«QazAqparat» agenttigi «Nur-Suńqar» konkýrsynda «Aqparattyq taspa» atalymynda jeńimpaz atandy
ASTANA. Maýsymnyń 24-i. QazAqparat - «QazAqparat» UK» AQ aqparattyq agenttigi BAQ arasyndaǵy respýblıkalyq «Nur-Suńqar» respýblıkalyq konkýrsynda «Aqparattyq taspa» atalymynda jeńimpaz atandy. Bul syılyq agenttiktiń basqarma tóraǵasynyń aqparat jáne shyǵarmashylyq jónindegi orynbasary Qalamqas Ábýovaǵa tapsyryldy. Búgin jýrnalıster kúni qarsańynda konkýrs jeńimpazdarynyń esimderi Astanada Kongress-hollda ótken jıynda ataldy.
«Nur Suńqar» konkýrsy «Nur Otan» HDP qamqorshylyǵymen qańtar aıynda bastalǵan bolatyn jáne óz aldyna partııa qyzmetin saýatty kórsete bilgen tańdaýly BAQ-ty anyqtaý mindetin qoıdy. Konkýrstyń 18 atalymyna ortalyq BAQ qana emes, aýdandyq jáne aýyldyq merzimdi baspasóz ókilderi - jýrnalıster, operatorlar, fototilshiler qatysty.
«Búginde sizder bolyp jatqan oqıǵalardy habarlap qana qoımaı, qoǵamdy toptastyrýda, onyń kózqarasyn qalyptastyrýda eleýli ról atqaryp, el Prezıdenti - partııamyzdyń kóshbasshysy alǵa qoıǵan mindetterdi júzege asyrýǵa tikeleı qatysyp kelesizder. «Nur Suńqar» syılyǵy Qazaqstanda jýrnalıstıkany jaqsy damytýǵa yntalandyrady dep senemin, budan bylaı ol dástúrge aınalyp, jyl saıyn ótkiziledi», - dedi partııa tóraǵasynyń birinshi orynbasary Nurlan Nyǵmatýlın.
Budan basqa sondaı-aq «Aqparattyq taspa» atalymynyń músinshesi «Interfaks-Qazaqstan» agenttiginiń bas dırektory Náıla Ishmuhamedovaǵa tapsyryldy.
