QazAqparat agenttiginiń tilshileri bilim taqyrybyndaǵy eń úzdik jýrnalıstik jumystardyń jeńimpazdary boldy
ALMATY. 15 aqpan. QazAqparat /Erbol Azanbek/ - Búgin Almatyda Qazaqstandaǵy bilim taqyrybyndaǵy eń úzdik jýrnalıstik jumystarǵa arnalǵan «ZachOt» respýblıkalyq konkýrsy aıaqtaldy.
Jeńimpazdar qatarynda QazAqparat agenttiginiń eki birdeı tilshisi bar.
Atalǵan konkýrs 2010 jyldyń naýryz aıynda Halyqaralyq bıznes akademııasy men Qazaqstandyq baspasóz klýbynyń uıymdastyrýymen bastalǵan bolatyn. Konkýrstyń basty maqsaty- BAQ nazaryn Qazaqstandaǵy bilim berý salasyna, shet el men elimizde sapaly bilim alý múmkindikteri týraly qoǵamdy aqparattandyrý.
Uıymdastyrýshylardyń aıtýynsha, 2010 jyldyń naýryzynan beri uıymdastyrý alqasyna 23 BAQ-tan 155 jumys kelip túsken. Konkýrs qorytyndysy boıynsha 10 BAQ, 8 jýrnalıst úzdik atandy. Olardyń qatarynda QazAqparattyń tilshileri Erlik Erjanuly men Ekaterına Ionova bar. Sondaı-aq 4 BAQ arnaıy syılyqqa ıe boldy. Jeńimpazdarǵa arnaıy gramota men baǵaly syılyqtar tapsyryldy. Halyqaralyq bıznes akademııasynyń ǵylym jáne damý jónindegi prorektory Azat Qýatbaevtyń aıtýynsha, shara keler jyly da jalǵasyn tabady.
