QazAqparat 2015 jylǵy iri sporttyq dodalar kestesin usynady
Qańtar men aqpan aralyǵynda ótetin jarystar:
Qańtardyń 15-i men 25-i aralyǵynda Avstrııada frıstaıldan jasóspirimder men eresekter arasyndaǵy álem chempıonaty jalaýyn jelbiretedi.
Qańtardyń 24-i men aqpannyń 4-i aralyǵynda Granada (Ispanııa) men Osrblede (Slovakııada) XXVII qysqy ýnıversıada ótedi.
Aqpan men naýryz aralyǵynda ótetin jarystar:
Aqpannyń 18-i men naýryzdyń 1-i aralyǵynda Shvetsııada shańǵy sportynan álem chempıonaty ótedi.
Al bıyl aqpannyń 28-i men naýryzdyń 1-i kúnderi aralyǵynda elorda tórinde «Alaý» muz saraıynda tuńǵysh ret konkımen júgirý boıynsha sprınttik kópsaıystan álem chempıonaty ótedi. Bul doda osy jyly elimizde ótetin iri básekelerdiń biri bolyp sanalmaq. Al naýryzdyń 2-8 kúnderi Tallınde (Estonııa) mánerlep syrǵanaýdan jasóspirimder arasyndaǵy álem chempıonaty ótedi.
Sondaı-aq, osy naýryz aıynyń 3-15 aralyǵynda Fınlıandııada bıatlonnan álem chempıonaty jáne naýryzdyń 13-15 kúnderi Máskeýde short-trekshiler álemdik synda baq synaıdy.
Bıylǵy muz aıdynda ótetin basty dodalardyń taǵy biri - 23-29 naýryz aralyǵynda Qytaıdyń Shańhaı qalasynda mánerlep syrǵanaýdan ótetin álem birinshiligi.
S áýir aıynda ótetin jarystar: Sáýirdiń 18-24 aralyǵynda Polshanyń Krakov qalasynda shaıbaly hokkeıden álem birinshiligi ótedi. Onda elimizdiń quramasyItalııa, Japonııa, Ýkraına, Vengrııa, Polsha quramalarymen bir topta óner kórsetedi. Qaısysy jeńiske jetse, joǵary topqa joldama alady.
Mamyr aıynda ótetin jarystar:
Mamyr aıynyń 12-18 kúnderi aralyǵynda Reseıdiń Chelıabınsk qalasynda taekvondodan álemdik báseke ótedi. Sonymen qatar mamyrdyń 6-10 kúnderi aralyǵynda Dohada (Katar) kúres túrlerinen Azııa chempıonaty ótedi. Sonymen qatar 20-28 mamyr aralyǵynda Beıjińde voleıboldan Azııa chempıonaty ótedi. Bul dodaǵa Qazaqstan áıelder quramasy qatysady.
Maýsym aıynda ótetin jarystar:
Maýsym aıynyń 2-11 aralyǵynda Bangkokta (Taıland) bokstan Azııa chempıonaty ótedi. Bul básekege Qazaqstannyń bylǵary qolǵap sheberleri de qatysady. Sonymen qatar maýsymnyń 1-5 aralyǵynda Kobede jeńil atletıkadan Azııa chempıonaty ótedi.
Shilde aıynda ótetin jarystar:
Shilde aıynyń 3-14 aralyǵynda Ońtústik Koreıanyń Kvandjý qalasynda Jazǵy ýnıversıada oıyndary ótedi.
Al osy shilde aıynyń 31 kúni Kýala-Lýmpýrda (Malaızııa) 2022 jylǵy Qysqy Olımpıadany ótkizetin qala belgili bolatynyn aıta ketý kerek. Sebebi, Qysqy oıyndardy qabyldaýǵa elimizdiń basty qalalarynyń biri - Almaty qalasy da úmitker ekenin esten shyǵarmaýymyz kerek. Al Almatynyń basty qarsylasy - Qytaı astanasy Beıjiń qalasy.
Shilde men tamyz aıynda ótetin jarystar:
Shilde aıynyń 13-19 kúnderi Máskeýde semserlesýden álem birinshiligi ótedi. Al sh ildeniń 24-i men tamyzdyń 8-i kúnderi aralyǵyndaTatarstan astanasy Qazan qalasyndaǵy sý sport túrlerinen álem chempıonaty ótetin bolady.
Al tamyz aıynyń 22-30 aralyǵynda Qytaı astanasy Beıjiń qalasynda jeńil atletıkadan álem chempıonaty ótedi.
Al osy aıda, naqtyraq aıtsaq, tamyzdyń 25-30 kúnderi aralyǵynda Astanada tuńǵysh ret taǵy bir baıraqty básekeniń kýási bolamyz. Osy kúnder aralyǵynda álemniń eń úzdik dzıýdoshylary elorda tórinde álem birinshiliginiń júldelerin sarapqa salatyn bolady. Bul birinshiliktiń basty ereksheligi - jarys jolynda jaqsy nátıje kórsetken sportshylarǵa reıtıngtik upaılar beriledi. Sondyqtan óz elimizde ótetin basty dodada jerlesterimiz aıanyp qalmasy anyq. Bul bási bıik básekege elimizdiń erler jáne áıelder quramasy tolyq quramda óner kórsetedi.
Qyrkúıek aıynda ótetin jarystar:
Qyrkúıektiń 7-15 kúnderi aralyǵynda AQSh-tyń Las-Vegas qalasynda kúres túrlerinen álem chempıonaty ótedi. Kúrestiń úsh túrinen ótetin bul baıraqty básekeniń basty ereksheligi - Rıo-de Janeıro Olımpıadasynyń lıtsenzııasy sarapqa salynady.
Sonymen qatar osy aıdyń sońǵy 10 kúninde Qazaqstan velosportshylary Rıchmondtaǵy (AQSh) álem chempıonatyna qatysady.
Qazan aıynda ótetin jarystar: Qazan aıynyń 5-18 kúnderi aralyǵynda Katar astanasy Dohada bokstan álem chempıonaty ótedi.
Q arasha aıynda ótetin jarystar:
Qarasha aıynyń 20-29 aralyǵynda Hıýstonda (AQSh) aýyr atletıkadan álem chempıonaty ótedi. Onda Qazaqstan ziltemirshileri Rıo-de-Janeıro joldamasyna talasady.
Al, 2015 jyly aladop básekelerinen Azııa, Amerıka, Afrıka chempıonattary uıymdastyrylady. Azııa kýbogy Avstralııada (qańtardyń 9-31 arasynda), Afrıka kýbogy Ekvatorlyq Gvıneıada (qańtardyń 17-si men aqpannyń 8-i aralyǵynda), Ońtústik Amerıka kýbogy Chılıde (maýsymnyń 11-i men shildeniń 4-i aralyǵynda), Soltústik Amerıka chempıonaty AQSh pen Kanadada (shildeniń 7-si men 26-sy arasynda) ótetin bolady.
Maýsymnyń 12-28-i aralyǵynda alǵash ret Eýropa oıyndary ótedi. Bakýde ótetin bul oıyndarǵa tek Eýropa elderi ǵana qatystyrylady.
Mine, 2015 jyly ótetin eń basty dodalar! 2016 jyly Rıo-de Janeıro Olımpıadasy ótetinin jaqsy bilemiz. Bıyl negizinen Olımpıadaǵa joldamalar taratylatyn jyl. Sondyqtan qazaq sportshylaryna esh bosańsýǵa bolmaıdy.
Daıyndaǵan Kúnsultan Otarbaı
