QazAqparat-Anons: 2011 jylǵy 10-13 naýryz aralyǵyndaǵy oqıǵalardyń kúntizbesi

ÚKІMET

10 naýryzda selektorlyq rejımde Úkimet otyrysy ótedi.

PARLAMENT

10 naýryzda Parlament Senatynyń plenarlyq otyrysy bolady.

10 naýryzda Parlament Májilisinde Islamdyq qarjyldandyrý júıesin damytý máselelerine arnalǵan semınar ótedi.

QOǴAM

3 naýryz ben 3 sáýir aralyǵynda Qazaqstan Respýblıkasy Prezıdenttigine kandıdattar saılaýaldy úgit-nasıhat jumystaryn júrgizedi.

10 naýryzda TMD baıqaýshylary mıssııasy Qazaqstan Respýblıkasy Prezıdentiniń saılaýyndaǵy óz jumysyn bastaıdy.

17 naýryzda Qazaqstan eńbekshileriniń forýmy ótedi.

ÁLEM
Lıvııadaǵy oqıǵalarǵa baılanysty 10 naýryzda Brıýsselde Eýroodaqqa múshe 27 memlekettiń syrtqy ister mınıstrleri keńesiniń tótenshe otyrysy shaqyrylyp otyr.

ASTANA

10 naýryzda QR Prezıdenti janyndaǵy Memlekettik basqarý akademııasynda «Memlekettik basqarý jáne memlekettik qyzmet: bolashaqty damytýdyń strategııalary» degen taqyrypta halyqaralyq konferentsııa bolady.

10 naýryzda «Redısson» otelinde «Adam resýrstaryn basqarý: HR salasyndaǵy ınnovatsııalar» degen taqyrypta halyqaralyq konferentsııa bolady.

10 naýryzda Ulttyq akademııalyq kitaphanada J.Aımaýytovtyń «Aqbilek» romanyn «Bir el- bir kitap» aktsııasynyń aıasynda oqylatyn kitap retinde jarııalaýǵa arnalǵan baspasóz máslıhaty ótedi.

10 naýryzda «Nur Otan» partııasynyń ortalyq keńsesinde «Aýyldyń gúldenýi - Qazaqstannyń gúldenýi -2010» marafon-estafetasynyń bastalýyna arnalǵan baspasóz máslıhaty bolady.

10 naýryzda elordadaǵy Mr.Coffee kofehanasynda «Shaı. Kofe. Kakao-2011» І Qazaqstandyq Halyqaralyq kórmesin ótkizýge arnalǵan tusaýkeser rásim bolady.

10 naýryzda Q.Qýanyshbaev atyndaǵy qazaq mýzykalyq drama teatrynda A.Tsagarellıdiń «Gamardjoba!» mýzykalyq komedııasy qoıylady.

Astanada 14-15 naýryzda «Qazaqstan men TMD elderindegi ıslamdyq qor naryǵynyń damýy» degen taqyryppen ІІ qazaqstandyq ıslamdyq qarjylandyrý konferentsııasy ótedi

ALMATY

10 naýryzda «Almaty Taýers» bıznes-ortalyǵynda «Munaı jáne gaz: Qazaqstandyq qamtýdy damytý-2011» degen taqyrypta Munaı-gaz kompanııalarynyń forýmy ótedi.

10 naýryzda Qazaqstandyq Strategııalyq zertteýler ınstıtýtynda «Elektoraldy demokratııa: halyqaralyq tájirıbe jáne Qazaqstandaǵy prezıdenttik saılaý» degen taqyrypqa arnalǵan halyqaralyq konferentsııa bolady.

10 naýryzda Almaty ákimdiginde IV shaqyrylǵan qalalyq máslıhattyń HHHVIII sessııasy ótedi.

10 naýryzda QR Ulttyq bankte bank basshylyǵynyń qatysýymen baspasóz máslıhaty ótedi.

Almatyda 11 naýryzda Qazaqstan Respýblıkasyndaǵy Birinshi Ulttyq ǵylymı-tehnologııalyq forsaıtqa arnalǵan konferentsııa ótedi

AIMAQ

ORAL

Oralda 8-13 naýryzda voleıboldan Ulttyq lıgadaǵy erler komandalary arasynda HІH Qazaqstan chempıonatynyń 4-týr oıyndary bolady

ELEÝLІ OQIǴALAR. ATAÝLY KÚNDER. ESІMDER.

NAÝRYZDYŃ 10-Y, BEISENBІ

Halyqaralyq búırek kúni. Búkilálemdik Búırek Kúni ISN (International Society of Nephrology, Halyqaralyq nefrologııalyq qoǵam) jáne IFKF (International Federation of Kidney Foundations, Búırek qorlary halyqaralyq federatsııasy) bastamasymen jyl saıyn, naýryzdyń ekinshi beısenbisinde atalyp ótedi.

OQIǴALAR

1 jyl buryn (2010) Memleket basshysynyń resmı saıtynda «Bıznesti Prezıdenttik qorǵaý» degen arnaıy bólim ashyldy.

Saıttyń bul bólimi Qazaqstan kásipkerleriniń olardyń zańdy quqyqtary men múddelerine tekserýshi, baqylaýshy jáne quqyq qorǵaý organdary tarapynan qysymshylyqtyń naqty kórinisteri boıynsha Memleket basshysyna tikeleı júginýge arnalǵan.

Prezıdenttik saıttyń osy bólimine túsken árbir osyndaı habarlama boıynsha Prezıdent Ákimshiliginiń erekshe baqylaýymen resmı tekserýler júrgiziledi.

1 jyl buryn (2010) Astanada «Búgingi otanshyldyq: jeńistiń mereıtoıyna» atty kitaptyń tanystyrylymy ótti.

Qazaqstannyń aqparattyq saıasaty ınstıtýty shyǵaryp otyrǵan oqý-ádistemelik quralyn Ál-Farabı atyndaǵy Qazaq ulttyq ýnıversıteti ıÝNESKO kafedrasynyń meńgerýshisi, tarıh ǵylymynyń doktory, professor Láılá Ahmetova bastaǵan shyǵarmashylyq top qurastyrǵan.

Kitapta 1941-1945 jyldardaǵy ekinshi dúnıejúzilik soǵys tarıhyna qatysty eksklıýzıvti materıaldar, qazirgi kúngi otanshyldyq máseleleri boıynsha áleýmettik zertteýlerdiń qorytyndylary, soǵys barysyna qazirgi zamanǵy kózqaras berilgen. Sonymen qatar soǵys jyldary Qazaqstanǵa basshylyq jasaǵan Nıkolaı Skvortsov pen Jumabaı Shaıahmetov týraly materıaldar da qosa jarııalanyp otyr. Alǵashqy bólimde mamyrdyń 9-yn merekeleýge oraı BAQ-tarda jarııalanǵan maqalalar toptastyrylsa, sońǵy bólimde otanshyldyq taqyrybyn qamtyǵan maqaldar, qanatty sózder qamtylǵan.

Soǵys jyldary 26 mıllıonnan astam keńes azamaty qaza tapqan. Nemis basqynshylary 1710 qala men qala tıptes eldi mekendi, 70 myńnan astam aýyldy, 98 myńnan astam ujymshardy, 1786 keńshardy, 6 mıllıonnan astam ǵımaratty jermen-jeksen etip, 32 myńnan astam kásiporyndy qıratqan. Jalpy Keńes Odaǵy 30 paıyzdan astam ulttyq baılyǵynan aıyrylǵan.

1 jyl buryn (2010) Semeıdiń Jańa tarıhty qujattandyrý ortalyǵynyń qyzmetkerleri Ázilhan Nurshaıyqovtyń (1922-2011) osydan 60 jyldaı buryn maıdannan jazylǵan biregeı hatyn tapty.

Muraǵattan habarlaǵandaı, óleńmen jazylǵan hat «Maıdannan jazylǵan hattar» qujattar toptamasynan tabylyp otyr. «Biregeı jáne qundy hatty bizdiń jerlesimiz, jazýshy, soǵys ardageri Ázilhan Nurshaıyqov 1944 jyly Belarýs maıdanynda shaıqasyp júrgen jyldary Jarma aýdandyq gazetindegi áriptesterine joldaǵan. Óleńmen jazylǵan hatyn ol «Biz Berlınge baramyz!» dep ataǵan.

Aýdandyq gazet qyzmetkerleri saqtaýǵa tapsyrǵan bul qundy mura keńes dáýiriniń tusynda uzaq jyldar boıy Jarma aýdandyq muraǵatynda saqtalyp kelgen, keıinnen ol Semeıdiń Jańa tarıhty qujattandyrý ortalyǵyna kelip túsken.

1 jyl buryn (2010) Qazaqstan Elshiligi Dýshanbede Tájikstannyń Jazýshylar odaǵymen birlese otyryp, Qazaqstan men Tájikstannyń mádenı jáne ádebı baılanystaryna arnalǵan «Pamır» jýrnalynyń tanystyrylymy ótti.

Jınalǵan qaýymnyń nazaryna Qazaqstannyń tanymal aqyn-jazýshylarynyń týyndylarynyń úzindileri, óleńderi men kórkemsózderi tanystyryldy.

Tusaýkeser rásiminde Tájikstannyń shyǵarmashylyq uıymynyń oryndaýyndaǵy ádebı jáne mýzykalyq shyǵarmalar shyrqaldy, jáne Qazaqstannyń mádenıeti týraly fotokórme uıymdastyryldy.

ESІMDER

75 jyl buryn (1936-2004) Qazaqstannyń saıası jáne qoǵam qaıratkeri, ekonomıka ǵylymdarynyń doktory, professor, Tótenshe jáne Ókiletti Elshi ASANBAEV Erik Maǵzumuly dúnıege keldi.

Qostanaı oblysynyń Amangeldi aýdanynda týǵan. S.M.Kırov atyndaǵy Qazaq memlekettik ýnıversıtetin (qazirgi ál-Farabı atyndaǵy Qazaq ulttyq ýnıversıteti), KSRO Ǵylym jáne tehnıka jónindegi memmlekettik komıteti janyndaǵy Halyq sharýashylyǵyn basqarý ınstıtýtyn, Máskeý qarjy ınstıtıtýynyń aspırantýrasyn bitirgen.

1958-1959 jyldary - Qazaq KSR Qarjy mınıstrliginiń ekonomısi. 1959-1960 jyldary - S.M.Kırov atyndaǵy Qazaq memlekettik ýnıversıtetiniń oqytýshysy. 1960-1963 jyldary - Máskeý qarjy ınstıtıtýynyń aspıranty. 1964-1967 jyldary - Qazaq KSR Memlekettik josparlaý komıteti janyndaǵy Josparlaý jáne normatıvtik ǵylymı-zertteý ekonomıkalyq ınstıtýtynyń bólim meńgerýshisi. 1967-1973 jyldary - Qazaq KSR Memlekettik josparlaý komıtetiniń bólim bastyǵy. 1973-1975 jyldary - Qazaq KSR Qarjy mınıstriniń orynbasary. 1975-1979 jyldary - Qazaq KSR Mınıstrler Keńesiniń bólim meńgerýshisi, is basqarýshysynyń orynbasary. 1979-1983 jyldary - Qazaqstan Kompartııasy Ortalyq Komıteti saýda, josparlaý jáne qarjy organdary bóliminiń, saýda jáne turmystyq qyzmet kórsetý bóliminiń meńgerýshisi. 1983-1986 jyldary - Qazaq KSR Mınıstrler Keńesi is basqarýshysynyń orynbasary. 1986-1988 jyldary - Qazaqstan Kompartııasy Ortalyq Komıteti ǵylym jáne oqý oryndary bóliminiń, ekonomıka bóliminiń meńgerýshisi. 1988-1989 jyldary - Qazaq KSR Mınıstrler Keńesi tóraǵasynyń orynbasary. 1989-1990 jyldary - Qazaqstan Kompartııasy Ortalyq Komıteti iniń hatshysy - Áleýmettik-ekonmıkalyq damý máseleleri jónindegi komıssııanyń tóraǵasy. 1990-1991 jyldary - Qazaq KSR Joǵarǵy Keńesiniń tóraǵasy. 1991-1996 jyldary - Qazaq KSR-iniń vıtse-prezıdenti. 1996-2000 jyldary - Qazaqstan Respýblıkasynyń Germanııa Federatıvtik Respýblıkasyndaǵy Tótenshe jáne Ókiletti Elshisi. 2000 jyldan zeınet demalysyna shyqqan.

«Qurmet belgisi», «Otan», ekinshi dárejeli «Barys» ordenderimen jáne medaldarmen marapattalǵan.

NAÝRYZDYŃ 11-І, JUMA

Lıtva táýelsizdiginiń qaıta qurylǵan kúni. 1918 jylǵy aqpannyń 16-da Lıtvanyń táýelsizdigi týraly Deklaratsııa qabyldandy. 1939 jylǵy tamyzdyń 23-de qol qoıylǵan Molotov-Rıbbentrop kelisimine sáıkes, Lıtva Germanııanyń quzyretine ótti. 1939 jylǵy qyrkúıektiń 28-de bul kelisim ózgertilip Germanııa Lıtvany Keńes Odaǵyna berdi. 1990 jylǵy naýryzdyń 11-de Lıtvanyń Joǵarǵy Keńesi Lıtva Respýblıkasyn qaıta qurý týraly sheshim qabyldady.

Qazaqstan Respýblıkasy men Lıtva Respýblıkasy arasynda dıplomatııalyq qarym-qatynas 1992 jylǵy maýsymnyń 15-de ornatyldy.

Holı - boıaýlar merekesi. Indııanyń áserli merekeleriniń biri, bengal jańa jyly. Aqpan jáne naýryz aıyna keletin, Phalgýn aıy tolǵan kúninde atap ótedi.

OQIǴALAR

15 jyl buryn (1996) Qazaqstan Respýblıkasynyń Prezıdenti N.Á.Nazarbaevtyń Jarlyǵymen Ulttyq ǵylym akademııasy, Qazaq aýylsharýashylyǵy ǵylymdarynyń akademııasy jáne Ǵylym jáne jańa tehnologııalar mınıstrligi - Ǵylym mınıstrligi - Qazaqstannyń Ǵylym akademııasy ortalyq atqarýshy organnyń quramynda biriktirildi.

2003 jyldyń qazanynan bastap akademııa prezıdenti Murat Jurynuly Jurynov.

15 jyl buryn (1996) Elbasy N.Á.Nazarbaevtyń «Qazaqstan Respýblıkasynda ǵylymdy memlekettik basqarý júıesin jetildirý jónindegi sharalar týraly» Jarlyǵy shyqty.

3 jyl buryn (2008) Almatydaǵy Turar Rysqulov atyndaǵy Qazaq ekonomıkalyq ýnıversıtetinde (QazEÝ) elimizdegi joǵary oqý oryndary arasynda tuńǵysh ınternet- vıdeozal ashyldy. Bul jobanyń arqasynda QazEÝ álemniń jetekshi oqý oryndarymen tyǵyz baılanysta jumys isteıtin boldy. Internet- vıdeozal Qazaqstandyq joǵary oqý oryndary arasynda alǵash ashylyp otyr.

Joba ýnıversıtet janynda jumys istep kele jatqan Qazaqstan-Japon adam resýrstaryn damytý ortalyǵyn qarjylandyrýshy - Japonııanyń Halyqaralyq áriptestik agenttiginiń qoldaýymen ashylyp otyr. Internet - vıdeozal ǵalamdyq tor arqyly konferentsııalar, semınarlar ótkizip, oqý ornynyń stýdentteri men oqytýshylaryn shet eldik áriptestermen baılanysqa shyǵarýǵa múmkindik beredi. Ýnıversıtet mamandary oqý ornynyń kúndelikti ómirine eń úzdik aqparattyq-kommýnıkatsııalyq tehnologııanyń enip, qashyqtyqtan oqytý men bilim almasýdyń ınnovatsııalyq tehnologııasynyń damý múmkindigi týǵanyn aıtady.

3 jyl buryn (2008) Qazaqstannyń Reseıdegi Elshisi Nurtaı Ábiqaev Máskeýde Reseıdiń Tennıs federatsııasynyń prezıdenti Shámil Tarpışevke ekinshi dárejeli «Dostyq» ordenin tabys etti. «Eki eldiń arasynda sport salasyndaǵy yntymaqtastyqty nyǵaıtýǵa jáne damytýǵa qosqan úlesi úshin» marapattaý týraly Jarlyqqa Elbasy Nursultan Nazarbaev qol qoıǵan bolatyn.

ESІMDER

60 jyl buryn (1951) Qazaqstan Respýblıkasy Eńbek jáne halyqty áleýmettik qorǵaý mınıstrliginiń Batys Qazaqstan oblysy boıynsha baqylaý jáne áleýmettik qorǵaý departamentiniń dırektory NURJANOV Berikbolat Nasekenovıch dúnıege keldi.

Batys Qazaqstan oblysy Kaztalovka aýdanynda týǵan. Lenıngrad keńes saýdasy ınstıtýtyn, Oral kooperatıvtik tehnıkýmyn bitirgen.

1988-2000 jyldary - «Kazmıasmoltorga» josparlaý-ekonomıkalyq bóliminiń bastyǵy, «Aıaq kıim» bazasynyń dırektory, «Gazsaýda» AQ-nyń prezıdenti, Batys Qazaqstan oblystyq eńbek jáne halyqty áleýmettik qorǵaý basqarmasynyń bastyǵy, «Ular» jınaqtaý qorynyń Batys Qazaqstan oblysy boıynsha ókildiginiń menedjeri qyzmetterin atqarǵan.

2001 jyldan bastap - qazirgi qyzmetinde.

«Qurmet» ordenimen marapattalǵan.

50 jyl buryn (1961) Astana qalasy sotynyń sýdıasy BALYQOV Daýlen Jumalyuly dúnıege keldi.

E.A.Bóketov atyndaǵy Qaraǵandy memlekettik ýnıversıtetin bitirgen.

1983-1989 jyldary - Qaraǵandy oblastyq prokýratýrasynda stajer, tergeýshi, aǵa tergeýshi. 1989-1991 jyldary - Qaraǵandy oblysy prokýrorynyń kómekshisi. 1991-1992 jyldary - Qaraǵandy oblysy prokýratýrasynyń aǵa tergeýshisi. 1992-1993 jyldary - «Qaraǵandy Turǵynúı» №3 Qaraǵandy kirpish zaýytynyń zańgeri. 1993-1994 jyldary - Keńes halqynyń aýdandyq sotynyń halyqtyq soty. 1994-1997 jyldary - Qaraǵandy qalalyq sotynyń sýdıasy. 1997-1999 jyldary - Qaraǵandy oblysy zań basqarmasy bastyǵynyń orynbasary. 1999-2002 jyldary - Astana qalasy Almaty aýdandyq sotynyń tóraǵasy. 2002-2006 jyldary - Shyǵys Qazaqstan oblystyq sotynyń azamattyq is jónindegi kollegııasynyń tóraǵasy. 2006-2009 jyldary - Astana qalasy aýdanaralyq mamandandyrylǵan ekonomıkalyq sotynyń tóraǵasy qyzmetterin atqarǵan.

2009 jyldan - qazirgi qyzmetinde.

«Qazaqstan Respýblıkasynyń Konstıtýtsııasyna 10 jyl» mereıtoılyq medalimen marapattalǵan.

35 jyl buryn (1976) Qazaqstan Respýblıkasy Parlament Senaty Apparatynyń jetekshisi, Birinshi sanatty keńesshi, Halyqaralyq qatynastar salasynyń mamany NURTІLEÝOV Murat Ábýǵalıuly dúnıege keldi.

Ál-Farabı atyndaǵy Qazaq ulttyq ýnıversıtetin bitirgen. Syrtqy ister mınıstrliginiń Memlekettik hattama basqarmasynyń referenti, attashesi, Qazaqstan Respýblıkasynyń Malaızııadaǵy Elshiliginiń attashesi, Qazaqstan Respýblıkasy Syrtqy ister mınıstrligi Azııa jáne Afrıka departamentiniń ekinshi hatshysy, Qazaqstan Respýblıkasy Syrtqy ister mınıstriniń keńesshisi, Syrtqy ister mınıstri hatshylyǵynyń jetekshisi. 2007 jyldan - Qazaqstan Respýblıkasy Parlament Senaty Apparaty jetekshisiniń orynbasary qyzmetterin atqarǵan.

2007 jyldyń qyrkúıek aıynan bastap - qazirgi qyzmetinde.

«Qurmet» ordenimen jáne medalmen marapattalǵan.

NAÝRYZDYŃ 12-І, SENBІ

Reseı Ádilet mınıstrliginiń qylmystyq-atqarý júıesi qyzmetkerleriniń kúni. 1879 jyly reseı ımperatory Aleksandr ІІІ jazany atqaratyn biryńǵaı memlekettik júıeniń bastamasy bolǵan túrme departamentin qurý týraly jarlyq shyǵardy.

Qytaıda aǵash otyrǵyzý kúni. Jappaı aǵash otyrǵyzýdyń bastaýshysy bolǵan uly revolıýtsııa qaıratkeri Sýn ıAt-senniń qurmetine atap ótiledi.

OQIǴALAR

3 jyl buryn (2008) Almatyda «Bolashak. org» jáne «Alash - ult patrıottar jalǵasy» basylymdarynyń tusaýkeseri ótti. «Bolashaq» respýblıkalyq qozǵalysynyń qoldaýymen shyǵarylǵan basylymdardyń maqsaty - jastardyń rýhanı-etıkalyq máselelerge nazaryn aýdarý, olardy erkin oılaý men otansúıgishtikke tárbıeleý. Bular - stýdentter men jastardyń oqýyn, ózekti máselelerin, bos ýaqyttaryn qalaı ótkizetindikterin zertteýge arnalǵan basylymdar. Qazaq, orys jáne aǵylshyn tilderinde shyǵarylyp, respýblıka aýmaǵyna taralady.

1 jyl buryn (2010) Drezden qalasynda Qazaqstan Respýblıkasynyń qurmetti konsýldyǵynyń ashylý rásimi ótti. Konsýldyqtyń qyzmeti Germanııanyń Saksonııa jáne Saksonııa-Angaol federaldyq jerlerine taralatyn bolady.

1 jyl buryn (2010) Almatyda Qurmanǵazy atyndaǵy Qazaq ulttyq konservatorııasynda «Turan» etno-folklorlyq ansambliniń alǵashqy CD nusqadaǵy kúıtabaǵynyń tusaýkeser rásimi ótti.

Albomǵa ansambldiń oryndaýyndaǵy barlyq mýzykalar engen. «Búginde «Turan» ansambli tek Qazaqstanda ǵane emes, shet elderde de eńbegimen moıyndalyp, tanyldy. Qazaq áýenin kóne aspaptarmen asqan sheberlikpen oryndaı biletin jas ujym dástúrli mádenıetke jańasha kózben qarap, ózderin kórsetip keled

1 jyl buryn (2010) Memleket basshysy Nursultan Nazarbaev «Qazaqstan Respýblıkasynyń memlekettik basqarý júıesin odan ári jetildirý týraly» Jarlyqqa qol qoıdy.

Qazaqstan Respýblıkasy Konstıtýtsııasynyń 44-babynyń 3) tarmaqshasyna sáıkes QAÝLY ETEMІN:

1. Mynalar:

1) Qazaqstan Respýblıkasynyń Qarjy mınıstrligi oǵan Qazaqstan Respýblıkasynyń Ekonomıka jáne bıýdjettik josparlaý mınıstrliginen bıýdjettik, salyqtyq jáne kedendik saıasatty qalyptastyrý men bıýdjettik josparlaý salasyndaǵy fýnktsııalar men ókilettikterdi berý jolymen;

2) Qazaqstan Respýblıkasynyń Ekonomıka jáne bıýdjettik josparlaý mınıstrligi, sonyń ishinde oǵan strategııalyq josparlaý jáne óńirlik damý salasyndaǵy fýnktsııalar men ókilettikterdi júkteı, sondaı-aq Qazaqstan Respýblıkasynyń Indýstrııa jáne saýda mınıstrliginen saýda salasyndaǵy fýnktsııalar men ókilettikterdi bere otyryp, ony Qazaqstan Respýblıkasynyń Ekonomıkalyq damý jáne saýda mınıstrligi etip qaıta qurý jolymen;

3) Qazaqstan Respýblıkasynyń Indýstrııa jáne saýda mınıstrligi, sonyń ishinde oǵan Qazaqstan Respýblıkasynyń Energetıka jáne mıneraldyq resýrstar mınıstrliginen elektr energetıkasy, taý-ken jáne atom ónerkásibi salasyndaǵy fýnktsııalar men ókilettikterdi bere otyryp, Qazaqstan Respýblıkasynyń Indýstrııa jáne jańa tehnologııalar mınıstrligi etip qaıta qurý jolymen;

4) Qazaqstan Respýblıkasynyń Energetıka jáne mıneraldyq resýrstar mınıstrligi ony Qazaqstan Respýblıkasynyń Munaı jáne gaz mınıstrligi etip qaıta qurý jolymen;

5) Qazaqstan Respýblıkasynyń Mádenıet jáne aqparat mınıstrligi, sonyń ishinde oǵan Qazaqstan Respýblıkasynyń Ádilet mınıstrliginen azamattardyń dinı senim bostandyǵyna quqyqtaryn qamtamasyz etý jáne dinı birlestiktermen ózara is-qımyl slasyndaǵy fýnktsııalar men ókilettikterdi bere otyryp, Qazaqstan Respýblıkasynyń Mádenıet mınıstrligi etip qaıta qurý jolymen;

6) Qazaqstan Respýblıkasynyń Aqparattandyrý jáne baılanys agenttigi, sonyń ishinde oǵan Qazaqstan Respýblıkasynyń Mádenıet jáne aqparat mınıstrliginen buqaralyq aqparat salasyndaǵy fýnktsııalar men ókilettikterdi bere otyryp, Qazaqstan Respýblıkasynyń Baılanys jáne aqparat mınıstrligi etip qaıta qurý jolymen qaıta uıymdastyrylsyn.

1 jyl buryn (2010) Otandyq bilim berý júıesin damytý jónindegi Elbasy tapsyrmalaryn, sondaı-aq «Eýropaǵa jol» ulttyq baǵdarlamasynyń baptaryn júzege asyrý aıasynda naýryzdyń 11-inde Býdapeshte ótken Bolon mınıstrler forýmy májilisiniń barysynda Qazaqstan Bolon protsesine qosyldy.

Qazaqstannyń qosylýy týraly sheshimdi Bolon deklaratsııasyna qol qoıǵan 46 eldiń ókilderi biraýyzdan qoldady. Bolon úderisine qosylý qazaqstandyq joǵary oqý oryndaryna otandyq bilim berý baǵdarlamalaryn eýropalyq standarttarǵa sáıkestendirý, qazaqstandyq biliktilikter men akademııalyq satylardy taný, stýdentter men oqytýshylardyń akademııalyq ıkemdiligin qamtamasyz etý, qazaqstandyq dıplomdardyń Eýropada tanylýy jáne túlekterdiń shetelderde jumysqa turý múmkindikterin keńeıtý sııaqty birqatar basymdyqtar beredi.

ESІMDER

65 jyl buryn (1946) Áskerı qaıratker, general-maıor ORYNBEKOV Múbárak Orynbekuly dúnıege keldi.

Ońtústik Qazaqstan oblysy Túlkibas aýdanynda týǵan. Kemerovo áskerı baılanys ýchılışesin, Áskerı baılanys akademııasyn bitirgen.

1967-1992 jyldary - radıostantsııa vzvodynyń komandıri, tehnıkalyq bólim batalony komandıriniń orynbasary, jeke baılanys batalonynyń komandıri, KSRO Azamattyq qorǵanys Joǵary ortalyq ofıtserler kýrsynyń oqytýshysy, aǵa oqytýshysy, bastyǵynyń orynbasary, tsıkl bastyǵy. 1992 jyly - Qazaqstan Respýblıkasy Memlekettik qorǵanys komıtetiniń Azamattyq qorǵanys jáne Tótenshe jaǵdaılar basqarmasy pýnkt bóliminiń bastyǵy, Qazaqstan Respýblıkasy Qorǵanys mınıstriniń baılanys jónindegi kómekshisi, Qazaqstan Respýblıkasy Qorǵanys mınıstrligi Bas shtaby bastyǵynyń baılanys jónindegi kómekshisi - Baılanys bóliminiń bastyǵy. 1992-1997 jyldary - baılanys áskerleriniń bastyǵy. 1997-2002 jyldary - Qazaqstan Respýblıkasy Qarýly Kúshteri Bas shtaby baılanys áskerleriniń bastyǵy - Baılanys basqarmasynyń bastyǵy. 2003-2006 jyldary - Qazaqstannyń Ulybrıtanııadaǵy elshiliginiń áskerı attashesi. 2007 jyly zeınetkerlikke shyqqan. 2007-2008 jyldary - Qazaqstan Respýblıkasy Qorǵanys mınıstrligi Bas áskerı ınspektsııasynyń general-ınspektory. 2008-2009 jyldary - Qazaqstan Respýblıkasy Qorǵanys mınıstriniń baılanys jónindegi keńesshisi qyzmetterin atqarǵan.

«Qazaqstan Respýblıkasynyń Táýelsizdigine 10 jyl», «Astanaǵa 10 jyl», ІІІ dárejeli «Za slýjbý rodıne» medaldarymen marapattalǵan.

55 jyl buryn (1956) Almaty oblystyq sotynyń apellıatsııalyq sot alqasynyń tóraǵasy TOTYBAI-TEGІ Erhan Nuhanuly dúnıege keldi.

Almaty oblysy Іle aýdanynda týǵan. S.M.Kırov atyndaǵy Qazaq memlekettik ýnıversıtetin (qazirgi ál-Farabı atyndaǵy Qazaq ulttyq ýnıversıteti) bitirgen.

1982-1991 jyldary - Talǵar aýdanaralyq prokýratýrasynyń stajeri, Uıǵyr aýdandyq prokýrorynyń kómekshisi, Talǵar aýdanaralyq prokýratýrasynyń tergeýshisi, aǵa tergeýshisi, Іle aýdandyq prokýrorynyń orynbasary. 1991-1996 jyldary - Almaty qalasynyń Lenın aýdandyq sotynyń sýdıasy. 1996-2005 jyldary - Medeý aýdandyq sotynyń tóraǵasy. 2005-2008 jyldary - Túrkisib aýdandyq sotynyń tóraǵasy. 2008-2010 jyldary - Almaty oblystyq sotynyń qylmystyq ister jónindegi alqa tóraǵasy qyzmetterin atqarǵan. 2010 jyldyń aqpan aıynan bastap - qazirgi qyzmetinde.

«Sot júıesiniń qurmetti qyzmetkeri» medalimen marapattalǵan.

NAÝRYZDYŃ 13-І, JEKSENBІ

Grenadanyń Ulttyq meıramy - Revolıýtsııa kúni (1979). Grenada - Karıb teńiziniń ońtústik-shyǵysyndaǵy araldy memleket. Astanasy - Sent-Djordjes. Resmı tili - aǵylshyn. Basqarý formasy - konstıtýtsııalyq monarhııa. Memleket basshysy - Elızaveta ІІ. Aqsha birligi - shyǵys karıb dollary.

OQIǴALAR

10 jyl buryn (2001) Almatyda, Qazaq sáýlet-qurylys akademııasynyń stýdentter jataqhanasynda Halyq qaharmany Qaırat Rysqulbekovke eskertkish taqta ornatyldy.

Qaırat Noǵaıbaıuly Rysqulbekov (1966-1988) Jambyl oblysynyń Moıynqum aýdany Birlik aýylynda dúnıege kelgen. 1986 jyldyń kúzinde joldamamen Almaty sáýlet-qurylys ınstıtýtyna oqýǵa túsedi. ASQI-diń birinshi jataqhanasynda turǵan Qaırat birinshi kýrs stýdenti bolǵanyna qaramastan ınstıtýtyń qoǵamdyq ómirine belsene aralysyp ketti. Sol kezde-aq jas komsomoldar jasaǵynyń komandıri, stýdentter kásiptik bıýrosynyń (profbıýro) múshesi boldy. 1986 jyly 17-18-jeltoqsanda Brejnev alańyndaǵy beıbit sherýge qatysty. Sol úshin Qaırat sherýge shyqqan dostarymen birge tutqyndalyp, "18-jeltoqsanda Mır (qazirgi Dostyq dań.) jáne Qanysh Sátbaev kósheleriniń qıylysynda beıbastyq jasap, Savıtskııdi óltirdi, Vedeldi aýyr jaraqattady" degen aıyp taǵylyp, dostarymen birge sotty bolady. Tergeý jumystary alty aıǵa sozylyp, sońynda bolǵan sotta Qaıratpen birge bolǵandar 4 jylǵa, 15 jylǵa bas bostandyqtarynan aıyrylady. Al Qaıratqa jabylǵan jala aýyr bolyp, alǵashynda atý jazasyna kesildi. Keıinnen sheteldikter uıymdar men qoǵam qaıratkerleriniń qarsylyqtarynan seskengendeı bolǵan sol kezdegi KSRO Joǵarǵy Keńesi Prezıdıýmynyń 1988 jylǵy 28 sáýirdegi jarlyǵymen oǵan keshirim jasalyp, onyń jazasyn 20 jyl bas bostandyǵynan aıyrý jazamen aýystyrdy.

1 jyl buryn (2010) Memleket basshysy Nursultan Nazarbaev «Balalardy qorǵaý jáne balany sheteldik asyrap alýǵa qatysty yntymaqtastyq týraly konventsııany ratıfıkatsııalaý týraly» Qazaqstan Respýblıkasynyń Zańyna qol qoıdy.

1 jyl buryn (2010) Memleket basshysy Nursultan Nazarbaev «Teńizshilerdiń jeke kýálikteri týraly 1958 j. konventsııany (№185 konventsııa) qaıta qaraıtyn Konventsııany ratıfıkatsııalaý týraly» Zańǵa qol qoıdy.

ESІMDER

65 jyl buryn (1946) Astana qalalyq ardagerler keńesiniń mamany, eńbek ardageri DÚISENOV Esbolat Qasymuly dúnıege keldi.

Aqmola oblysy Bulandy aýdanyda týǵan. Tselınograd aýylsharýashylyǵy ınstıtýtyn (qazirgi Sáken Seıfýllın atyndaǵy Qazaq agrotehnıkalyq ýnıversıteti), Tselınograd aýylsharýashylyǵy ınstıtýty janyndaǵy jetekshilik kýrsyn bitirgen.

Eńbek jolyn 1963 jyly Tselınograd oblysy Bulandy aýdany «Zavety Ilıcha» keńsharynda mehanızatorlyqtan bastaǵan. 1970-1979 jyldary - Bulandy aýdandyq Makın arnaıy iri qara mal bordaqylaýǵa mamandandyrylǵan sharýashylyq birlestiginiń bas zootehnıgi. 1979-1981 jyldary - Tselınograd oblysy Sileti aýdandyq aýylsharýashylyǵy basqarmasynyń bas zootehnıgi. 1981-1991 jyldary - Tselınograd oblysy Sileti aýdandyq aýylsharýashylyǵy basqarmasy bastyǵynyń orynbasary. 1991-1997 jyldary - Tselınograd oblysy Sileti aýdandyq aýylsharýashylyǵy basqarmasy bastyǵy. 1997-2009 jyldary - Bulandy aýdanyndaǵy «Sývorovskıı» jaýapkershiligi shekteýli seriktestiginiń dırektory, Atbara aýdanyndaǵy «Sarybas» jaýapkershiligi shekteýli seriktestiginiń dırektory, Tselınograd aýdanydaǵy «Orazaq» jaýapkershiligi shekteýli seriktestiginiń dırektory qyzmetterin atqarǵan. 2009 jyly zeınetkerlikke shyǵyp, Astana qalalyq ardagerler uıymynyń mamany qyzmetin atqarady.

«Za trýdovoe otlıchıe», «Eńbek ardageri» medaldarymen, Aqmola oblystyq partııa komıtetiniń, Aqmola oblysy ákiminiń qurmet gramotalarymen marapattalǵan.

55 jyl buryn (1956) TMD-niń Ekonomıkalyq Keńesi janyndaǵy Ekonomıkalyq máseleler jónindegi komıssııasynyń Qazaqstan Respýblıkasyndaǵy Ókiletti elshisi, 1-shi sanatty keńesshi AIDAROV Naýryz Ǵubaıdollauly dúnıege keldi.

Taraz qalasynda týǵan. Abaı atyndaǵy Qazaq pedagogıkalyq ınstıtýtyn (qazirgi Abaı atyndaǵy Qazaq ulttyq pedagogıkalyq ýnıversıteti) bitirgen.

1978-1982 jyldary - Almaty qalasy BLKJO Lenın aýdandyq komıtetiniń bólim meńgerýshisi, nusqaýshysy. 1982-1984 jyldary - Qazaqstan Respýblıkasy «Eńbek» erikti sporttyq qoǵamynyń bólim meńgerýshisi, nusqaýshysy. 1985-1989 jyldary - ásker, avıatsııa jáne flotqa járdemdesý erikti qoǵamy Frýnze aýdandyq komıtetiniń tóraǵasy. 1990-1993 jyldary - mektep-ınternatynyń dırektory. 1993-1994 jyldary - Qazaqstan Respýblıkasy Syrtqy ister mınıstrligi kadr basqarmasy bastyǵynyń orynbasary, birinshi hatshysy. 1994-1996 jyldary - Qazaqstan Respýblıkasynyń Ýkraınadaǵy Elshiliginiń keńesshisi, birinshi hatshysy. 1996-1999 jyldary - Qazaqstan Respýblıkasynyń Belorýsııadaǵy elshiliginiń keńesshisi. 1999-2000 jyldary - Qazaqstan Respýblıkasy Syrtqy ister mınıstrligi TMD departamenti dırektorynyń orynbasary. 2000-2002 jyldary - Qazaqstan Respýblıkasy Syrtqy ister mınıstrligi kadr jáne baqylaý departamentiniń dırektory, dırektordyń orynbasary. 2002-2003 jyldary - Qazaqstan Respýblıkasy Syrtqy ister mınıstrligi isteri jónindegi Komıteti tóraǵasynyń orynbasary. 2003-2005 jyldary - Qazaqstan Respýblıkasynyń Grýzııadaǵy Ýaqytsha senimdi ókili. 2006-2009 jyldary - jańa shaqyrtý jáne qaýip-qaterge qarsy áreket jáne qaýipsizdik salasynyń yntymaqtastyq jónindegi departamenti dırektorynyń orynbasary, TMD atqarýshy hatshysynyń - atqarý komıteti tóraǵasynyń orynbasary qyzmetterin atqarǵan. 2009 jyldyń naýryz aıynan bastap - qazirgi qyzmetinde.

«Stepnaıa dıplomatııa odevaetsıa vo frak», «Dıplomatıcheskıı kalendar. Mınısterstvo ınostrannyh del Respýblıkı Kazahstan-10 let», «Gamardjoba, Sakartvelo (Grýzııa glazamı kazahskogo dıplomata)», «Posolskaıa gramota» atty kitaptarynyń avtory.

«Qazaqstan Respýblıkasynyń Táýelsizdigine 10 jyl», «Astanaǵa 10 jyl» mereıtoılyq medaldarymen jáne BUU «Za mırotvorcheskýıý deıatelnost» medalimen marapattalǵan.

40 jyl buryn (1971) «Azyq-túlik kelisim korporatsııasy» UK» AQ-nyń basqarma tóraǵasynyń orynbasary QABDRAHMANOV Beıbithan Orazhanuly dúnıege keldi.

Shyǵys Qazaqstan oblysynda týǵan. Qanysh Sátbaev atyndaǵy Qazaq ulttyq tehnıkalyq ýnıversıtetin, Turar Rysqulov atyndaǵy Qazaq ekonomıkalyq ýnıversıtetin bitirgen. 1988-1989 jyldary - Qazaq KSR Memlekettik josparlaý komıteti janyndaǵy Josparlaý protsesin avtomattandyrý jáne basqarý júıesin tolyq jetildirý Ǵylymı-zertteý ınstıtýtynyń tehnıgi. 1989-1991 jyldary - áskerde boldy. 1991-1993 jyldary - Almaty qalasyndaǵy «Vedomstva ı Sovety So Ltd» JShS-niń ókili. 1993-1995 jyldary - «Kazkontrakt» AQ-nyń júrgizýshi mamany. 1995-1996 jyldary - «Ertis» fırmasynyń bas mamany. 1996-1999 jyldary - «Kazkommertsbank» AAQ-nyń menedjeri, bólim bastyǵy. 1999-2001 jyldary - Almaty qalasyndaǵy «PNPZ-CCL» JAQ-nyń ókildiliginiń bólim bastyǵy, dırektory. 2001-2003 jyldary - «Qazmunaıónim» AAQ-nyń qarjy dırektory. 2003-2006 jyldary - Astana qalasynyń «Kvartırnoe bıýro» AQ-nyń dırektory. 2007-2009 jyldary - Almaty qalasy ákimshiliginiń «Almatyjer» MKK-nyń dırektory qyzmetterin atqarǵan.

2009 jyldyń jeltoqsan aıynan bastap - qazirgi qyzmetinde.