«QazAqparat» agenttiginiń saıty - sheteldik otandastarymyz úshin ártúrli tilde aqparattar tabýǵa bolatyn birden-bir qoljetimdi derekkóz - DQQ

Bul týraly QazAqparat jýrnalısine Qaýymdastyqtyń saraptama ortalyǵynyń dırektory, tarıh ǵylymdarynyń kandıdaty Kúlǵazıra Baltabaeva aıtty. 

Ol aǵymdaǵy jyldyń 12-13 qazan kúnderi Almatyda uıymnyń osy mereıtoıyna arnalǵan sharalar ótkenin eske saldy. Olardyń arasynda «Etnıkalyq qazaqtardy Qazaqstanǵa qonystandyrý memlekettik kóshi-qon saıasatynyń quramdas bóligi: jetistikter, problemalar jáne sheshý joldary» atty halyqaralyq ǵylymı-praktıkalyq konnferentsııa, jas aqyndardyń (múshaıra) jáne terme oryndaýshylardyń halyqaralyq baıqaýy, halyqtyq qoldanbaly óner kórmesi,  DQQ jańa basylymdarynyń tanystyrylymy, «Qazaqstan jáne sheteldik qazaqtar», «Qonystandyrý - qazaq halqyn toptastyrý» kitap kórmeleri, qoǵamdyq jurtshylyqtyń qatysýymen saltanatty jınanys ótkenin aıtýǵa bolady. Birqatar sharalar Pavlodar men Kókshetaýda da ótti.  

 «Odan beri aıdan astam ýaqyt ótti, alaıda Dúnıejúzi qazaqtary qaýymdastyǵyna álemniń kóptegen elderindegi qazaq dıasporasy ókilderinen súıinishti hattar tasqyny aǵylyp kelip jatyr. Árbir hatta derlik olar osy sharalardyń ótkizilgenine ǵana emes, BAQ-tyń belsendi jarııalanymdaryna zor rızashylyqtaryn bildiredi, sonyń arqasynda olar tarıhı otandarynda bolyp jatqan barlyq oqıǵalardan qulaǵdar bolyp otyrady», - dedi K.Baltabaeva.

Aıtalyq, «Egemen Qazaqstan», «Kazahstanskaıa pravda», «Aıqyn», «Saryarqa samaly» (Pavlodar), «Soltústik Qazaqstan» (Petropavl), «Vechernıı Almaty», «Novoe pokolenıe», «Lıter», «Ýchıtelskaıa Plıýs» (Qostanaı), «Kyrgyz týýsý» (Bishkek) gazetteri, «Týǵan til» almanaǵy, «QazAqparat», Bnews, Interfax jáne basqa da aqparat agenttikteri zor aqparattyq qoldaý kórsetti.

DQQ ókiliniń aıtýynsha, radıo men teledıdar habarlaryn qospaǵanda, 100-den astam jarııalanymdar jaryq kórdi. Reseıdegi, Mońǵolııadaǵy, Qytaıdaǵy, Aýǵanstandaǵy, Shvetsııadaǵy, Qyrǵyzstandaǵy etnıkalyq qazaqtardyń pikirlerine «Kazahstanskaıa pravda» eleýli oryn berdi. Ásirese «QazAqparattyń» Almatydaǵy tilshiler qosynynyń jedel jumysy atap ótildi.

«Búginde bul sheteldik qazaq dıasporasyna qoljetiámdi birden-bir veb-saıt, odan qazaq jáne orys tilderinde ǵana emes, aǵylshyn tilindegi aqparattardy da tabýǵa bolady. Sonymen qatar, «QazAqparat» qana qazaq dıasporasynyń naqty jaǵdaıyn tap basyp, qazaq jazýynyń úsh nusqasymen - tóte jazýmen (arab qarpimen), kırıllıtsamen jáne latınıtsamen habar taratýda. Osy jylǵy qazannyń 5-i men 30-y aralyǵynda konferentsııa taqyryby boıynsha agenttik saıtynda 12 jarııalanym taratylǵanyn aıtsaq ta jetkilikti», - dep atap ótti K.Baltabaeva. 

Onyń aıtýynsha, «QazAqparat» aqparattyq agenttiginiń materıaldarynda qazaq dıasporasymen jan-jaqty baılanystardy ornatý jáne damytý, shetelderdegi qazaq qandastarymyzdy tarıhzı otanyna qonystandyrý jáne búkil halyqty biriktirý jónindegi Memleket basshysynyń kórnekti róli kórinis tapqan. Jarııalanymdarda qonystanýshylardyń jańa jaǵdaıǵa beıimdelýi jáne jergilikti halyqpen mıdaı aralasyp, bite qaınasýy, olardyń azamattyq belsendiligi, eldiń zııatkerlik áleýetiniń ósýi halqymyzdy toptastyrýdyń eń jaqsy dáleli ekeni basa aıtylǵan.

«QazAqparat» materıaldaryna sol boıda basqa veb-saıttar silteme jasap jatady, olardyń arasynda shetelderdegi qazaq mádenı ortalyqtary da bar. Máselen, Reseı qazaqtarynyń federaldyq ulttyq-mádenı avtonomııasy (Samara), Máskeý aımaqtyq «Qazaq tili» qoǵamy jáne basqalary jan súısiner ıgi habarlardy súıinshilep jatady.

Dúnıejúzi qazaqtary qaýymdastyǵynyń basshylyǵy osyndaı jarııalanymdar memlekettik qyzmetshiler men el azamattarynyń shet elderden kelgen qazaqtardy qonystandyrý jaǵdaıy, qazirgi  qazaq dıasporasynyń jaı-kúıi, olardyń tarıhı otandarymen ornyqty baılanystaryn saqtaý men damytý qajettigi jónindegi bilim deńgeılerin arttyrýǵa járdemdesedi degen senimde. Sheteldik qazaqtardyń ómiri jáne oralmandardyń Qazaqstanǵa jersinýi týraly syndarly maqalalar, suhbattar men jańalyqtar bizdiń qoǵamymyzdyń rýhanı-adamgershilik jaǵynan jańarýyna, búginde álemniń 42 elinde turyp jatqan otandastarymyzben baılanystardy nyǵaıta túsýge ıgi yqpal etedi.