtyń Q.Sátbaev atyndaǵy ulttyq tehnıkalyq knıversıtetinde «Sátbaev oqýlary» ótedi.

ELEÝLІ OQIǴALAR. ATAÝLY KÚNDER. ESІMDER.

SÁÝІRDІŃ 12-І, SEISENBІ

Búkilálemdik avıatsııa jáne kosmonavtıka kúni. Sáýirdiń 12-inde Dúnıejúzilik avıatsııa jáne kosmonavtıka kúnin toılaıdy. 1968 jyldyń qarashasynan bastap Halyqaralyq avıatsııa federatsııasynyń sheshimimen bekitilgen.

Bul erekshe kún - qazirgi kúni ǵarysh pen ǵylym salasynda qyzmet etetinderdiń saltanatty kúni boldy. Tuńǵysh ǵaryshker - ıÝrıı Alekseevıch Gagarın bul saparǵa qazaq jerindegi «Baıqońyr» ǵarysh aılaǵynan attandy. Baıqońyr basty ǵarysh aılaǵyna aınaldy, ol jerden sovet kemeleri, sosyn reseı men shetel kemeleri ǵaryshqa attandy.

Qazaq ǵaryshkeri Talǵat Musabaev Gınness rekordtar kitabyna engizilgen: oǵan deıin eshkim ashyq kosmosta birinshi ushý kezinde bir táýlikten asa ýaqyt bolǵan emes.

OQIǴALAR

20 jyl buryn (1991) Baıqońyrda Elbasy Nursultan Nazarbaevtyń qatysýymen «Ǵarysh, sport, estrada juldyzdary» atty halyqaralyq festıval ótti.

16 jyl buryn (1995) Qazaqstan Respýblıkasy Prezıdenti Nursultan Nazarbaevtyń «1941-1945 jylǵy Uly Otan soǵysy kezinde qaza tapqandardyń otbasyna áleýmettik kómek kórsetý týraly» Jarlyǵy baspasóz betinde jaryq kórdi.

16 jyl buryn (1995) Máskeý, Sankt-Peterbor qalalarynda Abaı Qunanbaevtyń (1845-1904) týǵanyna 150 jyl tolýy atalyp ótti.

6 jyl buryn (2005) INTALEV-Qazaqstan seriktestigi menedjment jáne kásiporyndarǵa basqarý júıesin ornatý suraqtary boıynsha onlaın-keńestik kópshilik qoldanalatyn jelini ashty.

Saıttaǵy tegin servıstiń kómegimen keıbir reseılik kásiporyndarǵa avtomattandyrylǵan basqarý júıesin ornatýdaǵy naqty jobaǵy qatysýshy seriktestikterdiń mamandandyrylǵan keńesshilerinen ózderiniń suraqtaryna tolyq jaýap alady.

5 jyl buryn (2006) Baıqońyr ǵarysh aılaǵyna eýropalyq "Metop" jerserigin ushyrýǵa qajetti qural-jabdyq jetkizildi. Meteospýtnık tıegen "Soıýz-2" zymyran- tasyǵyshyn 30-shy maýsymda ushyrý josparlanǵan. Otandyq ǵarysh salasy budan ózge taǵy bir oqıǵany atap ótýge daıyndalyp jatyr. Baıqońyr ǵarysh aılaǵyna eýropalyq "Metop" jerserigin ushyrýǵa qajetti qural-jabdyq jetkizildi. Meteospýtnık tıegen "Soıýz-2" zymyran- tasyǵyshyn 30-shy maýsymda ushyrý josparlanǵan. Otandyq ǵarysh salasy budan ózge taǵy bir oqıǵany atap ótýge daıyndalyp jatyr. Qazaqstanda ıÝrıı Gagarınniń ǵaryshqa saparynyń 45-jyldyǵyna arnalǵan merekelik sharalar bastalýda. Sáýirdiń 12-sinde Baıqońyrda Gagarın men Korolev eskertkishteriniń janynda saltanatty sherý ótedi. Almatyda tuńǵysh ǵaryshker saıahatynyń mereıtoıyn atap ótý sársenbige mejelenip otyr. Bul kúni Qalanyń joǵarǵy bóliginde "Qazǵarysh" saıabaǵynyń irgetasyn qalaý rásimi ótedi. "Qazkosmos" ulttyq kompanııasynyń qyzmetkerleri men ardager-ǵaryshkerler bolashaq baqtyń alǵashqy aǵashtaryn egedi dep kútilýde. Aldaǵy tórt jylda balabaqsha, mektep pen kásibı ýchılışelerdiń sany edáýir artpaq. Bul týraly bilim jáne ǵylym mınıstriniń orynbasary Hafıza Ýteýlına málimdedi, dep habarlaıdy Interfaks. Jalpy respýblıkada 240-tan astam mektep turǵyzylmaq. Olardyń basym bóligi - respýblıkalyq bıýdjet esebinen boı kóteredi. Bul maqsatta 15 mıllıard teńge bólinipti. Byltyr Qazaqstanda jańa 50 mektep ashylyp, myńǵa jýyq orta bilim ordasy jónedeýden ótken bolatyn. Aldaǵy eki jylda taǵy 27 Kásibı-tehnıkalyq ýchılışe men tehnıkalyq kadrlardy ázirleý boıynsha tórt ortalyq ashylmaq. Bıyl memleket qazynasynan balabaqshalar qurylysyna 1 mıllıard teńge bólingen.

5 jyl buryn (2006) elordadaǵy balalar kitaphanasynyń oqý zalynda «Astana - qazaqtyń shańyraq qalasy» atty kitaptyń tusaýkeser rásimi bolyp ótti. «Astana jazýshylarynyń kitaphanasy» serııasymen jaryq kórgen tarıhı-tanymaldyq jınaqtyń mańyzy men máni haqynda Qazaqstan Jazýshylar Odaǵy Astana bólimshesiniń dırektory Aldan Smaıyl jınalǵandarǵa keńinen áńgimelep berdi. Kitapqa Astana tarıhy men onyń elorda retinde qalyptasýyna qatysty belgili ǵalymdardyń pýblıtsıstıkalyq zertteý maqalalary, Aqmola ? Qaraótkel óńiriniń tarıhı tulǵalary týraly ǵumyrnamalyq shyǵarmalar, ataqty aqyn-jyraýlardyń óleń-poemalary toptastyrylǵan. Tusaýkeserde sóz alǵan L. Gýmılev atyndaǵy Eýrazııa ulttyq ýnıversıtetiniń professory, tarıhshy Qoıshyǵara Salǵara, jazýshy Ánes Saraı jáne basqalar atalǵan kitaptyń Astanany elorda retinde tórtkúl dúnıege tanytý úrdisine zor úles qosatyndyǵyn, alda onyń orys tilindegi basylymynyń jaryq kórýge tıis ekendigin atap kórsetti.

5 jyl buryn (2006) Jezqazǵan qalasynyń ákimdigi qalalar men aýdandar ákimdikteriniń arasynda oblysta birinshi bolyp óz saıtyn ashty. Osydan birneshe aı buryn ǵana Qaraǵandy oblysy ákiminiń saıty ashylǵan bolatyn. Bul elektrondy úkimet qurý jónindegi memlekettik baǵdarlamany oryndaýdyń alǵashqy qadamdary. Jýyrda jýrnalıstermen bolǵan kezdesýde oblys ákimi Nurlan Nyǵmatýlın «keri baılanysqa» shyǵyp, saıtqa kirýshilermen «suraq-jaýap» túrinde jeke qatynas ornatýǵa ýáde bergen bolatyn. Jezqazǵan ákimdiginiń ? www.jezkazgan.kz ? saıtynda qalanyń kartasy, kórikti jerleriniń fotosýretteri ornalastyrylǵan. Oǵan kirýshiler qalalyq ákimdik jáne «Qazaqmys» korporatsııasy» men basqa da uıymdar týraly derekter ala alady. Aýyl ákimderine arnalǵan bet bar jáne qalalyq gazetterdiń saıttaryna silteme berilgen. «Keri baılanys» ta eskerilgen, qala ákimi men appart qyzmetkerlerine suraq qoıýǵa bolady.

4 jyl buryn (2007) Pavlodardaǵy kóshelerdiń birine Sotsıalıstik Eńbek Eri ıAkov Gerıng esimi berildi.

ıAkov Gerıng (1932-1984) - 1959-1984 jylǵa deıin shırek ǵasyr boıy «Qazaq KSR 30 jyldyǵy» ujymsharyn basqarǵan. Pavlodar oblysynda ol ozat aýyl sharýashylyǵy óndirisin qalyptastyrǵan. Jergilikti ólketaný murajaıynda onyń jeke zattarynyń, fotosýretteriniń kórmesi ashylǵan. Konstantınov aýylynyń orta mektebine sharýashylyq tóraǵasynyń esimi berilgen.

3 jyl buryn (2008) Máskeýdegi Reseı memlekettik gýmanıtarlyq ýnıversıtetinde «Ortalyqazııalyq oqýlar» jobasy aıasynda «Qazaqstan Respýblıkasynyń rebrendıngi» taqyrybynda halyqaralyq konferentsııa ótti, konferentsııa aıasynda Qazaqstan Respýblıkasy Parlamenti Senatynyń spıkeri Qasym-Jomart Toqaevtyń (2007 jylǵy qańtardyń 11-inde - Qazaqstan Respýıýlıkasy Parlamenti Senatynyń Tóraǵasy bolyp saılandy) reseılik oqyrmandardyń aıryqsha nazaryn aýdarǵan «Jaryq pen kóleńke» kitabynyń tanystyrylymy ótti.

Jıynǵa qatysýshylar, bul shyǵarmany egemen Qazaqstannyń damý tarıhyn baıan etetin týynydy retinde atap kórsetti. «Jaryq pen kóleńke» - memýar janrynda jazylǵan kitap. Onda Qasymjomart Toqaev «joǵary dıplomatııanyń» jurtshylyqqa keń tanylmaǵan paraqtary týraly baıan etedi.

3 jyl buryn (2008) Qazaqstan Respýblıkasy Syrtqy ister mınıstrliginiń Aıryqsha tapsyrmalar jónindegi elshi - Aýǵanstanǵa kómektesý jónindegi Qazaqstan Respýblıkasy Úkimetiniń arnaıy ókili Ashat Orazbaevtyń basshylyǵymen Aýǵanstan Islam Respýblıkasyna mekeme aralyq delegatsııa saparmen bolyp qaıtty. Sapardyń maqsaty 2007-2008 jyldardaǵy Aýǵan Islam Respýblıkasyna kómektesý jónindegi Qazaqstan Respýblıkasy Úkimetiniń jobalaryn kezeńdi iske asyrý mehanızmderin óndirý bolyp tabylady. Sapar aıasynda Qazaqstannyń ókilderi Aýǵan Islam Respýblıkasynyń qoǵamdyq jumys, aǵartý isi, densaýlyq saqtaý mınıstrlerimen, syrtqy ister mınıstriniń orynbasarymen jáne qarjy mınıstrimen kezdesýler ótkizdi. Eki jaqty kezdesýlerdiń nátıjesinde Qazaqstan Respýblıkasynyń Ǵylym men bilim mınıstrliginiń jáne Aýǵan Islam Respýblıkasynyń Aǵartý mınstrliginiń, Qazaqstan Respýblıkasynyń Kólik jáne kommýnıkatsııa mınıstrliginiń jáne Aýǵan Islam Respýblıkasynyń qoǵamdyq jumystar mınıstrliginiń, sonymen qatar eki eldiń densaýlyq saqtaý mınıstrliginiń arasyndaǵy mekeme aralyq hattamaǵa qol qoıyldy.

1 jyl buryn (2010) Pavlodarda qazaq halqynyń ǵulama uly, elimizdiń Ǵylym akademııasynyń birinshi prezıdenti Qanysh Sátbaevtyń týǵan kúnine oraı eskertkishi ashyldy. Q.Sátbaevtyń qola músini Jerdi beıneleıtin jasyl tasty jartylaı sferaǵa súıengen, Qordaı jerinen alynǵan granıt tuǵyrǵa ornatylǵan. Baspaldaqqa qalanǵan tastar ártúrli, olar ǵalymnyń jer qoınaýy baılyǵymen júrip ótken jolyn sımvoldy beıneleıdi. Monýmenttiń bıiktigi 8,5 metr. Eskertkishtiń avtory - músinshi, Sýretshiler odaǵynyń múshesi, Shoqan Ýálıhanov atynaǵy Memlekettik syılyqtyń laýreaty, akademık Olga Prokopeva. Turǵyrnama jobasyn belgili sáýletshi Vladımır Katsev jasaǵan.

Sátbaev Qanysh Imantaıuly (1899-1964) - Qazaqstan geologtary ǵylymı mektebiniń negizin qalaýshy, qazaqstandyq metallogenııa ǵylymynyń negizin salýshy, geologııa-mıneralogııa ǵylymdarynyń doktory, professor, Qazaqstan Ǵylym akademııasyn uıymdastyrýshylardyń biri ári tuńǵysh prezıdenti, KSRO jáne Qazaqstan Ǵylym akademııalarynyń akademıgi, Tájikstan Ǵylym akademııasynyń qurmetti múshesi, qoǵam qaıratkeri, KSRO Memlekettik jáne Lenındik syılyqtarynyń laýreaty. Pavlodar oblysynyń Baıanaýyl aýdanynda týǵan. Qazaqstannyń qala, aýyldarynda Sátbaev esimimen atalatyn júzdegen kóshe, 40-tan astam mektep jáne kóptegen ǵalymnyń eskertkishteri bar. Onyń esimi Qazaqstan Ǵylym akademııasynyń Geologııa ǵylymdary ınstıtýtyna, bir qala men ǵalamsharǵa, elimizdiń eń iri tehnıkalyq oqý orny Qazaq ulttyq tehnıkalyq ýnıversıtetine berilgen. Sátbaevtyń qurmetine Jońǵar (Jetisý) Alataýy jotasyndaǵy muzdyq pen shyń, Qarataýdaǵy vannadıı ken ornynan tabylǵan «Sátbaevıt» mıneraly, «Akademık Sátbaev» gladıolıýs gúli atalǵan. 4 márte Lenın, 2-shi dárejeli Otan soǵysy ordenderimen, medaldarmen marapattalǵan.

50 jyl buryn (1961) ıÝrıı Alekseevıch Gagarın dúnıe júzinde birinshi bolyp «Vostok» keme-spýtnıgimen ǵaryshqa ushty. Ol Jerdi bir aınalyp ushyp, 1 saǵat 48 mınýttan keıin qaıta qonǵan.

ESІMDER

80 jyl buryn (1926-1994) qazaq aýyz ádebıetin jınaýshy, zertteýshi BAIDІLDAEV Mardan Keldibaıuly dúnıege keldi.

Qyzylorda oblysy Jalaǵash aýdanynda týǵan. S.Kırov atyndaǵy Qazaq memlekettik ýnıversıtetin (ál-Farabı atyndaǵy Qazaq ulttyq ýnıverstıteti) bitirgen. Ol uzaq jyldar boıy Ádebıet jáne óner ınstıtýtynyń ǵylymı qyzmetkeri bolyp, qazaq halqy ádebıeti úlgilerin jınaýmen, zertteýmen aınalysty. Temirbek Júrgenov, Súleımen Esqaraev sııaqty qaıratkerlerdiń ómirbaıanyn anyqtaýǵa kúsh-jigerin jumsady. Aıtys óneriniń qaıta jańǵyrýyna óz úlesin qosty. Turmaǵambet Іztileýuly aýdarǵan «Shahnamanyń» 40 myń joldyq qoljazbasyn taýyp, oqyrman nazaryna usynǵan, «Rústem dastan», «Úsh ǵasyr jyrlaıdy», «Bes ǵasyr jyrlaıdy» jınaqtaryn shyǵarýǵa qatysqan. Onyń «Aqyndar tvorchestvosy», «Aqyn-jyraýlar» atty zertteý kitaptary jaryq kórgen.

75 jyl buryn (1936-1998) tehnıka ǵylymdarynyń doktory, professor JAÝǴAShTIN Qazbek Esenjanuly dúnıege keldi.

Qostanaı oblysynda týǵan. Qazirgi ál-Farabı atyndaǵy Qazaq ulttyq ýnıverstıtetin jáne osy atalmysh oqý ornynyń aspırantýrasyn bitirgen. 1963-1980 jyldary - Lenıngrad Joǵary áskerı-teńiz ınjenerlik ýchılışesi fızıka kafedrasynyń assıstenti, aǵa oqytýshysy, tehnıkalyq jylý fızıkasy zerthanasynyń aǵa ǵylymı qyzmetkeri, bólimshe bastyǵy. 1980-1998 jyldary - Qazaqstan Respýblıkasy Ǵylym Akademııasynyń Teorııalyq jáne qoldanbaly matematıka ınstıtýty qoldanbaly gıdrodınamıka zerthanasynyń meńgerýshisi. Sonymen qatar ınstıtýt ǵylymı keńesiniń jáne ál-Farabı atyndaǵy Qazaq ulttyq ýnıversıtetiniń kandıdattyq dıssertatsııalar qorǵaý jónindegi arnaýly keńesiniń múshesi, Memlekettik attestatsııalaý komıssııasynyń sarapshysy. Ǵalymnyń 100-den astam ǵylymı eńbegi bar, onyń 30-y shet elderde jarııalanǵan. Ol gıdrodınamıka, aerodınamıka, atmosferalyq úrdisterdi matematıkalyq úlgige túsirý, gıdrologııa jónindegi aıryqsha kýrstardyń avtory. 12 ǵylym kandıdatyn, 1 ǵylym doktoryn daıarlaǵan ǵalymnyń negizgi ǵylymı eńbekteri týrbýlenttilik, magnıttik gıdrodınamıka máseleleri men shekaralyq qabat teorııasyna arnalǵan.

50 jyl buryn (1961) Qazaqstan Respýblıkasy Prezıdenti janyndaǵy Memlekettik basqarý akademııasynyń Ǵylym jáne halyqaralyq baılanystar jónindegi vıtse-rektory, Qazaqstan Respýblıkasy Prezıdenti janyndaǵy Memlekettik saıasat jónindegi ulttyq keńestiń múshesi, ekonomıka ǵylymynyń doktory, Qazaqstan Respýblıkasy Áleýmettik ǵylymdar akademııasynyń, Halyqaralyq ǵylymtaný akademııasynyń, «Eýrazııa» Halyqaralyq ekonomıka akademııasynyń akademıgi JOLAMAN Rústem Qabıdollauly dúnıege keldi.

Almaty qalasynda týǵan. S.M.Kırov atyndaǵy Qazaq memlekettik ýnıversıtetin (qazirgi ál-Farabı atyndaǵy Qazaq ulttyq ýnıverstıteti), Qazaq KSR Ǵylym akademııasynyń aspırantýrasyn bitirgen. 1983-1985 jyldary - Jambyl jeńil jáne tamaq ónerkásibi tehnologııa ınstıtýtynyń oqytýshysy. 1989-1991 jyldary - Qazaq KSR Ǵylym akademııasynyń óndirgish kúshterdi zertteý jónindegi keńesiniń ǵylymı-tehnıkalyq progresti jedeldetý perspektıvalary men máselelerin zertteý bóliminiń ǵylymı qyzmetkeri. 1992-1993 jyldary - Qazaqstan Respýblıkasy vıtse-prezıdentiniń kómekshisi. 1994-2000 jyldary - Qazaqstan damý ınstıtýtynyń dırektory, birinshi vıtse-prezıdenti, keıinnen prezıdenti. 2000-2001 jyldary - Qazaqstan Respýblıkasy Qaýipsizdik keńesiniń ekonomıkalyq qaýipsizdik máseleleri boıynsha bólim meńgerýshisi. 2001-2002 jyldary - Qazaqstan Respýblıkasy Premer-mınıstri Keńsesiniń áleýmettik-mádenı damý bóliminiń meńgerýshisi. 2002-2003 jyldary - «Qazaqstan elektr jelilerin basqarý kompanııasy» AAQ vıtse-prezıdenti. 2003-2004 jyldary - Astana qalasynyń ekonomıka jáne shaǵyn bıznesti damytý departamentiniń dırektory, Qazaqstan Respýblıkasy Prezıdentiniń ákimshiligi uıymdastyrý-baqylaý jumysy men kadr saıasaty basqarmasynyń ınspektory. 2004-2005 jyldary - Qazaqstan Respýblıkasy Mádenıet jáne sport mınıstrliginiń birinshi vıtse-mınıstri. 2005-2008 jyldary - Qazaqstan Respýblıkasy Memlekettik qyzmet isteri agenttiginiń aýmaqtyq basqarma bastyǵy - Qazaqstan Respýblıkasy Memlekettik qyzmet isteri agenttiginiń Almaty oblysy boıynsha tártiptik keńesiniń tóraǵasy. 2008-2009 jyldary - Qazaqstan Respýblıkasy Memlekettik qyzmet isteri agenttiginiń Memlekettik qyzmetshilerdi Eýrazııalyq oqytý ortalyǵynyń dırektory qyzmetin atqarǵan. Qazirgi qyzmetinde 2009 jyldyń naýryz aıynan bastap isteıdi.

«Qazaqstan Respýblıkasynyń Táýelsizdigine 10 jyl», «Astanaǵa 10 jyl» mereıtoılyq medaldarymen jáne Qazaqstan Respýblıkasynyń Prezıdenti Nursultan Nazarbaevtyń alǵys hatymen marapattalǵan.

SÁÝІRDІŃ 13-І, SÁRSENBІ

Úndistanda Jańa jyldyń basy. Bul kún úndister jańa jyldyń basy dep belgilengen. Birneshe myń jyldar buryn úndisterdiń qudaı anasy Ganga dál osy kúni aspannan jerge tústi dep senedi, sol úshin olar sáýirdiń 13-de qasıetti Gang ózeniniń jaǵalaýynda sýǵa túsý úshin jınalady.

OQIǴALAR

15 jyl buryn (1996) Elbasy N.Á.Nazarbaevtyń Jarlyǵymen Qazaqstan Respýblıkasynyń Prezıdenti janyndaǵy Joǵarǵy ekonomıkalyq keńes quryldy.

6 jyl buryn (2005) Almatyda birinshi kásibı ProPR.kz portaldyń tusaý keser rásimi ótti. Portal PR-salasyndaǵy aqparattyń ámbebap kózi jáne birtutas aqparattyq alań bolyp tabylady. Kez kelgen adam ProPR.kz-tyń yntaly tobyna kirýge jáne onyń mazmunyna yqpal ete alady. Kásibı PR-portal 2005 jylǵy sáýirdiń 14-inen óz jumysyn bastady.

4 jyl buryn (2007) Memleket basshysy Nursultan Nazarbaev «Qazaqstan Respýblıkasynyń Úkimeti men ıAdrolyq synaýlarǵa jan-jaqty tyıym salý týraly shart jónindegi uıymnyń Daıyndyq komıssııasy arasyndaǵy ıAdrolyq synaýlarǵa jan-jaqty tyıym salý týraly shartty qoldaýǵa halyqaralyq monıtorıng obektilerinde, sertıfıkattaýdan keıingi is-sharalardy qosa alǵanda, is-sharalardy ótkizý jónindegi kelisimdi ratıfıkatsııalaý týraly» Qazaqstan Respýblıkasynyń Zańyna qol qoıdy.

4 jyl buryn (2007) Reseıdiń ǵylym jáne mádenıet ortalyǵynda Sapar Ysqaqovqa Metsenattyq halyqaralyq akademııasynyń naqty múshesiniń mantııasyn jáne tós belgisin, dıplomyn tapsyrýdyń saltanatty rásimi bolyp ótti. Ony Qazaqstan Respýblıkasyndaǵy Reseı Federatsııasy Elshiliginiń Keńesshi-Ókili Valerıı Shvets tabys etti.

Sapar Ysqaqov ál-Farabı jáne Sultan Beıbarys atyndaǵy qoǵamdyq qaıyrymdylyq qordyń prezıdenti. Sırııa men Mysyrdaǵy atalǵan tarıhı tulǵalar jerlengen memorıaldyq keshendi jóndeý jáne qalpyna keltirý jumystaryn ótkizgen.

2 jyl buryn (2009) Semeıdegi Shákárim atyndaǵy Semeı memlekettik ýnıversıtetiniń janyndaǵy «Shákárimtaný» jáne «Alashtaný» ǵylymı-zertteý ortalyǵynyń qyzmetkerleri jáne Jańa tarıhı qujattama ortalyǵynyń qyzmetkerleri birlesip Shákárim Qudaıberdiulynyń (1858-1931) jańa fotosýretin taýyp aldy.

Fotosýrette Shákárim batys jaqtaǵy Shyńǵys taýynyń baýraıynda túsken.

Fotosýret Qazaq Avtonomdy Keńes Sotsıalıstik Respýblıkasynyń Semeı gýbernııalyq jer basqarý Narkomzemnyń arnaıy komıssııasynyń 1924-1925 jyl uıymdastyrylǵan jumys týraly esep berýdiń qosymshalarynan tabylǵan. Bul fotosýret muraǵat qyzmetiniń qosymshalarynda №37 tirkelgen. Fotosýrette jazylǵan jazý: «№37 Shyńǵys jotasy. Ózenniń bas jaǵy. Aldyńǵy jaqta qazaqtyń aqyny jáne jazýshysy Shákárim Qudaıberdiuly». Jazýshy Baqanas, Baıqoshqar ózenderiniń boıymen saıahattaǵan jáne onymen birge árdaıym batys jaqtaǵy Shyńǵys taýlaryn qosa júrip otyrǵan.

Tarıhı málimetter boıynsha, Shákárim qajy ekspedıtsııalyq top múshelerine tabıǵı kiltterdiń ornalasqan jerlerin, taýdan aqqan ózenderdi qoldaný múmkindikteri týraly tolyq málimet berip otyrǵan.

1 jyl buryn (2010) Qazaqstan Respýblıksynyń Úkimet otyrysynda «Qazaqstan Respýblıkasynyń Údemeli ındýstrııalyq-ınnovatsııalyq damý jónindegi 2010-2014 jyldarǵa arnalǵan memlekettik baǵdarlamany iske asyrý boıynsha Qazaqstan Respýblıkasy Úkimetiniń is-sharalar josparyn bekitý týraly» Qaýly jobasy maqu

Baǵdarlamany iske asyrý boıynsha is-shara josparyn bekitýdi kózdeıdi. Іs-sharalar josparynyń jobasy quptaldy jáne barlyq múddeli memlekettik organdarmen, vedomstvolarmen, ákimdermen kelisildi.

Osy qujatqa qol qoıylǵannan keıin ony is júzine asyrý qajet. Sebebi bul naqty mańyzy bar qujat. Ony ákimdermen, bıznespen, sondaı-aq keshe selektorlyq keńeste talqyladyq. Bul joǵary deńgeıde qarastyrylǵan qujat.

1 jyl buryn (2010) Qazaqstannyń Ulttyq Banki sımvolıkalyq «Jolbarys» atty nomınaly 100 teńgelik kúmis shaqasyn aınalymǵa shyǵardy.

Shaqa 925 synamaly kúmisten daıyndalǵan, massasy - 31,1 gramnan sál asady, dıametri - 38,61 mm, eki asyl taspen kómkerilgen. Shaqanyń syrt jaǵynyń ortalyq bóliginde altynmen qaptalǵan jolbarystyń beınesi, kózine dıametri bir mıllımetrge deıin eki gaýhar tas ornatylǵan, daıyndalý sapasy - «proof». «Jolbarys» shaqasynyń bet jaǵynyń joǵarǵy bóliginde Qazaqstan Respýblıkasynyń eltańbasy beınelengen. Sol jaq bóliginde taýar belgisi jáne shaqa daıyndalǵan metaldy jáne onyń synamasyn bildiretin «Ag 925» degen jazý, oń jaǵynda - monetanyń massasyn bildiretin «31,1gr.» degen jazý bar. Tómengi bóliginde monetanyń nomınalyn bildiretin «100 teńge» degen jazý bar. Nomınaldyń sol jáne oń jaǵynda ulttyq oıý-órnek beınelengen. Shaqanyń jıeginde «Qazaqstan Ulttyq Banki» degen jazýy bar. Monetanyń tómengi bóliginde - Qazaqstan teńge saraıynyń taýar belgisi. Aınaldyra aǵylshyn tilinde «Tiger», latyn tilinde - «Panthera tigris» degen jazýy bar, soǵylǵan jylyn bildiretin «2009» degen san jáne shyǵyńqy jıek júrgizilgen.

ESІMDER

50 jyl buryn (1961) Qazaqstan Respýblıkasy Aýyl sharýashylyǵy mınıstri, Qazaqstan Respýblıkasynyń eńbek sińirgen qaıratkeri, aýyl sharýashylyǵy ǵylymdarynyń doktory, professor, Reseı aýyl sharýashylyǵy ǵylymy akademııasynyń akademıgi KÚRІShBAEV Aqylbek Qajyǵululy dúnıege keldi.

Almaty qalasynda týǵan. Qazaq aýyl sharýashylyǵy ınstıtýtyn (Qazaq ulttyq agrarlyq ýnıversıteti) bitirgen. 1983-1997 jyldary - Qazaq jer óńdeý sharýashylyǵy ǵylymı-zertteý ınstıtýtynyń agronomy, dırektorynyń orynbasary. 1997-2002 jyldary - A.I.Baraev atyndaǵy Qazaq astyq sharýashylyǵy ǵylymı-zertteý ınstıtýtynyń dırektory. 2002-2005 jyldary - Qazaqstan Respýblıkasy Aýyl sharýashylyǵy vıtse-mınıstri. 2006-2007 jyldary - Qazaqstan Respýblıkasy Aýyl sharýashylyǵy mınıstrligi Ǵylym departamentiniń dırektory. 2007-2008 jyldary - Qazaqstan Respýblıkasy Aýyl sharýashylyǵy vıtse-mınıstri qyzmetin atqarǵan. Qazirgi qyzmetinde 2008 jyldan bastap isteıdi.

100-den asa ǵylymı basylymdardyń, 4 monografııanyń avtory. Agrarlyq ǵylym salasyndaǵy úzdik eńbegi úshin A.I.Baraev atyndaǵy syılyqtyń laýreaty berilgen.

30 jyl buryn (1981) Qazaqstan Respýblıkasynyń dzıýdodan ulttyq erler qurama komandasynyń bas jattyqtyrýshysy, qazaqsha kúresten sport sheberi, dzıýdodan, sambodan halyqaralyq dárejedegi sport sheberi, Qazaqstannyń eńbek sińirgen sport sheberi JITKEEV Ashat Rasýluly dúnıege keldi.

Almaty oblysy Іlııas Jansúgirov atyndaǵy kentte týǵan. Qazaq sport jáne týrızm akademııasyn bitirgen. Alǵashqy bapkeri - Saıahat Qudaıbergenov, keıinnen Jeksenbaı Salamatov pen Saıan Hamıtjanov basshylyǵymen jattyqqan. On jyldan beri Astana qalasynyń atynan synǵa túsken. Qazaqstannyń birneshe márte chempıony, 2001 jylǵy Álem chempıonatynyń qola júldegeri, «Álemniń sýper kýbogynyń» kúmis júldegeri, úsh dúrkin Azııa chempıony (2003, 2004, 2008), 2005 jylǵy Azııa chempıonatynyń kúmis júldegeri, Azııa oıyndarynyń qola júldegeri - (2002, 2006), 2008 jylǵy Olımpıada oıyndarynyń kúmis júldegeri atanǵan. Afınada ótken HHVIII Olımpıada oıyndarynda Qazaqstannyń týyn kóterip shyǵyp, jetinshi orynǵa ıe bolǵan. Astana qalasyndaǵy «Astana batyry» jekpe-jek klýbynyń múshesi bolyp tabylady. Qazirgi qyzmetinde 2010 jyldan bastap isteıdi.

«Barys» ordenimen marapattalǵan.

SÁÝІRDІŃ 14-І, BEISENBІ

Ýkraınanyń Іshki ister mınıstrliginiń Memlekettik avtokólik ınspektsııasynyń kúni.

OQIǴALAR

50 jyl buryn (1961) «Kazahstanskaıa pravda» gazeti Qazaq KSR Ǵylym akademııasynyń geografııa bólimi qyzmetkerleriniń Sarqant alabyndaǵy Jońǵar Alataýynyń soltústik betkeıindegi muzdyqqa jáne Іle Alataýynyń soltústik bóligindegi Qarǵaly taý silemindegi shyńǵa KSRO-nyń tuńǵysh ǵaryshkeri ıÝrıı Alekseevıch Gagarın esimin berý týraly sheshimin jarııalady.

11 jyl buryn (2000) Almaty qalasyndaǵy №162 qazaq orta mektebine jazýshy Sapar Baıjanov (1930-1999) esimi berildi.

10 jyl buryn (2001) Qazaqstan Respýblıkasy Prezıdenti Nursultan Nazarbaevtyń Jarlyǵymen Almaty oblysynyń ákimshilik ortalyǵy Taldyqorǵanǵa aýystyryldy.

6 jyl buryn (2005) stýdentterdiń І Jınalysynda Qazaqstan stýdentteriniń Alıansy quryldy.

Qozǵalystyń basty maqsaty bilim sapasyn joǵarylatýdaǵy memleketke qoldaý kórsetý, stýdentterdiń quqyǵy men qyzyǵýshylyǵyn qorǵaý.

5 jyl buryn (2006) Pavlodar qalasyndaǵy №1 kórkemsýret mektebine Halyqaralyq ıÝNESKO klýby mártebesi berildi. Muǵalimdik ujymnyń oqýshylarda shyǵarmashylyq qabiletti damyta bilýi, halyqaralyq kórmeler men baıqaýlardaǵy jas sýretshiler jetistiginiń nátıjesi kórkemsýret mektebine halyqaralyq uıymnyń aıryqsha baǵasyn ákeldi.

5 jyl buryn (2006) Rýmynııa Mádenıet jáne dinder mınıstrliginde Astana qalasynda jańadan ashylatyn Beıbitshilik jáne aýyzbirlik saraıyndaǵy qurylýy josparlanyp otyrǵan kitaphanasy qoryna Rýmynııa Mádenıet jáne dinder mınıstrligi men Patrıarhııasy tarapynan syı retinde Rýmynııanyń mádenıeti, dinı ómiri men dinı aǵymdary týraly 46 kitap pen baspasóz basylymyn - Qazaqstan Respýblıkasynyń Býharestegi Dıplomatııalyq ókildigine tapsyrý resmı rásimi ótti. Kitaptardy tapsyrý kezinde Rýmynııa Mádenıet jáne dinder mınıstrliginiń din máseleleri jónindegi Memlekettik hatshysy Andrıan Lemenı Rýmynııa Qazaqstannyń jáne Qazaqstan Prezıdenti N.Á.Nazarbaevtyń álemdik konfessııaaralyq dıalogtyń uıytqysy bolyp, álemdik dinderdiń rýhanı jáne ósıetti potentsıalyn izgilik pen beıbitshilik úshin paıdalanýǵa baǵyttalǵan áreketterin joǵary baǵalaıtynyn atap kórsetti. Rýmyn Memlekettik hatshysy rýmyn Patrıarhııasy jáne Rım-katolık shirkeýi ókilderiniń Astanada ótetin Álemdik jáne dástúrli dinderdiń Ekinshi sezine qatysqany óte oryndy bolar edi degen pikir bildire otyryp, Qazaqstan halqyna bereke, beıbitshilik jáne órkendeý tiledi.

1 jyl buryn (2010) Qazaqstan Respýblıkasynyń Prezıdenti Nursultan Nazarbaevqa «Shyǵys-Batys» ınstıtýty bekitken Beıbitshilik jáne preventıvtik dıplomatııa syılyǵy tapsyryldy.

«Shyǵys-Batys» ınstıtýty 1980 jyly halyqaralyq qatynastarda «qyrǵı-qabaq» soǵystyń keleńsiz saldarlaryn eńserý, eýroatlantıkalyq aımaqta shıelenisti báseńdetý, azamattyq qoǵam qundylyqtaryn alǵa jyljytý maqsatymen qurylǵan bolatyn.

«Shyǵys-Batys» ınstıtýtynyń Beıbitshilik jáne preventıvtik dıplomatııa syılyǵy AQSh-tyń eń bedeldi nagradalarynyń biri jáne ol memlekettik basqarý, qaýipsiz álem qurý salasyndaǵy erekshe jetistikteri úshin ártúrli elderdiń saıası jáne memlekettik qaıratkerlerine beriledi. Budan buryn bul nagradamen AQSh Prezıdenti Dj-Býsh-úlken, Chehııa prezıdenti V.Gavel, Germanııa kantsleri G.Kol jáne basqalar marapattalǵan bolatyn.

1 jyl buryn (2010) Almaty Halyqaralyq áýejaıynda bıznes-djet óndirisi salasyndaǵy dúnıejúzilik kóshbasshy Nawker Beechcraft Corporation kompanııasy Qazaqstanda óziniń biregeı ázirlemesi - Hawker 4000 ushaǵyn tanystyrdy.

10 jyl boıǵy eren eńbektiń nátıjesinde Hawker Beechcraft kompanııasy Hawker 4000-diń múldem jańa úlgisin jasap shyǵarǵan. Bul kompozıtsııalyq materıaldardan jasalǵan super mid-size synybyna jatatyn alǵashqy ushaq. Álemge tanymal Robb Report jýrnaly bul bıznes-djetti «2010 jyldyń ushaǵy» dep atap ótken edi. Hawker 4000 qaýipsizdiktiń úsh eselengen júıesimen jaraqtandyrylǵan jáne 9 orynǵa eseptelgen. Qazaqstanda usynylǵan jańa ushaqtyń quny 20 mıllıon AQSh dollary shamasynda.

1 jyl buryn (2010) ál-Farabı atyndaǵy Qazaq ulttyq ýnıversıtetinde stýdenttik ınternet-portaly iske qosyldy, atalmysh joba elimizdegi joǵary oqý oryndaryndaǵy 20 myń stýdentiniń basyn qosyp otyr.

Portalda ýnıversıtet ishinde nemese odan tys bolyp jatqan oqıǵalar, túrli merekelik sharalar, mańyzdy taqyryptarda ótken dóńgelek ústelder men pikirsaıystar jáne taǵy basqa málimetter jınaqtalǵan. Ál-Farabı atyndaǵy Qazaq ulttyq ýnıversıtetiniń stýdenti saıtta 25 Gb kóleminde óziniń Live&Edu atty jeke poshtasyn asha alady. Bul qural ýnıversıtet stýdentterine alys jáne jaqyn elderdegi dostarymen, ǵylymı áriptesterimen online júıesi negizinde sóılesýge múmkindik beredi.

Sondaı-aq stýdentter «Forým» bóliminde oılaryn ashyq aıtyp, kez kelgen suraqtardy talqylap, qoǵamdyq sheshim qabyldaı alady.

Al Free soft bóliminde Microsoft birlestiginiń lıtsenzııasy bar MSDN baǵdarlamalyq quraldardy úzdik stýdentterdiń tegin alýyna jaǵdaı jasalǵan.

ESІMDER

100 jyl buryn (1911-1990) Qazaq KSR-iniń eńbek sińirgen muǵalimi, KSRO Joǵary mektebiniń úzdigi, KSRO halyq aǵartý isiniń úzdigi, fılologııa ǵylymynyń doktory, professor, jazýshy, aýdarmashy ShALABAEV Belgibaı dúnıege keldi.

Pavlodar oblysy Baıanaýyl aýdanynda týǵan. Abaı atyndaǵy Qazaq ulttyq pedagogıkalyq ınstıtýtyn (Abaı atyndaǵy Qazaq ulttyq pedagogıkalyq ýnıversıteti), Lenıngrad ýnıversıtetiniń aspırantýrasyn bitirgen. Jazýshy Kommýnıstik jýrnalıstıka ınstıtýtynda, qazirgi Abaı atyndaǵy Qazaq ulttyq pedagogıkalyq ınstıtýtynda, ál-Farabı atyndaǵy Qazaq ulttyq ýnıvresıtetinde jemisti eńbek etken. Tyrnaqaldy «Taıjegen taýynda» atty povesi 1932 jyly qazirgi «Juldyz» jýrnalynda jaryq kórgen. Keıin «Jekpe-jek» povesi, «Ómirde ne bolmaıdy» áńgimeler men feletondar jınaǵy jaryq kórgen. Sondaı-aq aýdarma salasynda da qalam tartyp, V.Belınskııdiń maqalalaryn, Korolenkonyń «Mylqaý» povesin, M.Gorkııdiń «Jastar men balalar týraly» jınaǵyn tárjimalaǵan. Ol 1948 jáne 1960 jyldary shyqqan «Qazaq ádebıet tarıhynyń» birinshi tomy avtorlarynyń biri. Jazýshynyń «Qazaq prozasynyń tarıhy. «Sıýjet jáne harakter», «Qazaq romanynyń tarıhy» atty monografııalary jaryq kórgen.

1-shi dárejeli Otan soǵysy, Qyzyl Juldyz ordenderimen, medaldarmen jáne Qazaq KSR Joǵarǵy Keńesiniń Qurmet Gramotasymen marapattalǵan.

100 jyl buryn (1911-1993) jazýshy MAKEEV Leonıd Vladımırovıch dúnıege keldi.

Soltústik Qazaqstan oblysy Petropavl qalasynda týǵan. Uly Otan soǵysyna qatysyp, qazaqstandyq 8-shi gvardııa dıvızııasynyń «Za Rodıný» áskerı gazetiniń jaýapty redaktory bolǵan. Soǵystan keıingi jyldary «Sovetskıı Kazahstan» jýrnalynyń bas redaktory, «Qazaqfılm» kınostýdııasy stsenarıı bóliminiń aǵa redaktory qyzmetterin atqarǵan. Onyń «Jumysshy iskerligi úshin» atty alǵashqy ocherkter kitapshasy 1932 jyly jaryq kórdi. Sodan bastap «Aqmola dalalarynda», «Qaharmannyń beınesi», «Asyl ketpen», «Ivan Shapshaev», t.b. kitaptary jaryq kórgen. Makeevtiń aýdarýymen «Qazaq ertegileri», «Qazaq jáne uıǵyr ertegileri» jáne Qalqaman Ábdiqadyrovtyń «Keles qyzy», Ǵabdol Slanovtyń «Keń óris», Muqan Imanjanovtyń «Alǵashqy aılar» povesteri sonymen qatar basqa da jazýshylardyń shyǵarmalary orys tilinde basyldy.

Qyzyl Juldyz ordenimen jáne medaldarmen marapattalǵan.

SÁÝІRDІŃ 15-І, JUMA

Reseıdiń radıoelektrondy kúrester boıynsha mamanynyń kúni. Bul mereke 1904 jyldyń 15 sáýirinde, orys-japon soǵysy kezinde alǵashqy ret japon kemeleriniń radıohabarlamaryn qasaqana radıobógettermen bógegeni anyqtalǵan kezden bastaý alady. Osy tarıhı jaıt Reseı Qarýly Kúshterinde radıoelektrondy kúrestiń qalyptasýynyń jáne damýynyń bastaýshysy boldy.

Bosnııa men Gertsegovına Respýblıkasy áskeri kúni. 1992 jyldan bastap Respýblıka áskeriniń negizi qalanǵan kúni atap ótiledi.

OQIǴALAR

616 jyl buryn (1395) Kavkazdyń Terek ózeni boıyndaǵy bolǵan shaıqasta Toqtamys hannyń qoly Ámir Temir áskerinen jeńilis tapty.

86 jyl buryn (1925) Qyzylordada Qyrǵyz (Qazaq) AKSR Keńesiniń V sezi bastaldy. Sezde Ahmet Baıtursynovtyń halyqqa óziniń tarıhı «qazaq» atyn qaıtarý jónindegi usynysy qaralyp, qoldaý tapty. «Qyrǵyz basqa, qazaq basqa ekenin qazaq balasy tegis bilse de bul kúnge sheıin eshteńe demeı, tymaqtary salpıyp keledi. Ony ótken zamandardyń aǵymdary kóterse de, qazirgi kúnde ult atyn jasyrýdy, ult tarıhy ondaı jańsaqtyqty kótermeıdi», dep sóıledi.

65 jyl buryn (1946) Uly Otan soǵysy jyldary Aqtóbe qalasyna kóshirilgen polıak balalaryna arnap ashylǵan balalar úıi, osynda tárbıe alyp jatqan 117 jasóspirimniń óz otanyna qaıtarylýyna baılanysty jabyldy.

20 jyl buryn (1991) Londonda Eýropalyq jańarý jáne damý bankiniń resmı ashylý rásimi ótti.

6 jyl buryn (2005) Elbasy Nursultan Nazarbaev «Sybaılas jemqorlyqqa qarsy kúresti kúsheıtý, memlekettik organdar men laýazymdy adamdar qyzmetindegi tártip pen rettilikti nyǵaıtý jónindegi sharalar týraly» Jarlyqqa qol qoıdy.

6 jyl buryn (2005) Londonda Qazaqstan Respýblıkasy «Azyq-túlik kelisim-shart korporatsııasy» AQ-nyń Ulybrıtanııadaǵy ókildigi resmı ashylý saltanaty ótti.

5 jyl buryn (2006) Túrkııa Respýblıkasynyń bedeldi azamattyq uıymdarynyń biri Túrkııa jazýshylar jáne óner qaıretkerler qoǵamy (TÚRKSAV) Elbasy Nursultan Nazarbaevty 2005 jylǵy «Túrki álemine sińirgen eren eńbegi úshin» syılyǵymen marapattady. Qazaqstan Respýblıkasy Syrtqy ister mınıstrliginiń Baspasóz qyzmetine siltemıe jasap. Túrkııanyń astanasy Ankara qalasynda sáýirdiń 15-i kúni respýblıkalyq Atatúrk atyndaǵy Túrik tili jáne tarıh uıymynda túrki álemine qyzmeti úshin laıyqty dep tabylǵan bedeldi tulǵalardy saltanatty marapattaý rásimi ótti. Qazaqstan Respýblıkasy Prezıdenti N..Nazarbaevqa tapsyrylýy úshin Túrkııa eks-Prezıdenti Súleımen Demırel tarapynan «Túrki álemine sińirgen eren eńbegi úshin» atty syılyq Qazaqstannyń Ankaradaǵy Elshiliginiń jetekshisine berildi. Túrkııada Qazaqstan Respýblıkasy Prezıdenti N. Nazarbaevtyń 2005 jylǵy 18 aqpannyń 18-indegi halyqqa Joldaýynda atap kórsetilgendeı, Ortalyq Azııa memleketteri odaǵyn qurý bastamasy men Elbasynyń budan burynǵy baýyrlas memleketter men halyqtardyń yntymaqtastyǵyn nyǵaıtýǵa baǵyttalǵan qyzmetteri túrik qoǵamynda joǵary baǵaǵa ıe bolyp otyr

3 jyl buryn (2008) tarıhta alǵash ret «Shoqan Ýalıhanov» atyndaǵy qazaqstandyq ıahta Atlant muhıttyn sharlap ótti.

ıAhta komandasy úsh apta ishinde Atlant muhıty arqyly jer sharyn sharlap shyqty. Qazaqstandyqtar muhıtty arqyly ótýdi 2008 jylǵy naýryzdyń 25-inde Kanar araldarynan bastady. Ortalyq Azııa Jaǵrafııa qoǵamynyń keńsesine sáýirdiń 15-inde qazaqstandyq keme Barbados jaǵalaýyna kelgende joryqtyń aıaqtalǵany týraly habarlama keldi. Ekıpajdyń barlyq tórt adamy da ІІІ dárejeli Polıarly juldyz syılyǵyna usynyldy. Tyres avtomobıl dóńgelekterin shyǵarýshy Almatyda alǵash ret Vianor avtomobıl dóńgelekteri ortalyǵyn ashty.

Nokian Tyres (Fınlıandııa) kontserni negizinen jeńil avtokólikter, júk kóligi men ónerkásipti tehnıkalar úshin dóńgelekter shyǵaryp, ázirleýmen aınalysady.

Dál qazirgi ýaqytta Nokian Tyres zavodtary Nokıa, Lıeksa (Fınlıandııa) jáne Vsevolojskide (Reseı) ornalastyrylǵan.

2 jyl buryn (2009) Aqtóbelik rejısser Serik Aıjanovtyń «Ómir súrýge tyıym» kartınasy oınaqy fılmderdiń Búkilreseılik «Vıatkadaǵy kezdesýler» 6-festıvalinde bas júldege ıe boldy.

Kınofestıvaldiń konkýrstyq baǵdarlamasyna Reseı, Ýkraına jáne Baltyq boıy elderiniń 42 aımaǵynan 70-ten astam fılm qatystyryldy. Bul kartınanyń ereksheligi, Vasıl Bykovtyń «Sotnıkov» degen áńgimesiniń jelisimen Aqtóbe oblysynda túsirilgen, ondaǵy rólderdiń barlyǵynda áýesqoı ártister oınaıdy. Fılmniń rejısseri, stsenarıı avtory jáne operatory bir adam, «Patrıot-Sinema» shyǵarmashylyq birlestiginiń jetekshisi Serik Aıjanov. Qazylar alqasy qazaqstandyq jalǵyz kartınany joǵary baǵalap, oǵan kınofestıvaldiń bas júldesin - «Altyn lada» músinshesi men birinshi dárejeli dıplom berýge biraýyzdan sheshim qabyldady.

1 jyl buryn (2010) Almatyda «Qazposhta» AQ Jeńistiń 65 jyldyǵyna arnalǵan poshta markasyn aınalymǵa shyǵardy.

Markada máńgi alaýdyń aıasynda Máskeý qalasyn qorǵaý kezinde soǵysta erlik kórsetken 28 panfılovshylarǵa arnalǵan saıabaqtaǵy Dańq memorıaly beınelengen.

Tórt boıaýly ofsetti baspa ádisimen oryndalǵan markanyń nomınaly - 32 teńge. Sýretshisi - Danııar Muhamedjanov.

60 jyl buryn (1951) Londonda birinshi ret «Álem arýy» atty sulýlyq baıqaýy ótti.

ESІMDER

115 jyl buryn (1896-1938) qoǵam jáne memleket qaıratkeri, kúıshi BÓKEIHANOV Ǵabdol-Hakim Nurmuhameduly dúnıege keldi.

Batys Qazaqstan oblysy Bókeı ordasynda dúnıege kelgen. Bókeı ordasyndaǵy Jáńgir han ashqan mektepti, Oral áskerı ýchılışesin, Máskeý aýyl sharýashylyǵy akademııasyn bitirgen. 1921-1922 jyldary Semeı gýbernııalyq atqarý komıtetiniń jáne Semeı, Aqmola gýbernııalarynyń Ashyqqandarǵa kómek kórsetý komıssııasynyń tóraǵasy bolǵan. 1925-1932 jyldary - Jer halkomynyń alqa múshesi, Qaraqalpaq atqarý komıteti tóraǵasynyń orynbasary, Qazaq maqta komıteti tóraǵasynyń orynbasary. 1933-1937 jyldary KSRO maqta-traktor ortalyǵy tresiniń ókili, Ońtústik Qazaqstan oblysy Jer basqarmasynyń bastyǵy qyzmetterin atqarǵan. 1937 jyly «halyq jaýy» degen jalamen tutqynǵa alynyp, 1938 jyly aqpannyń 25-de atyldy. Ol 1957 jyly tolyǵymen aqtaldy. Ol dástúrli halyq mádenıetiniń qamqorshysy bolǵan. A.V.Zataevıchke qazaqtyń «Shalqyma», «Qos alqa», «Mergen», «Soqyr Esjan» kúılerin, «Eki jıren», «Atyraý», «Qarashash», t.b. jalpy sany 27 ánin jazdyryp, Dáýletkereı, Salaýatkereı jáne ózi tárbıesin kórgen Álikeı, Makar syndy halyq kompozıtorlary týraly qundy derekter bergen.

65 jyl buryn (1946) aqyn, aýdarmashy, fılologııa ǵylymynyń kandıdaty, Kafka atyndaǵy Halyqaralyq syılyqtyń jáne «Platınaly Tarlan» syılyǵynyń laýreaty, «Jyl Adamy - Altyn Adam» syılyǵynyń ıegeri SARIEV Shómishbaı Naǵashybaıuly dúnıege keldi.

Qyzylorda oblysy Aral aýdanynda týǵan. S.Kırov atyndaǵy Qazaq memlekettik ýnıversıtetin (ál-Farabı atyndaǵy Qazaq ulttyq ýnıverstıteti) bitirgen. Eńbek jolyn Qazaly aýdandyq «Lenın týy», Aral aýdandyq «Tolqyn» gazetterinen bastaǵan. Keıinnen «Qazaqstan» baspasynyń redaktory, «Juldyz» jýrnaly bóliminiń meńgerýshisi, Qazaqstan Respýblıkasy Ulttyq ǵylym akademııasy Muhtar Áýezov atyndaǵy Ádebıet jáne óner ınstıtýtynyń ǵylymı, aǵa ǵylymı qyzmetkeri bolǵan.

Alǵashqy óleńi 1974 jyly sol kezdegi jas aqyndardyń «Balaýsa» óleńder jınaǵyna engen. Aqynnyń «Ǵashyqtar jyry», «Bozjorǵa» avtorlyq beınetaspalary jáne «20 ǵasyrdyń jıyrmasynshy jyldaryndaǵy poezııasy» atty monografııasy jáne qazaq, orys tilderinde on bes shaqty kitaby jaryq kórgen. 300-den astam óleńderdiń avtory. Ol G.Gýlıa, O.Berggolts, I.Abashıdze, S.Vıkýlov, F.Alıeva, taǵy basqa aqyndardyń óleńderin qazaq tiline aýdarǵan. «Teńizden soqqan jel» atty óleńder jınaǵy kitabyn hındı tiline Varıam Sınh aýdardy.

60 jyl buryn (1951) Qazaqstan Respýblıkasy Aýylsharýashylyǵy mınıstrligi «QazAgroInnovatsııa» aktsıonerlik qoǵamy Maqta sharýashylyǵy ǵylymı-zertteý ınstıtýtynyń bas dırektory, agronom-ǵalym, aýyl sharýashylyǵy ǵylymdarynyń doktory, Qazaqstan Respýblıkasy Aýylsharýashylyǵy akademııasynyń akademıgi, Jetisaı jáne Maqtaral aýdandarynyń qurmetti azamaty, Qazaqstan Jýrnalıster odaǵynyń múshesi ÚMBETAEV Ibadýlla Izatýllauly dúnıege keldi.

Ońtústik Qazaqstan oblysy Jetisaı aýdanynda týǵan. Qazaq aýyl sharýashylyq ınstıtýtyn (Qazaq ulttyq agrarlyq ýnıversıteti) jáne Búkilodaqtyq ǵylymı-zertteý maqta ınstıtýtynyń aspırantýrasyn bitirgen. 1972-1978 jyldary - Pahtaaral maqta sharýashylyq tájirıbe stansasy zerthanasynyń zerhanashysy, ǵylymı qyzmetkeri, meńgerýshisi. 1978-1979 jyldary - Búkilodaqtyq ǵylymı-zertteý maqta ınstıtýtynyń aspıranty. 1979-1982 jyldary - Jetisaı aýdandyq aýyl sharýashylyǵy basqarmasynyń bas agronomy, aýdandyq partııa komıteti bóliminiń meńgerýshisi, sovhoz dırektory. 1982-1988 jyldary - Keles aýdandyq atqarý komıteti tóraǵasynyń birinshi orynbasary, aýdandyq agroónerkásiptik birlestiktiń tóraǵasy. 1988-1991 jyldary - Shymkent oblystyq agroónerkásibi tóraǵasynyń orynbasary, birinshi orynbasary, Bógen aýdandyq atqarý komıtetiniń tóraǵasy. 1991-1992 jyldary - Shymkent oblystyq atqarý komıteti tóraǵasynyń orynbasary. 1992-1997 jyldary - Jetisaı aýdandyq ákimshiliginiń basshysy, ákimi, Maqtaaral sý sharýashylyq júıesi basqarmasynyń bastyǵy. 1997-1999 jyldary - Maqtaaral aýdanynyń ákimi. 1999-2006 jyldary - Maqtaaral aýyl sharýashylyq tájirıbe stansasynyń dırektory. 2006-2007 jyldary - «Maqta sharýashylyǵy ǵylymı-zertteý ınstıtýty» enshiles memlekettik kásipornynyń dırektory qyzmetterin atqarǵan. Qazirgi qyzmetinde 2007 jyldan bastap isteıdi. Búkilodaqtyq aýylsharýashylyǵy jetistikteriniń (úsh márte), «Eńbektegi erligi úshin», «Astana», «Qazaqstan Respýblıkasynyń Táýelsizdigine 10 jyl», «Uly Otan soǵysy jeńisine 60 jyl» medaldarymen, Qazaqstan Respýblıkasy Aýylsharýashylyǵy mınıstrliginiń dıplomymen, Qazaqstan Respýblıkasy Parlamenti Májilisiniń alǵys hatymen, Qazaqstan Respýblıkasy Aýylsharýashylyǵy mınıstriniń Qurmet gramotasymen, «Nur Otan» HDP oblystyq fılıalynyń, Ońtústik Qazaqstan oblysy ákiminiń, aýdandyq , oblystyq máslıhattardyń qurmet gramotalarymen marapattalǵan. Qazaqstan Jýrnalıster odaǵy syılyǵynyń, A.Baraev atyndaǵy memlekettik syılyǵynyń ıegeri. «Ońtústik Qazaqstan oblysynyń jyl adamy» qurmetti ataǵyna ıe bolǵan.

SÁÝІRDІŃ 16-Y, SENBІ

Bolgarııada Konstıtýtsııa kúni. Sáýirdiń 16-da Bolgarııada Zańger kúnin jáne Birinshi Bolgar konstıtýtsııasynyń merekesi atap ótiledi (1879 jyly eldiń Birinshi Uly Halyq jınalysynda qabyldanǵan Tyrnov Konstıtýtsııasy).

Armenııada polıtsııa qyzmetkerleriniń kúni. 2001 jyldan «Polıtsııa týraly» zańy qabyldanǵan kúnnen bastap atap ótiledi.

OQIǴALAR

93 jyl buryn (1918) Orynborda qazaq tilinde «Qazaq muńy» gazeti shyǵaryldy. Gazet Álibek Jangeldınniń bastamasymen qurylǵan. «Qazaq muńy» bolshevıkter saıasatyn nasıhattap, Alash partııasyna qarsy baǵyt ustandy. Oblystyń eńbekshi buqarasyna ókimettiń alǵashqy dekretteriniń mán-mazmunyn túsindirdi. Kóp uzamaı, azamat soǵysynyń bastalýyna baılanysty, Dýtov aqgvardııashylarynyń bıligi júre bastaǵan kezde, gazet shyǵýyn toqtatqan.

6 jyl buryn (2005) Elbasy Nursultan Nazarbaev Qazaqstan Respýblıkasy Syrtqy ister mınıstrliginiń jańa ǵımaratynyń ashylý saltanatyna qatysty.

6 jyl buryn (2005) Elbasy Nursultan Nazarbaev «Belgilengen áskerı qyzmet merzimin ótkergen merzimdi áskerı qyzmettegi áskerı qyzmetshilerdi zapasqa shyǵarý jáne Qazaqstan Respýblıkasynyń azamattaryn 2005 jyldyń sáýir-maýsymynda jáne qazan-jeltoqsanynda kezekti merzimdi áskerı qyzmetke shaqyrý týraly» Jarlyqqa qol qoıdy jáne «Memlekettik áleýmettik tapsyrys týraly» jáne «Memlekettik satyp alýlar týraly» Qazaqstan Respýblıkasy zańyna tolyqtyrýlar engizý týraly», «Qazaqstan Respýblıkasy Úkimeti men Slovakııa Respýblıkasy Úkimeti arasyndaǵy halyqaralyq avtokolik qozǵalysy Kelisimin ratıfıkatsııalaý týraly», «Qazaqstan Respýblıkasynyń sáýlet, qala qurylysy jáne qurylys qyzmeti týraly», «Qazaqstan Respýblıkasy men Reseı Federatsııasynyń qaýipsizdigi úshin Qazaqstan Respýblıkasy men Reseı Federatsııasy arasyndaǵy qarýly kúshterdi birigip qoldaný Kelisimin ratıfıkatsııalaý týraly», «Qazaqstan Respýblıkasy Úkimeti men Qyrǵyzstan Respýblıkasy Úkimeti arasyndaǵy taýarlardy avtomobıl kóligimen Qazaqstan Respýblıkasy aýmaǵynan tranzıttik qozǵalys Kelisimin ratıfıkatsııalaý týraly» Zańdaryna qol qoıdy.

4 jyl buryn (2007) Qazaqstan men Kýba arasyndaǵy dıplomatııalyq qarym-qatynastardyń bekitilgenine 15-jyl tolýyna baılanysty Kýbanyń Qazaqstandaǵy Elshisi Teresıta Kapote Kamacho Qazaqstannyń jazýshysy Rollan Seısenbaevty latyn-amerıkan ádebıetin nasıhattaýdaǵy qosqan úlesi úshin «Dostyq» ordenimen marapattady.

3 jyl buryn (2008) Reseıdiń Omby qalasynda «Tobyl» áleýmettik-kásipkerlik korporatsııasy» Ulttyq kompanııasynyń tanystyrylymy ótti. Bul sharany ótkizýdiń basty maqsaty - birlesken kommertsııalyq jobalardy júzege asyrýǵa ınvestorlar tartý jáne Soltústik Qazaqstanmen shekaralas aýmaqtardyń kásipkerlerimen áriptestik baılanystar ornatý boldy. «Tobyl» áleýmettik-kásipkerlik korporatsııasynyń tanystyrylymyna qatysqan jergilikti bılik organdarynyń ókilderi, kásiporyndar men qoǵamdyq birlestikterdiń basshylary, kásipkerler korporatsııanyń qyzmetimen jáne onyń aktıvterimen tanysty. Ombylyq kompanııalar, atap aıtqanda, «Bolshoı dom drevesıny» AAQ, «Elektrotochprıbor» saýda kompanııasy» JAQ, «Omsktehtorg» AAQ «Tobyldyń» aktıvindegi paıdaly qazbalar kenishterin ıgerýge atsalysýǵa múddelilik bildirdi.

2 jyl buryn (2009) Pekındegi Dıaoıýıtaı memlekettik rezıdentsııasynda Qazaqstan Respýblıkasynyń Prezıdenti Nursultan Nazarbaevqa Qytaıdyń Olımpıada komıtetiniń joǵarǵy syılyǵyn marapattaý rásimi bolyp ótti.

Qytaıdyń Ulttyq Olımpıadalyq komıtetiniń qurmet belgisi 2008 jyldyń tamyzynda bekitilgen jáne olımpıadalyq qozǵalystyń damýyna, sport pen salaýatty ómir saltyna óz úlesterin qosqany úshin beriledi.

1 jyl buryn (2010) Qostanaıda Ahmet Baıtursynov atyndaǵy Qostanaı memlekettik ýnıversıteti murajaılar kesheniniń ashylý saltanaty ótti.

Keshenniń quramyna ýnıversıtettiń jáne Ahmet Baıtursynovtyń murajaılary kirdi.

Ýnıversıtettiń bas korpýsynda ornalasqan murajaıda bilim oshaǵynyń barlyq tarıhyna qatysty derekter shoǵyrlandyrylǵan.

Ahmet Baıtursynov (1873-1937) - qoǵam kaıratkeri, aqyn, ádebıettanýshy, lıngvıst, aýdarmashy, pýblıtsıst, aǵartýshy-ǵalym, ult ustazy. 1873 jyly, qańtar aıynda Qostanaı oblysy, Jangeldın aýdany, Sarytúbek degen jerde dúnıege keldi.

Halyqtyń oı-sanasyn oıatýǵa bar kúshin, qalamgerlik qýatyn salyp, 1909 jyly I.A.Krylov mysaldaryn aýdaryp, «Qyryq mysal» jınaǵyn shyǵarady. Qazaq poezııasyna ózindik jańalyq, oıý-ernek ákelgen «Masa» jınaǵy A.Baıtursynovtyń aǵartýshylyq, demokrattyq, gýmanıstik ıdeıalaryn halyqqa jetkizedi. 1913 jyldan 1917 jylǵa deıin M.Dýlatovpen birge «Qazaq» gazetin shyǵarady. Saıası baǵyttaǵy maqalalary patsha úkimeti oryndaryna jaqpaǵan basylymnyń redaktory retinde A.Baıtursynov birneshe ret túrmege jabylady. Goloşekındik asyra silteý saıasatyna qarsy bolǵany úshin 1929, 1937 jyldary eki ret saıası repressııaǵa iligip, jazyqsyz atyldy.

1 jyl buryn (2010) Elordada musylman áıelderge arnalǵan «SalNur» rýhanı-tanymdyq jýrnaly jaryq kórdi.

Bul Qazaqstandaǵy musylman áıelderge arnalǵan tuńǵysh jýrnal. Basylymdy jaryqqa shyǵarýymyzdyń negizgi maqsaty - qazaqstandyq qoǵamda rýhanı adamgershilik qaǵıdalaryn jańǵyrtýmen qatar musylman áıeliniń sulýlyǵyn, ázız ulylyǵyn pash etý», deıdi basylymnyń bas redaktory ári quryltaıshysy Gúlnár Adamova. Qazaq jáne orys tilderinde aıyna bir ret 3000 dana taralymmen jaryq kóretin jýrnaldan ıslamsha ómir súrý degen ne, qazirgi zamandaǵy musylman áıelderiniń dúnıetanym qandaı, onyń otbasy men bala tárbıesindegi alar orny sııaqty saýaldarǵa mol maǵlumat alýǵa bolady.

50 jyl buryn (1961) Kýbada Kommýnıstik partııa quryldy.

ESІMDER

70 jyl buryn (1941) KSRO jáne Qazaqstan Respýblıkasy prokýratýrasynyń qurmetti qyzmetkeri, 3-shi sanatty memlekettik ádilet keńesshisi ÁShLıAEV Tólegen Áshláıuly dúnıege keldi.

Qaraǵandy oblysynyń Aǵadyr (qazirgi Shet aýdany) aýdanynda týǵan. S.Kırov atyndaǵy Qazaq memlekettik ýnıversıtetin (ál-Farabı atyndaǵy Qazaq ulttyq ýnıverstıteti) bitirgen. 1965-1988 jyldary - Qaraǵandy oblysy Oktıabr aýdandyq prokýratýrasynyń aǵa tergeýshisi, oblystyq prokýratýranyń aǵa tergeýshisi, prokýrory, tergeý bólimi bastyǵynyń orynbasary, Saran qalasynyń prokýrory, Qaraǵandy qalasy prokýrorynyń orynbasary. 1988-1992 jyldary - Qazaqstan Respýblıkasy Bas prokýratýrasy bólim bastyǵynyń orynbasary, basqarmanyń aǵa prokýrory, bólim bastyǵy. 1992-1996 jyldary - Jezqazǵan oblysynyń prokýrory. 1996-2004 jyldary - Almaty qalalyq kólik prokýrory, Ońtústik-Shyǵys aımaqtyq kólik prokýrory. 2004 jyldan bastap zeınet demalysyna shyqqan.

«Qurmet belgisi», «Qurmet» ordenderimen marapattalǵan.

50 jyl buryn (1961) «NurOtan» HDP Innovatsııalyq komıteti tóraǵasynyń birinshi orynbasary AQBERDIN Rústem Aleksandruly dúnıege keldi.

Qaraǵandy oblysynda týǵan. Máskeýdiń bolat pen qorytpa ınstıtýtyn jáne osy ınstıtýttyń aspırantýrasyn bitirgen. 1990-1992 jyldary - Qazaqstan Respýblıkasy Ǵylym akademııasynyń Hımııa-metallýrgııalyq ınstıtýtynyń ǵylymı qyzmetkeri. 1992-1995 jyldary - «Parıtet» jekemenshik kásipornynyń dırektory. 1995-2001 jyldary -Qaraǵandy aımaqtyq pensıonerler men az qamtylǵan halyqty qorǵaý jónindegi qaıyrymdylyq qorynyń prezıdenti. 2001-2003 jyldary - «Sharýashylyq basqarmasy» jabyq aktsıonerlik qoǵamynyń prezıdenti. 2003-2010 jyldary - Qazaqstan Respýblıkasy Indýstrııa jáne saýda mınıstrligi Ónerkásip salasy departamenti dırektorynyń orynbasary, Qazaqstan Respýblıkasy Indýstrııa jáne saýda mınıstrligi Básekelestikti qorǵaý jónindegi komıtet tóraǵasynyń orynbasary, Qazaqstan Respýblıkasy Indýstrııa jáne saýda mınıstrligi Kásipkerlikti damytý jónindegi departamenttiń dırektory, Qazaqstan Respýblıkasy básekelestikti qorǵaý jónindegi Agenttik tóraǵasynyń orynbasary qyzmetterin atqarǵan. Qazirgi qyzmetinde 2011 jyldan bastap isteıdi.

65 jyl buryn (1946) ózbek ánshisi, kompozıtor, Ózbekstannyń, Qazaqstannyń, Qyrǵyzstannyń halyq ártisi, Ózbekstan memlekettik syılyǵynyń laýreaty ZÁKІROV Farýh Kárimuly dúnıege keldi.

Ózbekstannyń Tashkent qalasynda týǵan. Tashkent konservatorııasyn bitirgen. 1969-1971 jyldary Ózbekstan estrada orkestriniń ánshisi bolǵan. 1971 jyldan «ıAlla» ansambliniń ánshisi, 1976 jyldan kórkemdik jetekshisi. «ıAlla» ansambliniń dúnıe júzine tanylýy Zákirovtyń shyǵarmashylyǵymen tyǵyz baılanysty. Ol «Túngi juldyz», «Báısheshek», «Kóńildi shaıhana», «Úshqudyq», «Lola», t.b. ánderdiń avtory, ári oryndaýshysy.

Birneshe medaldarmen marapattalǵan.