«QazAqparat» álemniń 18 buqaralyq aqparat quralymen yntymaqtastyqty jolǵa qoıǵan
Onyń atap ótýinshe, agenttik TMD, Italııa, Ispanııa, Qytaı, Ońtústik Koreıa, Bolgarııa elderiniń buqaralyq aqparat quraldarymen kelisimge qol qoıǵan.
«Qazirgi ýaqytta VVS NEWS, CNN, EURONEWS, FRANSE PRESS, THOMSON REUTERS, BLOOMBERG, NEWS CORPORATION, DOW JONES syndy álemdik iri BAQ-tarmen, medıaholdıngtarmen yntymaqtastyq ornatý týraly másele talqylaný ústinde», dedi D.Dııarov.
Agenttik basshysynyń sózine qaraǵanda, búginde «QazAqparat» «TMD Aqparat keńesi», TMD-ǵa qatysýshy memleketterdiń ulttyq aqparat agenttikteri qaýymdastyǵy syndy uıymdardyń múshesi bolyp tabylady. Aıta keteıik, TMD Aqparat keńesin qurý týraly kelisimge 1995 jyldyń 3 qarashasynda Máskeýde qol qoıylǵan edi. Onyń quramyna Dostastyq elderi memlekettik aqparat agenttikteriniń basshylary kiredi. Aqparat keńesi Dostastyqqa qatysýshy memleketterdiń aqparattyq saladaǵy ózara is-qımyldary men yntymaqtastyǵyn qamtamasyz etý, tájirıbe almasý, biryńǵaı aqparattyq Eýrazııalyq keńistik qurý úshin áriptestikti nyǵaıtý maqsatynda qurylǵan.
