«QazAqparat» álemdik agenttiktermen 18 memorandýmǵa qol qoıdy

ASTANA. QazAqparat - QR Aqparat jáne kommýnıkatsııalar mınıstrligi Aqparat komıtetiniń tóraıymy Nurgúl Máýberlınova Qazaqstandaǵy basty aqparat agenttikteriniń jumysynyń tendentsııasy týraly aıtyp berdi, dep habarlaıdy «QazAqparat» HAA tilshisi.

«QazAqparat» HAA men «Qazkontent» AQ-nyń memlekettik aktıvteri kontent pen ınternet-portaldardyń sapasyn arttyrýda úlken jumys atqardy. Osy jumystardyń nátıjesi retinde reıtıngti kórsetkishterdi atap ótýge bolady. Reıtıngke sáıkes, «Qazkontent» resýrstary belsendiligi jaǵynan TOP-6 qataryna endi. «QazAqparat» HAA-nyń negizgi nátıjeleriniń biri retinde 2016 jyldan qaraǵanda saıtqa kirýshilerdiń 21 paıyzǵa artqanyn atap ótýge bolady. Halyqaralyq seriktestikti nyǵaıtý maqsatynda «QazAqparat» álemdik agenttiktermen 18 memorandýmǵa qol qoıdy», - deıdi deıdi QR Aqparat jáne kommýnıkatsııalar mınıstrliginiń keńeıtilgen alqa májilisinde Nurgúl Máýberlınova.

Onyń aıtýynsha, mınıstrliktiń memlekettik aqparattyq tapsyrysqa ózgeris engizilgen.

«2017 jyly bizde memlekettik emes BAQ-tardyń aqparattyq materıaldary men aýdıo-beıne ónimderiniń tarıfi men ádistemesiniń quny qaıta qaraldy. Osynyń arqasynda negizgi basymdyq sannan góri sapaǵa berile bastady. Memlekettik aqparattyq tapsyrys arqyly jasalǵan ónim Aımaqtyq BAQ Alıansy arqyly aımaqtyq telearnalarǵa joldanady», - deıdi ol.